|
 |
 |
 |
12 - 01 - 2019, 01:42 PM
|
رقم المشاركة : ( 51 ) | |||
|
..::| مشرفة |::..
|
رد: معجزات القديسات البنات
*** فى قطار الصعيد *** رسائل تماف ايرينى *** كان فيه راهبة تملآها نعمة الرب وكرست حياتها له من زمان وهى لاتزال فى عالمنا الحالى ولم تفارق الجسد .... مند اكثر من 30 سنة كانت هذه الراهبة مرسلة الى صعيد مصر مع راهبة كبيرة فى السن للتبشير "زى ماارسلهم المسيح اثنين اثنين " .... فى طريقهم الى الصعيد قطارهم وقف ... لان قطار تانى عمل حادثة .. كانوا لوحدهم وكان الوقت نصف الليل ... وعليهم ان ينزلوا فى ظلام الليل ويغيروا الى قطار تانى رايح برضه الصعيد ... راهبتين يقدروا يتصرفوا ازاى ؟ كل الركاب نزلوا بسرعة والراهبة الشابة بصت من القطار على الشارع المظلم .. وفجأة لقيت راجل معاه فانوس بيقرب ويقولها : " خلى بالك وانت نازلة ياامنا .. ناولينى الحقيبة بتاعتك " ... نور لهم سلالم القطار والراهبة الشابة ساعدت الراهبة الثانية فى النزول من القطار .. وبطريقة مهذبة كان بيطمئنهم طول الطريق ويقولهم : " ماتخافوش القطار مش هايمشى من غيركم وكمان هتلاقوا مقاعد وكل حاجة هتبقى تمام " ..... لما وصلوا القطار الثانى الراهبة الشابة ركبت وساعدت الراهبة الثانية تركب , والراجل ركب معاهم ... القطار كان منور وشكل الراجل كان واضح , كان شكله مهدب ومبتسم ووسيم ووجهه منور ... اول لما دخل القطار كان فيه ضابطين قاعدين على كرسيين فقاموا بسرعة لما شافوه وعملوا تعظيم سلام .... بدأ القطار يتحرك ... الراجل اللى وجهه منور وباين عليه النعمة قال لللراهبتين يقعدوا مكان الضابطين .. الراهبة الكبيرة شكرته : " احنا بنشكرك جدا .. عمرنا ماهننسى جميلك ده .. احنا نتمنى انك تيجى تزورنا علشان نرد لك كرمك معانا ... ....... احنا راهبات من دير ابو سيفين " القديس مرقوريوس " فى مصر القديمة " ..... فى اللحظة دى بص لها وقال لها : " انا القديس ابو سيفين ..... " واختفى ...... فى اللحظة دى كل الركاب القطار اتخضوا وكانوا هيتجننوا من اللى شافوه ......... راح فين الراجل اللى كان لسه بيتكلم ؟ مين هو ابو سيفين ؟ كل الحديث فى القطار كان : " مين هو ابو سيفين "؟ والاجابة كانت طبعا مع الراهبتين . بركة وشفاعة القديس مرقوريوس ابو سيفين تكون معنا امين |
|||
|
|
12 - 01 - 2019, 01:43 PM
|
رقم المشاركة : ( 52 ) | |||
|
..::| مشرفة |::..
