|
 |
 |
 |
اليوم, 09:50 AM
|
رقم المشاركة : ( 225801 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
دعوة الطفل الأعمى .. طفل صغير فى ليله دعى وقال يارب انا واثق فيك انك هاتشفينى وتخلينى اقدر اشوف من تانى، الولد كان عنده مشكله كبيره فى عين واحده وكان محتاج عمليه بمبلغ كبير … بعد ظ¢ظ* سنه الطفل ده اصبح شاب وعاش بعين وحده واتخرج من كليه الطب وفى سنة الإمتياز اتعملتله العمليه على نفقة الدوله ورجع يشوف أحسن من الأول اعزائى مش لازم اللى نطلبه يتنفذ فى لحظتها الله يتأخر ولكن حتماً فى النهايه يستجيب |
||||
|
|
|||||
|
اليوم, 09:53 AM
|
رقم المشاركة : ( 225802 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
اوعى تفتكر ان ربنا ناسيك ربنا على طول معاك لحظه بلحظه .. “كانت مستعدّة تبيع عمرها علشان ابنها… لحد ما ظهر اللي أنقذهم هما الاتنين.” “أم مالك” ساكنة في أوضة صغيرة فوق سطح بيت قديم. أرملة من أربع سنين… جوزها مات فجأة وسابلها طفلين سابت شقتها الايجار وراحت سكنت فوق السطوح عشان تقدر توفر تمن مصاريف المدرسه لعيالها. مالك كان أضعف من الأطفال اللي في سنه. دايمًا مرهق، نفسه قصير، ومش قادر يلعب زي باقي العيال. والدكاترة قالوا محتاج تحليل غالى.. على قد ما اسم التحليل يخض، وعلاج طويل. لكن هي… كانت بالكاد بتلاقي تمن العيش. في يوم شتا شديد، حرارة مالك عليت قوي. وشه اصفر، وفضل يتألم الليل كله من الوجع. حاولت تحضنه وتدفّيه، بس الحُضن مابيعالجش مرض… ولا بيوقف دموع أم شايفة ابنها بيتوجع ومش قادرة تعمله حاجة. فضلت طول الليل تدعي… “يا رب… يا رب أنت عارف إني ماليش حد غيرك.” صبح الصبح عليهم وبعد ما حرارته نزلت بالخافض والمسكنات .. تاني يوم الصبح سابت عيالها مع امها ونزلت من بدري تدور على شغل إضافي. كانت رجليها بتتزحلق من المطر. وهي ماشية قدام مخبز صغير اتزحلقت على الارض وقعت رجليها اتكسرت ... طلع صاحب المخبز من جوه جرى عليها كان راجل كبير فى السن وباين عليه الوقار وانه بيخاف ربنا .. ولما عرف ان رجليها اتكسرت وداها المستشفى .. ووصى مراته تروح معاه عشان تسندها . بعد يومين راح يسال عليها .. بصّ لها وقال: “إنتي شكلك تعبان ومرهق ليه بتبكى على طول معقول الالم لسه ماخفش ؟… في حاجة؟” كانت مش ناوية تحكي، بس الدموع خانتها. حكتله… من غير تفاصيل كتير… بس الكسر والاحتياج بيبان حتى من غير كلام. الراجل سكت لحظة قالها انا ربنا مارزقنيش بعيال بس قبل ما تقعى بيومين كنت دايما بقول يارب الفلوس اللى معايا دى من بعدى هاتروح لمين ، وكأن ربنا بعتك ليا عشان اعرف ازاى استفاد بالفلوس اللى معايا .. وقال لها جملة قلبها ماكانش مصدّقها “اعتبري تحليل ابنك واتّعاب علاجه عليّا… وربنا هو اللي يبعت .” حاولت ترفض… حاولت تقول لأ… بس الراجل مسك إيديها وقال: “ده مش فضل مني… ده رزق ابنك وأنا مجرد وسيلة.” في نفس اليوم عملوا التحليل. والنتيجة كانت إن المرض قابل للعلاج… بس محتاج متابعة مستمرة. والراجل؟ ما اكتفاش بدفع التحليل بس. بقى ييجي كل أسبوع يطمن… ويجيب لهم أكل… ويصرف على العلاج من غير ما يستنى كلمة شكر .. عزيزى القارىء رسالتى ليك ان زى ما ربنا بيبعت التجربه بيبعت معاها كمان المعونه .. اوعى تفتكر ان ربنا ناسيك ربنا على طول معاك لحظه بلحظه |
