فرح الخلاص (يصدرها خدام وخادمات منتدى الفرح المسيحى) عدد شهر مايو 2017

[nasser]

بقلم:ولاء فاروق

هل يوسف ماصرخش . ليه القسوه دى عملتلك ايه يارب
هل ما عيطش وقال مش كفايا ظلم اخواتى كمان اشتغل عبد
هل ماكنتش جواه رغبات شبابيه
وعطش لحنان والحب ده يتيم الاب ومخطوف من الاب
شاب فى السن ده فى الظروف دى يرفض امرأه بالجمال والروعه دى
ده مش بشر ولا ايه ؟؟؟ (انها معونه الله )
هل لما اتسجن ماعتبش على ربنا وقالو انت فين سايبنى ليه
عجبك اللى بيحصلى من بير لعبد لتهمهبشعه انا بريئ منها لسجن
انت فين ليه بعيد ليه مش شايفنى ليه مش سامعنى

اكيد كانت فى الف هل فى حياه يوسف

بس استجابات الصلاه كانت فى اشكال تانى . كان بيشدده الرب . كان حافظ نفس من الجنان اقل ما يحصله . كان مديه نعمه فى عيون كل اللى يشوفه (( كان معاه ))

الاستجابات دى مش ملموسه لينا لانها حياه كامله مع الله
عشان تشوفها لازم تبص للماضي كله

لو انت نظرت لماضيك وشفت كام حفره كنت هاتقع فيها والرب نجاك هاتعرف ان ازاى الرب استجاب ليوسف
اكيد مر بابشع من اللى انت مريت بيه
جه فى وقت معين وظهرت الاستجابات الملموسه . انه يبقي اهم راجل فى مصر
انه يبقي انسان عظيم وشعب كبير لايهلك بسببه اهمهم اخواته

الرب عاوزك فى المكان ده بالظروف الصعبه دى وهو بيستجيب لكل صلاواتك حتى همساتك حتى طلباتك اللى مستكتر تطلبها

بس مش كل الاستجابات انت بتفهمها . لكل شئ وقت
المهم فى وقت الضيق تخرج اجمل ما فيك اللى عاوز يظهره الرب
ان حياتك تشهد عن امانته

الله هايعمل فى حياتك اعظم مما تتخيل
واروع مما تحلم والمكافأه اكبر من اى نتيجه امتحان
دى ((رساله خاصه ))

[nasser]

بقلم:مارى نعيم
تأملات وحكم

تأملات وحكم


1 -الايمان القوي
يحلق النسر في الفضاء ، فلا يبالي ما تحته إن كان نهرًا صغيرًا أو بحرًا كبيرًا ، وهكذا الايمان .


2- إيمان.. تهوُّر
في الغالب هنالك شعرة واحدة تفصل بين الإيمان والتّهور. قد يقدم أحدنا على خطوة ما, فيتّضح لاحقا أنها كانت في الحقيقة بالايمان , فيما يقدم آخر عليها, فإذا بالنتائج تُظهر أنها خطوة تهور! ففي الحالة الاولى , الله هو من أمر بالخطوة, أما في الثانية, فقد يكون وراءها محفزات كثيرة ما عدا الله .



3 - الايمان والثقة
الايمان ان تثق بما لا تراه ، ومكافأة هذا الايمان ، ان ترى ما وثقت به.



4 - التصرف عند حضور المتسلط
"ان صعدت عليك روح المتسلط لا تترك مكانك لان الهدوء يسكن خطايا عظيمة." (جامعة 10: 4)



5 - محبة الله تتجلى في ثلاث امور
حبّ الله يتجلّى لكَ في ثلاثة أمور، تذكّرها دائماً ، وردِّدها باستمرار : إرادته الخير لكَ لأنّه إلهٌ محبّ ومعرفته ما هو لخيركَ لأنّه إلهٌ حكيم وقدرته على إعطائكَ هذا الخير لأنّه إلهٌ قدير .


6 - الايمان يطرح الخوف
تقول كلمة الله ان الايمان يطرح الخوف الى خارج . أن كان أيمانك لا يحررك من المخاوف ولا يمنحك السلام ، ليس هذا هو الايمان الصحيح الذي انت بحاجة اليه .



7 اذكر خالقك في ايام شبابك
"فاذكر خالقك في ايام شبابك قبل ان تأتي ايام الشر او تجيء السنون اذا تقول ليس لي فيها سرور."
(جامعة 12: 1) .



