كنزك فى ولادك ...........

[Rena Jesus]

الصرامة والشدة :

يعتبر علماء التربية والنفسانيون هذا الأسلوب أخطر ما يكون على الطفل إذا استخدم بكثرة ... فالحزم مطلوب في المواقف التي تتطلب ذلك ، .. أما العنف والصرامة فيزيدان تعقيد المشكلة وتفاقمها ؛ حيث ينفعل المربي فيفقد صوابه وينسى الحِلْم وسعة الصدر فينهال على الطفل معنفا وشاتما له بأقبح وأقسى الألفاظ ، وقد يزداد الأمر سوءاً إذا قرن العنف والصرامة بالضرب ...
وهذا ما يحدث في حالة العقاب الانفعالي للطفل الذي يُفِقْدُ الطفل الشعور بالأمان والثقة بالنفس كما أن الصرامة والشدة تجعل الطفل يخاف ويحترم المربي في وقت حدوث المشكلة فقط (خوف مؤقت ) ولكنها لا تمنعه من تكرار السلوك مستقبلا .

وقد يعلل الكبار قسوتهم على أطفالهم بأنهم يحاولون دفعهم إلى المثالية في السلوك والمعاملة والدراسة .. ولكن هذه القسوة قد تأتي برد فعل عكسي فيكره الطفل الدراسة أو يمتنع عن تحمل المسؤوليات أو يصاب بنوع من البلادة ، كما أنه سيمتص قسوة انفعالات عصبية الكبار فيختزنها ثم تبدأ آثارها تظهر عليه مستقبلاً من خلال أعراض ( العصاب ) الذي ينتج عن صراع انفعالي داخل الطفل ..

وقد يؤدي هذا الصراع إلى الكبت والتصرف المخل ( السيئ ) والعدوانية تجاه الآخرين أو انفجارات الغضب الحادة التي قد تحدث لأسباب ظاهرها تافه .

[Rena Jesus]

الدلال الزائد والتسامح :

هذا الأسلوب في التعامل لا يقل خطورة عن القسوة والصرامة .. فالمغالاة في الرعاية والدلال سيجعل الطفل غير قادر على تكوين علاقات اجتماعية ناجحة مع الآخرين ، أو تحمل المسؤولية ومواجهة الحياة ...

لأنه لم يمر بتجارب كافية ليتعلم منها كيف يواجه الأحداث التي قد يتعرض لها ... ولا نقصد أن يفقد الأبوان التعاطف مع الطفل ورحمته ، وهذا لا يمكن أن يحدث لأن قلبيهما مفطوران على محبة أولادهما ، ومتأصلان بالعواطف الأبوية الفطرية لحمايته، والرحمة به والشفقة عليه والاهتمام بأمره ... ولكن هذه العاطفة تصبح أحيانا سببا في تدمير الأبناء ، حيث يتعامل الوالدان مع الطفل بدلال زائد وتساهل بحجة رقة قلبيهما وحبهما لطفلهما مما يجعل الطفل يعتقد أن كل شيء مسموح ولا يوجد شيء ممنوع ، لأن هذا ما يجده في بيئته الصغيرة ( البيت ) ولكن إذا ما كبر وخرج إلى بيئته الكبيرة ( المجتمع ) وواجه القوانين والأنظمة التي تمنعه من ارتكاب بعض التصرفات ، ثار في وجهها وقد يخالفها دون مبالاة ... ضاربا بالنتائج السلبية المخالفته عرض الحائط .

إننا لا نطالب بأن ينزع الوالدان من قلبيهما الرحمة بل على العكس فالرحمة مطلوبة ، ولكن بتوازن وحذر.

[Rena Jesus]

العقاب البدني:

لكي نبحث في موضوع عقاب الأطفال نحتاج إلى بحث حالة كل طفل على حدة، فلكل طفل أسلوب يتمشى مع شخصيته قد لا يتوافق مع شخصية طفل آخر حتى لو كانا أشقاء. لكننا باختصار نوجز القول في موضوع العقاب البدني رغم أهميته لما يتعرض له الأطفال في عدة نقاط:

أنه أمر لا إنساني. يولد العنف ويعلم الطفل القسوة حيث يتعامل مع المحيطين به بنفس أسلوب الضرب المتبع معه فنجد أقرانه يتجنبونه تفادياً لما قد يلاقونه منه. وهذا قد يؤدي إما إلى ازدياد العنف والقسوة أو إلى انطواءه وتحوله إلى شخصية غير اجتماعية.

