ملف كامل للصلوات السهمية المجمعة

[walaa farouk]

يارب في حر الصيف اللي بيكوي الجلد والروح،
في تعب الأيام، في العرق،
في الضغوط اللي زيها زي الشمس مش بترحم…
بنرفع عينينا ليك.

[walaa farouk]

يارب لكل واحد موجوع من الحرارة،
من الزحمة، من الخنقة،
من التفكير اللي مابيهدأش حتى في عز الحر…
ارسل له نسمة هوا.
تبرد قلبه، وتريح عقله.

[walaa farouk]

يارب خفف عن اللي بيشتغل وسط الشمس،
عن اللي ملوش تكييف غير رحمتك،
عن اللي بيعدي الأيام دي بمية ساقعة ودموع مدارية.

[walaa farouk]

يارب إديهم راحة ونسمة سلام.
إديهم أمل حتى في عز الحر والضيق…
لأنك أنت الظل اللي ما بيخلصش،
والماء الحي اللي بيروي القلب.
آمين.

[walaa farouk]

يارب، علّمنا نشوف نورك في كل يوم بنعيشه،
ونفهم إنك إنت الثابت وسط كل اللي بيتغير.

[walaa farouk]

احمينا من كل حريق،
حريق الجو، وحريق الغضب، وحريق الحزن…
وخلي ظلّك هو اللي علينا ونورك هو اللي جوانا.

[walaa farouk]

يارب، إحنا مش بس بندعيلك، إحنا بنستغيث بيك…
احمينا من حر الأيام وسخونة الظروف،
احمينا من النار اللي بره واللي جوانا،
من حر أغسطس،
ومن لهب القلوب اللي مش لاقية راحة.

[walaa farouk]

يارب،
اسند القلوب اللي تعبت من المحاولة،
ارفع اللي مفيش فيهم حيل حتى يطلبوك،
اشفي اللي بيصرخوا جواهم بصمت…
واسندهم، حتى لو نسيوا ازاي يسندوا نفسهم

[walaa farouk]

ارفَعني يا رب… مش بس من التعب،
ارفعني من خوفي، من أفكاري، من قلقي، من وحدتي،
خلّي رجليّ تثبت تاني، وقلبي يفرح من جديد،
واكتبلي بداية يكون فيها وعدك هو البداية والنهاية.

[walaa farouk]

يارب أنا جاي أحتمي فيك.
خبّيني جواك، وريحني����