8 – "ان كان احدكم تعوزه حكمة فليطلب من الله الذي يعطي الجميع بسخاء و لا يعير فسيعطى له" (يعقوب 1: 5) .



9 –" من يسد اذنيه عن صراخ المسكين فهو ايضا يصرخ ولا يستجاب " ( امثال 21 : 13 ) .


10 - ان الصلاة هي اقوى قوة في عالم اليوم .


11 - شـروق وغـروب
لا تدع اليأس يستولي عليك ، انظر الى حيث تشرق الشمس كل فجر جديد ، لتتعلم الدرس الذي أراد الله للناس أن يتعلموه .. ان الغروب لا يحول دون شروق مرة أخرى في كل صبح جديد .



12 - تجنب الخطايا
بالإمكان تجنب اكثر الخطايا, اذا ما تجنبنا المواقف التي تقود الى الخطيئة.



13 - إذا جعلت توكلك على اللَّـه فإنه يُخلِّصك مِــن جميــع شـدائـدك (القديس الأنبا باخوميوس)



14 - تمسك بالصلاة تضمن الخلاص ( أبونا ميخائيل البحيرى )


14 - - إن نجح هؤلاء الذين يكرهونك .. بجعلك تكرههم فهم ربحوا عليك .
"واما انا فاقول لكم احبوا اعداءكم باركوا لاعنيكم احسنوا الى مبغضيكم و صلوا لاجل الذين يسيئون اليكم و يطردونكم" ( متى 5 : 44 ) .



15 - أن الرجل لن يكون أكثر رجولية إلا عندما يَحني رُكَبَتيه أمام الرب.


16 - استخدام قوة الصلاة :
في هذا العصر المتقدم ، تعلمنا ان نستخدم كل قوة وكل طاقة في الطبيعة لانارة مدننا، واشغال محركاتنا ، ودفع آلياتنا، والى ما هنالك. لكن قلة قليلة منا تعلم استخدام قوة الصلاة في حياتنا. (بلي غراهم)

[nasser]

القديسة الملكة هيلانة

[nasser]

بقلم:ماجى

بين شم النسيم وعيد القيامة
---------------

يتساءل الكثيرون عن سرّ ارتباط عيد شمّ النسيم المصري بعيد القيامة المسيحي.

ويُسعدني أن أقدِّم إجابة مبسَّطة

أولاً: عيد شمّ النسيم هو عيد مصري قديم، كان أجدادنا المصريون
يحتفلون به مع مطلع فصل الربيع
وكلمة "شم النسيم " هي كلمة قبطيّة (مصريّة)
ولا تعني "استنشاق الهواء الجميل "
بل تعني : "بستان الزروع "..
"شوم " تعني: " بستان" ، و "نيسيم" تعني: " الزروع"
وحرف "إن" بينهما للربط ..
فتصير الكلمة "شوم إن نيسيم " بمعنى "بستان الزروع "..
وقد تطوّر نطق الكلمة مع الزمن فصارت "شمّ النسيم "
التي يظنّ الكثيرون أنها كلمة عربيّة، مع أنها في الأصل قبطيّة (مصريّة).

ثانياً : بعد انتشار المسيحيّة في مصر حتى غطّتها بالكامل في القرن الرابع
واجه المصريون مشكلة في الاحتفال بهذا العيد (شم النسيم)
إذ أنه كان يقع دائمًا داخل موسم الصوم الكبير المقدّس الذي يسبق عيد القيامة المجيد..

وفترة الصوم تتميَّز بالنسك الشديد والاختلاء والعبادة العميقة
مع الامتناع طبعًا عن جميع الأطعمة التي من أصل حيواني..
فكانت هناك صعوبة خلال فترة الصوم في الاحتفال بعيد الربيع
بما فيه من انطلاق ومرح وأفراح ومأكولات..

لذلك رأى المصريون المسيحيُّون وقتها تأجيل الاحتفال بعيد الربيع (شمّ النسيم)
إلى ما بعد فترة الصوم، واتفقوا على الاحتفال به في اليوم التالي
لعيد القيامة المجيد والذي يأتي دائمًا يوم أحد
فيكون عيد شمّ النسيم يوم الإثنين التالي له.