||||
|
اليوم, 09:55 AM
|
رقم المشاركة : ( 225803 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
مستنى ردك على الشر ساكت ليه يانا يانت فى الشركه .. يوسف موظف امين مخزن مديره فى يوم اتصل به قاله تعالى امضى على عهدتك .. يوسف قاله وهى فين عهدتى دى .. فتحله المخزن لقى شويه اجهزه كمبيوتر خرده .. بص فى الورقه المكتوب فيها العهده ، لقى حاجات تانيه خالص ده غير ان مكتوب سعر الجهاز بظ¤ظ¥ الف ... يوسف طبعا رفض يمضى على العهده غير لما الورقه تتعدل يا إما الحاجه المكتوبه فى الورقه تيجى المخزن .. يوسف قاله وهى الاجهزه الغاليه دى راحت فين !!! مديره قاله ماتسالش عشان ماتتعبش انت تعمل اللى انا بقولك عليه وبس .. يوسف رفض تماما الكلام ده .. راح مديره قاله هاتندم انا ماتعرفش انا ممكن اعمل ايه ، انا ممكن اخليك تندم على اليوم اللى فكرت فيه تقولى لا ... رد يوسف عليه وقاله وانا معايا ربنا اللى يقدر يحمينى منك ومن غيرك .. المدير قاله تمام بس يانا يانت فى الشركه ، وانا هاعتبرك مضيت على الورقه وبكره هايتفتح معاك تحقيق ،وديت الاجهزه الجديده فين ؟؟ �� يوسف مشى وهو مرعوب من اللى ممكن يحصل ، لكن ثقته فى ربنا كانت قويه جدا لدرجه انه قاله ربنا يرد عليك ..تانى يوم يوسف اتفاجا بانه متحول للتحقيق ، وتم تزوير امضته على العهده .. اتوقف عن العمل ظ¤ظ¥ يوم لغايه ما التحقيقات تخلص .. يوسف مريض سكر وضغط هو عمره ظ¢ظ£ سنه يتيم الاب والام وعايش لوحده ، مصدر دخله الوحيد هو شغله .. وصل به الحال ان كان اكله فى اليوم وجبه واحده عباره عن رغيف عيش بكوبايه شاى .. كان كل يوم يقف قدام ربنا ويقوله مستنى ردك على الشر ، ساكت ليه ؟؟ ليه سايب الشر يستمتع بظلمه للضعفاء ، مش انت حامى الضعيف ؟ طيب مانت عارف ان ماعنديش قريب ولا صاحب يسندنى فى محنتى غيرك ، انت الوحيد سندى .. لدرجه ان يوسف بعد ما عدا وقت طويل والظروف بتسوء ، فكر انه يروح للمدير يستسمحه على اللى عمله ومستعد يعمل اى حاجه بس مايتحبسش. خلاص فاض به .. لكن ساعتها حصلت حاجه غريبه ماكنش متوقعه تماما .. اليوم اللى كان رايح فيه للمدير اكتشف انه عمل حادثه عملتله قطع فى الاحبال الصوتيه وشلل رباعى .. حاجه صعبه طبعا بس رد الله كان قوى جدا على الظلم .. خلصت التحقيقات واثبت يوسف ان الامضاء مزوره ورجع شغله .. حد من صحابه قاله ايه شعورك بعد اللى حصل .. رد يوسف وقال " مخيف هو الوقوع فى يد الله الحى" |
||||
|
اليوم, 09:57 AM
|
رقم المشاركة : ( 225804 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
