|
 |
 |
 |
اليوم, 11:58 AM
|
رقم المشاركة : ( 247351 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
الأشياء التي يجب أن تقوم بها خلال رحلة حياتك تخلّص من مخاوفك: إن مشاعر الخوف التي تمتلكك هي التي تمنعك من الحياة لذا حدّد مخاوفك وقم بمواجهتها، عندما تواجه هذه المخاوف ستتمكن من القضاء عليها إلى الأبد وستنطلق في رحلة الحياة بكل قوة وعزيمة. |
||||
|
اليوم, 11:59 AM
|
رقم المشاركة : ( 247352 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
الأشياء التي يجب أن تقوم بها خلال رحلة حياتك سيطر على أفكارك: الأفكار هي المحرك الأساسي لسلوكيات الإنسان فإذا كانت الأفكار سلبية فشل الإنسان، وإذا كانت الأفكار إيجابية نجح وعاش حياته بكل سعادة وهناء. |
||||
|
اليوم, 12:07 PM
|
رقم المشاركة : ( 247353 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
إمبارح كنت راجع من اسماعليه ولاقيت واحد كان واقف عند الكارته ، بيقولى نازل القاهره قولتله اه تعالى .. قالى معلش اتوبيس الشغل فاتنى ومش عارف ارجع .. قولتله لا عادى انت نورتنى .. لاحظت انه بيتكلم فى التليفون كتير واللى بيكلمه ولد صغير .. وهو بيقوله حاضر يا حبيبى عينى هاجيبلك حاضر اللى انت عاوزه .. لفت انتباهى انه باين عليه الارهاق والتعب الشديد .. كان معايا ازازة مايه وباتيه .. قولتله يلا لقمه سوا بقى ماتكسفنيش ��.. قالى بقولك ايه مالقاش معاك شغل ، على فكره انا بكالريوس تجاره وخبره ظ،ظ¥ سنه فى المحاسبه .. قولتله بصراحه فى الوقت الحالى مافيش بس متهيألى انت بتشتغل زى ماقولت ... قالى انهارده كان اخر يوم ليا فى الشغل ��... استغنو عنى ���� ماحبتش ادخل فى تفاصيل قولتله ماتقلقش انشالله خير العيد داخل علينا اهو وانشالله تفرج من وسع .. قالى تصدق انا عايل هم مصاريف العيد ... �� قالى على فكره انا مش بشكيلك عشان تدينى حاجه مستحيل اخد قرش من حد ، انا بشكيلك عشان مش لاقى حد اشكيله لا اخ ولا صاحب ولا حتى زوجه .. انا وحيد فى الدنيا ماليش اخوات ، وزجتى اتوفت وسابتلى تلات اولاد ، بس على فكره ربنا واقف معايا فى حاجات كتير اقرب حاجه الواد ابنى الصغير من اسبوعين درجة حرارته وصلت ظ£ظ© ودمى نشف من الخضه عليه ماكناش عارف اعمل ايه ، والدكتور كتبلى روشته طويله عريضه ماكنش معايا ربع تمنها واذ فجأه ربنا كرم من وسع وجبت العلاج والواد خف وبقى فل .. فانا واثق ان ربنا مستحيل يسيبنى .. بصراحه وانا بسمع كلامه حسيت ان ربنا باعتلى رساله مخصوص على ايد الراجل ده وبيقولى انا مستحيل اسيبك .. المهم واحنا فى الطريق لاقينا اعلان شغل لمصنع جديد فى العاشر ، وطالبين ناس ، قالى معلش هدى على جنب هنا اخد الرقم ، قولتله اتصل .. قالى ماعنديش رصيد بصراحه .. قولتله خد تليفونى اتصل منه .. واتصل وقالوله تعالى بكره اعمل مقابله .. الراجل فرح جداااا ، قولتله ماسلتش ليه على المرتب قالى اللى بعتلى الشغل بالصدفه اكيد المرتب بتاعها كويس دى جايه من عند ربنا وبكره هاكلمك وافكرك .. بعد ماوصلنا القاهره اخدت رقمه وكلمته انهارده واتفاجأ انه اتقبل وبمرتب اعلى من اللى كان بياخده فى الشغل القديم . قالى كلمه حلوه قوى .. لما تضيق اعرف ان ربنا عاوز يسمع صوتك عشان يفجأك بأحلى هديه ���� |
