ممكن مساعدة

[بنتك يايسوع]

انا شخصيا بصراحه معرفش
بس من عنيا ياقمر هدورلك على النت وهشوفلك ناس اعرفهم
بس قوليلي امتى اخر ميعاد عشان اعمل حسابى واجيبهملك
ربنا يبارك خدمتك الجميله ياقمر

[بنتك انا]

المشاركة الأصلية كتبت بواسطة نونا بنت البابا

سورى يارورو
بصراحة مش عارفة اوى فى الحكاية دى

ولا يهمك يانهى
ميرسى ياسكرة لمرورك
كفاية انك دخلتى الموضوع
ربنا يباركك

[بنتك انا]

المشاركة الأصلية كتبت بواسطة رمانة

راندا حبيبتي ممكن العاب ومسابقات اسئلة بالدين وجوايز بسيطة
ممكن عمل مسرحيات تكون حلوة وخفيفة
ممكن تعملي ترانيم ليسوع من دفتر الترانيم هجبلك ترانيم
كنا نرنمها هون بغزة قديمة بصغرنا
.

انا عصفور

انا عصفور فى السما باطير شفت اتنين حلوين
واحدة فيهم ملكة والتانى شفته امير
يلا نفرح يلا نطير للملكة والامير
دى الملكة هى العدرا ومارجرجس الامير

1- (غني يا عصفور أحلي الترنيمات طيرنا معاك نأخد منهم بركات)2

2- لما نادي علي العدرا أمنا بتصعد الصلاة للسما زي البخور
[
3- أما أمير شهداءنا مارجرجس الروماني فإلهنا بيبعتهولنا لنا لما نناديه في ثواني



اسمع او حمل الترنيمة









ترنيمة مش فاكر
مش فاكر إمتي يا ربي أتعلمت اقول الله
مش فاكر أنا مين علمني أنطق إسمك يا الله
بس فاكر إني أعرف اعرف إسمك من زمان
فاكر إني أعرف حبك اللي قلبي بيه مليان


+ مش فاكر إمتي يا ربي أول مرة جيت هنا
أول مرة جيت كنيستك وحنانك ضمنا
بس فاكر إني أعرف أعرف بيتك من زمان
فاكر إني أعرف حبك اللي قلبي بيه مليان

+ مش فاكر إمتي قالولي إنك جيت لأرضنا
جيت ودمك سال علشانا بدل ما يسيل دمنا
بس فاكر إني باحكي عن صليبك من زمان
فاكر إني أعرف حبك اللي قلبي بيه مليان

اسمع او حمل الترنيمة





احنا جنود

إحنا جنود ويسوعنا قائدنا وبنسلك فى طريق النور
وخطاوى رجليه سكتنا خطوة بخطوة وراها طابور



راية مجده هى رايتنا(2) راية غالب مش مغلوب
راية غالب غالب غالب مش مغلوب


إحنا جنود ويسوعنا معانا بيعدى بينا البحور
لو فرعون بجيوشه ورانا هايعدينا لأرض النور
أصل قائدنا (3) هو يسوع



أحنا جنود ويسوعنا الهنا مهما يكون السورمغرور
راح تدخل لاريحا رايتنا مما يكون شكل السور
أصل قائدنا (3) هو يسوع





حمل الترنيمة









ترنيمة ملاكي الحارس

ملاكى الحارس هو حارسنى ماشى معايا وبيونسنى
إن رتلت معايا يرتل وإن سبحت معايا يسبح
صوتك جميل لأ صوته أجمل ولأفراحى هو بيفرح

دايماً تحت جناحه واخدنى عن طريق الشر بيبعدنى
وقت المذاكرة بيساعدنى وفى إمتحاناتى يرشدنى
ماهو أصل ملاكى ملاكى ماهو أصل ملاكى حارسنى
ملاكى

