ملف كامل للصلوات السهمية المجمعة

[walaa farouk]

بطلب منك يارب إنك تملاني بروحك يا رب..
خلّي نارك تسكن في كلمتي في نظرتي في لمستي..
ما تسمحليش أتحرك من غيرك..
ولا أخدم وأنا ناسي مين اللي أرسلني..
خليّني يا رب لهيب نارك..

[walaa farouk]

ساعدني يا رب،
أعيش توبتي فعلاً، مش بس أعلنها،
أصنع ثمار:
حب بدل الغضب،
غفران بدل الحقد،
صدق بدل المظاهر،
نقاوة بدل التراخي.

[walaa farouk]

يا رب،
رجّعني زي زمان… بل أحسن من زمان،
خليني أشتاقلك تاني، وأحبك من كل قلبي،
وأعيش ليك مش كواجب… لكن كعاشق.

[walaa farouk]

ساعدني يارب أرجع،
وما تسمحش إني أفضل واقع في نفس السقطة،
خد بإيدي،
ونقيني،
وافتكرني برحمتك.

آمين.

[walaa farouk]

خليني يارب أعرفك في وقت الراحة،
مش أفتكرك بس وقت الشدة.
خليني أختار التواضع وأنا واقف،
مش لما الظروف تخليني أركع.

[walaa farouk]

علّمني يارب أتواضع قبل ما ييجي المرض،
قبل ما جسمي يضعف،
قبل ما أقف عاجز قدام وجع
أو ألم أو دكتور.

[walaa farouk]

يا رب،
إديني قلب يعرف حجمه،
ويسجد ليك بإرادته مش تحت ضغط،
ويدوق طعم التوبة قبل ما الظروف تفرضها عليا.

[walaa farouk]

يارب أنا عايز أرجعلك دلوقتي،
بقوة صحتي، بوقتي، بعقلي،
وأقولك: سامحني على كل كبرياء،
وعلّمني أعيش متواضع قدّامك وقدّام الناس.

[walaa farouk]

خلص الذين في الشدائد🙏
الجياع أشبعهم، صغيري القلوب عزهم❤️🙌
كن حارسًا وساترًا علينا في كل شيء.🙏🤍
ونحن أيضًا إنقذنا من خطايانا🙏🧡

[walaa farouk]

رَتِّبْ أَفْكَارِي، يَا رَبِّ
، فَكُلَّمَا تَشَابَكَتْ، نَسِيتُ وُعُودَكَ
، وَبَعُدْتُ عَنْكَ، مَعَ أَنَّ قَلْبِي وَنَفْسِي
فِي شِدَّةِ الِاحْتِيَاجِ إِلَيْكَ.🙏