||||
|
اليوم, 12:11 PM
|
رقم المشاركة : ( 247354 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
العربيه كانت هاتولع على الطريق .. فى طريق السخنه كانت الساعه ظ¢ الضهر والشمس ناااار عربيتى عطلت ودخنت مره واحده، واقف ومش عارف اعمل ايه ، وقفت بسرعه وبطلتها لغايه لما الدخانه هديت،ماقتش عارف اعما ايه اسيب العربيه ولا استنى يمكن ربنا ينجدنى واقابل حد يساعدنى ، اتصلت بكذا ونش مافيش حد راضى يجى .. عدت اكتر من ساعه وانا واقف فى الشمس لدرجه ان خلاص بدات اهبط ، وانا عطلت فى مكان مافهوش حتى كافتريا اقعد ... لغايه ما قررت اسيب العربيه واركب مع اى حد لاقرب نقطه اقدر اتصرف منها.. لغايه ما وقفلى حد بعربيه ربع نقل قالى تعالى اوصلك لاقرب نقطه تقدر تجيب منها ونش .. ركبت معاه وبقينا نحكى .. قالى انت شغال ايه وساكن فين والكلام ده وقعدت احكيله بقى قد ايه الواحد مضايق ومخنوق .. قالى بص ماحدش كان مخنوق ومضايق قدى ، انا كنت بشحت طفل من ربنا شحاته كدا ،من قوه صلاتى كان متهيالى انى عاوز امسك السما بايدى عشان ربنا يستجاب ، اكتر من ظ،ظ¥ سنه عملنا المستحيل دكاتره وعمليات وعلاج ماخلناش دكتور لغايه ماروحناله .. لغايه ما فى يوم وقفت قدام ربنا وساعتها فضلت ابكى جامد وخلاص كشفت نفسى لربنا بقى وحكيتله قد ايه انا ضعيف وماعنديش اى حاجه اقدر اعملها تانى ونفسى فى عيل يسندنى .. عارف لما تكون بتجرى بتجرى لغايه ما يتقطع نفسك من الجرى وتقعد وتفضل تشهق جامد ، انت كنت كدا ساعتها خلاص جبت اخرى كل الدكاتره بيقولو ماننفعش نخلف مافيش اى فايده لاى محاوله .. لكن بعدها بأسبوع بالظبط ربنا تحنن وكرمنى بأجمل طفل فى حياتى .. فا اللى عاوز اقولهولك لو لاقيتها اتسدت قدامك تأكد ان ربنا قادر انه يفتحلك اى طريق مسدود �� قولتله انت ربنا بعتك ليا بطريقه عجيبه عشان انا بمر بضيقه قويه وفعلا ضعفت ومابقتش قادر اتحمل اكتر من كدا وكأن ربنا بيكلمنى من خلالك ���� |
||||
|
اليوم, 12:28 PM
|
رقم المشاركة : ( 247355 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
كان هايبوس ايد الدكتور ��.. كنت راكب القطر انهارده الصبح ورايح المحافظه عشان اخلص شوية ورق ، وانا فى القطر لاقيت راجل كبير فى السن قصير ولابس جلابيه سوده وشال تقيل ، شعره ابيض ودقنه طويله ، ماسك سبحه ومعاه ظرف كبير ودايماً بيبص فى الساعه .. الراجل ده قعد جنبى ، وكل شويه يسالنى .. المحافظه قربت؟ وانا اقوله لسه يابويا .. فضل يسأل كتير .. قولتله انا نازل المحافظه يابويا اول مانزل هاقولك .. فضل يدعيلى جامد وملامح وشه باين عليها التعب والإرهاق الشديد وكأنه بيستعطف ربنا لشىء معين فى دماغه .. طول ما هو قاعد عمّال يتمتم بصلوات .. قولتله خير يابويا سيبها على ربنا .. قالى .. يارب ياولدى بس إزاى!! هاتتحل إزاى بس ؟؟ كان بيقولها وهو مغلوب على أمره وعينه لمعت وكأنه هايبكى.. قولتله خير يابويا فى ايه ؟؟ إحكيلى يمكن أقدر أساعدك .. قالى .. الأشعه دى بتاعت مراتى ، من شهر حست بوجع فى بطنها ، راحت لدكاتره كتير وكل واحد يقولها مرض شكل ويطلعلها علاج ومايجبش نتيجه ، الإسبوع اللى فات روحنا لدكتور فى المحافظه بيقولو شاطر قوى وبيروح يدى محاضرات فى مصر فى الجامعه هناك .. قالنا انه إشتباه بنسبة كبيره إنه ورم ، لأن كل الأعراض والعلاجات اللى مش جايبه نتيجه بتثبت انه ورم .. طلب اننا نعمل أشعه عشان يحدد نوع الورم ويبدأ معانا رحلة العلاج .. الراجل وهو بيتكلم كان بيبكى .. قالى دى مش بس مراتى دى كل حاجه بقيالى فى حياتى ، إحنا ربنا مارزقناش بعيال ، وانا وهى مالناش غير بعض ، لو حصلتلها حاجه انا هاموت ، مش هاعرف أعيش من غيرها ، ده يوم ماحجزوها فى المستشفى من شهر ، خوفت أروح البيت ، كنت بنام جنبها على الأرض وهى على السرير .. قاطعته فى الكلام وقولتله .. وأستحملت نومت الأرض!! قالى ياولدى وجع الأرض ونفسها جنبى ، أهون بكتير من انها تكون بعيد عنى . دى قلبى اللى عايش به .. من شدة كلامه وتأثره كانت عينيه بتبكى وانا عينا دمعت لا إرادى ، الراجل كان عامل زى الطفل اللى تايه من امه .. راجل كبير قوى فى السن لا يعرف يقرا ولا يكتب ، مايعرفش يعنى ايه اغانى رومانسى ولا مسلسلات تركى ، ولا فيس وقلوب وكل الكلام ده، إزاى حبه لمراته شديد قوى كدا .. ده كفايه كلامه أقوى من ألف قصيده .. أستاذنت منه اجى معاه عند الدكتور عشان أطمن ، كان عندى فضول عجيب انى أطمن على حالة مراته وبدعى من كل قلبى ان الورم يطلع حميد وتخف منه حتى لو بإستئصال .. الراجل الأول رفض عشان مايتعبنيش لكن انا إتحججت بأنه فى طريقى .. المهم روحنا ، ودخلنا عند الدكتور ، والراجل كان من شدة صلاته ودعواته كان جسمه كله بيتنفض .. بص الدكتور على الأشعه وفضل مركز جامد ، بعد كده حطها فى جهاز ينورها أكتر ، وبردو كان مركز .. بعد كده اتصل بالمركز اللى عمل الأشعه عشان يتأكد من معلوماتها .. بعد طول تركيز منه ، قعد على المكتب وقلع النضاره وقاله يابويا .. المدام مافهاش حاجه هم شوية إلتهاب وهاتخف مع العلاج .. الراجل من شدة الفرح ماكنش مستوعب ، لدرجة ان الدكتور قاله نتيجة الأشعه أكتر من خمس مرات عشان يستوعب ، ماكنش مصدق نهائى .. الدكتور فضل يضحك ضحة فرحه وقاله .. حبك ليها صنع معجزه ، ربنا سمع صلاتك يابويا �� الدكتور بص ليا وقالى ياريت نتعلم الحب البسيط منهم �� |
||||
|
اليوم, 12:30 PM
|
رقم المشاركة : ( 247356 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
يارب انقذ ولادى �� اسامه متجوز وعنده طفلين ، بيشتغل محاسب فى شركه بس للاسف الشركه ليها اكتر من شهر بتخسر لغاية صاحبها قرر انه يصفى الشركه دى ، وينقل الموظفين لشركته التانيه .. بس هنا مانقلش كل الموظفين ، الغريب بقى انه نقل الكل معادا اسامه وكام واحد تانى .. اسامه زعل جدا خصوصا لانه سنه كبر ومايعرفش اى حاجه تانى غير الحسابات ، طيب مين هايقبله ويشغله، طب والمصاريف المطلوبه منه .. من حظه الوحش انه كان لسه ساحب قرض عشان يجدد سقف الشقه بعد ما المطره بوظته .. اسامه كان كل يوم يقف