احترف معنا منتدى الفرح المسيحى

[walaa farouk]

رووووعة يا مينا شرح جميل جدا

[MenA M.G]

ناخد فاصل كدة من الشرح الطويل دة ونعرف شوية أماكن جميلة جدا عندنا هنا فى المنتدى

عندنا وبس تقدر تدرس الكتاب المقدس بأسهل الطرق .. لأن ببساطة عندنا منتدى كامل عن الكتاب المقدس
والمنتدى دة فيه أقسام جميلة جداً زى مثلا

1/ مزامير داود النبى :- اللى فيه بنعرف تفاسير وتأملات وعظات لكل المزامير .. مش بس كدة دة كمان موجود عندنا المزامير اللى مش مكتوبة فى لائحة المزامير زى مثلاً مزمور 152 لداود النبى لم يكتب فى لائحة المزامير

2/ أمثال الكتاب المقدس :- وبندرس فيه دراسة مفصلة جداً عن الامثال الموجود فى الكتاب المقدس .. يعنى ايه مش فاهم يعنى بنجيب المثل وبنقول يقصد ايه ربنا بيه ـ مش بس كدة - لأ دة احنا بنكتب كل الشروحات للمثل دة -- طيب أدينى مثال .. حاضر شوف الموضوع الجميل دة كدة :- مثل اللُّؤلؤة الثمينة ( من امثال الملكوت )

3/ نيجى بقى للقسم الجميل اللى بنحبه كلنا ( تأملات فى الكتاب المقدس ) - نشوف مثلا الموضوع الجميل دة وتأمل قوى جداً للقمص أفرايم الاورشليمى
" السيد المسيح والمرأة السامرية "


4/ معلومات عن الكتـاب المقدس القسم اللى بيفيد الخدام فى دراسة الكتاب فيه بنشرح كل الحقائق والصور .. بإختصار القسم عبارة عن موسوعة فى الكتاب المقدس
5/ تفسيرات وقراءة ودراسة الكتاب المقدس

6/ شخصيات الكتاب المقدس القسم المفيد جداً اللى فيه بنكتب معلومات قيمة جداً عن كل شخصية فى الكتاب المقدس .. يعنى لو فيه اسم قراته كدة ومش عارف هو مين يبقى القسم دة هو المكان المناسب

***
نقدر من كل الكلام الكتييير دة أن منتدى الكتاب المقدس مش بيفوت أى معلومة عن الكتاب المقدس
أسيبكم بقى تستمتعوا بالمعلومات الجميلة اللى فيه

[MenA M.G]

طبعا علشان نكمل التميز لازم يكون عندنا منتدى كامل عن القراءات اليومية

فى لمحة سريعة تعالوا نعرف فيه ايه

بإختصار شديد جداً كل يوم تفتح المنتدى وانت فى بيتك تعرف ايه اللى اتقال فى
القراءات اليومية = البولس + الكاثوليكون + الابركسيس + السنكسار

[MenA M.G]

ايه المنتدى الجميل دة .. دة زى ما يكون سماء تانية
هو فعلاً سماء تانية .. ايدة دة بجد طيب أزاى ؟؟

احنا عندنا منتدى عن السمائيات اللى فعلا بيعيشنا الحياة فى السماء
من اول .. رب المجد يسوع المسيح الراعى الصالح

وبعد كدة القسم الجميل بتاع أمنا العذراء قسم السيدة العذراء مريم والدة الإله اللى فيه فرع كامل عن ظهورات أم النور ظهورات السيدة العذراء مريم حول العالم

وبما اننا فى السماء لازم نعدى على شفيعنا الجميل البابا كيرلس اللى ليه عندنا قسم كامل يتناول أعماله ومعجزاته وتاملاته .. الخ من كنوز شفيعنا البابا كيرلس السادس البطريريك رقم 116


وكمان عندنا قسم لمثلث الرحمات .. الرجل القوى اللى علمنا كتييير جدا واللى كان اسقف التعليم قسم البابا شنودة الثالث البطريرك رقم 117

** عندنا مكتبة دسمة جداً لتعاليم اٍسقف التعليم
وعظات كتابية / // / وعظات صوتية / كنوز البابا شنودة الثالث كتب البابا شنودة الثالث// صور البابا شنودة الثالث// فيديوهات البابا شنودة الثالث سنوات مع أسئلة الناس للبابا شنودة الثالث