مستنى ردك على الشر ساكت ليه دانا كان معايا جوهره وماكنتش عارف قيمتها ���� من حوالى اربع سنين واحد صاحبى جاى من ايطاليا جابلى ساعة حيط هديه .. بس كنت حاططها على الرف لغايه ما اجيب شنيور واعلقها على الحيطه ، مره وقعت واتكسرت فا جبت لحام ولزقتها .. مش اتعلم من الدرس واخاف عليها .. لا حطيتها تانى على الرف عشان مكسل ااجر شنيور ، من اسبوع كدا كنت باخد حاجه من الرف قامت وقعت اتكسرت على مية حته .. انهارده زميلى جالى زياره فا سالنى قالى امال الساعه اللى جبتهالك معلقها فين ، قولتله اتكسرت ورميتها ، قالى نعم �������� دى ساعه دهب ازاى ترميها ���� .. زعلت جدا جدا من اللى حصل ���� دانا كان عندى جوهره ومش عارف قيمتها ���� رسالتى هنا لكل واحد .. فى حياتك جواهر كتيره قوى ، لو ماحافظتش عليهم مش هاتعرف تعوضهم ... كل حاجه فى الدنيا ممكن تتعوض الا الجواهر اللى فى حياتك الشاطر هو اللى يعرف الجواهر دى ويقدرهم ويحافظ عليهم .. |
||||
|
اليوم, 09:59 AM
|
رقم المشاركة : ( 225805 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
واحد قالى انت عديم الموهبه .. �� فى البدايه احب اقولك ..النجاح مش عاوز انك تركز مع استفزاز الناس ليك ، لو سمعت كل كلمه بتتقالك مش هاتتقدم خطوه ، مشاعرك اللى انت بتحرقها بسبب كلامهم دى بتشتت انتباهك وبتهدر طاقتك وبتهمدك ، فانت اللى خسران .. عارف انت الشجره لما حد يضربها بفاس او يكسرلها فرع .. بتشتغل شغل اضعاف شغلها الطبيعى عشان تداوى الجرح اللى فيها وتعوض الفرع اللى خسرته بفرع اكثر انباتا .. ماتستلمش لكلمة حد قالك انت مش هاتقدر او مافيش فايده فيك .. انا افتكر مره واحد زمان خالص قالى انت ماعندكش موهبة الكتابه ماتحاولش .. ومع ذللك اشتغلت على نفسى جدا ودورت ازاى اخرج الموهبه بتاعتى وحاليا مع كل مع كل قصه بتنجح بفتكر كلام الشخص ده وبحس بفخر .. الخلاصه نجاحك قرار فى ايدك .. |
||||
|
اليوم, 10:02 AM
|
رقم المشاركة : ( 225806 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
البيت وقع عليهم �� .. سامى شاب ظ¢ظ¨ سنه ابوه متوفى وعايش مع امه فى بيت قديم مكون من شقه وسطوح ، جه يسقف السطوح ويعملها شقه ويتجوز فيها لقى البيت كله مشرخ ومش هايستحمل ، والمهندس قاله لازم البيت يتهد وتطلع به من جديد .. وهو مش معاه فلوس ، فا امه قالتله انا ليا ورث عند خالك روحله يديلك ورثك وابنى بيهم البيت .. راح سامه لخاله اللى انكر اى حاجه وقاله جدك صرف كل فلوسه على مرضه قبل ما يتوفى وكل ده مجهودى وعرقى .. ناس كبيره اتدخلت عشان يحلو الموضوع لكن للاسف مافيش فايده .. لدرجه ان خاله قالهم" يعنى هو يتجوز وانا ماعرفش اجوز عيالى !! �� للاسف سامى ماكنش فى حيلته حاجه وخاطب له اكتر من خمس سنين وماينفعش يأجل تانى فا قرر انه يسقف السطح خشب ويتجوز لغايه ما ربنا يعدلها .. يوم ظ،ظ* يوليو ظ¢ظ*ظ*ظ¨ للاسف الشديد البيت وقع وامه اتوفت .. �� يوم العزا جه خاله بيبكى وكأنه فاق من اللى عمله وحس بغلطه .. حضن ابن اخته قوى وقاله" سامحنى انا السبب طمعى هو اللى ضيعكم ����، ورث امك انا هادهولك وبزياده اضعاف كمان " سامى رد عليه وقاله انا عم نفسى مسامحك لكن مش عارف ربنا هايسامحك ولا لا ، ورثى اللى انت جاى تدهونى دلوقتى ياترى هايرجع امى ؟؟ !! انت كدا بتريح ضميرك يعنى !! بعد ايه ؟ ما خلاص راحت .. كان فين ضميرك قبل كدا ؟؟ دانا جتلك وقولتلك البيت هايقع ادينى حق امى وانت انكرت كان فين ضميرك ؟؟؟ روح الله يسامحك.. �� |
