معجزات معجزات الشهيد بيشوي

[بنت معلم الاجيال]

انا كان ضايع منى جواز السفر وكان عندى كشف طبى عشان السفر بعد ماكتشف ان الجواز ضايع بيومين ومينفعش اعمل الكشف من غير جواز وبشفاعتهم لقيت الجواز من غير متعمل واحد تانى

[بنت معلم الاجيال]

حابة اوفي حق القديس العظيم بيشوي هو بجد قديس عظيم هو وحبيبي البابا كيرلس انا وعدتهم هكتب المعجزة وفعلا انا طلبت منهم طلب كان مستحيل انه يتحقق ولكن بشفاعتهم اتحقق بركتهم وشفاعتهم تشملنا كل حين انا بحبكم قوي بابا كيرلس ،شهيد بيشوي
صلوا من اجلي ياريت من دون ذكر الاسم

[بنت معلم الاجيال]

بشكر رب المجد لانى طلبت شفاعة الشهيد بيشوى فى كذا حاجة و الحمد لله ربنا استجاب
كنت طلبت من ربنا يوفق زوجى فى عملية بيع وشراء و الحمد لله ربنا كمل على خير و طلبت شفاعة الشهيد بيشوى عشان كان نفسى اكون حامل الشهر ده و الحمد لله فى نفس الشهر اللى طلبت فيه عملت تحليل وعرفت انى حامل

[بنت معلم الاجيال]

بحب انشر معجزه تمت معايا لمعرفه الشهيد بيشوى القس دانيال ...انا من وقت اسشهاده بقراء معجزات كتير عنه وانا ما ماعرفهوش قبل كده بس كان عندى احساس وشك فى المعجزات لانى لم تحدث معى اى معجزات سابقه و كنت بستقل و بشك ان ممكن يحصل معايا حاجه ..لغايه ما حفيدتى صوفيا عمرها عام و سبعه أشهر حصل معاها مشكله فى رجليها و طريقه مشيتها لدرجه أن الدكاترة شكوا فى وجود التهاب فيروس فى العصب او شيء خطأ فى إشارات المخ القدم و دخلنا فى تحاليل دم و احتمال عمل mri على المخ ....وكانت حالتى النفسيه سيءه ولا ايه و طلبت شفاعته مع باقى القديسين...و احمد ربنا على تحسن حفيدتى و اجل الدكتور عمل mri لتقدم الحاله و رجائي و ايمانى بانه يكمل شفاؤها على خير .
كما طلبت شفاعته مع باقى القديسين على حل مشكله عاءلليه و فعلا اشكر ربنا على حلها ...اشكر الشهيد بيشوى و رجائي استكمال شفاء حفيدتى

[بنت معلم الاجيال]

انا كنت عايزة اتاسف لبيشزىلانه اتاخرت ف نشر المعجزة جدا
انا لما حصلت ااحادثة كنت ف سنة 3 طب ودى معروف انها اصعب سنة ف الكلية كلها
من ساعت م عرفت انه كان ف طب وكان شاطر وهو بقى شفيعى وكنت كل م اذاكر وحاجة تقف معايا اقوله اكيد. دى عدت عليك يالا فهمهانى وكنت فعلا بفهمها
وطبعا شفاعته مكانتش بتسبنى برضو ايام الامتحانات ووانا ف الشفوى كان واقف معابا وكنت بدخل لدكاترة كويسين وبتجيلى اسهل اسئلة
وفرحنى اافرحة الكبيرة بقى ف النتيجة وانه ادانى جيد جدا مرتفع بعد م كنت بجيب ف اولى وتانية جيد بس
شكرا ليك وكمل معايا بقى لغاية م اخلص هتفضل شفعيى

[بنت معلم الاجيال]

راجيا بدون ذكر الاسم اشكر ربى والهى على بركاتة وحنانة واشكر القديس بيشوى على شفاعته من اجلنا اول معجزة هى إنى كنت محتاجة شغل وسألت كتير ودورت كتير واخيراا اتشفعت ب القديس بيشوى وربنا بعتلى شغل والتانية كلنا محتاجين شقة برضوا دورنا كتير وتعبنا وقولت مفيش غير شفاعة العدرا والقديسين الانبا كاراس والبابا كيرلس وقديسنا بيشوى القمص دانيال اذكرنا أمام عرش النعمة واطلب عنا من أجل غفران خطايانا الكثيرة امين اذكرنا دايما انا وكل من يطلب صلاتك

[بنت معلم الاجيال]

اخويا كان بيشكي من صدره من زمان امبارح كشف ودكتور طلب منا نحليل علشان يطمن علي القلب وكنا خايفين لكن اتشفعنا با الشهيد بيشوي والانبا توماس ومارجرجس والعدرا وابونا فلتاوس والحمد الله طلع كله سليم

[بنت معلم الاجيال]

معجزة للشهيد بيشوى
وصلت لنا هذه المعجزة سيدة تقول :
انا كان عندى معجزة بس أرجو عدم نشر الاسم انا كان أخويا عنده مشكلة وبس بيها كان البيت كله تعبان نفسيا وطلبت من الشهيد بيشوى وقالتله يحل المشكلة وانا اكتبهاله فعلا المشكلة اتحلت بشافعة الشهيد بيشوى وانا قررت أكتب المعجزة وأرجو النشر بسرعة

[بنت معلم الاجيال]

انا عايزة احكى معجزة حصلت معايا للشهيد بيشوى
انا كان عضم دراعى واجعنى جدااااا لدرجة مكنتش بعرف احركها كأنى واخدة بنج
واتشفعت بالشهيد بيشوى ووعدته بأنى هكتبها على الصفحة وبعديها بشوية صغيرين الالم كان بيروح وبيجى لغاية ما اتمنع خاالص ومحستش بأى ألم ....ودى مش اول حاجة يعملها معايا ..
بجد كل طلب بطلبه بيستجيب ليا بسررعة جداااا
انت فعلا شهيد عظيم وسريع الندهة
اذكرنى فى صلاتك يا حبيبى وكمل ايدك فى الطلبات بتاعتى
وانا واثقة يا شفيعى بأنك هتستجيب بسررعة لانك سريع الندهة فعلا .

[بنت معلم الاجيال]

انا عندي طفل عمره شهر و احد. وانا حامل كنت خايفة من العملية. وطلبت الشهيد بيشوى وقدسين اخرين يكون معايا لانه دكتور . وفعلا حدث خطا وكنت هموت وربنا نجانى بشفاعته.

وطلبت منه ايضا أنه ينجى ابنى من اى شر ومن الصفرا بالذات لان ولاد اخواتى جالهم الصفرا بالرغم من انهم كان ضعيف ووشه اصفر وكل اللى يشوفه يقول ودوه للدكتور شكله عنده الصفرا بقيت اقولهم لا مش هيطلع عنده الصفرا إنشاءالله وفعلا طلعت نسبتها كويسة جدا.
وكمان لانه جسمه قليل وشكله ضعيف الدكتور قال دا عنده انيميا لازم تحللو له تحليل انيميا . وفعلا جوزى عمل التحليل ولكن مطلعش عنده انيميا والدكتور كان مستغرب جدا. ولكن مفيش حاجة غريبة مع شفاعة القديسين لانى طلبت من الشهيد بيشوى أنه ينجى ابنى من الصفر ومن اى مرض او ضعف