طبعاً المنتدى الجميل بتاعنا عمل مكتبة للبابا تواضروس واللى هتعرف فيها معلومات كتيييرة جداً أول مرة تسمع عنها عن البابا تواضروس الثانى البطريرك رقم 118


ولأن الرهبنة برضوا حياة سمائية كنا لازم نهتم بيها فى المنتدى الانطونى | منتدى الرهبنة وحياة البرية

[MenA M.G]

"آية (1 بط 1: 16): لأَنَّهُ مَكْتُوبٌ: «كُونُوا قِدِّيسِينَ لأَنِّي أَنَا قُدُّوسٌ». "

علشان كدة احنا عندنا تقريبا 4700 سيرة قديس وقديسة وحوالى 6000 معجزة فى منتدى القديسين والشهداء وأباء الكنيسة

1/ سيرة القديسين والشهداء 2/ سيرة القديسات والشهيدات
3/ معجزات القديسين والقديسات و دة مثال بسيط جدا للمعجزات الجميلة جدا عندنا :- الثانوية فى ايد البابا
4/ تماجيد ومدائح القديسين والشهداء
5/ أقوال الأباء وكلمة منفعة
6/ تاريخ الكنيسة القبطية الأرثوذكسية
7/ شهداء المسيحية - العصر الحديث

[MenA M.G]

بنكمل مع بعض مزايا المنتدى التى لا حصر لها .. ..

علشان من اهداف المنتدى أن نوصل صوت ربنا لييك عندنا مجموعة من الاقسام المتجددة يومياً اللى بتبعتلك رسائل يومية من السماء .. .. معقولة أزاى ؟؟

عندنا منتدى كلمة الله الحية والفعالة اللى فيه باقة جميلة جداً من الاقسام زى
1/ حظك اليوم - اية من الكتاب المقدس اللى فيه بنوصلك رسالة يومية من السماء من خلال اية .. ممكن تحفظ الايه دى وتبدأ تستخدمها فى حياتك الروحية وكمان ممكن الاية دى تعزيك فى موقف حصل او تشجعك فى مناسبة ما .
2/ برضوا عندنا بنوصلك صوت ربنا ليك - الله يدعو يومياً
3/ كلمة الله تتعامل مع مشاعرك دة من الاقسام المميزة جداً ولو عايز تتأكد من كم الاستفادة اللى هتشوفها فى القسم شوف كدة الموضوع دة وجبـــــــة روحيـــــ(†)ــــــــــة يوميـــــــــة

4/ مواضيع روحية مسيحية متنوعة :- القسم دة فيه تنوع روحى قوى جداً متمثل فى مواضيع مفيدة جداً حتى شوف كدة الموضوع دة .. الأرامل والأيتام في الكتاب المقدس
5/ ايات من الكتاب المقدس للحفظ
6/ أية من الكتاب المقدس وتأمل
7/ قصص مسيحية متنوعة :- مفيش حد بيستغنى عن القصص ف حياتة .. لأن القصص تقدر تخليك متمكن فى أى نقاش تكون فيه .. وبتخليك سريع فى توصيل وجهة نظرك للاخرين

[MenA M.G]

كمان علشان المنتدى الجميل دة بيحب كل الاعضاء اللى فيه .. عملنا قسم طلبات الصلاة اللى فيه بنصلى كلنا لبعض ولو فيه أى حد محتاج صلاة لمشكلة عنده أو عند حد يعرفه .. والكل هيدخل ويشاركك وبإذن ربنا طلبتك ربنا يسمعها

عندنا كمان منتدى خاص للمثقفين اللى بيحبوا القراءة موجود عندنا فى منتدى الكتب زيادة عن 2000 كتاب أو ربما أكثر وكلها كتب مفييدة جداً .. شوف كدة الموضوع دة وأتأكد بنفسك الأسرار السبعة (الأسرار الكنسيَّة السبعة) - القس أنطونيوس فكري

فى منتدى الميديا المسيحية بقى حدث ولا حرج . لأن فيه ترانيم وعظات وافلام وقداسات وتسبحة وألحان

[MenA M.G]

