هام جدا وحصريا حوار صحفى

[walaa farouk]

ميرسي على مشاركتك الجميلة ماريت

[مورا مرمر]

رائع جدا يا حبيبتى
ربنا يعوضك اضعاف
حنة دى شخصية فريدة وجميلة روحيا
وربنا راى الجمال الروحى ده فاعطاها سؤل قلبها
صلاتها اللى كانت من الاعماق استجاب الله لها

[كيلارا]

صلت حنة إلى الرب بحرارة وطلبت ابنًا ونذرته للرب كل أيام حياته
قائلة "ولا يعلو رأسه موسى" فاستجيب دعاؤها
موضوع رائع وتأمل جميل ربنا يعوضك

[Mary Naeem]

حلوة قوي يا مرمر
تعيشي يا قمر وتبدعي

[dodo dodo]

جميل جدا
ربنا يبارك

[اوفا]

ليس قدوس مثل الرب، لأنه ليس غيرك، وليس صخرة مثل إلهنا

فعلا ربنا الصخرة اللى بنحتمى فيها انا بتعجبنى جدااااااا
صلاة امنا حنة كانت بتصلى بقلبها مش بلسانها وكمان حنان ربنا عليها
بجد ربنا مفيش اعظم ولا احن منه

[marit jesus]

نرمين
راندا
استاذ ناصر
رينا
ماجى
ولاء
مورا
كيلارا
مرمر
دودو
اوفا
بجد ميرسى ليكم يااحلى اخوات وعلى متابعتكم المستمرة وتعليقاتكم وتاملاتك الجميلة ميرسى ليكم كتييييييير على مروركم الغالى

[ماريا تى ثيؤتوكوس]

فكره جميله حبيبتى
متابعه
وربنا يسهل اقرا باقى الصفحات

[marit jesus]

ميرسى ياماريا على تشجيعك الدائم ليا

[marit jesus]

انا جيييييييييييييت النهاردة وفى حوارجديد وكما اعتدت فى حوارى الصحفى بستضيف شخصية
من العهد القديم راجل او سيدة وكذلك من العهد الجديد ايضا راجل او سيدة
فالنهاردة ضيف من كبار رجال الكتاب المقدس فى العهد الجديد
هـــــــــــــــــــــــــــــو


هـــــــــــــــــــــــــــــــو



هــــــــــــــــــــــــــــــــو


هـــــــــــــــــــــــــــــــو



هــــــــــــــــــــــــــــــــو



لوقا الطبيب او البشير


انا: اهلا وسهلا بيك يادكتور ونورتنا فى حوارنا الصحفى
لوقا: اهلا بيكى وبكل اللى فى المنتدى ومش لازم يادكتور دى
انا: دا تواضع منك فى الحقيقة وياريت اتعلم منك فضيلة التواضع
انا: فى البداية احب ان اتعرف على شخصيتك (اسمك مهنتك بلدك وشوية معلومات عنك)
لوقا: اسمى لوقا او لوكيوس او لوقانوس وتعني حامل النورأو "المستنير".
مهنتى: طبيب كما ذكرتى حضرتك فى البداية
لوقا: انا سوري الجنسية من مدينة أنطاكية الهيلينية واممى ولم اكن يهوديا
لوقا:انا كتبت الانجيل التالت اللى هو باسمى انجيل لوقا وكتبت سفر اعمال الرسل وكنت واحد من تلمذان عمواس
اللى ظهر لهم الرب يسوع بعد قيامته
وكنت صديق حميم ومقرب لبولس الرسول لدرجة انه دعنى لوقا الطبيب الحبيب
لوقا: وطبعا انا كنت طبيب قبل ايمانى بيسوع وكنت رساما ايضا حيث رسمت ايقونة العذرا مريم
وعشت بتولا واستشهد في سن الرابعة والثمانين، و مت مصلوبًا على شجرة زيتون في أيلوي Eloea ببلاد اليونان. وأن الإمبراطور قسطنطينوس الثاني قد نقل رفاتى إلي القسطنطينية عام 357 مع رفات اندراوس الرسول - نقلت من بترا Petrae في أخائية إلى كنيسة الرسل في القسطنطينية، وفي عام 1177 م. ونقلت إلى Padau بإيطاليا.