وكمان جوة البيت وياى عمال بيبارك فى غدايا
يملأ علىّ البيت بهدايا وقبل ما أطلب ألقى عطايا
ماهو أصل ملاكى ملاكى ماهو أصل ملاكى حارسنى
ملاكى

بيعلمنى أكون فرحان وأرتل وأحفظ ألحان
وبيثبتنى على الإيمان ويخلينى أعيش فى أمان
ماهو أصل ملاكى ملاكى ماهو أصل ملاكى حارسنى

ملاكى


حمل الترنيمة

ترنيمة عندى حكاية

عندي حكاية هأقولها للأولاد أولاد أصحابي ومن كل البلاد
حكاية عني وعن يسوع حبيبي ونصرتنا الأكيدة علي مكر الشيطان
"فتحوا ودانكم وانتبهوا لي كويس علشان تنتصروا دايماً وتبقوا في آمان"2

+ فـ الضلمة ماشي في مرة من المرات جالي يتسحب كأمكر الحيات
حاول يقولي دا أنت ماشي لوحدك وفي الضلمة أنت خايف قوم هات إيدك هات
قولتله أمش لأني مش لوحدي يسوع ماسك في أيدي وهو عشاني مات

+ وفي مرة بالعب مع ابن الجيران جه قالي اكذب عشان تبقي الكسبان
قولتله لأ يسوع راح يزعل مني وقلبي مش هايفرح مادام هو زعلان
قام فر مني وجه جنبي يسوعي في لحظة لقيته جنبي وحسيت بالأمان


+ خدها نصيحة علي مر الأيام إبليس لو جالك ماتسمعلوش كلام
قوله يا شاطر ماتتشطرش علي عشان أنا مش قدك ملكش معايا كلام
إن كنت شاطر تروح تتحدي ربي وهو هايوريلك ويغلبك كمان

اسمع او حمل الترنيمة






مين ساكن

مين ساكن في قلبك مين واحد بس من الأتنين
أما الله أو الشيطان واحد بس من الأتنين

+ أنا قلبي بيت صغير كان خربان وحقير
لا فيه ميه ولا نور وكمان مافيهوش سرور

+ وفي يوم خبط باب قلبي فتحت لقيته ربي
دخل وأتعشي معايا من يومها يا هنايا


+ ربي نور لي قلبي وماء الحياة رواني
إبليس خرج من قلبي وما هواش راجع تاني
اسمع وحمل الترنيمة








انا بحب ربى

نا بحبك ياربى ايوة بحبك من قلبى
علشان هو انت حبيبى ومفيش غيرك نصيبى

+ بحبك زى مارجرجس دا شرب السم وما تسمش
واستحمل كل العذابات علشان حبك لحد ما مات

+بحبك زى مار يعقوب دا يسوع عنده كان محبوب
لف العلم بشر بيك علشان نفسه كان يرضيك

+ بحبك زى انبا انطونيوس والانبا بيشوى وانبا باخوميوس
اللى معاك كانوا مبسوطين وحاجة من العالم مش عايزين

اسمع وحمل الترنيمة






زى العصافير انا نفسى اطير ويكون لى ريش وجناح كبير

طب قول لى ليه يا حبيبى عايز فى السما تطير وبرضه ليه يا حبيبى تاخد شكل العصافير

انا عايز اطلع واكلم فى السما بابا يسوع وافضل قدامه ارنم واصلى بكل خشوع واحكى له عن مشاكلى لما اكون زعلان وانا عارف انه فى لحظة هيخلينى فرحان

ماهو بابا يسوع وياك موجود فى كل مكان فى السما والارض معاك مادد لك ايده بحنان

اسمع او حمل الترنيمة









ترنيمة ربى يسوع
ربى يسوع ..بيحبنى ... قبلنى اليه ... غفر ذنبى
انط من الفرحة
امشى وراه على طول
اجرى اتمم مشئته
الف على اصحابى واقول
يسوع بيحبنى........... يسوع بيحبنى........ يسوع بيحبنى........... هيا