|
رد: معجزات القديسات البنات
رحلة الي الفردوس!!!!!!!!!!!! أمنا إيلاريه : كانت راهبه قديسه ومرشحه للرئاسه تبتدى يومها الساعه 12 وتقعد طول الليل تسبح وتصلى راحت السماء وهى راكعه بتعمل التسبحه ففى راهبه زعلت عليها قوى وكانت دايماً بتبكى عليها .. وهى بتصلى جالها ملاك ورشم الصليب وقال لها إرشمى الصليب انا هاخدك رحلة للفردوس تشوفى القديسه إيلاريه ... طلعوا لفوق رأسياً ثم إتجهوا أفقياً لقيت نفسها فى مكان جميل مليان خضرة زى القطيفة مكان مليان فرح وسلام فيه ممرات يفصل بين كل ممرين نهر باللورى وكل واحد من القديسين واقف فى ممر وفى نهايته يرى رب المجد فى بهاء عظيم. الملاك تركها مع أمنا إيلاريه وهى قالت لها ليه تبكى عليّ وأنا فى مجدً عظيم وراحه وسلام وكلمتها عن السما وحلاوتها وقالت لها : إللى جنبك خضرته أكتر منك قالت لها ! علشان أنا كنت بخيلة محبش أسلف حاجتى ولو لقيت حد محتاج حاجة لا أهتم ...الراهبه قالت لها نفسى أروح لرب المجد ردت عليها .. لا ينفع لأنك جايه بالجسد تحرقك نار اللاهوت بَصت الراهبه لقت الملاك جاى وأخدها لرب المجد وكل ما تقترب منه تحس بفرح لا ينطق به وتتملى سلام وتحس بحراره تلسع وجهها..... يتدفق من عينه حب وحنان وعطف ورقة مليان أبوه وكان نفسها تترمى فى حضنه وقالت له يا رب مش عايزه أسيبك تانى قال لها لسه لكى رسالة لما تكملى خدمتك هاتيجى "أنا معاكى ماتخفيش " وقال للملاك وريها مواضع القديسين ومكان أبوها وأمها الأتنين مكانهم جميل لكن الأم مكانها أحسن علشان كانت أكتر بساطه ونقاوة وبعدين الملاك مِسك إيدها ومشوا أفقى ثم رأسى لأسفل ورجعها قلايتها وقعدت بعدها وشها منوّر شهرين ... لحظات شافت رب المجد فيها وشها ظل منوّر شهرين فما بال أولادنا إللى سبقونا ومتمتعين بحضن ربنا ومتمتعين بالفرح والسلام والمجد يبقى إزاى نزعل عليهم والراهبه دى قعدت سنه كامله متعزيه جداً مهما حصل من ضيقات ومتاعب أوأمراض . |
|||
|
|
|
12 - 01 - 2019, 01:43 PM
|
رقم المشاركة : ( 53 ) | |||
|
..::| مشرفة |::..
|
رد: معجزات القديسات البنات
*** حكاية توبة ... رسائل تماف ايرينى *** والكلام لتماف ايرينى بركة صلواتها وشفاعتها تكون معنا امين كنت فى كرير وبأعمل اجتماعات للشعب يوميا لمدة خمسة ايام ... احكى لهم معجزات وبعد الاجتماع نأخد بركة الحاضرين فى طابور واحد .... واثناء وقوف الحاضرين فى الطابور .. لاحظت مدام تبكى بحرقة .... قلت لآمنا كيريا احجزيها لى .... وسألتها ... ليه بتبكى ؟ .. قالت ... زوجى صعب خالص واخلاقه وحشة جدا .... عندنا ثلاثة اولاد ... على الرغم من ذلك يرجع من الشغل يأكل ويستحم ويخرج بعد ذلك .. ويجى كل يوم وش الصبح , شارب ومترنح بيلعب قمار وخمرة ويروح الاماكن الوحشة ومصاحب ستات وحشين ..... ولو كلمته كلمة واحدة يشتمنى ويضربنى لدرجة انه كسر مرة رجلى ومرة يدى وانا خايفة لو عرف انى جيت الدير هايضربنى .... تماف ايرينى قالت لها متزعليش ... هانصلى كلنا ونصوم 3 ايام .. وانتى صومى معانا ونطلب صلوات امنا العدرا والشهيد ابى سيفين .... ثانى يوم لم تحضر , كذلك اليوم الثالث