||||
|
اليوم, 10:04 AM
|
رقم المشاركة : ( 225807 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
اياك ترضى انك تمشى مع حد انت مش مرتاح معاه من حوالى شهر عجبنى كوتشى جداً فى محل ، لكن للاسف لاقيت اقل من مقاسى بنمره الراجل قالى شيل الفرش وهاتريح فى رجلك ، هى عشان عجبانى قوى انا وثقت فيه وصدقته، وبينى وبين نفسى قولت انا هاتعود عليها المهم اخدها … المهم لبستها اول مره ورجلى ورمت وحرفياً ماكنت. قادر امشى خطوه لدرجة انى رجات البيت تانى دخلت على النت وبحثت ازاى اوسع كوتشى ضيق وعملت كل ما تتخيلوه عشان توسع وفى الاخر انتى بيا الحال ان صباعى ورم وتعبنى جداً وروحت للدكتور .. الخلاصه اللى عاوز اقولها اياك تتأقلم على وضع انت شاكك بنسبة ظ،ظھطœ انك هاتتعب فيه اياك تسكت على وضع مش مرتاح فيه عشان ساعتها هاتفوق على كارثه اياك ترضى انك تمشى مع حد انت مش مرتاح معاه او تقعد فى قعده انا مش مبسوط فيها ارفض وامشى راحتك النفسيه فوق أى حد حتى لو هاتعيش لوحدك .. الناس حرفياً مابيرحموش هايفضلو يأذو فيك وانت ساكت ومستحمل لغاية ما تنفجر وانت اللى هاتخسر فى الاخر .. |
||||
|
اليوم, 10:05 AM
|
رقم المشاركة : ( 225808 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
ماتقلقش ربنا دايما ساندك فى كل لحظه ماتخفش �� مرض ابنها سبب نجاحها .. �� كريمه ست ارمله معاها ابنها سنتين ماحيلتهاش غير معاش جوزها وشقه ايجار قديم واللى جاى على قد اللى رايح .. يوم ظ¢ظ¢ يناير سنه ظ¢ظ*ظ*ظ¢ ابنها تعب تعب شديد جدا ولما كشفت عليه طلع عنده المرض الوحش ، هى مش معاها حتى تمن الكشف استلفت من جارتها فلوس ولما لقيت الحال ضيق ومش مقضى العلاج والجلسات ، قررت تشتغل مع جارتها تفصل هدوم .. مرت بايام صعبه جدا ، ست بطولها ممعهاش لا اب ولا اخ ولا راجل يسندها وابنها الوحيد بيضيع قدام عينيها وحرفيا بتحفر فى الصخر عشان تعالجه .. الست كريمه بتقول فى يوم ظ¢ظ¢ فبراير من نفس السنه الساعه ظ، بالليل رجعت من الشغل بسبب القعده الطويله على المكنه ماكنتش قادره ترفع ضهرها وجالها الم شديد جدا فى الفقرات ، وقفت تصلى ورافعه ايديها ووشها فى الارض من شدة الالالم مش قادر ترفع وشها بالدموع كلمت ربنا وقالتله " انا واثقه ان كل ضيقه بتبعتها ليا خير ، بس ارجوك خد الم ابنى وحطه فيا ، هو يا روحى مش هايستحمل ، لكن انا اقدر استحمل ، انا واثقه انك سامعنى وساندنى وحاسس بيا ، لكن ارجوك يارب هون عليه وجع الكيماوى ، خده منه وهاته فيا �� ، ارجوك يارب عدى الضيقه دى على خير واشفيلى ابنى اللى بترجاه منك ارجوك ��" الست