أجمل توبيكات الفرح المسيحى

[MenA M.G]

ليت الرب ينير أذهاننا، ويقنعنا أن كل شيء؛
صغير أو كبير في هذا الكون،
وكل قرار أو اختيار لنا، لا بد أن يخضع للقاعدة الثلاثية لمشيئة الله
“منه وبه وله”؛ ولهذا فعلينا أن نصرف وقتًا في الصلاة
قبل أي خطوة أو قرار، لا لنسأله عن الوسيلة أو الكيفية،
ولكن لنطلب من الرب أن يوضِّح لنا إن كان هذا الأمر من يده
أم من يد غريبة، وأن نصرف وقتًا آخر في الصوم وامتحان
النفس، لكي ننقي دوافعنا الشريرة، لكي يكون هذا الأمر فقط
لمجده. وحال يتحقق هذين الأمرين،
فلا تَعُل الهَمّ؛ فالأمر الذي من الله،
ولمجد الله فسيكون تلقائيًا... “على الله”.

[MenA M.G]

كتير رفضت درس الصبر، واعتبرته كاس مليان مرار
وماكنتش فاهم تفسيره عندك، غير أنه تحمُّل وانتظار
لكن أتاريه ده مصنعك، وخط انتاجه تحف ذهبية
لما تضغط ساعات إيدك، وتحفر بعمق في الشخصية
ساعتها يتنقل حبيبك نقلات، وتباركه بصفات الأبدية
ساعدني أفهمك، وأصدَّق صلاحك وحكمتك ولو فيها أسرار
وأعرف إن مفيش وقت ضايع في سكتك، وبالصبر يكمل المشوار

[MenA M.G]

لعل هناك تجربة مُرّة في حياتك (كما في حياتي)،
وأعلم أن الأَمَرّ منها هو عدم قدرتك على الصبر،
وتململك من الانتظار والتحمل، لكن اعلم أن الصبر بالنسبة لله ملك الدهور، ليس وقتًا ضائعًا،
ولا كأسًا مرًا لزامًا علينا أن نتجرعه،
لكنه فترة مجيدة يستغلها الله ليغيّر أفكارنا الجذرية الخاطئة،
وينضِّج شخصياتنا، ويكسبها المرونة اللازمة،
والتي بدونها لا خدمة صحيحة، ولا شخصية سوية،
وفي نفس الوقت سيكافئ الله صبرنا باستعلان مجده في شخصياتنا

[MenA M.G]

باعترف إن الحياة معاك صعبة في أوقات كتير
وإن التقوى نادرة، وجبل البِرّ قُدامي عَسير
بس انت عامل لكل ده حساب بحكمتك
ومدعَّمني بإمكانياتك وروحك وكلمتك
وبتعلّيني فوق أي صعب بفضل سندتك
علّمني أتّكل عليك، في الصغير قبل الكبير
وافهم قوتي في لاشيئيتي، فتسهل قدامي المشاوير

[MenA M.G]

دعنا نعترف، أنا وأنت، أن الحياة المسيحية الصحيحة هي صعبة،
ودعنا نعترف أننا لا نقوى على أي من تفاصيلها الصغيرة بأنفسنا،
بدءًا من مكالمة افتقاد صغيرة أو حوار هامشي مع مؤمن،
إلى أصعب الأمور التي نواجهها؛ فلا مجال للاعتماد على أي شيء فينا؛
لأن سر قوتنا هو في إدراكنا لضعفنا، وسر تمتعنا بالحياة ولذّتها،
هي في استخدامنا اللحظي لإمكانيات الله “المُسهِّل” الهائلة لحسابنا،
والتي تجعلنا نعبر البرية الصعبة، بدون أن تترك علينا أي من آثارها.

[MenA M.G]

كنت فاكر إن التوبة قدامك

مجرد كلمات أسف وآهات اعتذار

وإن بِدهائي هاهرب من عقابك،

وأكمِّل طريقي زي بقية الأشرار

أتاريك عظيم وما يِضِّحكش عليك

بزيف الكلمات

وكاشف القلب وفاحص للأفكار

وقاري للنيَّات

وما ينفعكش غير توبة مُخلِصة

قبل التعهدات والاعترافات

غيَّر أفكاري عن نفسي وعن جرايمي

وعن شخصك المُحِب البار

وجدِّدني يوماتي في محضرك،

بتوبة تغسلني من فساد الأفكار

[MenA M.G]

ياما رنمّتلك وصلّيت،

إنك تيجي تملك عليَّ وتسمع طِلباتي

ومن قلبي اشتقت واتمنيت،

إنك بجلالك تهدي وتقود خطواتي

وكنت باسأل:

ايه اللي بره حياتي موقَّفك؟!!

واكتشفت إن ماعنديش مكان

في كياني فاضي يقبلك

وإن عليً أفضى من جوايا،

من كل اعتماد بيعطلك

ساعدني اجتاز في أصعب عملية،

واتفرغ من جميع متكلاتي

ولو كانت صعبة ومؤلمة ليّ!

كفاية إن “مُلكك” ها يتستعلن في حياتي

[MenA M.G]

الكل بيمثِّل إنه جوَّاد وكريم،
وكرمه ما يزيد عن أماني وأقوال

والغالب فيهم بيفضل أناني وبخيل،
ولا عنده للحب والعطاء أي احتمال

لكني فخور بيك يا إلهي،
لأنك عن الناس متميز ومختلف

ومن الأزل للأبد حاببني،
وواخدني لكرمك ولحبَّك هدف

لدرجة عطيتني ابنك حبيبك،
لما قلبي عن وصاياك انحرف

إدّيني ماكنش “بخيل” مع اسمك،
وأشهد بكرمك للناس وللأجيال

وينطبع في ابتسامتي ملامح كرمك،
وساعتها ها تتغير الأحوال

[MenA M.G]

كنت فاكر إنك عايز تاخد مني، ومش عايز من يدك تعطيني
وإنك دايمًا مدايني وحارمني من خيرك، ومش راضي تفهمني وتحتويني
أتاريك مديني كل حاجة منك بديعة
وفوقها كان صلب إبنك، وتحمّله للوجيعة
بس عايز مني حاجة؛ قلبي تحفظه لي وديعة
جايلك بقلبي ومشاعري وقراري، وكل حاجة في يميني
ليك الأمر في حياتي، إنت تحركني وتوقفني، وتاخدني وتوديني

[MenA M.G]

كنت باسأل في حيرة: ليه باتألم، ليه باتحرِم، ليه بانزل والكل طالع
ليه الأقدام بتدوسني، والتراب مفطسني، ويوماتي غامسني، وفي الأرض واقع
أتاري الموت ده حق عليَّ ومجد ليك
وده الطريق اللي قبلي مِشيِّته رجليك
واللي بدونه لا خدمة ولا ثمر ولا حياة ترضيك
جايلك حابب وطالب موتي عن كلي، وماعنديش لا شرط ولا مانع
لحد ما تحيا بحياتك في موتي، وتفاجئني بفَجري اللي ساطع