وقد يظن الشخص القائم بالعقاب أنه لابد من أن يزيد من كمية الضرب حتى يصل إلى نتيجة مقبولة خاصة لو تعامل مع طفل عنيد. ولكن الخطورة هنا هو أنه بمرور الوقت سوف يعتاد الطفل على العقاب البدني والضرب دون أن يؤثر فيه.

سوف يتأثر الطفل فقط بوجود الشخص الذي يقوم بعقابه وضربه دون التأثر بالآخرين؛ فنجد الأهل يهددونه بهذا الشخص في غيابه ويتوعدونه بما سوف يلاقيه عند عودته، وهذا يعنى استحالة التحكم في سلوك الطفل بدون هذا الشخص.

قد يؤدي العقاب البدني إلى عاهات مستديمة في بعض الأحوال.

[Rena Jesus]

توجيه الطفل أمام الآخرين:

يستغل بعض الأطفال وجود الضيوف أو تواجدهم في مكان عام مع والديهم للسلوك بطريقة مختلفة إما للقيام بتصرفات قد يعاقبوا عليها في عدم وجود أحد أو لحب الظهور واثبات الذات. وقد يزيد الأمر عن حده مما يسبب إحراج للوالدين وخاصة أمام الغرباء، ويحاول الأبوين توجيه الطفل بطريقة أو بأخرى لمنع استمرار الطفل فيما يقوم به من تصرفات. وفي أغلب الأحوال لا يستجيب الطفل لهذا التوجيه الذي قد يمس كرامته أمام الناس فيتمادى فيما يفعله، الأمر الذي قد يجعل الأبوين أو إحداهما يخرج عن شعوره ويضطران للانصراف من المكان أو على الأقل ضرب الطفل بعد أن يكون قد جذب انتباه جميع الحاضرين. وقد يسمع الوالدان كلمات من المحيطين به عن سوء تربية الطفل تسبب إحباطاً لهما وللطفل.

ولتجنب حدوث مثل هذا يُراعى عند ملاحظة مثل هذا السلوك أخذ الطفل على حدة في مكان بعيد بحيث لا يراه أو يسمعه الآخرين ويتم توجيه بصورة لطيفة وتشجيعه بأنه ولد كبير ولا يحتاج لعمل مثل هذه التصرفات التي يقوم بها الصغار فقط، وانه إذا أصر على القيام بمثل هذه التصرفات فسوف يضطرون تركه المرة القادمة ولن يصحبوه لمكان آخر حتى يتخلص من هذه التصرفات. ويجب على الوالدين أن يكونوا صادقين في مثل هذا التهديد لأنه إن كان لا يوجد مكان يمكن ترك الطفل فيه فسوف يعرف الطفل هذا وسيكون التهديد بلا فائدة وذلك لمعرفته بعدم جديته فلا يأخذ الكلام مأخذ الجد.

[Rena Jesus]

المعادله الصعبه ازاي ابنك يحبك ويحترمك في نفس الوقت ويخاف علي زعلك ميخفش منك !!
الطفل مستقبل جيد جدا لكل تصرفاتك وتعاملاتك مهما تخيلت انه مش مركز او صغير او مش واعي
لاء هوه ميعرفش من الدنيا دي غيرك من اول ما بيبدا يفتح عنيه علي الدنيا وهوه بيرصد كل تحركاتك فلو مش شبهك في الشكل او الجينات هوه شبهك غصب عنه وعنك بالتقمص
افتكر نفسك زمان افتكر كل مشاعرك كنت بتحب ايه وبتكره ايه
كنت بتحب تتعامل ازاي ومتتعاملش ازاي

نفسيه الطفل مهمه جداا ولو قدرت توصل لعقل الطفل ومشاعره
انت قدرت تسيطر علي دماغ الطفل ده وتقومه التقويم السليم
وده مبيحصلش فجاه ولا بيحصل بدون ادني مجهود منك خالص
لازم تتعب لازم تكون البدايه من عندك انت او انتي

الطفل عمره ما هيقرب ويسعي لودك لو معلمتوش ده ونعلمهوله ازاي بقي؟؟
هقولكم هعتبر الطفل ده كبير وهتكلم معاه راجل لراجل
وهنتفق اتفاق اننا نكون صحاب بكل معني حقيقي للصداقه
وهتعامله فعلا كانه صاحبك
وكلنا عارفين حق الصاحب مينفعش انهره ولا اجرحه ولا اعايره ولا افضحه ادام حد ولا اقول لحد سر قالهولي