لربنا يصلى ويقول " يارب انا وولادى مالناش غيرك ، ارجوك يارب حلها من عندك ... اسامه كان واقف فى البلكونه شاف نجم كبير وبيلمع جامد ، الكلام ده كان يوم ظ¢ظ¦ ديسمبر .. تانى يوم فى الشغل اسامه شاف حاجه غريبه جدا .. اسامه كان قاعد بياكل ومعاه رغيف عيش وحتة جبنه .. جاتله قطه وقفت جنبه ، راح عطاها حته عيش بجبنه ، القطه خدتها ومشيت .. دقيقه ورجعت تانى ووقفت جنبه ، قام عطاها حته تانى .. مشيت ورجعت تانى .. اسامه استغرب هو فى ايه ؟؟ انتى بتغيبى تروحى فين ؟؟ قام رمالها حته ومشى وراها عشان يعرف بتودى الاكل فين .. لقاها بتودى الاكل لقط عاجز رجله متعوره مش عارف يمشى .. قال يااه يارب حتى القط العاجز بتفكر فيه وتبعتله حد يساعده .. الغريب بقى وهو مروح بالليل وراكب الاتوبيس ، اسامه شاف نفس النجم الكبير اللى بيلمع اللى شافه قبل كدا .. النجم كان ماشى معاه طول المشوار لغايه ما وصل بيتهم .. من قوة انجذاب اسامه للنجم الكبير ده فضل الليله كلها واقف فى البلكونه باصص عليه وبيصلى صلاه قويه جدا ببكاء ودموع حاره عجيبه .. كان بيقول" يارب انا مش عارف انت هاتحلها ازاى ، بس اللى واثق فيه انك هاتحلها ..وبيكرر على لسانه يارب يارب يارب ��.. لدرجة ان مراته لقيته نايم فى البلكونه فى عز التلج وعلى لسانه بيقول يارب وهو نايم .. كل ده ومافيش حد فى البيت عارف باللى حصل ، كان شايل جبل على صدره ومش راضى يشيلهم همه .. اسامه فضل على الحاله ده صوم وصلاه بدون انقطاع يوميا ، والنجم ملازمه فى كل خطوه يروحها.. لغاية ظ£ظ، يناير استلم ملفه ووقف فى الشارع قدام الشركه ماسك الملف وباصص للسما بيدور على النجم مش لاقيه اختفا تماما .. وفجأه وهو واقف باصص للسما تليفونه بيرن رقم غريب .. الو مين .. اسامه ازيك ، انا صاحب الشركه اللى بتشتغل فيها .. اسامه اتفاجأ ���� انا بتأسفلك يا اسامه ماكنتش اعرف انهم استبعدوك من كشف الموظفين ، بس انت معانا فى الشركه الجديده انا ماقدرش استغنى عنك ، مكتب موجود بكره الصبح تيجى تستلم شغلك .. ⤠.. سلام اسامه واقف فى الشارع مش عارف فى ايه وايه اللى حصل وازاى الامور اتغيرت فجأه كدا .. لكن كل اللى يعرفه ان ربنا استجاب لصلاته â¤�� |
||||
|
اليوم, 12:32 PM
|
رقم المشاركة : ( 247357 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
حاله نصب كبيره خلى باللك..... ايمن خريج تجاره ومعاه ماجستير ادارة اعمال ، كان بيشتغل فى الخليج وعمل فلوس حلوه ورجع فتح مشروع تجاره اخشاب واستقر فى مصر .. اول سنتين الدنيا مشيت معاه حلو ، لغاية ما لقى اعلان على الفيس من شركه بره مصر تصدير الخشب باسعار حرق .. اتواصل معاهم واتفق على شحنه بسيطه يجربهم .. فعلا بعتوله الشحنه والدنيا تمام وكسب منها مكاسب حلوه .. جربهم مرتين تلاته وطلعو تمام معاه .. ايمن حريص جدا ويحب يعمل حسابه كويس جدا . فا قرر انه يسافر ليهم ويزور مقر الشركه .. بالفعل سافر بره مصر وقابلهم واتاكد ان الدنيا تمام معاهم بعد كدا قرر انه يخاطر وياخد منهم شحنه ضخمه بكل فلوسه واستلف عليها كمان ومضى شيكات على نفسه .. ما خلاص بقى فى