|
 |
 |
 |
|
رقم المشاركة : ( 1 )
11 - 08 - 2022, 08:00 AM
|
|||||||||||
|
|||||||||||
 عايز أقولك في البداية.. إن قرار التعافي من إدمان الإبا*حية، هو قرار شجاع وقوي وبيقول أد ايه نفسك تبقى حقيقي مش مزيف.. لكن خليني أقولك كمان إن الدنيا مش هتكون سهلة أوي في سهولة الإدمان نفسه! لكن للأسف هتلاقي حواجز كتير في الطريق من أول ما تاخد قرار التعافي، والغريب أنك هتلاقي حواجز من برا وغيرها من جواك زي مثلا:- أوقات الضغط اللي بتعدي فيها في حياتك واللي معندكش أي تحكم فيها (ضغط امتحانات، شغل، ضغط مادي،مشاكل أسرية، ..وهكذا) ودا بسهولة ممكن يخليك تتراجع عن تحمل معاناة التعافي، كمان خصوصا في الوقت دا (لكن حاول تتشجع باللي حواليك اللي بيعانوا من نفس ظروفك ودا يخليها تعدي أفضل) الأسرة اللي أحيانا كتير مش بتكون بيئة آمنة بتساعد على التعافي وبتكون سبب ضغط أو رفض أو ابتزاز عاطفي كمان خصوصا لو عرفوا المشكلة. (وهنا ممكن تنضم لمجموعة مساندة آمنة تقدر تشارك فيها مشاعرك وأفكارك الحقيقية من غير ما حد يدينك بسببها) وحتى مشاعرك الداخلية والأفكار السلبية المُحبطة اللي ممكن تتسرب لدماغك بسهولة زي (انت ضعيف، مش هتقدر تبطل، دي الحاجة اللي هتطلعك من الضغط اللي انت فيه، أنت تستاهل تتبسط ..وهكذا) دا وارد جدا يحصل لكن اتعلم دايما تحارب الأفكار بالأفكار برضه . أهم حاجة محتاج تعرفها عن كل دا إن دا طبيعي ووارد جدا يحصل وأنها مجرد حواجز ممكن تعطلك، والحقيقية بقى أنت تقدر تتفاداها وتتعامل معاها وتحسمها وتكمل في طريق التعافي وافتكر دايما ان ربنا معاك، ربنا معاك بجد وعايز يساعدك وبيحبك لو عندك علاقة شخصية بيه هو بنفسه هيمسك يمينك ويعديك من اي محنة. 
|
 |
|
| قد تكون مهتم بالمواضيع التالية ايضاً |
| الموضوع |
| حواجز الليل |
| حواجز اخترقتها حنه ام صموئيل بايمانها |
| تبني حواجز بيننا و بين انفسنا |
| يخترق الحب اي حواجز |
| جواجز |
العرض العادي