اكون صاحبه اللي بيوجهه للصح ويغنيه عن ان حد ياخد المكانه دي جواه ويلعب في دماغه
اكون صاحبه اللي بخلقله الوقت واللعب معاه واذاكر معاه واخرج معاه واعمله مفاجاءات وافرحه
اكون صاحبه اللي اكظم غيظي لما يغلط عشان غضبي مش هيفيده بالعكس هيضره وابقي فاهم كويس اوي اني لو اتهورت وانفجرت في وشه في اللحظه دي هتكون دي اخر مره يحكيلي فيها حاجه تاني
كده مش هتكسب اطفال تشرف بس لاء كده هتكسب صديق في شبابه سند في الكبر هتكسب مجتمع كلنا نفخر بيه

[Rena Jesus]

لكل أب ...
عندما تسيء معاملة ابنتك....طفلتك ...
عندما تنهرها أمام الجميع ... عندما تغضب عليها إلى الحد الذي يمس كرامتها ...
باسم المحبة و الخوف ..... عندها ...تكبر على ذلك النهج فيختلط الأمر عليها ....
فيخال لها أن ذلك الرجل الذي يهينها ... و يعتدي على كرامتها و جسدها ...
ذلك الرجل الذي لا يختلف كثيرا عنك .... يقوم بذلك باسم "الحب" أيضا .......
فتفقد قدرتها على التمييز بين أصناف الرجال .....
يخال لها أن هذا السلوك و لا شيء سواه ... هو "الحب" ....
هذا نتاج قساوتك .... و سوء معاملتك ..... و غباؤك !!!!

[Rena Jesus]

المراهقين حياتهم مليانه تحديات وحياتهم بتبقي زي الخلاط
مدرسين بيزعقوا
اولاد بتلفت الانتباه بالغلاسه
عقاب جماعي
عنف
لوم
تأنيب

لو كل ده بيشيلوه مع نظره طفوليه مثاليه مش قابله وجود مشاكل واخطاء
صعب اوي يواجهوا حاجه هما مش قابلين وجودها

ساعدوهم يفهموا ان في ظلم في الدنيا
علموهم يفكروا في الحل مش المشكله

١-احكولهم قصص عن اهميه التقبل
٢-شاركوهم بخبرات حياتكم وتجاربكم
٣-خليهم يستعدوا لمواجهه الحياه بقلب من حديد

اقفوا جنبهم في اصعب مرحله في حياتهم
ومتقلقوش هيكبروا وعمرهم ما هينسوا ان كان ليهم ام بتبني شخصيه شجاعه وحكيمه
ربنا يخلينا لبعض ونكبرهم سوا

[Rena Jesus]

لما المحروس ابنك يبتدي يمشي لازم تعرفي ان حياتك داخلة علي منعطف تاريخي
خلاص فرحنا و صقفنا و قولنا برافو.

نلبس في الجد بقي..عايزاكي تفتحي مخك معايا شوية في الكلام الجاي ده:

النصيحة الذهبية اللي اقدر اقولك عليها " حلقي عليه "..
أبوس رجلك حلقي عليه..عشان ترحمي نفسك من اللي هيتقال ده..

- ابنك لو غاب عنك 5 ثواني فا دي كفيلة انك تلاقي حلل المطبخ كلها واقعة علي الأرض وحاطط المغارف جوه الفانلة و راسه غرقانه صلصة و طبيخ ..
هتلاقي الرز و المكرونة مدلوقين علي الأرض و مكسر 5 اطباق و بيقرقش إزازهم و ضحكته من الودن للودن..

- باسكيت الزبالة بتغنيله " بناديك تعالي "،
طول اليوم هتلاقيه بيحاول يوصلها و يحط راسه جواها او يلحس الكيس

- غالباً هتلاقي خلال اول سنة مشي فيها واكل 10 علب من كريم التسلخات بتاعه..
حتي لو مخبياه منه فوق التلفزيون بيعرف يوصله ابن العفريتة ده.
ف لما تطلعي تلاقي وشه كله مدهون ابيض و عمال ياكل فيه متخافيش..
ان شاء الله هتعدي علي خير..