ثقه عدت المده المتفق عليها لكن مافيش حاجه وصلتله .. يبعت فى ايميلات ليهم ماحدش بيرد ، لغايه ما كل وسائل الاتصال بيهم اتقطعت .. سافر ليهم أيمن بنفسه بعد ما كل وسائل الاتصال اتقطعت. كان لسه جواه أمل صغير إن يكون فيه سبب أو مشكلة مؤقتة. لكن لما وصل هناك، اكتشف إن المكتب مقفول، والناس اللي كانت بتتعامل معاه اختفت تماماً. لف أيام يدور عليهم، لكن من غير أي نتيجة. رجع مصر مكسور.... الشيكات قرب ميعادها... وكل ليلة كان ينام وهو مش عارف يعمل ايه .. وفي ليلة بعد ما الكل نام، قام وقف فى البلكونه وفضل يصلى بدموع وقهره مؤلمه جدااا .. يارب انت عارف انى ضعيف وماليش غيرك ، ارجوك ساعدنى ، انا عارف ان مستحيل حقى يرجع لكن اللى واثق منه انك سامعنى وحاسس بيا ومافيش مستحيل عليك ، ارجوك يارب اسمع صراخى وانجدنى من الغرق اللى انا فيه .. الليله دى ايمن نام فى البلكونه من شدة التعب نام وهو رافع ايديه وبيصلى .. بعد اربع ايام بالظبط .. جاله اتصال من رقم غريب من البلد اللي كانت فيها الشركة. المتصل كان موظف فى الشركه اللى قفلت ... قال له إن أصحاب الشركة هربوا فعلاً، لكن في قضية كبيرة اتفتحت ضدهم فى البلد بعد ما نصبوا على مستوردين كتير. الموظف ده كان محتفظ بمستندات وإيميلات وعقود تثبت كل العمليات اللي تمت. أيمن حس إن ربنا بعتله طوق نجاة. الموظف طلب مبلغ عشان يسلم العقود والاوراق لايمن ، لو حد تانى مكان ايمن كان هايقول دى نصبايه جديده ، لكن هو كان عنده احساس ان ربنا سانده ، دفع المبلغ وقدر ياخد الورق من الموظف ده .. جمع كل أوراقه وسافر تاني. ومع مجموعة من المتضررين قدموا المستندات للجهات المختصة هناك. القضية استمرت شهور طويلة. وأثناء كل جلسة كان أيمن يتمسك بالأمل ويقول: "ربنا مش هيضيع حقي." لكن يوم ظ، يناير سنه ظ¢ظ*ظ¢ظ¦ ، جاله اتصال من المحامي. قال له: "مبروك يا أستاذ أيمن... المحكمة حكمت لصالحكم، وتم التحفظ على أرصدة الشركة وبعض ممتلكاتها." أيمن سكت ثواني... ومش عارف يتكلم. نزل من عربيته، ووقف على جنب الطريق. ورفع عينيه للسما. وبكى. بعد شهور من الإجراءات، قدر يسترد معظم فلوسه، وسدد ديونه كلها، ورجع واقف على رجليه من جديد. ولما سأله واحد من أصحابه: "إزاي استحملت الفترة دي كلها؟" رد وقال: "أنا في يوم كنت شايف إن كل حاجة انتهت. لكن لما كل الأبواب اتقفلت، باب ربنا كان مفتوح. أنا سعيت وعملت اللي عليا، لكن الفرج الحقيقي جه من عند ربنا. عشان كده عمري ما هنسى الليلة اللي وقفت فيها أصلي وأنا مكسور... لأنها كانت بداية رجوع حقي كله." الايمان بثقه تصنع المعجزات .. |
||||
|
اليوم, 12:33 PM
|
رقم المشاركة : ( 247358 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