وفى رابع يوم جائت ومعاها زوجها .. وقال لى عايزك ياأمنا قلت له حاضر وقعدت معاه وقال لى .. " انا بأعمل كل الخطايا والشرور وراح يحكى .. حاجة تقشعر لها الابدان " بقيت مش قادرة اسمع كلامه واكمل قائلا : لما رجعت من الشغل وسألت عن المدام وعرفت انها فى الدير ... شتمت على الشهيد .. وعليكى لما قلت يابس ... ولما رجعت المدام ضربتها علقة متينة وخرجت اسهر كالعادة واشرب الخمر زى كل يوم ورجعت وش الصبح مترنح ونمت ....... ولكنى صحيت على صوت دربكة جامدة فى الغرفة .. فتحت عينى ... لقيت الشهيد ابى سيفين منور فى الضلمة وراكب على حصانه البنى .... وقال لى بتشتم على .. وعلى امنا ايرينى ليه ؟ .. الحياة ان مهما طالت هتنتهى ويبقى الجسد تراب والروح تظل فى ابدية لا تنتهى ... اما فى الفردوس لو اعمالها كويسة .... اما فى الجحيم فالغذاب لا يطاق .. لماذا لاتفكر فى ابديتك ؟ اين جدودك وابوك وامك ... كلهم ماتوا وانت التالى هاتموت .... فلماذا لا تستعد ؟ العمر بيجرى وبأعمالك ليس لك خلاص ... توب قبل ماتندم فى وقت لاينفع فيه الندم ... مادمت حى لك الفرصة للتوبة لكن بعد ماتموت يتقفل باب الرحمة ... وانت مش ضامن عمرك فى لحظة ...... صاحبك الفلانى نام وماصحيش وكان مش عيان .... لماذا لا تستعد لآخرتك ؟ انت بتعمل كذا وكذا ... وصارحه القديس بخطاياه ... فأنسحق جدا .. واخذ يبكى كالاطفال .. فقال له لاتحزن لك فرصة .. روح توب ... فسأل الشهيد هل ربنا يقبل توبتى .......... طبعا ربنا تجسد ليخلص الخطاه وكل اللى بيعملوا الشرور زيك لو ماتو يروحوا الجحيم حيث الكأبة والحزن والالام والانين والظلمة والتنهد والعذاب والدود الذى لايموت والنار التى لاتطفىء والريحة الكريهة .... لكن اللى جاهدوا او نفذوا الوصايا يروحوا الفردوس حيث الفرح والسلام والوجود الدائم فى حضرة الله ... استشهدت وانا عمرى خمسة وعشرين سنة .. صحيح اتعذبت كتير من اجل الله .. لكن اتمتعت الان بمجد لاينطق به وابدية لاتنتهى ... قال الرجل للشهيد ........... ازاى اتوب ؟ قال له روح الدير وخلى امنا ايرينى تقول لك حكايتى وتعرفك ازاى تتوب .. وادينى جيت لكى يا امنا واللى تأمرى بيه انا هأعمله ... وقعد يبكى ...... شوفوا ازاى الصلاة بأيمان والصوم تقرب البعيد وتتوب الشرير ...... قلت له يروح لاب اعترافه ابونا متياس روفائيل ووصيته عليه فى التليفون .. فقال لها ياما شتمته وطردته ... قالت معلش ده اب .. هيسامحك .. وانوى ماتعملش الشر تانى ولاتروح الاماكن الشريرة دى تانى وتقطع كل علاقاتك الاثيمة وتبطل اللى بتشربه ده وتحب ربنا وتروح الكنيسة وتعترف وتتناول وتحب بيتك واولادك .... وتعمل لاخرتك ... ويتمجد الرب دلوقتى بقى كويس قديس وخادم وبقينا نتعلم منه والبركة حلت فى بيته ويعطى الكنيسة باستمرار ومتخصص فى جذب الشباب المنحرف .... تاب توبة حلوة ... ياريت نتوب ونجاهد علشان نروح نتمتع بالمجد مع اولادنا فى سماء هرب منها الحزن والكأبه والتنهد والضيق واحنا مبسوطين وفى مجد عظيم . |
|||
|
|
|
12 - 01 - 2019, 01:44 PM
|
رقم المشاركة : ( 54 ) | |||
|
..::| مشرفة |::..