كريمه بتحكى وبتقول بعد ماخلصت صلاه تحاملت قوى على نفسها ورفعت وشها وبصت للسما ، ولقيت نجمه كبيره بتلمع وتبرق فى السما ، كأنها علامه قويه من ربنا على استجابته لصلاتها ، لحظتها حست براحه عظيمه ، كأن فى ايد دافيه طبطبت عليها فى عز البرد وطمنتنا قوى ، بتقول ساعتها انا بقيت اعيطت من الفرحه حسيت برعشه عجيبه فى قلبى كأن ربنا بيقولى ماتخافيش انا معاكى â¤��.. اتعلمت الست كريمه صنعة التفصيل واشترت مكنه خياطه وبقيت تفصل فساتين فى شقتها عشان تقدر تسد تمن علاج ابنها .. عدت شهور كتيره وفرحت اعظم فرح فى حياتها لما الدكاتره قالولها على شفاء ابنها التام من المرض ، وخرجت من التجربه فرحانه لكن ماخرجتش وايديها فاضيه بالعكس دى خرجت وايديها مليانه بركه ورزق من الباب الجديد اللى فتحهولها ربنا واللى انعم عليها بخير وفير جدا جدا ... الست كريمه حتى الان بتحكى عن فضل ربنا عليها وان لولا التجربه دى ماكنتش قدرت تعيش هى وابنها .. الضيقه دايما بتيجة بخير وبركه اعرف كويس ان كل ضيقه بتعدى بيها ربنا بيبعتلك معاه فرص كتيره جدا والشاطر هو اللى يستغلها وماتقلقش ربنا دايما ساندك فى كل لحظه .. ماتخفش �� |
||||
|
اليوم, 10:38 AM
|
رقم المشاركة : ( 225809 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
أبوه طرده من البيت ���� .. سامح شاب ظ£ظ، سنه امه اتوفت وهو صغير ومعاه اتنين اخوات مسافرين بره مصر ، سامح خاطب بنت خالته حوالى ظ£ سنين وبيحاول يكون نفسه ، ابوه معاه عماره اربع ادوار بس للاسف الشديده ابوه مصاب بداء البخل ، بخيل جدا على عياله لدرجه ان سامح لما طلب من ابوه شقه يتجوز فيها ، ابوه رد عليه وقاله "هاتدفع كام فى الشهر " كانت الكلمه صدمه شديده لسامح ، هو عارف ان ابوه بخيل بس ماكنش متخيل ان يوصل لكدا .. رضا بحاله وسلم امره لله واتفق على مبلغ معين يدفعه لابوه كل شهر .. عدت سنتين وسامح ابنه تعب بمرض وحش .. واتعثر فى الفلوس بسبب مصاريف العلاج وجلسات الكيماوى والمرتب مش مقضى فا اتاخر ظ£ شهور ايجار .. وابوه بدل ما يقف جنبه خذله كالعاده وجاله فى يوم وقاله الشهر الجاى تلم حاجتك وتمشى عشان الشقه اتاجرت لحد تانى .. الناس اتدخلت عشان يعقلو ابوه ويقولوله عيب اللى انت بتعمله ده مع ابنك ، ده ابنك فى محنه المفروض انت اول واحد تقف جنبه لكن للاسف كل المحاولات فشلت وبردو نفذ اللى فى دماغه .. سامح راح قعد عند حماه اللى عوضه عن حنان الاب اللى كان وكل حاجه وكان دايما يقوله انت مش جوز بنتى انت ابنى اللى ربنا عوضنى به .. لغايه ما ربنا اتحنن على سامح وعدى التجربه الصعبه دى على خير وانعم على ابنه بالشفاء التام ، والدنيا اتحسنت مع سامح وقدر يشترى شقه تمليك ويسكن فيها .. جاله خبر ان ابوه نزلت عليه جلطه سببتله شلل .. اول حاجه سامح عملها ، لم شنطة هدومه وراح لابوه يخدمه ، ولما مراته كلمته قالها " انا ربنا هايحاسبنى لو اهملت ابويا ، مهما عمل فيا هو دلوقتى وحيد ومحتاجتى " ربنا قال اكرم اباك وامك حتى تطول ايامك على الارض ، ربنا بيحاسب كل واحد على حسب اعماله " |
