ملف كامل لجميع وصفات الكبدة

[Rena Jesus]

* كبدة الكباب حلة *
المقادير
- 1/2 كيلو كبدة.
- 3 معالق سمنة.
- 1/2 راس ثوم.
- كوب عصير طماطم.
- ملح – فلفل – بهارات.

الطريقة
- بعد مانغسل الكبدة كويس ونجهزها نقطعها مكعبات.
- اقدحى السمنة وحمرى فيها الثوم (بس يكون مقطع حلقات مش مهروس ) لحد ما لونه يصفر
- ضعى مكعبات الكبدة على الثوم وتقلبى وتغطى الحلة وتكون النار هادية لحد ما الكبدة تنشف مايتها
- اضيفى عليها عليها عصير الطماطم و الملح والفلفل والبهارات
- اتركيها على نار هادية لحد ما تتسبك وتبان السمنة .
- - حمرى فيها الكبدة وتقدميها.

/////////////////////////////////////////

[Rena Jesus]

* كبدة بالدقة *

المقادير

* ½كيلو كبدة بتلو.
* 1/2 راس ثوم مهروس.
* 3 معالق زيت.
* عصير ليمون.
* معلقة كبيرة بقدونس مفروم.
* ملح وفلفل و كمون.

الطريقة
- تغسل الكبدة كويس بالماء والخل
- وتشطف بالماء وتقطع شرائح رقيقة
- ندهن مقلاية بالزيت ونشوح فيها الكبدة كويس على نار عالية لحد ماتستوى ونشيلها من على النار
- نخلط كل مقادير الدقة اللى عندنا مع بعضالثوم والبقدونس و عصير الليمون والملح والفلفل والكمون ونضعهم على الكبدة اول ما تنزل من على النارونقلبهم كويس لحد ما الدقة تتخلط كويس بالكبدة ونقدمها ساخنة.

وبالهنا والشفااااا

[Mary Naeem]

مشاركة جميلة جدا

ربنا يبارك حياتك

[Rena Jesus]

ميرسى لمروركم الغالى

[كيلارا]

ميرسى على موضوعك الرائع

[Rena Jesus]

ميرسى لمرورك الغالى

[sama smsma]

روووعة يا رينا

[Rena Jesus]

ميرسى لمرورك الغالى