إمبارح الساعه ظ،ظ¢ بالليل وانا راجع من الشغل ، بعد ما وصلت البيت أفتكرت ان مافيش اكل فى البيت ، فا دخلت الشقه سيبت الشنطه ونزلت تانى عشان اجيب أكل .. وصلت عند البقال لاقيت واحد كبير فى السن ومعاه عيل صغير ، والواد الصغير لاقيه بيزعق معاه .. فا سمعت الراجل بيقوله .. احنا مش معانا غير عشره جنيه هانجيب علبة جبنه وبجنيه عيش وجنيه تشترى لنفسك كيس كراتيه وتلاته جنيه نفطر بيهم بكره .. والواد مصمم انه ياخد العشره جنيه كلها يشترى بيها لعبه عجباه .. المهم الواد كان مضايق قوى ، والراجل الكبيره غلبان جداً ومش عاوز يزعله ويكسر بخاطره .. فا الراجل قاله.. - بكره تجيلنا فلوس وهاجيبلك اللى انت عاوزه .. - انت كل مره بتقول كدا ومافيش حاجه بتيجى .. - ماتقلقش خلى ثقتك فى ربنا كبيره انه يقدر يفرحنا ويبعتلنا فلوس .. الولد ساعتها بص للراجل بصه غريبه قوى وحط ايديه فى جنبه وقاله .. - طيب ماتخلى انت ثقتك فى ربنا كبيره وهات العشره جنيه اجيب اللعبه وهو يرزقنا بعد كدا .. لاقيت الراجل اتثبت بعد ما سمع الكلمتين دول ، لكن انا كان عندى فضول شديد جدا اعرف رده هايكون ايه على الولد.. قام خده من ايديه بإبتسامه حلوه كده وقاله عندك حق تعالى ، وراح جابله اللعبه اللى عاوزه .. الولد فتح اللعبه فا وقعت منها ظ،ظ*ظ* جنيه .. بعد اندهاش الراجل من الفلوس اللى وقعت .. عرفنا ان اللعبه فيها مكسب لما تفتح المكعب اللى فيها ... فا البقال ضحك وقال للراجل .. الواد اللى معاك مرزق ، كل العيال بتكسب حلاوه ولبان وهو كسب فلوس .. ضحك الراجل وقاله.. لا وانت الصادق ، ربك ماحبش يكسفنى قدامه �� عزيزى القارىء اللى يرمى همومه واتعابه واوجاعه على ربنا مستحيل يكسفه .. |
||||
|
اليوم, 12:36 PM
|
رقم المشاركة : ( 247359 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
اسامه ضحى بنفسه .... بيقول كنت رايح الصيدليه اشترى دوا برد لاقيت ولد واقف على باب الصيدليه وفى ايديه روشته وبيطلب مساعده ، فا قولتله عاوز كام ؟ قالى مش عارف تمن العلاج كام قولتله هو لمين ؟؟ قالى لماما �� قولتله طيب تعالى معايا دخلنا الصيدليه لاقينا تمن العلاج ظ¢ظ£ظ*ظ* ، وانا مش معايا غير ظ¢ظ¤ظ*ظ* .. طيب هاقضى باقى الشهر ازاى !!! فا قولتله طيب استنانى بره .. بينى وبين نفسى مش هاقدر اساعده لانى مش معايا .. فا اشتريت علاج البرد بتاعى ومشيت .. لكن فى حاجه الولد واقف مستنينى .. فضلت ماشى وانا حاسس بالذنب طيب الواد اللى مستنينى، طيب بعد ما عشمته .. ارد على نفسى واقول طيب وانا اعمل ايه هو انا معايا وقولت لا ، ربنا يكرمه بقى هاعمل ايه !! دانا محتاج مصاريف كتيره .. المهم فضلت ماشى بالعربيه عمال الف وبفكر ومش عاوز اروح .. وقفت بالعربيه عند اشارة وسط البلد ، واقف وكأن ربنا سامعنى وباعتلى اشاره .. لاقيت طفل بيبيع مناديل واحده جابتله وجبه فراخ ياكلها ، قام منادى على كل العيال اللى معاه وفرشو على الرصيق وكلو كلهم مع ان الوجبه ربع فرخه بس الولد كان فرحان جدا وهم بياكلو معاه .. فى لحظتها لفيت ورجعت وكنت بتمنى ان الولد يكون لسه موجود .. بالفعل لاقيته واقف واول ما شافنى فرح جدا جدا ، قولتله معلش اتاخرت عليك كنت بجيب فلوس ، دخلت وجيبتله العلاج ووصلته لغاية البيت ، ومسكت الظ،ظ*ظ* جنيه اللى فاضله وقولت بضحك عشانا عليك يااارب .. الغريب بقى ان تانى يوم اتبعت ميل من الشركه انهم نزلو مكافأه الارباح السنويه والحمدلله ربنا كرمنا من وسع ���� |
||||
|
