|
 |
 |
 |
|
رقم المشاركة : ( 1 )
29 - 04 - 2024, 05:15 AM
|
|||||||||
|
|||||||||
|
زوادة اليوم: رح يجي يوم ونفهم كل شي اليوم كنت عم رتّب شوي غرفة ولادي.. شفت عالطاولة علبة "بونبون"، من النوع الطيّب اللي بحبوه الولاد وبينبسطو فيه، بس من النوع اللي فيو سكر كتير وصبغة وملوّنات، يعني من النوع اللي بضرّ.. دغري كبّيت العلبة.. ولو حقها مصاري، أفضل بلاها، لأن بتضرّ ما بتنفع.. وصحة إبني أهم من أي شي.. المهم، إنو ابني شافني عم كبّا، وزعل.. وفكرني عم ضرّو .. جرّبت فهمو، بس ما كان يفم ليش أنا عملت هيك.. هون فضلت الصمت.. وقلت بقلبي، بس يكبر إبني شوي، بيجي وقت وبيعرف ليش ممكن الأهل يعملو هيك، وبيفهم إنو هالشي كان لمصلحتو.. صرت فكّر.. هالموقف البسيط، قديش بيشبه حياتنا مع الله.. إشيا كتير تعوّدنا نعملها، وعطيتنا لذة معينة.. وبذات الوقت كانت تضرّنا.. خسرناها.. وزعلنا بوقتا.. وصرنا نلوم الله، وما فهمنا ليش الله سمح بهالشي.. حكيناه ولمناه، بس ضلو ساكت.. مدري شو كان الله عم يقول بقلبو.. بس نكبر روحيًا أو ننما بالوعي، منرجع منقرا ماضينا، ومنشوف لمسات الله بحياتنا، وكيف الله بكتير أوقات خلّصنا من إشيا كانت حلوة من جهة، بس كانت تإذينا من جهة تانية.. بس نكبر، منفهم أكتر صمت الله بكتير مواقف.. ومنفهم إنو ما كان صمت عادي.. هيدا حب الله إلنا، وصبرو علينا.. وإيمانو فينا.. أحلى شي ممكن نعملو بس نخسر شي.. إنو نقول، رح يجي وقت ونفهم كل شي.. نعم، رح يجي وقت ونفهم كل شي.. ومن هلق لوقتا.. رح نوثق بالله شو ما صار. يا رب انا اثق بك. والله معكن 
|
|
العرض الشجري