ابعتلي قيرواني يشيل معايا يارب

[sama smsma]

ابعتلي قيرواني
السيد المسيح وهو في طريق الألام .. كان محتاج ل شخص يشيل معاه الصليب شويه لما تعب .. والشخص ده كان سمعان القيرواني .. الراجل اللي كان لسه راجع م الحقل بتاعه ومنعرفش عنه حاجه غير انه شال مع المسيح صليبه .. المسيح اتحمل ألام أكبر وأقسي من ألام حمل الصليب .. زي الجلد والصلب .. لكنه جاله وقت ( كانسان ) واحتاج لحد يشيل معاه .. زي ما قال للتلاميذ في بستان جثسيماني "أَهكَذَا مَا قَدَرْتُمْ أَنْ تَسْهَرُوا مَعِي سَاعَةً وَاحِدَةً .. يعني كان عايز اللي يسهر معاه ويهون عليه وجع التجربه .. كان عايز اللي يفضل جنبه في عز الشده والألم .. كان عايز اللي يشيل معاه حتي ولو ل ثواني .. احنا كمان ف وسط زحمة الحياه وتعبها بنحتاج اللي يكون جنبنا ف وقت الانكسار والضعف .. بنحتاج اللي يهون علينا تعب الأيام ويشيل معانا شويه .. زي ما قال الكتاب المقدس .. "اِثْنَانِ خَيْرٌ مِنْ وَاحِدٍ، لأَنَّهُ إِنْ وَقَعَ أَحَدُهُمَا يُقِيمُهُ رَفِيقُهُ. وَوَيْلٌ لِمَنْ هُوَ وَحْدَهُ إِنْ وَقَعَ، إِذْ لَيْسَ ثَانٍ لِيُقِيمَهُ
صلوا ل ربنا وقولوه ابعتلي قيرواني ..
ابعتلي قيرواني أمين وصالح وطيب .. يونسني ف طريق الألم ويشاركني المشوار اللي بمشيه .. يبقي جنبي ومعايا ف عز تعبي وجرحي .. يقومني لو وقعت ويطبطب عليا لو انحنيت في الطريق .. يخفف عني ويسندني ويمشي معايا للأخر ..
ابعتلي قيرواني يشيل معايا يارب 🙏❤️
''مينا مجدي''

[walaa farouk]

ابعتلي قيرواني أمين وصالح وطيب ..
يونسني ف طريق الألم ويشاركني المشوار اللي بمشيه
ابعتلي قيرواني يشيل معايا يارب

مشاركة رائعة
ربنا يفرح قلبك يا سمسمة

[Mary Naeem]

يقومني لو وقعت ويطبطب عليا لو انحنيت في الطريق .. يخفف عني ويسندني ويمشي معايا للأخر ..
ابعتلي قيرواني يشيل معايا يارب

مشاركة جميلة جدا
ربنا يبارك حياتك