لينك التحميل






ترنيمة احلى اسم

احلى اسم اسمك احلى صوت سمعته
صوتك انت يا ربى حبيبى يا يسوع
احلى اسم اسمك يا يسوع


[دائما بتفرحنى وتقولى بحبك
متخافشى لانى انا دائما معاك
دائما بتفرحنى يا يسوع

احلى اسم اسمك احلى صوت سمعته
صوتك انت يا ربى حبيبى يا يسوع
احلى اسم اسمك يا يسوع
لينك التحميل









ترنيمة يسوع بيحبنى


رجلك اليمين طلعاها قدام ............ رجلك الشمال زيها تمام
نط نطة لورا ارجع مكانك على صوتك وقول

يسوع بيحبينى .. يسوع بيحبينى .. يسوع بيحبينى هافضل اقول للناس

حرك راسك مرة ناحية اليمين ............حرك راسك مرة ناحية الشمال
بص قدامك ركز معايا على صوتك وقول

[ يسوع بيحبينى .. يسوع بيحبينى .. يسوع بيحبينى هافضل اقول للناس

ايدك اليمين طلعاها قدام........... ايدك الشمال زيها تمام
اعمل دايرة كبيرة بس اوعى تخبط صحبك على صوتك وقول

[ يسوع بيحبينى .. يسوع بيحبينى .. يسوع بيحبينى هافضل اقول للناس

لينك التحميل









نوح البار

بكلامه الحلو وصوته الهادى كان نوح البار واقف بينادى
بيقول لكل الدنيا تعالوا أحضان الله فى الفلك تنادى
وبين العالم سد ودانه مين طين وعجين سابوه فى مكانه
لو فكر لحظة كان أتعلم أزاى الحيوانات سمعاله



وأهو كل يوم جرس الكنيسة يرن تن تن تن
ينده علينا تن تن تن تن تن تن
دة يسوع لحضنه داعيك وفى بيته مستنيك
ويدق قلبك تن تن تن تن تن


لفيل أتقلب قام من نومته وفرك فى عنيه ورفع زلموته
مش ممكن أخلى النوم يغلبنى دا أنا شوقى فى قلبى لربى سابقنى
والقرد أتشقلب على الشجراية أتنين أتنين نطوا ويايا
مش عاوز أروح لألهى لوحدى غير ما كل أصحابى ما يبقوا معايا


البلبل رنم والعصفورة والكروان قال غنوة صغيورة
أنا قلبى فى بيته أكيد مطمن وحياتى معاة دايماً منصورة
والدب يدبدب على التلجاية ويقول للنحل يلا معايا
دة كلامه االحلوا فى بيته يشبع أحلى من الشهد كمان جوايا

حمل الترنيمة









الرب معايا


ترنيمة الرب معايا ترنيمة جميلة جدا وبتحكى قصة يوسف بلحن جميل
كلمات ترنيمة الرب معايا

الرب معايا انا مش قلقان ناجح دائما مش خسران
وقت الصعب معاه هيهون مستقبلى كله مضمون

اخواتى رمونى جوه البئر مع انى جايبلهم الخير
وكمان يبعونى وابقى اسير وانا كنت فى بيتنا امير
كله دا ميهمنيش اصل انا عارف سر خطير

واشتغلت فى بيت فوطفيار شغل كتير ليل ونهار
ساكن وسط ناس اشرار لكن فى قلبى اخدت قرار
اكرم ربى وله اعيش اصل انا عارف سر خطير


ظلم رمونى جوه السجن مع ساقى وخباز الملك
كل واحد حلم حلم واحد خرج والتانى هلك
عارف ربى مانسينيش اصل انا عارف سر خطير


فرعون نادانى ورحت قصره وهناك فسرت له حلمه
وكمان قولتله يعمل ايه علشان يقدر ينقذ شعبه
جوه القصر بقيت اعيش اصل انا عارف سر خطير