انا: لاحظت ان السفر بتاعك فى حاجات تميزه زى مثلا ركزت جدا الى شفاء المرضى من جميع الانواع طبعا لكونك طبيب
فياريت تقولنا ايه على الناس المريضة والسيد المسيح شفاها

لوقا:شفاء الابرص وشفاء المشلول وشفاء حماة سمعان من الحمى وشفاء رجل يده يابسة وشفاء عبد قائد المئة واقامة ابن ارملة نايين وشفاء انسان به روح نجس واقامة ابنة يايرس وشفاء ايضا غلام به روح نجس وانجيلى كان بالتحديد ذكر فيه شفاء نازفة الدم والعشرة البرص وشفاء اعمى اريحا وشفاء كتييييير كان يسوع له كل المجد بيشفيهم

انا : بشكرك جدا على معرفتك ومقابلتك الجميلة

تــــــــــــــــــــــــــــــامل بسيط بقلمى


لوقا كان فعلا طبيب بس ماستكبرش معاندش ماقالش مين دا اللى انا اتبعه بقول انه المسيح وماقالش انا دكتور ومش ممكن اتبع اى حد كدا وخلاص لا اطلاقا دا حب يسوع واتقرب منه وحس انه ربنا فعلا كل التلاميذ اللى قربوا من يسوع حسه بحنانه ماقدروش يفارقوا وتبعوه فى كل خطوة مشيها كمان لوقا ماقعدش يقول ان تلاميذ يسوع فى منهم صيادين سمك وزى بطرس واندرواس وغيرهم ويهوذا الذى عنده الصندوق وقيل عن الكتاب المقدس انه سارقا عند سكب الطيب على رجل يسوع وانه لايبالى بالفقراء وياخذ مايلقى فيه انهم مش من مقامه وازاى اتبع السيد المسيح وفى ناس اقل منى ومتى العشار اللى كان بيعد فى الفلوس ودول ماينفعش اكون زىهم زى بالعكس دا قيل عن لوقا الرسول انه متواضع جدا واحب الاتضاع اللى بيحب ربنا مابيفكرش فى الشكليات والمقامات والاستايل ومستواه كويس ومستواه واحش
اللى بيحب ربنا بيقدس فكره وقلبه وروحه من (التفاهات )والحاجت الارضية دى
علشان كدا لما تكون فى مكان بتخدم فيه ومعاك خدام متاقولش المكان دا ماينسابنيش والخدام ولاهم مش شكلى ولا انا من شكلهم وانا كليتى اعلى منهم دا بتكلم احسن منهم ارضى بحالك وبعدين المكان مايناسبكش هو انت هاتتشرط كمان دا ربنا اتولد فى مذود بقر وبعدين انت رايح تخدم المسيح فى المكان دا مش تتكبر ومستوى خدام ايه اللى بتتكلم عنه دا دا ممكن يكونوا روحهم وحياتهم الدينية احسن من مليووووووون مرة
ماتخدش بالك من شكليات من هم معاك لان محدش بيختار وظيفته ولا مستواه الاجتماعى يكون ايه فى ناس امكانياتها بسيطة وظروفها فرضت عليها كدا وامنياتها حتى بسيطة وقلوبها مرفوعة لربنا طول الوقت
فخليك زى لوقا الطبيب وبولس اللى فاق من غيبوبته وتبع يسوع وماتبصش على شكليات تلاميذ وخدام يسوع انت رايح توصل صوت ربنا مش تتمنظر على خلقه
كفاية كدا علشان طولت عليكم

والاية اللى انا هاقولها هى

"تَعَلَّمُوا مِنِّي، لأَنِّي وَدِيعٌ وَمُتَوَاضِعُ الْقَلْبِ، فَتَجِدُوا رَاحَةً لِنُفُوسِكُمْ

"تَسَرْبَلُوا بِالتَّوَاضُعِ، لأَنَّ: اللهَ يُقَاوِمُ الْمُسْتَكْبِرِينَ، وَأَمَّا الْمُتَوَاضِعُونَ فَيُعْطِيهِمْ نِعْمَةً"

إِنْ أَرَادَ أَحَدٌ أَنْ يَأْتِيَ وَرَائِي، فَلْيُنْكِرْ نَفْسَهُ وَيَحْمِلْ صَلِيبَهُ كُلَّ يَوْمٍ، وَيَتْبَعْنِي."
كُلُّ مَنْ تَرَكَ بُيُوتًا أَوْ إِخْوَةً أَوْ أَخَوَاتٍ أَوْ أَبًا أَوْ أُمًّا أَوِ امْرَأَةً أَوْ أَوْلاَدًا أَوْ حُقُولاً مِنْ أَجْلِ اسْمِي، يَأْخُذُ مِئَةَ ضِعْفٍ وَيَرِثُ الْحَيَاةَ الأَبَدِيَّةَ. "

وبكدا انتهى حوارانا مع ضيفنا ومستنية تعليقاتكم الجميلة وتاملاتكم وياريت
رجاء محبة كل اللى يدخل الموضوع يكتب ايه جميلة عجبته تعليق ولو كلمتين او حاجة صغيرة
واذكرونى يااخواتى الاحباء فى صلاتكم ويارب ينال اعجاب حضراتكم الكرام
لان الهدف من التامل ان كل واحد يفتح الانجيل ويطلع منه حاجة لمست قلبه