||||
|
اليوم, 10:43 AM
|
رقم المشاركة : ( 225810 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
حياته خربت وخطيبته باعته .. �� يوسف شاب ظ¢ظ¨ سنه ساكن فى بيت شرك ما بين ابوه وعمه .. بعد وفاة ابوه بشهرين عمه جاله بعقد مبايعه مابينه وبين ابوه وقاله ابوك باعلى نصيبه فى البيت من سنتين عشان يجوز اخواتك البنات .. يوسف انهار من كلام عمه وقاله ازاى مستحيل ابويا يعمل كدا ومايقولناش ده غير ان جوازات اخواتى البنات انا مساهم فيها بالنص بالفلوس اللى كنت محوشها لجوازى .. عمه قاله انا معايا عقد مبايعه وبصمة ابوك عليه واللى معاك اعمله .. تسيب الشقه اللى ساكنين فيها ، والشقه اللى هاتتجوز فيها تفضيها عشان هاجوز عيالى فيهم وعاوز اوضبهم .. يوسف اتقهر �� من الصدمه البشعه دى، لدرجة انه قاله سيبنى كام شهر اوضب حالى ، عمه رفض وقاله سايبكم ليا كتير تسيبها الليله مش هاستنى تانى �� كل حاجه اسودت فى عينيه .. فلوسه اللى كان هايتجوز بيها جوز بيها اخواته البنات ، وادى عمه طرده من البيت بعقد بيع مايعرفش عنه حاجه .. يوسف مالوش حد يقف معاه ولما طلب من اخوه يقف معاه ، اخوه للاسف خذله وهاجر بره مصر واخباره اتقطعت عنه .. مابقاش عارف يعمل ايه وامه ست عجوزه قعيده ماينفعش تتبهدل .. لكن للاسف ماكنش فى ايده حاجه غير انه ياخد امه ويسيب البيت ويسكن فى اوضه بالايجار .. خطيبته لما عرفت الكلام ده كله سابته �� وقالتله انا مش هاقدر اكمل معاك وانت كدا .. �� لف كتير عشان يثبت حقه لكن مافيش اى فايده كان يشوف عمه وعياله ساكنين فى شقته اللى كان هايتجوز فيها ويتقهر اكتر ����.. فى ليله يوسف رجع من بره امه قالتله مالك قالها حاسس بوجع عند قلبى .. بعدها بربع ساعه وقع من طوله .. صحابه نقلوه على المستشفى يوسف من طبعه شخص ساكت وهادى ومش بتاع مشاكل ومش بتاع شكوى يعنى لو معاه مشكله مايشكيش لحد لكن كان فيه ميزه جميله جدا .. لما يكون معاه مشكله يقف قدام ربنا ويحكيله كل حاجه ويكتب فى ورقه المشكله دى واول ما المشكله تخلص يكتب فى الورقه شكرا يارب ويحطها فى مكتبه .. يوميها يوسف لما دخل المستشفى لقيو معاه الورقه وفيها مشكلته وكاتب فيها التاريخ وكاتب اولا شكرا يارب على الضيقه لانك عرفتنى معدن خطيبتى قبل ما اتجوزها ولكن منتظر ردك يارب على الظالم انا واثق انك مش هاتنصر الشر ، " الدكتور اللى بيعالجه كان شخص كبير فى السن وله مكانته فى المستشفى.. لما عرف حالته وظروفه اتعاطف معاه جدا ، قاله بص انا هاسمح فى اتعابى وهاساهم معاك فى مصاريف المستشفى وعندى اخويا محامى شاطر لما حاكتله قال انه هايتكلف بقضيتك مجانا ، عشان خاطر امك الغلبانه دى ماتتبهدلش "���� ويوم ظ¢ظ* سبتمبر كان اليوم المشهود لانتصار الخير على الشر والمحكمه حكمت على عمه بالتزوير .. �� â¤�� رسالتى ليك هنا انك مش لوحدك ربناك معاك فى كل خطوه ماتقلقش انت مسنود بخالق الكون |
||||
العرض العادي
