01 - 06 - 2021, 07:51 AM
|
|
|
|
..::| الإدارة العامة |::..
|
|
|
|
|
|
فيه غباء اسمه "غباء الماسورة " ..
يعني قرار احمق خللي واحد راسه اتحشرت في اول الماسورة ، و بدل ما يسمع مشورة العقل و العقلاء، و علشان يثبت لنفسه انه " ما بيغلطش " ، يكمل في الماسورة لغاية ما كله يتحشر !!
خطب و اكتشف انه غلط في الاختيار ، يقوم يكمل مشروعه الخطوبة الفاشل بجوازة اكتر فشلا..
أو قرر انه يسافر من غير ما يدرس الموضوع اصلا ، و لانه مش عاوز يعترف بغلطته و تسرعه، يكمل "العك" بشغل ملخبط و جوازة ملخبطة ، و يعيش عمره في شلال من الأخطاء ..
واحد تاني خد قرار في إدارة عمل غلط ، فبدل ما يعترف انه اتسرع ، يحاول يصلح موضوع اتعمل اصلا من غير اساس ، عامل زي اكلة باظت و حمضت و هو مصمم يصرف علي علاجها ، لغاية ما يأكلها هو و اللي معاه و يتسمموا !!
و كان أكرم له يعترف بغلطه، و يرجع في قراره و يوفر عمره و فلوسه و صحته و علاقاته..
مشورة قليلة تمنع عنك ماسورة بلاويها كتيرة ..
|
