رباعيات تتكلم عن بعض الدروس لحياتنا الروحية - الصفحة 4

nasser · 21 - 01 - 2017, 12:47 PM

16-شيخ عجوز
شيخ عجوز وشعره شاب
بس بيحب الشباب
لما سألته عن السبب
قاللى:باعيش الكتاب

Rena Jesus · 24 - 01 - 2017, 04:00 PM

دروس مهمه وبطريقه روووووووعه
ربنا يبارك تعب محبتك
متاااابعه

nasser · 26 - 06 - 2017, 02:00 PM

17-عادات
فى الشباب بنتعلّم حبة عادات
منها المفيد ومنها اللى بيعمل مشكلات
صلى كتير وصوم كمان
واتعلّم تهرب م الشهوات

sama smsma · 26 - 06 - 2017, 02:04 PM

ربنا يبارك خدمتك

nasser · 27 - 06 - 2017, 04:59 AM

شكراً يا سما على مشاركتك الجميلة

nasser · 13 - 07 - 2017, 03:31 PM

18-الشيطان
الشيطان شاطر مكّار
يرمى السم فى الأفكار
ويخليك تايه متحير
ما بين السماء والخوف م النار

nasser · 14 - 07 - 2017, 02:06 PM

19-كلام الله
وأنت بتقرأ كلام الله
صدّق إن الكلمة حياة
صلى بيها وردّد فيها
هاتِحلّ الفرحة بدال الآه

nasser · 17 - 07 - 2017, 02:06 PM

20-سر التعاسة
عارف إيه سر التعاسة؟
مش فى الفشل وقت الدراسة
أو فى قلة الفَرَاسة
السر فى عدم القداسة

nasser · 18 - 07 - 2017, 01:03 PM

21-صاحبك
صاحبك اللى يخاف عليك
وللسكة الصح يناديك
مش اللى يعلمك الغلط
وفى سكة الشر يودّيك

nasser · 24 - 07 - 2017, 04:27 PM

22-اتنين صُحاب
اتنين صحاب قالوا هايعيشوا الحياة
واحد عاشها مع المسيح والتانى غيّر الاتجاه
واتقابلوا بعد سنين طويلة
لقاء البسمة ويا الآه