- هتلاقي المحروس بيجري بسرعة 300 كم في الفسوة لو لقي باب الحمام مفتوح،
و غالباً هتلاقيه حاطط ايده في البلاعة و بياكل الله اعلم ايه أو بيسرح شعره بفرشة التواليت..
استهدي بالله و حاولي تحتوي الموقف..

- يا جمال فيش الكهربا و الصعق بالكهربا و انه ياخد بنسه و يحطها في الكوبس...
يا جماااااله..خبي ياختي كل الفيش، محدش ناقص..
خبيهم بكنب خبيهم ورا ستاير..اتصرفي..

- اه هيلحس الجزم و هيقلب الشباشب و ياكلها و المصيبة انه هيستطعمهم المقرف ده وممكن يدمنهم،
ما تتكسفيش لما تقولي ابني بيعمل دماغ شباشب زيكو و شرابات..

- اقفلي غطا التواليت يا حبيبتي، انتي فاكرة ابنك شعره اتبل ازاي،
ده دخل راسه جواه و خد غطس يا فالحة..

- ابنك عينه هتلمع لو لمح موبايل أو ريموت كنترول او ريسيفر..
هيبقي عنده اصرار خزعبلي انه يمسكهم و يخربهم..
و هيوصلهم مهما عملتي..

- نصيحة اقفلوا كل الادراج و الابواب خصوصا باب التلاجة عشان لو عرف يفتحها مرة ممكن تدوري عليه بعد كده تلاقيه بيلعب بالمكعبات في رف الخضار اللي تحت..

- في السن ده هتلاقي بق ابنك علطول بيلعب..
سيبيه عشان ممكن تلاقي محل خردوات جوه..
كله هينزل مع اللي بينزل..
انتي عايشة مع مكنسة 5000 وات يا حبيبتي..

- الغذاء الرسمي للأطفال في السن ده ورق الكلينيكس..
متقلقيش منه..ده سيليلوز.. هضمه سهل ان شاء الله..

- طول ما هو صاحي ما تتكلميش في التليفون و تندمجي..
عشان اللحظة اللي بيغيب فيها عن نظرك بيعمل فيها البدع..

- البوتاجاز و الفرن بالنسباله حلم العمر تلاقيه مني عينه يفتح الفرن و يقعد جوه جنب الفرخة اللي بتتشوي جوه

- في بوكس اللعب بتاعه معالق تلاقي،كبشة تلاقي، غطا حلة تلاقي،
ايشاربك اللي ضايع بقاله شهر تلاقي ،
بطارية الريموت اللي قلبتوا عليها الدنيا..
كله في البوكس اللعين ده

- ابنك هياكل صوابع الروج و كريم الأساس و هيرسم خرايط علي جسمه بقلم الكحل..
اديني قولتلك اهو.

- عادي تلاقيه قرر يقلع البامبرز و ماشيلك في الشقة يا مولاي كما خلقتني..
سيبي الشاب يقعد علي راحته..و ربنا يكون في عون سكان البيت بقي

- الاطفال في السن ده عندها قدرة خارقة علي اكل الفتافيت و اي حاجة واقعة علي الارض..زرار..خرزة..فتلة..
و هتكتشفي ده و انتي بتغيريله..صدقيني هتنبهري..

- من الآخر اي حاجة ضايعة منكوا في البيت هتلاقيها في البامبرز..
اصبري علي رزقك..

- خلي عينك وسط راسك 48 ساعة في ال 24 ساعة و كلها 10 سنين و يعقل ان شاء الله..

[Rena Jesus]

اعمل ايه لما ولادي يتعرضوا للشغب

اولا يعني ايه شغب او بلطجه
يعني تكرار ايذاء شخص معين من قبل طفل او جماعه من الاطفال لانه مش ديما بيقدر يدافع عن نفسه
يعني مهم اوي يبقي في تكرار واستقصاد مش مجرد موقف او اتنين

طيب ايه الأفعال دي؟؟؟
-اجبار علي افعال معينه
-سرقه
-سخريه وتريقه
-ضرب
-نبذ من بقيه الجروب
-اشاعات
-اتهام بحاجات هو معملهاش

طيب هل الطفل يقدر يواجه ده لوحده؟؟؟

الاجابه
لا طبعا
الا اذا
١-كان فاهم كويس يعني ايه بلطجه وفاهم ان المشكله مش عنده لان البلطجه بتضعف جدا من ثقه الطفل في نفسه ولو استمرت ممكن الطفل ده يبتدي يعمل نفس الأفعال عشان يرد ده للطفل اللي بيأذيه او حتي ممكن يعمله مع اطفال تانيين اضعف منه وتبقي دايره من العنف وفي الاخر يتحول من ضحيه لفاعل
ممكن افهمه ده عن طريق فيديوهات من علي النت