لو انت خادم ومحتار فى تحضير موضوعك .. أو عندك مشاكل فى الخدمة .. متقلقش منتدى الفرح المسيحى وفرلك منتدى كامل عن الخدمة والكرازة ..
بتعرف كمان معانا معلومات عن ذوى القدرات الفائقة وازاى تتعامل معاهم .. .. بالإضافة لقسم كامل بيطور من شصيتك وحياتك :- منتدى حياتك للأفضل

****

كمان عندنا منتدى فيه كل الاسئلة اللاهوتية والطقسية والعقائدية وفى تارخ الكنيسة ايه دة بجد ؟؟ طيب أسمه ايه .. اسمه منتدى سؤال وجواب اللى فيه زيادة 5100 سؤال وجواب

**
نيحى لقسم الشباب .. القسم المهم جداً فى مرحلة الشباب واللى فيه مواضيع رائعة هتحل ليك مشاكل كتيرة بتقابلها فى المرحلة العمرية دى .. من خلال قسم شبابيات الفرح المسيحى
لكن لو فيه موضوع يخصك ومش لاقى ليه أجابه تقدر تراسل الادمنز وهما هينشروا مشكلتك من غير ما يكبتوا اسمك فى قسم فضفضة شبابية بلا حدود

**
عندنا كمان منتدى للصور المسيحية بكل أنواعها

**
وكمان منتدى للأطفال

**

منتدى الأسرة و المرأة

**

منتدى هواة ومحبى الحيوانات والطيور

**

المنتدى الأجتماعى

**

منتدى اللغات

**

المنتدى الترفيهى

**

منتدى الأعضاء

**

المنتدى العام

**

منتدى التواصل مع أعضاء وزائرين الفرح المسيحي

** عندنا كمان راديو خاص بالفرح المسيحى

**

اصدار خاص للفوتشوب للمنتدى



وبكدة نكون عملنا شرح مبسط للأماكن المميزة فى منتدى الفرح المسيحى
متابعين بالشرح وصولاً للإحتراف مع التعمق أكثر فى المنتدى .. انتظرونا

[MenA M.G]

** بنكمل مع بعض سلسلة الشروحات **

وبنقدم دلوقتى حل لمشكلة ممكن تواجهنا واحنا بنستخدم المنتدى هى ..... ؟

* * * ترتيب المواضيع * * *

زى ايه مثلاً ؟؟ زى مثلا انت حابب تتصفح المواضيع الجديدة فى قسم توبيكات أعضاء الفرح المسيحى بس بتلاقى المواضيع مش مترتبة من حيث الجديد والقديم
***
أو أنت حابب تعرف كل المواضيع بتاعة عضو معين فى قسم معين زى مثلاً مواضيع Ramez5 فى قسم توبيكات أعضاء الفرح المسيحى
****
وكمان لو عايز تعرف المواضيع ذات المشاهدة العالية أو ذات الردود الأكثر
كل دة نقدر نعرفه من الميزة الجميلة اللى منتدى الفرح المسيحى موفرها لينا هى (( الفلاتر ))
فلاتر ؟؟ دى مكانها فين فى المنتدى ؟؟ -- فى اخر كل قسم ( فى الصفحة كدة من تحت بتاعة كل قسم )
طيب وبستخدمها أزاى ؟؟

دة شكل الفلاتر




الاستخدام سهل وبسيط
1/ لو عايز تعرف كل المواضيع الجديدة فى القسم

أ- بنختار من خانة ترتيب حسب ( تاريخ بداية الموضوع )



ب- وبنختار من خانة طريقة العرض ( تصاعدى ) ** بحيث أن اول موضوع هيظهرلنا هو أقدم واحد ** واخر موضوع هو أجدد موضوع -- ولو عايز العكس أختار (تنازلى بدل تصاعدى )

ج- وبنختار من خانة منذ ( اخر يوم ) ** بكدة هيجيلنا المواضيع بتاعة انهاردة بس .. ونقدر نعدل الاختيارات حسب الفرتة اللى عايزين نبحث فيها



*** نفس الكلام بقى للباقى بالنسبة للنقطة ب ، ج ***
2/ لو عايزين نعرف مواضيع عضو معين بنغيير بس فى نقطة (أ) .. اللى هى خانة " ترتيب حسب "
ونخليها كاتب الموضوع ..

[الوردة الذهبية]

يعطيك العافية