|
رد: معجزات القديسات البنات
*** رسائل تماف ايرينى *** وتحكى ايضا امنا ايرينى عن الانبا مكاريوس الانبا مكاريوس كان قديس كبير لكن قداسته مش ظاهرة قوى .. وكان طيب وفى نفس الوقت حكيم .. وكان بسيط ومتضع جدا مع انه اسقف الا انه منكر لذاته .. يحب ربنا .. ويكتمل قانون صلواته وميطانياته مهما كان مريض او كبر سنه .. وكان صريح وواضح .... واللى فى قلبه على لسانه .. ويعمل رحمة كتير ويعطف على الكهنة ....... وكان بيبنى كنيسة على اسم الست العدرا ... وطلب من ربنا وقاله لاتأخذنى الا لما اكرسها ... وخذنى وانا بصلى القداس .... والرب اعطاه سؤال قلبه .... المهم انه مرة جاتلة ازمة قلبية شديدة وفارقت روحه جسده ... وشاف القديس الجسد نايم " الجسد المائت " واتأخذ بزفة من الملايكة واستقبله من القديسين الكبار الانبا انطونيوس والثلاث مقارات القديسون والانبا باخوميوس والانبا شنوده ... وفى نصف السكة وهم طالعين اعترضت الزفة الست العدرا وبسطت يديها وقعدت تصلى.. "ياابنى والهى العظيم .. لك القدرة والمجد والعظمة ... انت قادر على كل شىء .. لو اردت ان ترجع روح الانبا مكاريوس لجسده لانه طلب منى لايتنيح الا لما يكرس الكنيسة التى يبنيها على اسمى " ........ فسمع الجميع صوت قوى فيه رنين يقول : " امين هكذا يكون " ..... والملايكة دخلوا روحه فى جسده واحس بصعوبة كبيرة.... وتماف ايرينى كانت هتسافر تحضر جنازة الانبا مكاريوس فهو اب اعترافها وتعزه جدا وقبل ماتسافر جالها تليفون .. مين بيتكلم ؟ انا مكاريوس .... وحكى لها وقال اول واحدة اكلمك .. قلت الحقك قبل ماتيجى وتحضرى جنازتى ... المهم بعد ما الانبا مكاريوس كرس الكنيسة وهو بيصلى القداس عند القسمة تنيح وكان ماسك بالقربانة المتحولة لجسد الرب ... ولما وقع على الارض ... المفروض ان القربانة تقع كمان ... لكن ارتفع جسد الرب بقوة اللهيه ونط فى الصينية .... وهذا واضح فى فيلم نياحة الانبا مكاريوس .... بعد نياحة الانبا مكاريوس كان احد اولاده يبكى عليه بحرارة وكان عنده التهاب شديد فى المرارة يسبب له مغص صعب قوى لم يستطع النوم طوال الليل رغم تناوله للمسكنات والمضادات الحيوية وكان يبكى ابيه المتنيح الانبا مكاريوس ....... وفى الصباح وقف يصلى حوالى الساعة العاشرة .. واذا ملاك الرب يظهر له قائلا لمادا تبكى على الانبا مكاريوس ؟ تعالى شوف اخدك الى الفردوس لترى مقدار المجد اللى فيه الانبا مكاريوس .. فلا تبكى عليه مرة اخرى ..... طلعوا الى الفردوس فى مكان جميل مليان خضرة ليس لها مثيل وليس لها حدود ... مكان يدى الفرح والسلام .. بنور ساطع شديد ولامع ... ولقى الانبا مكاريوس جاى خطوة خطوة ومسبى فى المجد لابس ثوب سماوى وماسك صليب الماظ وقال لهذا الشخص شوف المجد اللى انا فيه اوعى تبكى على تانى ..... انا فى كنيسة الابكار ولينا حرية نتجول فى الفردوس.... الشخص قال له هو انا مت ؟ اجابه انت جاى بجسدك .. انا طلبت من اجلك الى الرب يسوع لترى كم من المجد اللى انا فيه حتى لاتبكى على تانى ... وقال هذا الشخص للآنبا مكاريوس وما كل الالماظ اللى فى الصليب الذى تحمله ؟ انه ياابنى رمز للفضائل والبساطة والنقاوة والمحبة والاتضاع .... لقد ظل هذا الشخص بالفردوس 3 ساعات كاملة خلال هذه الفترة .... ففتح المتولين خدمته وعلاجه باب حجرته فلم يجدوه ... بحثوا عنه فى كل مكان بمنتهى الاستغراب فلم يجدوه ...وعلى الرغم من ذلك مرت على هذا الشخص تلك الساعات التى قضاها فى الفردوس كدقائق قليلة . بركة وشفاعة العدرا والانبا ابرام وجميع القديسين وامنا ايرينى تكون معنا امين |
|||
|
|
|
12 - 01 - 2019, 01:45 PM
|
رقم المشاركة : ( 55 ) | |||
|
..::| مشرفة |::..