حمل الترنيمة









يسوع زى السكر لا اكتر واكتر حبه فى قلبى بيكبر يوم عن يوم بيزيد
يسوع ملك قلبى لا قلبى وحبى حبى دا لربى يسوع المسيح




حمل الترنيمة









انا مسيحى

انا مسيحي مسيحي وصليبه دقي في إديه
وهو في قلبه في قلبه أعز من عينيي



* أقول الأب وأيدي فوق رأسي ده حبيبي
ربي يسوع في السماء هو أعز نصيبي


* أقول الابن وايدي فوق بطني ده حبيبي
نزل في بطن العدرا علشان علي الأرض ياجي







* أقول الروح القدس وإيدي بين أكتافي
دا روح الرب فينا يرعانا ويحمينا
اسمع او حمل الترنيمة








ترنيمة حدوته صغيورة
توته توته. توته توته حدوته بس صغنتوته
توته . توته بابا يسوع بطل الحدوته


وبتتباهي مين الأغني مين فيهم بفلوسه أتبرع)

كانت واقفه ست فقيرة ما بتملكش غير فلسين
حطتهم وبكل خشوع علشان كده قال عنها يسوع
هي فقيرة لكن أغني مـ اللي إدي ألف وألفين


ولما صار المساء كان الكل في حالة جوع

ماكانش في غير حاجتين خمس أرغفة ويا سمكتين
باركهم بإيديه الأثنين وكسر وأعطي القاعديه
شبعوا 5 الآف وفاضل 12 قفة كاملين

حمل الترنيمة









احلى من العسل

احلى احلى من العسل اغلى اغلى من الدهب كلامك يا ربى مليان بالعجب
غذاء الحياة ونور الطريق والميه اللى بتروى وهو الصديق
احلى احلى من العسل اغلى اغلى من الدهب كلامك يا ربى مليان بالعجب

اعلان المحبة وحصن الامان وهو سلاحى فى حربى الشيطان
احلى احلى من العسل اغلى اغلى من الدهب كلامك يا ربى مليان بالعجب




ترنيمة احلى من العسل









الشكر لك يا يسوع خيرك علينا كتير تحمى الفقير من الجوع تيديه كمان الخير



ياللى باركت زمان ساعة الخمس خبزات بارك طعامنا كمان يا واهب الخيرات



خلينى ابقى رحوم واعطف المسكين واتذكر المحروم واداه بايدى طعامى



خلينى ابقى قنوع واحفظنى من الشرير الشكر لك يا يسوع خيرك علينا كتير



ترنيمة الشكر











اوعى تبص

كلمات ترنيمة اوعى تبص
اوعى تبص لحاجة غيرك اوعى عدو الخير يغيرك
غمض عنيك واشكر ربك حالا تلاقى يسوع يعطيك

واشكر دائما على اللى معاك زى اخوك الله اداه

اوعى تحسد او تتمنى حاجة صحبك تبقى معاك
اركع صلى ونضف قلبك ويسوع عمره ماراح ينساك








لما افرح



لما افرح يفرح وويايا والاقى هو اللى مفرحنى واما الحزن يكون جوايا
االاقياه بيزعل اكتر منى


وانا راح اقولها وبصوت عالى دا يسوع هو صديقى الغالى


لما اطلب يحقق طلبى اصل عايز منى اكون ناجح
وفى غلطى تسامحنى يا ربى اكتر ا صاحب شفته يسامح


بيطمنى فى كل طريقى بيطمنى يفرح قلبى
بيطمنى اصله صديقى بيطمنى دا يسوع صاحبى










طوبى للى يسمع

طوبى للى يسمع ويعمل كمان دايما يبقى ناجح فى كل مكان(2)
زى شجرة مغروسة بجوار الانهار كبرت كبرت كبرت وجابت ثمار(2)
وورقها اخضر ودائما مزهر(2)
طوبى للى يسمع ويعمل كمان(2)

