|
 |
 |
 |
|
رقم المشاركة : ( 1 )
14 - 05 - 2020, 12:13 AM
|
|||||||||||
|
|||||||||||
 ايهما افضل في الزواج .. اختيار القلب ام اختيار العقل اختيار القلب احساسه حلو في الاول .. لكن للاسف مش بيدوم او تقدروا تقولوا عمره قصير اما اختيار العقل عمره اطول .. ومشاكله اقل هتقولولي ليه وازاي ! الحب هو النقطة اللي بيضعف قصادها الطرفين وبيخليهم مايشوفوش عيوب بعض .. وان شافوها يعملوا نفسهم مش شايفينها .. وطول ما الطرفين بعاد عن بعض .. طول ما هايفضل الاشتياق هو العنصر المشترك اللي هايحرك العلاقة ويدعمها ويقويها وقصاد الاشتياق بيحصل كتير من التنازلات بمعنى اني هتنازل عن اساسيات مهمة في علاقتنا مقابل اننا نكون مع بعض ودي اول جريمة في الحب .. وهو التنازل لان ساعتها التنازل بيكون نتيجة عاطفة وليس اقتناع وبمجرد ماتقل العاطفة نتيجة ضغوطات الحياة اليومية .. بيظهر الوحش الخفي .. وهو اليارتني .. يارتني ما اختارتك ، يارتني ماحبيتك ، كان فين عقلي .... الخ مفيش حب ملوش مدة صلاحية مهما كنتوا بتحبوا بعض .. هايجي وقت ويحصل خلافات ودي طبيعة الحياة الزوجية عموماً واللي يقول الجواز عن حب مفهوش خلافات بينافق نفسه مع مرور الايام واختبار المواقف بيبدء الحب يقل ويظهر لغة العقل اللي بتتدخل لموازنة الامور صحيح الخلافات في الجواز عن حب بتظهر متأخر شوية لكنها بتظهر .. متاخر دي ممكن بعد شهر او اتنين او سنه او اتنين على حسب طبيعة العاطفة اللي كانت بينكم اتجوزتوا لمجرد تبقى سوا ..ولما بقيتوا سوا مليتوا وزهقتوا من بعض نتيجة تبخر عنصر الاشتياق ولا اتجوزتوا عن حب وتفاهم واقتناع ومازلتوا متماسكين وبتناقشوا اموركم بعقل .... الخ مش معنى كده انك ماتتجوزش عن حب اختار بعقلك .. ثم خلي قلبك يقبل الشخص اللي قدامك ويرتاحله .. بمعنى انك ماتحشروش جواه وخلاص لكن لازم الاختيار الاول يكون للعقل طيب ازاي اختار بعقلي ! من النقط المهمة اللي تدور عليها 1- هل الشخص ده مناسب ليا فكرياً ودماغه زي دماغي .. ولا عكسها تماما واهتماماته مختلفه فبالتالي هايقلل من قيمة اهتماماتي ومايفكرش يسمعني لان كلامي مش هايكون على هواه ! وهل هي هتكون عاقله وناضجه للدرجة اللي تناقشني في مشاكلي وتلاقيلي حلول ليها ولا وجودها هايكون زي عدمه 2- هاسكن فين ! هل شقة لوحدي في عمارة سكنية ام بيت عيله ، طيب هل لو بيت عيله .. اهله كويسين وهقدر اتعامل معاهم واحبهم ويحبوني ولا لا وهايحصل مشاكل .. طيب هل مامتها طيبة .. ولا من النوع اللي بتسلط بنتها وتقويها على جوزها 3- طبيعة شغله ومرتبه يناسبوا احتياجات الحياة ومصاريف البيت ومستلزمات اطفالي من بعدها ولا هنعيشهم في حرمان وهانقصر في تربيتهم وساعتها نلعن الحب وهل لو حبيت اشتغل هيوافق ولا لا .. وهل لو لا اسبابه مقنعه ولا تحكم رأي .. علماً انها لو مقنعه لازم احترمها وماحكمش رأيي وخلاص لان اوقات لما الاب والام بيشتغلوا .. للاسف الاولاد بتضيع في الرجلين ..فلو فيه حلول منطقية بدون مانضر بيتنا نناقشها ونفكر فيها بكل هدوء .. وحط تحت كلمة كل هدوء ميت خط 4- طريقة حله للمشاكل واحتواءها .. هل بهدوء ولا بعصبية وهل بيتكلم بايده ولا بلسانه وهل لما بيتكلم بلسانه بيكون بحب ولا باهانه طب هي في اختلافها .. بتتناقش بهدوء ولا بطولة لسان وتقليل . . وهل لما بنتصالح بتقبل ولا غاوية نكد وخصام وهل لما بنختلف بنحترم وجهات نظر بعض ولا نهين بعض ! 5- هل طبيعة المودة بين اسرتي واسرته موجوده ولا لا وهل بيحبوا بعض ولا بيكرهوا بعض .. وهل بيحب ابويا وامي واخواتي ولا هايكرهني فيهم .. والعكس صحيح . . هي ايه مشاعرها تجاه اهلي وده طبعا لان الجواز عيله بتتجوز عيله مش شخص بيتجوز شخص وبينتج عنه ان اطفالك بتكبر وتلاقي حواليهم عيله كبيرة بتحب بعض . . جدو وتيته وخالو وخالتو وعمه وعمته لان بناقص الجواز اللي هايخليك تقاطع اهلك بسببه وتقفل على عيالك نتيجة ان جوزك عايز كده او مراتك عايزة كده ويكرهوا قرايبهم بدون مايتعاملوا معاهم .. 6- هل ربنا هايكون في بيتنا ولا لا .. والنقطة دي مهمه جدا علشان الاولاد يتربوا في مخافة الله وتعاليمه .. لان البيت اللي مابيسكنوش ربنا بيسكنه الشيطان .. اللي هايخلي من اقل كلمة او اختلاف .. مصيبه وخناقه كبيرة بدون داعي .. ويخليك اول ماتهدا تقول " كان ايه حصل لده كله " فيه نقط تانيه كتير وقت ماتيجي في بالي هادخل واضيفها نهاية كلامي .. للاسف لما يكون جواز عن حب .. مش بندقق في كل التفاصيل دي وبنهتم نكون مع بعض وبس تحت اي ظرف من الظروف .. فكر بعقلك الاول .. ولما تقتنع تماما ابعت الموضوع لقلبك لو حصل ارتياح .. خد قرار لكن الاهم من ده كله .. ان ربنا يكون معاك خطوة بخطوة وتصلي قبل اي قرار هتاخده وربنا يبعد عنكم فشل الاختيار ❤ 
|
 |
|
| قد تكون مهتم بالمواضيع التالية ايضاً |
| الموضوع |
| ما هو البر. ولماذا الاضطهاد لأجل البر |
| ولا تدخلنا في تجربه فكفي ما نحن فيه ✋✋ |
| خلى بالك من اليفك فى الايام دى ✋✋ |
| ومازال ينتظر ✋✋ |
| يسوع مقالش✋✋ اللى ايدك تطوله من الدنيا خده |
العرض العادي