[nasser]

بقلم:ولاء فاروق
القديس مارسلينو

اتولد مارسلينو من غير ما يشوف باباه و مامته ( يتيم )
و فى يوم و رهبان الدير و هما نازلين يجيبوا احتياجات الدير شافوه و خدوا و لما رئيس الدير شافه قالهم ان باباه بيدور عليه دلوقتى و لما رجعوه تانى ملقوش حد فرجعوه الدير و قرروا انهم يربوه فى الدير و كانوا متعودين ان لكل يوم فى شفيع اليوم و كان الشفيع المذكور فى السنكسار هو القديس مارشيل و لما شافوه قرروا انه يكون اسمه على اسم القديس مع زياده (ينو)و علموه ان بابا يسوع هو باباه و ماما العدرا هى مامته و حببوه فى بابا يسوع اووى و فهموه انه لو طلب منه اى طلب هيعمله و كان فى الفتره ديه كان مارسلينو كان عنده 6 او 7 سنين و كان كل يوم بياخد الاكل بتاعه و يروح يوديه لبابا يسوع و بابا يسوع كان بينزل من على الصليب يأكل و يتكلم معاه .. الرهبان شكوا فيه انه بيسرق فقرروا أنهم يراقبوه و لما راقبوه شافوه و هو بيشيل اكليل الشوك من على رأس بابا يسوع و بيتكلم معاه و بيسأله و يقوله يا بابا يسوع انت عندك ماما؟ قاله بابا يسوع اه انا عندى ماما .. ماما معايا فى السما فوق .. طلب منه مارسلينو انه يشوف مامته راح قاله بابا يسوع تعال حط رأسك على صدرى و انت تشوف ماما ملقوش الطفل او تمثال السيد المسيح على الصليب فصعد الاثنان معا الي السماء
معلومات بسيطه عن القديس
___________________
ليه دير فى الغرب

[nasser]

بقلم:مارى نعيم
يارب فلا تتركنا نصارع الشدائد

يا رب فلا تتركنا نصارع الشدائد


يا رب
.. مع كل نسمة صباح ، نسبحك ،
ونطلب منك
فأنت الأب السماوي المملوء رحمة وحنان
أنظر إلى أولادك ،
وساعدهم في جميع ظروفهم المادية ،
والمعنوية
فيا رب أنت تعلم صعوبات ،
وظروف كل واحد منا
فلا تتركنا نصارع الشدائد لوحدنا ,
فكل اتكالنا عليك
فساعدنا وارحمنا ، أمين

[nasser]

صور من الزمن الجميل
عودة رفات القديس أثناسيوس الرسولى إلى مصر
مايو 1973

[nasser]

يسوع هيجى تانى

[nasser]

بقلم:ماجى





مريم المجدليّة، الشاهدة الأولى على القيامة
---------------------------

كانت مريم المجدلية أهم التلميذات النساء في حركة يسوع.
من كانت مريم المجدلية؟
لقد صنّفها التقليد على أنّها زانية
لكن لا يوجد في الكتاب المقدس ما يدعم أو ينفي هذا الرأي.

هناك أفكار عديدة حول المجدلية اليوم، سواء كان النص الإنجيلي
والمصادر التاريخية توكدّها أم لا.
على سبيل المثال
عرّفها آباء الكنيسة الأوائل خطأ على أنها المرأة الخاطئة
التي مسحت قدميّ يسوع بالطيب في بيت سمعان الفريسي.
آخرون اعتقدوا أنّها كانت مريم من بيت عنيا، أخت مرتا ولعازر.

مَن كانت مريم المجدلية بالحقيقة؟
الظاهر أن مكانتها في المسيحية الأولى كانت كبيرة بنفس رفعة منزلة بطرس
إن لم تكن أعلى منها.
يعطينا الإنجيل معلومات عن أهميتها.
فبعد القيامة، ظهر يسوع أولاً لمريم المجدلية وليس لبطرس
تبعاً للإنجيل بحسب القديس يوحنا.
لم تتعرف عليه في البداية، لكن عندما ذكر اسمها عرفته فوراً.
لقد ركعت مريم المجدلية قرب صليب يسوع خلال تلك الساعات الطويلة المفجعة في الجلجثة.
وبالرغم من أنّ المحنة كانت منهِكة، فقد نهضت باكراً
في أول يوم من الأسبوع وذهبت إلى قبره والظلام ما يزال حالكاً.
عندما اكتشفت أنّه لم يكن هناك، انهارت وبكت.

