مدرسة الفرح المسيحى ( خلى ردودك تكون سبب نجاح مواضيع الأخرين )

[كيلارا]

ميرسى على التوضيح ربنا يعوض تعب محبتكم

[Haia]

شكراّ على التوضيح والمعلومات المفيدة
ربنا يبارك دايماّ

[Ramez5]

شكرً ليكم جميعاً على مساعدتكم للأرتقاء بالخدمة فى الفرح المسيحى
ربنا يبارك خدمتكم دايماً وتكون سبب بركة للجميع

[Ramez5]

سلام ونعمه أحبائى الخدام والخادمات
فرق جداً تغيير ردودكم للأفضل

ودة بيعطى انطباع ايجابى
ان بالفعل أصبح ردك مختلف فى كل موضوع
مما جعل نمط الرد المكرر بدء فى التلاشى
وبناء على مراسلتكم وتعليقتكم فى الموضوع ..
يبقى اتفقنا مع بعض بعدم تكرار الرد بصورة غير لائقة
للرد على الموضوع هدف ( التجاوب الإيجابى )
عدم اخذ الرد كابى وبيست فى المشاركات المتتالية
لاحظ نفسك انك قدوة فى ما تنشرة بردك على الأخرين
يوجد أقسام تجبرنا برد مكرر لذلك نحاول تغيير نمطة
مثل قسم التوبيكات ( ميرسى على التوبيك - شكراً للتوبيك الجميل - توبيك مميز ..... )
نمط اختلاف الرد الكل ملتزم به
الأفضل دائماً التجاوب مع الموضوع برد أثبت قرائتك للموضوع
وهذا يفضله صاحب أى موضوع فى المنتدى
عند رفع مواضيع قديمة يجب ان تكون تستحق ذلك
اذا دخل عضو جديد وشارك برد كابى وبيست
ننبه فى رسالة بأن سياسة المنتدى تمنع المشاركات مثل ذلك
وننوه له ان يتابع الردود ( سوف يتعلم منكم )
من الوارد ان يكون لك خمس مشاركات مكررة فى اليوم بخلاف ذلك سوف يحذف إذا لزم الأمر
على الجميع ان ننبه بعض اذا وجدتم احد خالف ما نتفق عليه بكل محبة

سوف نتعاون جميعاً بأن نتطور الى الأفضل دائماً
والموضوع مفتوح لأى اضافات اخرى .....

[MenA M.G]

حضرتك كدة نبهتنا ل ٥ نقط مهمين جدا

١/ اننا بدأنا فعلا فى التطور ، وبدأ الرد بتاعنا يكون ايجابى
٢/ فى بعض الاقسام زى قسم توبيكات .. لازم ننوع فى الرد ..
٣/ لازم يكون الرد بتاعنا بيدل على اننا قرأنا الموضوع .. وعرفنا المحتوى بتاعه
٤/ ممكن اخواتنا الخدام مايخدوش بالهم ويكرروا تعليقات .. ف مسموح بس ٥ مشاركات مكررة فقط .. وبعد كدة هيتم حذف المقرر
٥/ اتخاذ النقطة رقم ٤ دى كإضافة لسياستنا .. ولو شوفنا اى عضو جديد بيخالف .. نحاول نبلغه ونعلمه .


لو اذنتلى اقول تعليقى فى ٥ نقط برضوا

١/ اوافق حضرتك فى النقطة الاولى تماما .. احنا بجد تغلبنا على الرد التقليدى .. ونتايج تقدمنا مذهلة .. واتعلمت درس كبير على ايد اخواتى الخدام .. ان مفيش مستحييل .. وان التميز صعب لكن مش مستحيل ..

٢/ بالنسبة لقسم توبيكات .. بالمقارنة قبل ما نطرح موضوع الردود دة ، احنا تقدمنا كتيير .. وااخواتى الخدام عملوا اكتر من اللى حضرتك بتقوله .. وكانوا بيقرأوا التوبيكات .. وبيتفاعلوا برأيهم ومشاعرهم ..
.. // كان فيه تجاوز منى فى تكرار الردود فى القسم دة .. بسبب ضغط الوقت بس .. لكن بإذن الله مش هتتكرر

٣/ مع حضرتك فى النقطة ال التالة .. وان لازم ندى حق كاتب الموضوع من احترام لتعبه فى كتابة الموضوع
من وجهة نظرى التى لا قيمة لها على الاطلاق ..احنا بدأنا نعمل كدة فعلا ..
وانا عن نفسى لقيت تشجيع كبير على مواضيع ليا .. .. ردود فعلا تعبر عن ان اللى رد فهم وقدر الوقت فىةانتاج العمل دة ...... دة خلانى استمر واكمل نشر اكتر.

٤/ فى النقطة الرابعة / موافق حضرتك .. ليس عليها جدال
٥/ نقطة تعليم الاعضاء الجدد .. دى نقطة لوحدها ودرس جديد عايزين نتعلمه .. وعلى وجه السرعه .. و ازاى نخلى الاعضاء الجدد فعالين .. ازاى نمدهم بالافكار .. ازاى نعد بعضهم للخدمة .. ازاى نخليهم قادرين على التعامل فى المنتدى دون كلل او تعب .. وطبعا دون مخالفة قوانين .






أحب انهى كلامى بتمنى للفرح المسيحى
أرنو لك يا صديقى .. أن تنعم بتميز حقيقى .. تعلوا به الى أعلى حد .. فقط ليتمجد رب المجد

[sama smsma]

ربنا يعوض تعب محبتكم
ويارب المنتدى دايما للافضل

[walaa farouk]

ربنا يبارك في الخدمة
ويعوض تعب الجميع ونبقى احلى واجمل منتدى فى العالم

[Ramez5]

أرجوكم ....
قراءة أى موضوع قبل الرد عليه

ارجوا منكم فى محبة قراءة الموضوع قبل أى ردود منكم
بلاش حد ينزل موضوع .. ونلاقى رد فورى على مواضيع تحتاج قراءتها

[بنتك يايسوع]

يمكن انا ردي جاى متاخر جداااااااا جدااااااااااا
بس بصراحه الموضوع ده مهم جدااااااا
ومبسوطه جدا ان حضرتك اتكلمت فيه
لان فعلا الردود المكرره على اكتر من موضوع ده بيضايق صاحب الموضوع
وكمان الرد السريع ع الموضوع بيحسس صاحبه انه متقراش اصلا
وياريت لو امكن كمان اننا نقرا الموضوع ولما نيجي نعلق نقول حاجه استفدنا منها من الموضوع بحيث نحسس صاحبه فعلا ان موضوع مهم واننا قريناه
يمكن انا مكنتش بعمل كده بس بنعمه ربنا هابدا اعمل كده

[souad jaalouk]

فعلاااا موضوع هااااام للغاية ولو جاء ردي متأخرااااا الردود كما قلت استاذ رامز يجب ان تكون من روح الموضوع وماهيته وانا مسرورة جداااا جداااا لهذه اللّفتة الكريمة وهذا التوضيح الهام والرب يوفقنا ويكون معنا لما فيه الخير والأفضل لمنتدانا الحبيب