أجتمع أراخنة الفيوم معًا وفي غضب قالوا مستحيل نسكت على تصرفات الأنبا إبرام دى وفلوس المطرانية إللى عمال يضيعها على إللى رايح وإللى جاى! وأتفقوا على الذهاب للبابا كيرلس الخامس عشان يعرضوا عليه الأمر وفعلا كتبوا شكوى طويلة عريضة وسافروا قدموها لسيدنا البابا كيرلس
فاستدعاه البابا كيرلس . دخل الأنبا إبرام قلاية البابا البطريرك وقلع الشال بتاعه إللى كان بيحطه على كتفه وحطه على حبل لاقاه متعلق فى القلاية وعمل مطانية لقداسة البابا وسلم عليه البابا قاله أنت أيه إللى عملته فى الشال ده دلوقتي؟! رد الانبا إبرام أنا علقته على الحبل يا سيدنا
رد البابا حبل أيه يا أنبا إبرام؟ ده شعاع الشمس إللى جاى من الشباك! ده ربنا من أكرامه ليك خلاه يشيل الشال بتاعك . الأنبا إبرام خجل بشدة وأخد الشال بتاعه وقال خير يا سيدنا قداستك كنت عايزنى فى أيه؟
رد البابا أنا كنت عايز آخد بركتك يا أنبا إبرام مش أكتر وصرفه بسلام ومزق شكوى الأراخنة .
حقًا الرب يقاتل عنكم وأنتم تصمتون . الله يظهر عجائبه في قديسيه ، ويشهد لهم ويكرمهم ..
13 - 06 - 2021, 06:08 PM
العرض المتطور