من المخطئ نحن ام عالم التكنولوجيا

[كبيرة ومحترمه]

احبائى جميعا لا يخفى على احد منا اننا جميعا بجدد على عالم الانترنت ( الشبكه العنكبوتيه ) بمعنى اكتر واحد منا عرف عالم الانترنت مش هيكمل بالكتير 25عام ودا وقت قليل جدا بعد ما معظم العالم عرفه قبلنا ولكان مش دا اللى عاوزة نتناقش فيه جميعا مع بعض وبصوت عالى انا عرفت الانترنت فى اوائل القرن دا وكنت مبهورة ومع الايام عرفت المنتديات والشاتات وكان على ايامنا وسيله التواصل الخاص ياهو وبعدها هوتميل وهكذا لكان اكتشفت وبكل صراحه وجهنا الحقيقى اكتشف عالم الكذب والخداع والضلال والتسول والتهديد والابتزاز وبعدها اكتشفت اننا بكل اسف واسى اننا قمه الجهل والتخلف حتى ونحن نتعامل مع قمه التكنولوجيا ومع هذة الايام وجدت واسفه مش مضطرة اقول ازاى وليه وفين وايه اللى حصل اكتشفت اننا وصلنا لتفكير كان الحلم به بس جريمه لكنه اصبح واقع ومنتشر بل يتباهى به مثل هذة الفئات الضاله فكريا وثقافيا من هنا حابه فعلا نشارك بعضنا البعض فى الراى ونتناقش ونشوف فعلا هل العيب منا ام من التكنولوجيا الجديدة واتمنى نفكر فى حلول ابقا غلطانه لو قلت نجد حلول لمنعها نهائي لا على الاقل فى التقليل منها واسفه انى مش قادرة اوضح امثله واضحه لكلامى لكان اكيد انتوا شباب وفاهمين قصدى فهل نحن مخطئين ونشكر ونقدر بالعرفان التكنولوجيا التى اظهرتنا على حقيقتنا ام الخطا من التكنولوجيا نفسها انها فضحت امرنا واظهرت تخلفنا ونقص تفكيرنا وعمق غبائنا بصراحه مش فادرة اوضح اكتر من كدا واول مرة فى حياتى فعلا اكون كاتبه موضوع بتحفظ شديد بس ياريت كل واحد من ولادى هنا يكون فاهم انا قاصدة ايه ويرد برضه بتحفظ مع العلم اننا احنا كستات وبنات حدث لنا الحاجات دى وعرفنا قبل الرجاله التفكير المريض لحد كدا اكيد وضحت بقدر الامكان وعاوزة فعلا اسمع رايكم فى كدا واخر حاجه ممكن حد من الشباب هنا يعرفنى ويفكرنى بايقونات الخلفيه واطار الكتابه والتنسيق عشان مكسوفه اوى وانا بعرض مواضيعى بالشكل البدائى دا

[Mary Naeem]

طبعا حببتي كلنا اتعرضنا لمضيقات كتيرة م النت
بس النت وسيلة ممكن نستخدمها للخير وممكن نستحدمها في الشر
وكل واحد يقدر يستخدمها بطريقة اللي شايفها واللي تناسبه
في ناس تستخدمها لنشر العلم واو الدين وفي ناس تستخدمها لاغراض وحشة
احنا بقي لازم نخلي بالنا من اللي ننتعامل معاهم
شكرا على موضوعك


دا لنك موضوع ازاي تنسيقي موضوعك لو كنتي بتستحدمي الموبايل
تنسيق وتلوين الموضوع من خلال ستايل الموبايل


ودا لو كتي بستخدمي كمبيوتر

احترف معنا منتدى الفرح المسيحى

[كبيرة ومحترمه]

انا بستخدم لاب توب وبالنظارة ام الموبيل استحاله اشتغل منه انا يادوبك بجيب الاسماء بالعافيه
انا مش عاوزة اتعلم انا عاوزة افتكر بس لان فى ايقونه مثلا للتنسيق وايقونه للتلوين وايقونه لعمل صور خلفيه للمواضيع زى ايقونه اليوتيوب اللى قدامكم دى انا عاوزة بس اعرف الايقونات دى فين عشان عاوزة فعلا اعمل اطار للمواضيع ادخال مؤثرات صوت للموضوع اللى يلزم فيه مؤاثرات وهكذا القصد عاوزة يكون الموضوع متسق وجميل مع الاخذ فى الاعتبار اهميه الموضوع ايضا يبقا موضوع كامل متكامل فهمتى حبيتى انا قصدى ايه ومتشكرة على وجودك الجميل وفعلا انتى فاهمه كل قصدى فى الموضوع نفسه ربنا يستر عرضك يا قلبى