|
 |
 |
 |
|
رقم المشاركة : ( 1 )
04 - 03 - 2020, 01:26 PM
|
|||||||||||
|
|||||||||||
|
شقيق ياسمين عبد العزيز بعد خناقته مع أحمد العوضى
وجه الفنان وائل عبدالعزيز رسالة للفنان أحمد العوضي عقب إعلانه عن علاقته بالفنانة ياسمين عبدالعزيز عبر السوشيال ميديا . وكتب وائل تعليقا قائلا "ردّك متوقع جدا لان هو ده أسلوبك ومش هيتغير بس أنا هرد عليك بالنسبة لأن حد بيصرف علّيا، عمرها ما اديتني جنيه في جيبي وأحب افكرك إني قاعد في بيت إيجار وراكب عربية بالقسط من شقايا، وأظن أنت شوفتها أيّام مسلسل لآخر نفس لما كان معاك عربية، ويادوبك حوشت عشان أغير عربيتي قريب، وحتي لو حد من أهلي ساعدني في وقت ضيقه أنت مالك! وإلا معندكش كلام تقوله! وتابع قائلا "أما الشغل اللي أنا فاشل فيه فا لو بتعتبر 17 جايزة أخدتهم في 4 سنين فشل، ياريت تعرف تبقي فاشل زي لكنك مش هتعرف للأسف ومش أنت اللي تحدد فشلي ونجاحي في أي شيء لأنك طالع علي رقبة الناس". وأردف قائلا "أما أختي فالمواقف والسنين اللي فاتت هيا اللي هتبين أنا عملت عشانها إيه وكلمة إني طالع علي حسها كل الناس عارفة إني شقيت طريقي لوحدي من 15 سنة، وعلي الرغم من ده فأنا عادي أبطل تمثيل من بكره قدام مصالح أختي". واستدرك قائلا "أخيرا بقي ردّك ده علّيا اثبتلي انك ولا همك الانسانة الي انت ماشي تعاكسها في كل حته وعلي صفحات السوشيال وسيبت المهم وابتديت في تشويهي ومفكرتش تاخد خطوة محترمة تجاهها إلا إنك جريت علي التريند وهتشتغل شغل قذر لأن ده اللي يهمك ترند، دور بطولة، فلوس، عربيات". وأضاف "بالنسبة للناس الي بتقول اني بتكلم علي موضوع زاي ده علي السوشيال ياريت تدخلوا تشوفوا صفحاتهم وتعرفوا ان الموضوع متعارف عليه للناس إلا أهلها". وتابع "ياسمين سألتني بعد الطلاق انها ممكن تحب وتتجوز وانا اول واحد قولتلها طبعًا حبيبتي ومن حقك وهبقي اول حد يفرحلك بس مش انت !! لاني اعرفك من سنين وعارف نواياك والأيام هتثبت صحة كلامي". واختتم قائلا "ونصيحة مني ليك لما تدخل علي ست متختارش وقت ضعفها وخروجها من طلاق ومشاكل لو فعلا بتفهم كنت بقيت صديق ينصح ويحافظ ويخاف لحد ما تبقي قوية تاني مش يتصور صور زاي دي يا محترم وأخيرا في 5 أكاونت باسمي علي فيس بوك وانستجرام معرفش عنهم حاجة . وده آخر كلام عندي في الموضوع ده وهسيبه للأيام تكشف الحقائق". هذا الخبر منقول من : بوابة الأهرام 
|
 |
|
العرض العادي