|
رد: معجزات القديسات البنات
معجزة للقديسة مارينا..... حقا أن الله يتمجد في قديسيه أنا تزوجت انتظرت أكثر من سنه ونصف بدون أنجاب فذهبت أنا و زوجي إلى الأطباء فقال لا يوجد مانع من الإنجاب فقد قرأت كثيرا في كتاب المعجزات للقديسة الطاهرة مارينا فقلت لابد من الذهاب إلى القديسة مارينا في عيدها ونطلب شفا عتها في هذا الموضوع ولم نتأخر في عيدها 2/12/1997م وقابلنا أبونا انطونيوس جرجس راعى كنيسة العذراء المغيثة بحاره الروم وبعد انتهاء صلاته معنا أعطانا الوعد بأنه في مثل هذا اليوم ربنا يرزقنا بمايكل ببركه وشفا عه القديسة الطاهرة مارينا ونحن في الكنيسة تشفعنا في القديسة الطاهرة الشهيدة مارينا في عيدها أن نرزق بطفل فلبت ندائنا وطلبنا فمنذ أن رجعت إلى بلدتى أسيوط وأنا حامل مباشرة في نفس الشهر الذي ذهبا فيه إلى القديسة مارينا وفى أثناء الحمل قد اتتنى سخونة شديدة وذهبت إلى أكثر من طبيب وأخذت كثير من الأدوية فبعد ذلك كنت خائفة جدا على الطفل ولكن بشفاعة القديسة الطاهرة مارينا و القديسة مريم وضعت طفل جميل خالي من كل العيوب وأسميناه مايكل مثل ما قال لنا أبونا أنطونيوس بفضل صلوات أبونا أنطونيوس وشفاعة القديسة الطاهرة والشهيدة مارينا بركة صلواتها وشفا عتها تكون مع الكل أمين السيدة/أ.ى.ر أسيوط |
|||
|
|
|
12 - 01 - 2019, 01:46 PM
|
رقم المشاركة : ( 56 ) | |||
|
..::| مشرفة |::..
|
رد: معجزات القديسات البنات
اشمعني انا مش عايزه تسمعي صوتي انا مدام المهندس روماني تزوجت سنه 1987 ومرت السنوات دون ان انجب بالرغم من ان كل الفحوصات لي ولزوجي سليمه وكنت في غايه الشوق الي طفله تملا حياتي وتعوض حرماني وحزني الشديد لاني احب الاطفال جدا وكذلك زوجي وفي يوم 2/12/1993 ذهبت كعادتي في عيد القديسه مارينا وكنت في حاله من الحزن الشديد مما عانيته من مشاكل بسبب عدم الانجاب برغم ايماني بان الله لا ينساني في ذلك اليوم العظيم الذي لا انساه عندما اخذ ابونا انطونيوس جرجس الكف المقدس ليزفه حول الكنيسه واذ بي اجد نفسي ارتعش كان هناك ماس كهربائي هز كياني كلهوصرت اصرخ بصوت عالي وسط الزحام ارحمني يا رب بشفاعه العذراء مريم والشهيده مارينا فرح قلبي يا رب كفاياني كده يا رب يا قديسه مارينا اشمعنا انا الي مش عايزه تسمعي صوتي وانتي الرب وعدك ان كل من يطلب شيئ بشفاعتك الرب يفرح قلبه يا رب انا عايزه نصيبي لاني تعبت قوي يا رب اسمع صراخي وانظر الي ضعفي وذلي واخذت امسك الاطفال الصغار واطلب بدموع ان يدعوا لي لدرجه ان بعض السيدات بكوا لبكائي وعندما خلصت الزفه كان ابونا يعظ وينظر لي وكانه يحدثني انا من دون كل الناس وهو يتكلم وانا ابكي ولم اكف عن البكاء طوال اليوم وعند مروري لاخذ البركه من الكف ارتميت علي الكف وصرت ابكي واشكي لحبيبتي وشفيعتي القديسه مارينا واخذت حنوط للبركه وذهبت الي البيت ولم اكف عن الصلاه والدموع والطلبه بالحاح شديد وايضا قراءت كتاب المعجزات للقديسه مارينا