معجزات القديسة فيلومينا

[بنت معلم الاجيال]

حصلت مع ابني معجزة عاوزة احكيها كانت فيه بقع بيضةعلي صدره ورجله ففكرتها بهاق اتصلت باختي دكتورة جلدية قالتلي تعالي أشوفها ضروري بس كان الوقت متاخر باليل وكان علي ابني امتحان في المدرسة فقعدت طول الليل اصلي لربنا واتشفع بالقدّيسة فيلومينا وقتلها هاكتبهالك علي صفحتك وتاني يوم رحت لأختي في العيادة فطمنتني وقالتلي مش بهاق شكرًا ليكي ياقديسة ياجميلة وانا بطلب منكم تصلولي ع ربنا يشفيني ويعطينا طفل تاني ببركة القديسة الجميلة فيلومينا وشكرا

[بنت معلم الاجيال]

بنتى كانت نامت فى يوم كويسة وصحيت الفجر تعبانة اوى وبتكح كحة غريبة وسخنة واتشفعت بالقديسة فيلومينا وقلت لو بنتى بقت كويسة هكتب ع الصفحة هنا والحمد لله بنتى بقيت كويسة نشكر ربنا

[بنت معلم الاجيال]

كان معايا تليفون s6جديد ولسة مكملش شهر وخرب وديتو عشان اصلحو ومعرفتش اتشفعت بالقديسة فيلومينا وابونا يسى حبيبى واشتغل بركة صلوتهم تكون معانا بصراحة انا مستهلش دة كلة

[بنت معلم الاجيال]

انا كانت اسنانى وجعانى و اتشفعت بشفاعة القديسة فيلومينا و البابا كيرلس و البابا شنودة و ابونا فلتاوس السريانى و الحمد اللة انا كويسة دلوقتي و خصوصاً انى مسافرة

[بنت معلم الاجيال]

انا مامتي كانت تعبانة و الدكتور كان عايز ياخد منها عينة من الرحم و يعملها عملية بس ماما خافت و راحت لدكتور تاني و انا فضلت اقول يا قديسة فيلومينا و شماس مارك يكونوا مع ماما و لاقيت ماما بتكلمني قالتلي الدكتور طمني و قالي لا مش محتاجة عملية و لا حاجة
يارب القديسة فيلومينا و الشماس مارك يكونوا مع كل الناس

[بنت معلم الاجيال]

انا حامل بشفاعة القديسة الجميلة فيلومينا
انا شوفت صورتها على الفيس وشدنى جمالها وهدوء ملامحها وبرائتها وحبيت انى اعرف عنها اكتر واقرأ قصتها ومن اول ما قرأت قصتها وانا طلبت منها انها تتشفعلى قدام رب المجد ويدينى طفل وحسيت ان ربنا هيسمحلى بالحمل بشفاعتها ووعدتها لو جبت بنت هعمدها على اسمها شكرا ليكى يا فيلومينا و القديسة مارينا وام النور وابونا فلتاوس
انا وعدتها انها لو وقفت معايا انا هكتب المعجزة دى على صفحتها
ارجو النشر لكى يعرف الجميع عن القديسة الجميلة فيلومينا سريعة الندهة.

[بنت معلم الاجيال]

معجزة لسه حصلالي ببركة شفاعة ابونا فلتاؤس والقديسة فيلومينا والانبا كاراس انا كنت ف الثانوية واتظلمت ف التصحيح ف 34 درجة و قبل نتيجة التظلم صليت قلت يا ابونا فلتاؤس انا طلباك ان الدرجات دي ترجعلي انا عارفه انه صعب بس انت تقدر وكمان قريت بالصدفة معجزات فيلومينا العظيمة وقلتلها لاول مرة هطلبك ..ظهرت نتيجة التظلم مرجعليش غير 3 درجات زعلت وقلت اعمل بيهم ايه دول وتعبت جدا بجد حتي قلت مش هجيبهم..انا جايلي تنسيقي تجارة عين شمس عربي وانا كان نفسي ف انجلش بس مجابش وقلت ليه يا ابونا فلتاؤس وليه يا فيلومينا كسفتيني دي اول مرة اطلبك وزعلت منها اوي يعني..بعد يومين وصلي خبر اني اتقبلت في منحة من امريكا للدراسة هنا ف قسم انجليزي متميز فرحت اوي بس الفرحة مكملتش لان لما الوزير اتغير حصل مشاكل ف عين شمس ورفضوا المنحة..المسئولين عن المنحة اتصلوا بينا قالوا احنا كنا هنوديكي تدرسي ف تجارة جورجيا اللي هي منهج عالمي بس مجموعك ناقصه درجتين قلتلهم لا لا استنوا انا رجعلي ف التظلم 3 درجات يعني المجموع جايب وروحت جبتهم وبعد ما كان نفسي ف تجارة انجلش بقيت تجارة جورجيا العالمية فعلا ابونا فلتاؤس والقديسة فيلومينا بيعملوا المستحيل..مجموعي كان ناقصه درجتين وهما بعتولي تلاتة اطلبوهم ف اي وقت مش بيكسفوا حد ..وعدتها انزلها م غير اسم..بركتهم معاكم

[بنت معلم الاجيال]

من كام يوم نمت وانا معيطة كنت بتكلم معاها وبطلب منها طلب صعب نمت وانا معيطة حسيت بنور صغير بأيد بطبطب على كتفى مرديتش أفتح عينى عشان متمشيش وكل يوم بحس بيها جمبى

[بنت معلم الاجيال]

انا بشكر فيلومنتى عشان كنت طالبه منها ان جوزى يوصل للتارجت الى مطلوب منه ف الشغل عشان يقدر ياخود الحوافززز وكان كل ميجيب العدد تتعقد وعميل يترفض انا كنت طالبه منها حاجات كتير من ضمنهم انها تفرح قلبى بطفل ولما حصل موقف الشغل دة قولتلها انا كل ماطلب منك حاجة مش بتعملهالى طب اقفى مع جوزى ولسه امبارح العدد كمل بطريقة عجيبةةةةة وفرحت انها سمعتنى المرادى وعقبال متفرحينى انا كمان مستنياكى

[بنت معلم الاجيال]

انا جوزي كان اترفع عليه قضية في حادث تصادم بالعربية. حاولنا نتصالح فطلبوا مبلغ كبير و هذا بدون وجه حق.بعد شهور الحمدالله طلع الحكم بالبراءة ببركة فيلومينا و الانبا مكاريوس و كل القديسين الفرسان و كل قديس سمعنا عنه