وجبـــــــة روحيـــــ(†)ــــــــــة يوميـــــــــة

[Mary Naeem]

كل من يسمع ويؤمن ايمان حقيقي فاعل خلال حياته يرث الحياة الأبدية التي يهبها لهُ يسوع ، لا يمكن أن نصم اذاننا عن صوت الرب او نسمع كلمته بدون ايمان ثابت وقويم لذلك لنعمل منذ الآن من أجل ابديتنا ونثمر في كرِم الرب ولنعش كل كلمة من كلمات كتابنا المقدس ولنحيا من أجل أعلاء اسم يسوع في كل مكان ..

[Mary Naeem]

سؤال هطرحه عليكم واسيبهولكم للمناقشة

هل لو انت عايز حاجه معينه ومتمسك بيها جدا ، لكن ربنا مش رايد لانها مافهاش خير ليك ولا لمصلحتك
لكنك رافض تشوف غيرها وبرضه ربنا مازال بيظهرلك عراقيل علشان يبعدك عنها لانه مش رايد تحقيقها

هل كتر التمسك والاصرار ممكن يخلي ربنا يسمح بيها ويديهالك وتتحمل وحدك مرارة تحقيقها !
يعني مثلا زي فكرة الطفل اللي شبطان في كوباية الشاي وباباه رافض يشربه منها علشان سخنه لكن كتر الشبط بيخلي الاب يدوقه علشان لما يتلسع يسكت ويصدق !

السؤال تاني باختصار
هل قد يرفض الله مهما فعلت كي لا يضرك لان ليس بها منفعه لك
ام يقبل نتيجة الحاحك ، لتعرف بنفسك ما كان يخفيه عنك !

ملحوظة : الاجابات قد تكون رسالة لكثير من المتمسكين باشياء يتمنون تحقيقها ومازالت قيد الانتظار

[Mary Naeem]

كل شخص بيزرع زرعه بيحصدها زي ما زرعها بظبط
لو بيزرع زرع كله خير هيحصد حصاد كله خير ..
لو بيزرع زرع كله شر هيحصد حصاد كله شر ..
و لو بيزرع شويه خير و شويه شر برضو هيحصد
من الخير علي قد ما زرع و من الشر علي قد ما زرع ...
أحسنوا زرعتكوا علي اكمل وجه عشان تحصدوها علي اكمل وجه

[Mary Naeem]

اسوء حاجة ممكن يحس بيها الانسان لما يلاقي نفسه بعد معافرة و مقاومة وحرب مع الدنيا .. يكتشف انه لسة محلك سر .. لسة واقف عند نقطة الصفر ..
وان عمره اتسرق منه .. و ضاعت احلي ايام حياته
و شبابه علي حاجة متستاهلش ..
يبقى ضحي بنفسه و سعادته عشان ناس متستحقش التضحية .. انه يقدم كتيير اووي وفي الاخر ميلاقيش حتي كلمة شكراً ..
لاء و كمان يتهموه انه في الاساس ماعملش ولا قدم
اي حاجه .. لما يفتكر انه غالي ومهم عند حد ..
وتيجي المواقف اللي تثبتله انه ولا غالي ولا حاجه و
لا فارق اصلا .. و حتي لما يحاول انه يبتدي من جديد .. و يقف علي رجله مرة تانية .. يلاقي مليون حاجة سحبته وشدته لتحت تاني ..
لما يحاول انه يثق في الناس من جديد و يتعشم في حد انه هيقف جنبه ويعوضه .. يلاقيه جرحه جرح اكبر .. وعذبه عذاب أشد ..
يلاقيه بدل مايقوي ضعفه ويجبر كسره .. يضعفه اكتر ويكسره أكتر .. بدل ماكان الحبل اللي متخيل انه هيطلعه من بير الاحزان اللي غرق فيه .. يطلع حبل المشنقه اللي هيلف حوالين رقبته لحد مايخنقه ويموته ..

وقتها البني ادم من شدة الحيره والقهر والوجع مبيبقاش عارف يفكر ولا يستوعب كل الخبطات اللي عمالة تحصله من كل ناحيه .. و بيقف وبيسال نفسه ..

ياتري هو العيب والغلط في مين و عند مين !!!
فينا ولا فيهم ولا ف الدنيا .... !!!