ومن كثره البكاء تعبت واخذني النوم واذ بي احلم اني في كنيسه القديسه مارينا وانا واقفه امام صوره القديسه مارينا واقول لها يرضيكي كده يا حبيبتي يا شفيعتي انا تعبت قوبي من نظرات الناس من كلامهم الجارح ليه هوه ده شيئ بايدي ارجوكي اتشفعي لي عند مخلصنا يسوع المسيح واذا اري نفسي وراهبه صغيره السن جميله جدا تمسك بايدي بشده وانا اصلي وتقولي مالك ايه مزعلك فقلت لها انتي كمان ها تقوليلي العيال والخلف انا تعبت يا ربي من الموضوع ده خلاص قالتلي ما تزعليش قوي كده قلت لها ازاي والكل فاكر ان لو معاياه عيال مش ها اجي للقديسه مارينا مع اني بحب القديسه مارينا قوي لانها شفيعتي وصديقتي التي احبها واشكو لها من اي شيئ فقالت لي بابتسامه مليئه بالنور ما تزعليش طلبك ها يتحقق بعد شهر بس وطلبت مني ان افتح البلوزه التي ارتديها وقمت بفك الزراير ودهنت بطني بثلاث صلبان واخذت تكرر عبارات قبطي لم افهمها وصحيت من النوم وعلي وجهي ابتسامه جميله ومر شهر ووجدت انني حامل وكانت فرحه غامره للكل واشكر الرب كثيرا من اجل محبته لي وصدق وعده والرب يفرح كل من له طلبه ويعطي الكل سؤال قلبه امين والرب اعطاني بشفاعه القديسه مارينا طفله جميله جدا اسمها مارينا وقمت بتعميدها في كنيسه القديسه مارينا والكل يعطي كل محروم ويعمد في القديسه مارينا مليون مليون مليون شكر لك يا رب لساني عاجز عن الكلام من كثره حنانك يا رب |
|||
|
|
|
12 - 01 - 2019, 01:46 PM
|
رقم المشاركة : ( 57 ) | |||
|
..::| مشرفة |::..
|
رد: معجزات القديسات البنات
معجزة من المعجزات العظيمة للقديسة مارينا السيدة/أ.ى.ر أسيوط حقا أن الله يتمجد في قديسيه أنا تزوجت انتظرت أكثر من سنه ونصف بدون أنجاب فذهبت أنا و زوجي إلى الأطباء فقال لا يوجد مانع من الإنجاب فقد قرأت كثيرا في كتاب المعجزات للقديسة الطاهرة مارينا فقلت لابد من الذهاب إلى القديسة مارينا في عيدها ونطلب شفا عتها في هذا الموضوع ولم نتأخر في عيدها 2/12/1997م وقابلنا أبونا انطونيوس جرجس راعى كنيسة العذراء المغيثة بحاره الروم وبعد انتهاء صلاته معنا أعطانا الوعد بأنه في مثل هذا اليوم ربنا يرزقنا بمايكل ببركه وشفا عه القديسة الطاهرة مارينا ونحن في الكنيسة تشفعنا في القديسة الطاهرة الشهيدة مارينا في عيدها أن نرزق بطفل فلبت ندائنا وطلبنا فمنذ أن رجعت إلى بلدتى أسيوط وأنا حامل مباشرة في نفس الشهر الذي ذهبا فيه إلى القديسة مارينا وفى أثناء الحمل قد اتتنى سخونة شديدة وذهبت إلى أكثر من طبيب وأخذت كثير من الأدوية فبعد ذلك كنت خائفة جدا على الطفل ولكن بشفاعة القديسة الطاهرة مارينا و القديسة مريم وضعت طفل جميل خالي من كل العيوب وأسميناه مايكل مثل ما قال لنا أبونا أنطونيوس بفضل صلوات أبونا أنطونيوس وشفاعة القديسة الطاهرة والشهيدة مارينا بركة صلواتها وشفا عتها تكون مع الكل أمين |
|||
|
|
|
12 - 01 - 2019, 01:47 PM
|
رقم المشاركة : ( 58 ) | |||
|
..::| مشرفة |::..
