أجمل توبيكات الفرح المسيحى

[MenA M.G]

إطمن.. اللي زرع الحِلم في قلبك..
هو المسئول عن تحقيقه،
واللي إبتدا معاك سِكة هايكمل للآخر

[MenA M.G]

ماتخافش.. اللي سلّمتله حياتك "أمين"،
هايفضل معاك في كل تفاصيلها..
مش هايرخي بيك في النُص

[MenA M.G]

ثِق.. اللي وعدك راجل في كلمته،
مابينساش وعوده.. حتى لو عدّت سنين،
مُستحيل يرجع في كلمة قالها

[MenA M.G]

اتشدّد.. اللي بيخطط مستقبلك هو
"الجالس على كُرة الأرض"..
لما بيأمر بالنجاح بيتحقق،
ولما بيبعت بركة بتوصل..
غصبٍ عن إبليس.

[MenA M.G]

سَلّم.. اللي مسئول عن حياتك "الله القدير"،
وفي قُدرته دي مش هايمنع "فشلَك"..
لكن هايحتويه في خطّته،
ويُثمر منه "نجاح" زي ما وَعد

[MenA M.G]

فوَّق.. اللي معاك "يُعطي الجميع بسخاء"..
أُنفض من على قلبك تُراب اليأس والقلق وصِغر النفس.
وإتقدم بثقة لـ"عرش النعمة"..
إصرف رحمة وبركة على قد ما تقدر ووقت ما تحتاج

[MenA M.G]

اطمئن.. اللي معاك "ضابط الكُل"..
برغم كل "العشوائية" اللي أنت شايفها،
هو برضو بيتصرف وبيطلّع من كل اللخبطة دي معنى،
ومن "العبث" ده بركة.. دي مُعجزتُه.

[MenA M.G]

إفرح.. اللي معاك "شديد القوة"..
حتى لو في "الأتون"،
حضوره بس يخليه "ندى بارد"..
حضوره يديك "سلام"
يحفظ قلبك ويُصلب طولك من جديد.

[MenA M.G]

إرتاح.. اللي مسئول عنك
هو "الحـامل كُل الأشياء بكلمة قدرته"..
مش هايعرف يمشّي حياتك يعني؟
هايغلب في حَل مشاكلك مثلاً؟

[MenA M.G]

صدّق.. اللي معاك "ليس في فمه غش".
حتى لو وصلت للـ"هزيع الرابع"..
حتى لو الدنيا كلها بتنهار..
صدّق أنه جاي. وصدق بس لأنه
هو اللي قال أنه جاي،
والرب عُمره ما بيخلِف وعودُه.