ميرسى ياريم
لتعبك
وللترانيم الجميلة ديه
رجعتينى لزمن الطفولة الجميلة
ربنا يباركك ويعوضك

[بنتك انا]

المشاركة الأصلية كتبت بواسطة marina greiss

انا هساعدك يادودو
انا كنت منزلة شوية افكار لحفلات التخرج
وافكار كمان لهدايا التخرج
هدورلك عليهم
وهبعتلك لينكهم
استنينننننننننننى اوعى تمشى

ميرسى يامارينا ياسكرة تعبك معايا
ربنا يباركك
فى انتظار المزيد

[بنتك انا]

المشاركة الأصلية كتبت بواسطة marina greiss

أفكار مصورة لحفلات التخرج

بالفيديو: أفكار لحفلات النجاح للأطفال

هدورلك على شوية افكار تانى
وارجعلك يادودو

ميرسى ياسكرة
على تعبك
فى انتظار المزيد
ربنا يعوضك يامارينا

[ميرو]

المشاركة الأصلية كتبت بواسطة بنتك انا

اولا ميرسى كتير ياميرنا لمرورم
ربنا يباركك
انا كنت عايزاها لاعدادى او ثانوى
بس ولا يهمك اى العاب ما فيش مشكلة
ممكن تنفع ابتدائى
برده
احنا كل سنة نعمل فقرات ترانيم
وفقرات فديو
وكورال
ومسرح
والعاب
واعياد الميلاد
وفى الاخر التخرج
فلو عندك افكار تانية
ناخد بركة
ولكى منى جزيل الشكر

بتشكرينى على اية بس ياقمر
انا عندى ابتدائى اللى لى فيها لكن اعدادى وثانوى مش اووووووووووى انا هكتبلك الالعاب

[ميرو]

ابتدائى اووووووعى تنسى هههههههههههه
العبة عبارة عن هنعمل دائرة كبيرة بس مش اووووووى يعنى وفى مستر يوقف فى نص الدائرة ويكون ماسك فى ايدة
زجاجة فيها مية ويلف بالزجاجة والكل يفط على اساس القزازة متجيش فى رجلين الاطفال واللى تلمس رجلة يبا برة
وكذا لحد واحد بس يكون هو اللى كسبان واللى كسبان اوعى تنسى الجايزة ههههههههههههههههه

[fgsat3]

ممكن مسابقات تمبولة كمان توزعي ارقام عليهم وهما داخلين الحفلة وفي الاخر ابونا يختار ارقام عشوائية ويكون ليها جوايز

وممكن فقرة ابداعات الخريجين يعني تشاركيهم في حفلتهم

يعني لو حد منهم عمل فيديو مثلا
او صور فوتوشوب او فقرات عايز يشارك بيها ممكن تجمعيهم منهم وتدوها مثلا فترة 10 دقايق تعرضي فيها كل اللي عملوة واكتر فقرة فيهم تاخد تصقيف يكون ليها جايزة

[ميرو]

العبة عبارة عن هكتبل كل الاسماء اللى موجدين معانا وهنجيب بالونات وفى البلونة نكتب سؤال يكون من الدروس اللى بناخده فى الفصل وبعدين نعمل سحب اللى اسمة يطلع فى السحب يجى من قدام يمسك بلونة تكون منفوخة ويطرشقها وبعدين يحل السؤال لو عرف ياخد جايزة لو معرفش يبا خلاص وهكذا

[ميرو]

فى لعبة عبارة عن هتجيبى مثلا 5 كراسى و 6 اطفال وتشغلى الموسيقى وفجاة تطفى الموسيقى وبعدين الكل يقعد على الكراسى وطبعا الكراسى 5 والاطفال 6 يبقا فى طفل مش هيقعد يبا برة وكذا لحد ما واحد هيكسب والجايزة طبعا
ههههههههههههههههههههههههه