|
رد: معجزات القديسات البنات
+معجزه من الكثير من المعجزات التى مازالت حتى الان للقديسه مارينا+ كتب الاخ ج.م.ذ يقول يوجد لى خال اسمه عريان ح.ح.س يسكن فى ... شارع جزيرة بدران .. وكان يعمل بهيئة النقل العام ... فقد حدث له شلل رباعى اقعده عن العمل واحالوه للمعاش .. تعبنا معه فى الذهاب الى جميع الدكاترة الكبار ومنه د. فاروق قورة اشهر دكتور فى المخ والاعصاب فقال لنا لاتتعبوا انفسكم لايوجد امل فى شفاءه ... ولكن الرب تمجد فى شخصية ابونا روفائل الانبا بولا نيح الرب نفسه .. فظهر فى رؤية لخالى وقال له يوم 25-5 تذهب الى كنيسة القديسة مارينا بحارة الروم وتترك العصى الخاصة بك على المذبح .. وسوف يتم شفاءك... فلم يأخذ بالرؤية ... فاذا بأبنته كانت مريضة جدا فظهرت لها العذراء فى رؤية فقالت لها ماذا تريدى يامارينا .. فقالت لها ياماما العدراء انا نفسى بابا يخف .. فقالت لها حاضر يامارينا وانتى كمان هاتخفى ... فعندما افاقت من النوم ذهبت الى والدها وقالت له الرؤية ففرح جدا واذا بالرؤية تحدث له ثانية ويظهر له ابونا روفائيل ويقول له نفس الكلام ... فذهب خالى الى ابونا روفائيل وقال له الرؤية فاذا بأبونا يقول له ليه ياعريان هو انا بقيت بتاع معجزات ياعم صلى لاجلى انا ضعيف ...ولكن يوم 25 - 5 سوف اذهب معك الى الكنيسة ... وفى هذا اليوم ذهبنا كلنا الى الكنيسة واذا بخالى يحضر وعند دخوله الكنيسة نجد الكنيسة مغلقة وبها تصليحات ويمنع اى زائر من الدخول اليها ..ولكنى لم اسكت فذهبت لراعى الكنيسة وقلت له ان اليوم سوف تحدث معجزة .. فقال لى ياابنى انا لسه مخلص قداس ومش قادر اجى ... وعندما ذهبت اليهم مرة اخرى وجدت باب الكنيسة مفتوح للزوار وعند دخول خالى الى الكنيسة كنت انا بخلفه " اسنده " ... وعند دخولنا بالضبط عند ثانى كرسى من الخلف .. واذا بخالى يسند على وانا احمله من الخلف ولكننى احسست انى لا احمل شئ لدرجة اننى كنت حاسس انى شايل عيل صغير ... واذا فجأة يرقد على الارض واسمع منه بعلو صوته كلمة امنت فأعتقدت انه يزعق لاخوه كى يأتى جانبه فقلت له ياخال ماذا تريد فقال بصوت عالى مرة اخرى امنت فبكيت بشدة واذا بمرة ثالثة وبصوت عالى جدا قال امنت ... وفجأة قام لوحده وعندما حاولت اسناده احسست انى بحمل حمل ثقيل جدا فلم اقدر ان احمله واذا اسمع صوت امرأته تقول لى المعجزة تمت ياجورج سيبه يقوم لوحده .. وبالفعل تركته واذا به يقوم ويذهب الى الستر الخاص بالهيكل ويلف نفسه به .. وانا كنت مندهش جدا وببكى بكاء شديد لدرجة انه جاء الى وقال لى جورج انا ربنا اتمجد وشافنى ورش عليا مياه مصلية من البئر الخاص بالدير ..وعندما افقت قالوا لى احضر ابونا لكى نعمل تمجيد .. فذهبت مرة اخرى لابونا جبريل نيح الله نفسه .. فقال ياابنى انا تعبان ومش قادر معلش سامحنى .. ولكنى كنت زعلان جدا من ابونا .. وعندما دخلت الى قبر القديسة مارينا وجدت قسيس ذقنه كالثلج فقال لى ياابنى انا جاى من بعيد وعاوز اقابل ابونا علشان اتفق معاه اجيب رحلة الى الكنيسة فقلت له ياابونا انا خالى لسه حاصل له معجزة وعاوزين نعمل تمجيد فممكن تيجى معايا .. فقال يابركة القديسة مارينا تعال ياابنى نعمل