03 - 09 - 2022, 09:36 PM
|
|
|
|
..::| الإدارة العامة |::..
|
|
|
|
|
|
انا عندي مرض صعب
ماينفعش حد يقرب مني، انا بالنسبة للناس نجسه
انعزلت كتيرعن الناس وحياتي بقيت صعبة، صرفت كل فلوسي علي الاطباء مافيش امل مافيش علاج .... لكن ايه دا ؟؟
استنوا !! انا سمعت عن واحد اسمه يسوع !!!
سمعت انه بيشفي كل الامراض المستحيلة
بس انا هاروحله ازاي بحالتي دي؟؟؟
يمكن لو اندسيت وسط الناس ماحدش هياخد باله مني
... لو لمست بس طرف هدومه هاخف.
زحام فظيع .. ناس كتير حواليه بتخبط فيه ... انا هادخل ازاي وسطيهم .... لازم أحاول لازم ... انا قربت!
وصلت ولمست طرف ثيابه 😍
ايه دا!! انا خفيت .... اسكتي اسكتي ماينفعش تبيني فرحتك ....
لازم امشي بسرعه .. يا رب محدش يحس بيا.
لكن صوت السيد رجعني تاني لما سمعته بيسأل: مين لمسني؟؟... انا حسيت بقوة خرجت مني!!"
روحت واعترفت وانا كلي خجل ... لكني كنت فرحانه اوي اني شايفاه وبكلمه ... قد ايه هو حلو اوي اوي
احلي بكتير من اللي سمعته عنه، نظراته ليا اديتني الأمان،
حكيتله قصتي واعترفت ليه باللي عملته.
كلامه طمني اوي لما قالي "ايمانك شفاكي يا بنتي..
..انطلقي بسلام و كوني صحيحة من مرضك"
#المراة_نازفة_الدم
|