[Mary Naeem]

كتير كنت بفكر ليه يارب الباب الضيق هو شرط الحياة معاك
بس كل يوم بقيت اكتشف ليه لازم يكون الباب ضيق
أصل الباب الضيق علشان تعدي منه لازم تسيب حاجات كتير مش هاتعرف تعدي بيها...
مش هاتعرف تعدي بذاتك العالية وكبريائك، وغرورك.
مش هاتعرف تعدي ومعاك العجرفة بتاعتك والأناااا.
مش هاتعرف تعدي ومعاك مشاكلك ومش سايبها لأبوك.
مش هاتعرف تعدي وحياتك مليانه ناس وشغل وفلوس.
مش هتعرف تعدي وأنت معادي أخوك، ومزعل جيرانك.
مش هاتعرف تعدي وأنت مش أمين.
مش هاتعرف تعدي لو مابتغفرش وبتعذر أخوك.
مش هاتعرف تعدي وانت على طول شايل الهم ومهموم.
علشان تعدي لازم ترمي كل ده واكتر كمان
علشان تعدي وغيرك يعدي معاك لازم تكون نور تكون علي صورته شبهه عايش حياته
مندوب ليه على الأرض.
اوعي يانفسي ماتعديش ولا تخلي اللي يشوفك يتعطل بسببك خليكي نور وطوق نجاة لغيرك علشان يعدي

[Mary Naeem]

#بنت_العز لما تطلع من بيت عز وتفوت ع بيت جديد
بتتعامل مع الناس بأصل لأنها #شبعانة عند اهلها ..
أمّا البنت #المحرومة لما تفوت ع بيت العز
#بتتكبر ع الناس , لأنها طلعت من الحرمان ودخلت على وضع كتير عليها ..؟!
لا تخافوا من بنت #العز , خافوا من الي دخلت ع العز #جديد ..
و ع مبدأ :
#لاتخافوا من الشبعان اذا جاع .. خافوا من #الجوعان اذا شبع ..

[Mary Naeem]

صلاة من أجل منكسري القلوب والمحرومين






يا من سمع لصلاة يونان النبي من وسط الضيق
وهو مبُتلع من الحوت فى وسط البحر وخلصه ونجاه.
ان اخوة وأخوات لنا يعانون وسط طوفان بحر هذا العالم.

البعض يعانون التعصب والتطرف او الاضطهاد والظلم والتمييز،

وأخرين يعانون الفقر والضيقة والحاجة، وأناس تعاني المرض والآلم،

أخرين تعساء يعانون الحرمان والبؤس وانت مريح التعابى

الذي جاء ليبشر المساكين ويشفي المنكسري القلوب وينادي للماسورين بالاطلاق
و للعمى بالبصر وترسل المنسحقين في الحرية وتكرز بالتوبة المقبولة.
انت القائل تعالوا الي يا جميع المتعبين والثقيلي الأحمال وانا اريحكم.
اننا نضع بين يديك الحانية طلبات وصرخات أخوة وأخوات لنا، لتستجيب لهم وترحمهم.

[Mary Naeem]

شكرا يا رب على التجارب لانها تجعل مني اقوى

شكرا يا رب على الصعوبات لانها تجعلني مؤهلة لاتنقي اكثر

شكرا يا رب على الضغوط لأني اتعلم منها كيف احتمل

شكرا يا رب على الوقت لأني من خلاله اتعلم الانتظار

[Mary Naeem]

من رموز السيده العذراء فى العهد القديم
======================
الصخرة
=========

+ الصخرة صماء لاماء فيها ولا حياة ، ولكنها اخرجت ماءأ أروى العطاش هكذا العذراء مريم فهى بنت عذراء وانجبت لنا ماء الحياة .

+ كما ان الماء خرج من الصخرة ولم يكسرها هكذا المسيح خرج من رحم السيدة العذراء ولم ينفك ختم بكوريتها

[Mary Naeem]

معجزات في حياة العذراء مريم

ظ،- حُبل بـها بمعجـزة مــن والدين عاقـرين ببشـرى مـن الـملاك!
2- خطبتها بمعجزة عندما أفرخت عصا يوسف فأخذها ليرعاها!
3- حبلت بالمسيح وهي عذراء مع استمرار بتوليتها بعـد الولادة!
4- زارت أليصابات بابتهاج المعمدان في بطنها وامتلأت بالروح القدس!
5- زارت أرض مصر فحدثت معجزات منها سقوط الأصنام (إش19 : 1)!
6- أول معجزة أجراها الرب في قانا الجليل كانت بطلبها!
7- معجزة حل الحديد وانقاذ متياس الرسول في فيلبي كانت بواسطتها!
8- عندما تنيحت حضر ابنها الحبيب يسوع وأخذ روحها الطاهرة!
9- معجزة ضرب الرب لليهود لما أرادوا الاعتداء على جثمانها بعد وفاتها!
10- معجزة صعود جسدها إلي السماء!
11- ظهورها في أماكن متعددة مثل ظهورها في كنيستها بالزيتون وغيرها...!
12- المعجزات التي تمت على يدها في كل مكان وضعت فيها كتب...!
13- ومازالت المعجزات مستمرة شهادة لكرامة هذه القديسة العظيمة.

الراهب القمص حنانيا المحرقي