تمجيد وعند نهاية التمجيد انا لم ارى ابونا يخرج من جانبى فأحسست انه اكيد اب سائح جاى لكى يمجد اسم الرب . وعند انتهاء الصلاة ذهبت اليه امرأته وقالت له ياعريان ممكن تشيل ابنك مينا وبنتك مارينا مع بعض .. فقال نعم وشالهم ولكنها لم تصدق واحضرت ابرة وشكته وعملت شاى للجميع ولم تضع فى كوب خالى سكر لكى تجرب مرة اخرى فاذا بصنية الشاى تقع عليها وتقول امنت يارب ان عريان اتشفا .. فقلنا له ممكن تحكى لنا ماذا حصل لك عند دخولك الى الكنيسة .. فقال عند دخولى نظرت فوجدت جميع رفات القديسين الموجودة بالكنيسة تحوط بى وتحملنى من على الارض واذا بكف القديسة مارينا تضعه على رأسى وتقول لى امنت ياعريان انى هاشفيك .. فقلت لها امنت فنزلت ايديها على صدرى فقالت لى امنت ياعريان انى هاشفيك فقلت امنت فنزلت ايديها على صابع رجلى وقالت لى امنت ياعريان انى هاشفيك فقلت لها امنت وبصوت عالى جدا فقالت لى اذهب الى الهيكل ولف نفسك بالستر واترك عكازك على الهيكل ... ملحوظة : ابونا روفائل لم يحضر معنا للكنيسة وقت حدوث المعجزة ولكنه فعل شئ اجمل كان يرفع الحمل فى نفس اللحظة بأسم خالى . +بركه شفاعه القديسه مارينا معانا اجمعين+ |
|||
|
|
|
12 - 01 - 2019, 01:47 PM
|
رقم المشاركة : ( 59 ) | |||
|
..::| مشرفة |::..
|
رد: معجزات القديسات البنات
معجزات جديده للقديسة مارينا سلام ونعمه كل اخواتي في المنتدي النهارده جايه وجايبالكم معايا كام معجزه كده للقديسة مارينا المعجزات دي سمعناها من مارينا احد خادمات في كنيسه القديسة مارينا حارة الروم يوم الحد 1/8/2010 المعجزة الاولى فى مره جت واحده ست كبيرة في السن وكانت شايله بنت صغيره جدا ومن كتر زحمه الكنيسه كانت كل شويه تبدل مع حد مكانها في الدكه وتطلع لقدام دكه علشان توصل للهيكل اول لما وصلت للهيكل كلمت ابونا وقالتله انها عاوزه تعمد البنت الصغيره اللي معاها فابونا راح قالها روحي يا ستي هاتي امها هي تعمدها فراحت الست قالتله ان هي ام البنت وان البنت دي اسمها مارينا وانها جابتها بعد 36 سنه مكانتش بتخلف فيها وكانت كل سنه تطلب من القديسة مارينا في عيدها انها تديها طفل لدرجة انها بقت بتطلب وكأن كما لقوم عاده علشان كده لما جابت مارينا جوزها قالها ان حتي ولو احنا نسينا فربنا دايما امين مبينساش |
|||
|
|
|
12 - 01 - 2019, 01:47 PM
|
رقم المشاركة : ( 60 ) | |||
|
..::| مشرفة |::..
|
رد: معجزات القديسات البنات
المعجزة التانية
راجل كان جاي وجايب صورة ل4 اطفال وكاتب المعجزة فسالته احد الخادمات وليه ناسخ صورة الطفل 4 نسخ قالها لا اصل دول اربع اطفال 3 بنات وولد وحكي انه السنه اللي فاتت في عيد القديسة مارينا جه هو وزوجته لابونا وكان ليهم سنين مبينجبوش وابونا صلالهم وقال لهم القديسة مارينا هتتيجو 5 وانه جاي يشكر القديسة مارينا علي عظيم فضلها |
|||
|
|
 |
|
| قد تكون مهتم بالمواضيع التالية ايضاً |
| الموضوع |
| معجزات المسيح (معجزات القضاء واللعنة) |
| معجزات الشهيد العظيم ابسخيرون القليني .. معجزات تفوق الخيال |
| الثلاث مريمات القديسات |
| معجزات القديسات البنات الجزء الثاني |
| القديسات الامهات :) |
العرض العادي
