وجبـــــــة روحيـــــ(†)ــــــــــة يوميـــــــــة - الصفحة 6383

Mary Naeem · 10 - 01 - 2022, 06:31 PM

الحق اقول لكم ما فعلتم بأحد إخوتي هؤلاء الأصاغر فبي قد فعلتم

أفكار بسيطة جدا حلوة عجبتني اوي ممكن تكون بالنسبالنا بسيطة لكن بالنسبة لأخوة الرب كبيييرة اوي اوي ويفرحوا بيها ونفرحهم

**اكياس الخضار بدل ما ترميها رجعيها تانى للبياعه
علشان توفريلها ثمن دسته الاكياس اللى بقت غاليه
في مرة عملت كدة كانت الست طايرة من الفرح

**لو ليكى باقى جنيه ولا 2 جنيه عند بياعه جرجير
سبيه مش مشكلة الجنيه يعني ولا ال 2 ربنا بيعوض في الآخر اضعاف
حقيقي مش اي كلام بقوله وخلاص دي اختبارات حياتية

**دايما خلى فى شنطتك لبس (تيشرت-بنطلون) واسترى اطفال الشوارع في البرد ده

** وانتى نازله الشارع اعملى ساندوتشات زياده يمكن تقابلى طفل من اطفال الشوارع او حد مسكين او عامل نظافه تديهوله

**خلى معاكى فى شنطتك شيكولاته او بونبونى لاى طفل صغير ممكن يقابلك

**لو ساكنه فى عماره عاليه مفيهاش اسانسير وزعى كام كرسى ع الادوار للعواجيز

**بواقى الرز حطيها فى البلكونه للعصافير

**روحى لاقرب صيدليه
(موثوق فى اخلاق اصحابها)
واديهم مبلغ على قدك
وخليهم يدوا دوا لفقير او محتاج بالفلوس دى ..
(الامراض بقت اكتر م الادويه)
(صدقوني)

وقبل كل ده متنسوش جبر الخواطر

واللي عنده فكرة تانية زيادة
يكتبها يمكن اكون نسيت حاجة

Mary Naeem · 10 - 01 - 2022, 06:33 PM

اوعى تنسى هيرودس قالنا رساله قويه فى العيد قال
( ابحثوا عنه بالتدقيق ).. هيرودس كان عاوز يدور على يسوع علشان ( يموته ).. لكن انت دور على يسوع علشان ( تعيش).. وافتكر دايماً لما المجوس لقوا يسوع مرجعوش لهيرودس تانى لكن الكتاب قال
(أخذوا طريق اخر).. وانت لما تلاقى المسيح فى حياتك اوعى ترجع لهيرودس
( حياتك القديمة ) لكن خد طريق تانى
( طريق الخلاص ).. *اهدينا يا رب الى طرق خلاصك لكى نحيا دائماً فى رضاك*