٢-عارف ازاي يتجنب انه يقع فيها لان الطفل اللي عنده المشكله دي بيختار
أماكن مفيهاش رقابه
وبيختار كمان اطفال هاديه ومؤدبه
او اطفال مميزين
سواء الميزه دي كانت شطاره او جمال او انه جاي المدرسه جديد فمشهور او لابس نضاره
ارفع او اتخن من بقيه الاطفال
لونه مختلف عنهم
وده بيكون علي حسب الموقف كل موقف الطفل يختار هيتجنبه ازاي

٣-عارف حقوقه كويس وبيلاقي مسانده من البيت والمدرسة

٤-مش بيتلام علي رد فعله حتي لو مش مناسب لان حقيقي الشغب بيخلي الطفل يتصرف بغضب رهيب فيبقي مفعول بيه ونيجي احنا كمان نكمل عليه لما نقعد نطلب منه المثاليه وهو متروق
وده بيكون بأننا بنظهر التفهم لاحتياجاته بس
وبعدين نوضح ايه الطرق المقبوله للدفاع عن النفس


٥-عنده أدوات يدافع بيها عن نفسه ومدرب عليها كويس جدا مش اطلب منه يدافع وهو اصلا مش أدها

٦-ان يبقي عندنا خطه لاحتواء الشغب لان الطفل المشاغب كل ما بيتعاقب كل ما بيوجع اللي حوالليه اكتر
وده ممكن يحصل لما الام بتكون متعاونة والاهل يتقابلوا بره المدرسه والأطفال تلعب مع بعض تحت رقابه وتوجيه لحد ما الامور تهدي ويبقي في تعاون بين كل الأطراف

٧-ان المدرسه تحط الموضوع في حجمه لأَنِّي بشوف مدارس بتتعامل مع الموضوع اما بحزم مفرط او بطيبه وتصغير للموضوع بزياده

وممكن ده يتم عن طريق
١-توعيه الاطفال يعني ايه شغب

٢-نعمل خطه لاحتواء الطفل ده مع أهله وبالاستعانة بمتخصص لان الطفل ده قنبله موقوته في المراهقه بيبقي فعلا مؤذي

٣-نعرف بقيه الاطفال ازاي ميساعدوش علي الشغب لان من الظواهر المعروفة ان كل مشاغب بيعمل حوالليه شله تساعده وتديله قوه

٤-نزود الرقابه في الأماكن اللي بيحصل فيها شغب ونشجع المشاغب علي الاعتذار وعلي تصليح الخطا ونشكره علي ده

٥-للاسف اخر حاجه بنلجئ ليها الرفد مع الحالات اللي فيها آذي جامد لبقيه الاطفال عشان الطفل ده يتعمله أعاده تأهيل قبل ما نقدر نسيبه يتعامل مع بقيه الاطفال

بس اوعي حد يعمل ده او يفكر فيه قبل ما يعمل كل الحلول دي لان ده يبقي ظلم لطفل بيعمل كده اصلا لانه حاسس بالظلم وبيحاول يحصل علي العدل بطريقه غلط محدش فيكم ضامن ولاده ممكن سلوكهم يتغير أمتي

بس مش معني ده اني اروح للناحيه التانيه واطلب من ابني يجيبله هدايا ودي بشوفها كتير وبيبقي دمي محروق يعني ايه اضرب وأجيب هديه !!!!!
وانا لو ضربت بعتذر وبتحمل المسئوليه

الشغب علي اد ما هو بيضغط علي الطفل جدا بس لما بيعدي منه بيديله ثقه وخبره وقوه ومفيش طفل مش بيمر بيه
استثمروه وخدوه فرصه الخبره بس المهم نعمل ده صح

[Rena Jesus]

ايوه بيسمعوا كلام ناس وناس عشان هما بني آدميين مش طوب
بيحسوا
وليهم كرامه
ولو لقيت ابنك بيسمع كلام كل الكبار حتي اللي بيهينه ويضايقه
يبقي ابنك عنده مشكله
رفض الاهانه جزء من إنسانيتنا
متكسرش ابنك وانت عارف انه معاك حق