كانت مريم متلهفة جداً لتمنح جسد سيدها وربها الحبيب دفناً لائقاً
وقد ناشدت البستاني بالدموع، حتى أنها عرضت عليه المال، ليأخذها إليه.

لكنّ الشخص الذي تكلّمت معه لم يكن البستاني.
لقد قال كلمة واحدة فقط فعرفت أنّه كان يسوع الناصري.
قال"يا مريم" فردّت بدورها "ربوني"
وهي كلمة عبرية تعني "يا معلّم".
لقد أظهر يسوع نفسه لها خارج القبر.
كانت مريم أول شخص يرى الرب القائم من بين الأموات
وهذه مكافأة لا تقدّر بثمن لإخلاصها غير المشروط.
أخبرت مريم التلاميذ "لقد رأيت الرب".

وفي أجزاء أخرى من الكتاب المقدس، فإنّ اسمها هو الأول في قائمة شهود القيامة
( مرقس16: 1-11 ، متى28: 1 ، لوقا24: 10 ، يوحنا2: 11- 18، 1 كورنتس15: 5- 8 ).

[nasser]

بقلم:ولاء فاروق
من أجمل ما قرأت

من أجمل ما قرأت كلمات منسوبة لسيدنا قداسة البابا شنوده
توأم في بطن أم . واحد منهم أتولد
تخيلوا التاني عمل ايه ؟!!!!!!!!
مــــــش هــــــتــــصـــــدقـــــوا !!!!!!!!!!!
حد عارف التوأم في بطن الام بيفكروا ازاي ؟!!!
التوأم في بطن الأم بيحسوا بكل حاجة ... بس في مشكلة ...
التوأم فاكرين أن بطن الام دي هيه كل الدنيـا ..
ميعرفوش ان في حــــيـــــاة خارج بطن الام ..
بيعيشوا حياتهم داخل بطن الام عادي جــدا ,,
وبــيــتــعلقوا ببعض جـــداً وبيلعبوا مـع بعض ,,
وبيحبوا بـــعـض اوي اوي اوي اوي اوي اوي ,,
وســــاعــــات كـــمـــان بيزعلوا مـــع بـعـض ,,
بس
فـــــــــي الاخـــــــــــر بــــــيــــتـــصــالـحوا ..
بعد شوية شهور تبدأ تحصل تغييرات في بطن الام ...
التوأم مــــــــــش فهمين حاجة خـــــــالـــــــــــص ..
و فــ،،،جـ،،،،،أ،،،،،،ة
واحد من التوأم يلاقي ايد بتشده لتحت ...
بــيـــتــــرعـــب ويـــخاف ويبكي ويصرخ ...
أصله فاكر انه بـــــــــيـــــــــمــــــــــوت ...
وأخوه التوأم بيبكي كــــــــــمــــــــــان ...
اصله هو كمان فاكر ان اخوه بــيــمـوت ...
اصلهم هما الاتنين فاكرين ان الحياة كلها في بطن الأم ......
ومات الطفل الاول .... اقــــــــصــــــــد ( اتولد الطفل الاول ) ..
اخوه التوأم لسة في بـــطـــن الأم بـــــيـــــــبـــــــكــــــــي ..
اصله فاكر ان اخوه ( مـــــــــــــــــــــــــــــــــــــــــــــــــ ات ) ..
وشوية كمان يلاقي نفسة بيتشد هوه كـــــــــــــمـــــــــان ..
ويفتكر انـــــــــــــــــــــه كمان بيموت ويبكي ويبكي ويبكي ..
وفـــ ، جـــــ ، ـــــأ ، ة
يلاقوا نفسهم في حياة تانية خالص .. احلى بكتير مـن
بطن الأم .. واوسع من بطن الأم .. وأجمل من بطن الام
واحنا كمان ..
فاكرين ان الدنيا دي هي كل حاجة ....
لا ابدا ...
الدنيا دي عاملة زي بطن الأم .... لما بنموت ... بنتولد حياة تانية احلى واجمل ....
متزعلوش لو حد بتحبوه مات .. اقصد ( اتــولــد ) ...
كلنا اكـــيــد في يوم هنموت .. اقصد ( هنتولد)...قداسة البابا شنودة الثالث