أجمل توبيكات الفرح المسيحى

[MenA M.G]

ولا همي حالة قلبي
وعروضي ما فيها جدية،
وأديني بأرضيني وأخدمني وبأعبّي!!
أتاريك بتدوَّر على قلبي الخادم،
مش مجرد خدمة وخلاص
وعايزني أخدمك في مكانك،
وسط فراغ واحتياج الناس
وتديني قلبك أخدم بيه،
وتنشر بيه أجمل إحساس
جايلك باعترف بسيادتك وحقك،
قبل ما اخدمك يا ربي!!
وتكون خدمتي ليك بجد،
هي ترجمان حقيقي لحبي

[MenA M.G]

عشت كتير في صراع وهمي، بين النعمة والمسؤولية
كنت فيه بألومك وبسأل: انت معايا ولا عليَّ؟!
لكن خلاص فهمت قصدك، وعجباني الشراكة معاك
وعرفت أنك في نعمتك، عايز تشغَّل إرادتي وياك
وتشاركني معاك في مشاريعك، هنا في أرضك قبل سماك
جايلك خارج من دروشتي، ومن الأفكار اللي حواليً
إديني أفهم دورك وعملك، وأعمل كمان الدور اللي عليَّ!!

[MenA M.G]

ياللي انت نور في طبيعتك،
من قبل حتى ما تقول: ليكن نور
وانت اللي عرَّفتنا مين شخصك،
وبمعرفتك كان الكل مسرور
لكن إبليس بدهائه،
عمى الذهن ومنع الإنارة
وساق الناس بطريقته،
وسرق منهم الإدارة
وحوًّل معرفتك لمعلومات في كنايس دوَّارة!!
جايلك توصل “كَابل” حياتي بيك،
بعد ما صابه العمى والضمور
وتشرق على ذهني بأشعتك،
لما أسمعك كل يوم تقوللي: صباح النور!!

[MenA M.G]

مِن زمان وأنا عارف كويس إنك حنين ورائع وطَيِّب
مِن كلامك، مِن صفاتك، مِن مراحمك، من كونك مني قُرَيِّب
بس للأسف ياما عملت الشر مِن ورا طيبتك
وياما افتكرتك هاتتساهل في مطاليب قداستك
وإنك ممكن تفوِّت أو تطنِّش على شر ابنك
آه! سامحني يا أبويا، ساعدني أعرف معناك وقيمتك
وإنك قدوس وعادل وبار، زي ما إنت كمان “طيِّب”!!

[MenA M.G]

مشغول فكري بِبُكرة، يا ترى إيه شكله؟ وإيه مَجَايبه؟
ومنين أسدد احتياج يومي، أو أهَدِّي إلحاحه ومطالبه؟
مش إنت وَصِّتني إني عمري مانشغل وأهتم؟
وأقنعتني إن بُكرة بتاعي في إيديك مِتلَم؟
فادِّيني تكون كلمة سِرِّي: “الله أعلم!”
فأسَلِّمك يومي وبُكرة من كل حدوده وجوانبه!
وأستَنَّى تدخل إيدك لصالح واحد محتاج مِن حبايبه!

[MenA M.G]

إزاي ماطلبش هدايتك، وأمشي في طريقي الحاير
واليُفَط حواليَّ بتزغللني، وكلها عليَّ بتشاور
مين عارف طريقي بنهايته قبل بدايته
ومين كاشف قلبي الجوّاني وغايته
ومين يحفظ خطواتي يتوهوا بعيد ويشتوا
تعالَ اتدخل في حياتي، بأي طريقة يا قادر!
واقنعني إن دورك تهدي، ودوري أقولك: حاضر!

[MenA M.G]

كترت محاولاتي وأخطائي
وستارها كلمة “تِعيش”
وأتاريني باهرب بيها منك
ورا حجج ما بتنتهيش
خلاص جه الوقت اللي أعيش لسيدي بجد
ما فيش مجال إن الدلع يفضل يتمد
أو أكون لغيره ويشاركه فيَّ حد
ده هو الوسيلة والغرض وغيره ما يساويش
ولو عشت بغيره أو لغيره،
مهما كبرت هأصبح ما فيش

[MenA M.G]

كترت محاولاتي وأخطائي
وستارها كلمة “تِعيش”
وأتاريني باهرب بيها منك
ورا حجج ما بتنتهيش
خلاص جه الوقت اللي أعيش لسيدي بجد
ما فيش مجال إن الدلع يفضل يتمد
أو أكون لغيره ويشاركه فيَّ حد
ده هو الوسيلة والغرض وغيره ما يساويش
ولو عشت بغيره أو لغيره،
مهما كبرت هأصبح ما فيش

[MenA M.G]

أقولك إيه وانت محاصرني بخيرك من زمان
وأطلب ليَّ إيه، وأنا بين إيدين إلهي الحنان
يا ريتني أهدا ومانتظرش تيجي الأسباب
دي كتير بتخدعني، وكتير بتسد لي الأبواب
فخيري وكفايتي فيك وحدك يا رب الأرباب
خلاص حرمت اختار ليَّ!! ده أنا عندي عمى ألوان
كتّر خيرك إنك حاببني وعايزني، ومقدَّر طبعي كإنسان

[MenA M.G]

لو يوم أبعد عنك #حبة .. #بترجعني ليك علي طول
ماإنت #إيمان و #حنان و #محبة إنت ياربي #خير علي طول <3 ^_^