اليوم, 12:40 PM
|
رقم المشاركة : ( 247360 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
حظها وحش لكن اللى حصل ولا فى الخيال .. الست نوال ، ظ¥ظ¢ سنه ارمله وعندها مشكله صحيه ، دوالى فى رجليها شديده جدا وجالها اكتر من مره جلطات ، ده غير ان عندها السكر ملغبط خالص وعندها جرح فى رجليها مش راضي يخف ابدا وكل اللى يشوفها يقولها دى مساله وقت ورجلك هايتم بترها .. الست نوال ماينفعش ترتاح يوم لانها ام لأبن ذو احتياجات خاصه ، وده سبب رئيسى ان حالتها توصل لكدا لانها مش بترتاح ابدا .. المهم حد وصفلها دكتور شاطر جدا جدا بيجي اسبوعين في السنه من انجلترا ، بيعمل عمليات وبيكشف ببلاش ، والحجز بتاعه بيبدأ من اول السنه ، واللى بيحجز ومابيلحقش يكشف بيستنى للسنه الجايه .. المهم راحت عشان تحجز ، البنت قالتلها مستحيل تلحقى السنادى ده هو هايجى اليومين دول ماتتعبيش نفسك .. ردت عليها الست نوال وقالتلها لو قعدت للسنه الجايه هاتكون رجلى ضاعت مافيش اى حل ؟؟ البنت قالتلها ماقدرش اغير فى الكشوفات .. للأسف مشيت وهى زعلانه جدا ، وقفت على باب المستشفى محتاره تعمل ايه ده غير انها لازم ترتاح كل كام خطوه لان من كتر الجلطات والجرح اللى فى رجليها حرفيا بتمشى تجر فى رجليها ... دورت على حاجه تقعد عليها مالقيتش غير حجر بلوك كبير كدا قعدت عليه تريح .. الست نوال كام رجليها وارمه وملحوظه جدا لأى انها وارمه .. فا جالها شاب كان داخل المستشفى قالها قاعده ليه كدا يا ماما ودخل المستشفى جبلها كرسى .. قعدت الست نوال وفضلت تدعيله جامد .. قالها رجليكى وارمه قوى انتى جايه المستشفى ولا خارجه .. حاكتله بقى على اللى حصل .. قالها طيب ماتروحى لدكتور تانى اشمعنى الدكتور ده .. قالتله بيقولو شاطر وكمان كشفه ببلاش وانا ربنا وحده اللى عالم بظروفى .. قام مطلع فلوس من جيبه وكان مصمم انها تاخدهم وهى رفضت تماما ، قالتله لا انا مش محتاجه انا ربنا مراضينى قوى معاش جوزى الحمدلله مكفينى ، اما بالنسبه لمرضى ربنا هو اللى بعته وربنا هو اللى يتكفل به ،وشكرته جدا وابتسمتله .. قالها طيب خليكى هنا ثوانى ماتمشيش هادخل اجيب حاجه وجاى .. فضلت الست نوال قاعده وعشر دقايق بالظبط ، وطلعت ممرضه من المستشفى ومعاها كرسى متحرك ، وقالتلها اتفضلى يا ماما الدكتور عاوزك .. قالتلها دكتور مين يابتى !! قالتلها الدكتور اللى انتى جيتى عشان تحجزى عنده .. استغربت الست نوال قالتلها بتاع بلاد بره !! �� ازاى انتى مش قولتيلى مستحيل الحق وكمان هو جه امتى .. الممرضه قالتلها يا ماما ما هو ده الدكتور اللى كان واقف معاكى من شويه .. ������ طبعا مش قادر اوصفلكم على كم المشاعر المختلطه اللى كانت فيها الست نوال ، من مفجأه وفرحه ودموع فضلت تدعى بصوت مليان وجع اشكرك يارب اشكرك يارب .. الدكتور اتكفل بعلاج الست نوال بالكامل لغايه ما شفيت تماما ده غير انه تكفل بحالة ابنها وقالها يا امى ثقتك فى ربنا ورضاكى القوى بحالتك ومرضك وحالة ابنك رجعتنى لربنا بعد ما كنت ماشى فى طريق بعيد عنه انا بشكرك انى قابلتك .. عجيب الله فى تدابيره |
||||
العرض العادي
