اقتباس:
المشاركة الأصلية كتبت بواسطة روشا الفرفوشه
هو انت وقعت ولا الهوى الى رماااااااااااااااااااااااااااااك
ههههههههههههههههههههه
انا عرفه انت قد ايه بتحب الكوارى والمبمبار
انا عايزه طريقتهم
|
اوبا داخله في الجد انتي
هههههههههههههههههههههه
الكوارع تتجاب من عند الجزار متكسره قطع كل قطعه قد كف الايد وياريت اصغر
المهم تجيبها وتغسليها بمايه ودقيق وملح وبعدين تنقعيها في مايه سخنه وملح نص ساعه
لغايه لما لونها يبقي ابيض خالص
بعدين تروحي تسلقيها وبعد ربع ساعه تطلعي الريمه طبعا
ههههههههههههههههه
بيني وبينك انا بعد ربع ساعه اصلا برمي المايه كلها واحط مايه جديده بالذات في لحمه الراس
وسوسه بقي
هيع هيع
المهم تحطي ملحها وبهاراتها بقي وتسبيها تغلي
ولو عايزه تعمليها بدمعه يبقي جهزي بصلايه مبشوره علي زيت سخن وانزلي بطماطم مبشوره وبهاراتهم وبعدين شوربه كوارع وفص توم مفروم في الاخر وحطي قطعتين من الكوارع علشان تشرب منهم
وبعدين تجيبي بقي قطع الكوارع في صنيه وتحطي عليها الدمعه او السوس وفي الفرن ربع ساعه
حاتطلع بقي ضرب ناااااااااااااااااار
هههههههههههههههههههههه
اما المومبار ده حكايه تاني بس حاقولهالك
بس الطريقه ديه بتاعتي
يعني ماحدش بيعملها غيري
ومافيش ست بيت بتعترف بيها
هههههههههههههههههه
شيف بقي مجنون
انتي تجيبي الممبار من الجزار بيكون متنضف جاهز
تشوفيه كل واحده طولها قد ايه وتمسي اولها واخرها
اول ماتجبيه بقي تحطي الطرف الاول في الحنفيه والتاني في الحوض وتكوني ماسكه الطرفين كويس قوي بدل مالمطبخ يتغرق وتبقي هيه
ههههههههههههههههههه
المهم تمرري جواه مايه سوخنه قوي كذا مره
وبعدين تنقعيه في مايه سخنه وعصير لمون بتاع نص ساعه
وبعدين نيجي للحشو
انا بحبه بالرز الاصفر
تجيبي كبايتين رز وتنزلي بيهم علي زيت وتقلبي وبعدين بصله مبشوره وتقلبي جامد لحد الرز مايبقي لونه اصف ر بعد ربع ساعه بالكتيرر تروحي تنزلي بالمايه لحد ماتغطيه وبعدين طماطمايه معصوره وبهاراتك بقي وتقعدي تزودي مايه لحد مايستوي وبعدين تسبيه يبرد شويه
وبمعلقه صغيره كده او فيه قمع بيكون مخصوص لكده
وتحشي المومبار بس تكوني قافلاه بخيط من طرف وتحشي بطرف
وبعدين تقفلي فيه كويس قوي وتغليه غلوتين محترمين كده وبعدين يطلع علي الزيت بس يكون زيت مش سخن ونار هاديه علشان مش يفرقع
ههههههههههههههههههههههههههه
وبالهنا والشفا
