اكبر مجموعة اكلات صيامى بالصور

[sama smsma]

القرنبيط الصيامى




المقادير
قرنبيطة متوسطة حبة طماطم كبيرة مبشورة- 1/2 كوب دقيق ومعلقة نشا - ماء - ثوم مفروم - ملح و فلفل و كمون
خضرة (بقدونس وشبت )
بقسماط

الطريقة
تقطعى القرنبيطة زهرات وتسلقيها فى ماء مملح مع الكمون لحد ماتستوى بس متهريهاش قوى
اخلطى الدقيق والنشا مع الماء والطماطم والخضرة
واضيفى الثوم المفروم مع الملح و الفلفل الى خليط الدقيق وقلبيهم كويس مع بعض
ضعى شرائح القرنبيط فى خليط الدقيق وبعدين بقسماط و حمريها فى زيت ساخن

[sama smsma]

مكرونه بالصوص الابيض و المشروم صيامى




اسلقى المكرونة و صفيها و شوحى المشروم بتوم أو بصل أو كلاهما مع فلفل ألوان و خليه على نار هاديه لمده عشر دقايق

الصوص الأبيض
زى البشاميل الصيامى بس بقوام أخف شويه
سخنى ملعقتين كبار زيت و حطى معاه معلقه دقيق كبيره قلبيهم شويه علشان طعم الدقيق مايبقاش نى و ضيفى ميه متدوب فيها معلقه كبيره كريمر و مكعب مرقه خضا
ر أو لو عاوزه تستغني عن مكعب المرقه ضيفى شويه توابل تحسن من طعم الصوص زى حبهان مطحون و ورق لورا و رشه جوزه الطيب صغيره

تقدرى بعد ما الصوص يجهز تحطى التلات مكونات على بعض
و تقدرى تقدميهم فى طبق المكرونة المسلوقه
و تحطى فوقه الصوص و المشروم

[sama smsma]

كفته الكوسه بالبطاطس صيامى




3حبات كوسه مبشورة
بقدونس مقطع ناعم او شبت او كسبرة اللي تحبيه او التلاته
ا بطاطس مهروسه
بصله صغيره مفرومه ناعم
ملح فلفل
كمون
1 معلقة كبيرة نشا
4 ملاعق دقيق
1ملعقه صغيرة بيكنج بودر

الطريقة :
1- اخلطي المكونات السابقة جيدا
2- اقليها في زيت غزير ساخن

[sama smsma]

كوسة بالبشاميل صيامى



طريقة الكوسة
الكوسة بتقشريها وتقطعيها حلقات وتحطيها فى صينية وعليها ملح وفلفل وتغطيها على نار هادية تنزل مايتها وتستوى نص سوا تصفيها من مايتها وترصى نصها فى صينية مدهونة

وتحضرى البشاميل
زيت +4معالق كبار دقيق +3معالق كريمر كبار مدوبين فى 3كوبايات ماية
هتشوحى الدقيق فى زيت وتحطى كريمر وملح وفلفل ومكعب مرقة وتقلبى لحد مايدوب خالص ويتقل معاكى زى البشاميل وبعدين جهزى الحشوة كوب فول صويا مجروش هتنقعيه فى كوبيتين مرقة خضار وسبيه لحد مايشربها خالص وبعدين تشوحى بصلة وتحطى عليه الفول وتشوحيه وفلفل اخضر وملح وفلفل وجوزة الطيب وبهارات لحمة وتقلبيه لحد مايبقى لونه بنى وبس كدة هتحطى معلقتين بشاميل فوق الكوسة وبعدين الحشوة وبعدين كوسة وعلى وش باقى البشاميل ودخليها فرن سخن تستوى على رف فى النص

[sama smsma]

شاورمة مشروم صيامى


المكونات والمقادير

المكونات :
فلفل رومى الوان مقطع شرائح – بصل – كرفس – مشروم طازج مقطع شرائح – 1 ثمرة طماطم – 1 ملعقة خل – 1 ملعقة بهارات – زيت زيتون – خبز شامى


طريقة التحضير :

1- قشرى ثمرة الطماطم ثم قطعيها قطع صغيرة
2- احضرى مقلاة و ضعى بها زيت الزيتون ثم ضعيها على النار
حتى يسخن الزيت قليلا"
3- شوحى البصل و الفلفل الرومى و المشراوم فى الزيت
4- تبلى خليط المشروم بالملح و الفلفل و الزعتر مع التقليب حتى تتجانس المكونات
5- اتركى الخليط على النار لمدة 2 دقيقة
6- قومى بفتح الخبز الشامى نصفين و ضعى بداخلة خليط الشاورما و لفية جيدا"
7- ضعى القليل من الزيت فى مقلاة على النار
8- ضعى الساندوتشات بالزيت حتى تحمر من الجانبين
ملحوظة :
ممكن ان تضعى السندوتشات بالفرن بدلا" من تحميرها بالزيت
9- قدمى السندوتشات ساخنة و استمتعى بطعمها الرائع

[sama smsma]

كفته فول صويا والارز صيامى



المقادير
كوب صغير فول صويا مجروش منقوع فى كوب ماء ساخن
ملح - فلفل - بهارات كفته سبايسى

ملعقتين رز منقوع فى كوب ماء لمده نصف ساعه تقريبا
ثم صفيه و قومى بطحنه فى المطحن

الطريقة
قومى بتصفية الصويا من الماء الزائد و قومى بطحنه فى الكبه مع الرز ليتجانس الخليط معا ثم افرمى بصلة و شبت و قومى باضافتهم للخليط و قومى بتنكيهه كما ترغبين و قومى بتشكيل العجين إلى أصابع و قومى بحفظها فى الفريزر

الطهى :
أدهنى صينيه بالزيت و رصى أصابع الكفتة و أشويها فى الفرن
لما الصينية تطلع من الفرن
ولعى فحمة وضعيها فى وسط الصينية على قشرة بصله وادلقى بسرعه عليها معلقة سمنه سايحة او زيت وغطى الحلة بسرعه واتركي الفحم يندمج مع الكفته
ورشى بقدونس عند التقديم

[sama smsma]

كفته القرنبيط



المقادير

3 زهرات من القرنبيطة
ا بصلة متوسطة
ا بطاطسايه متوسطة
( عودين بقدونس او كسبرة او شبت ) يفضل عدم الاكثار مقطعة باليد
2 معلقة كبيرة دقيق
2 معلقة كبيرة نشا
ا معلقة بقسماط
نصف معلقة صغيرة بيكنج باودر
ملح
بابريكا
كمون


الطريقة

1 - يسلق القرنبيط في ماء به ملح وكمون ويصفي
2-يفرم البصل مع الملح والكمون والبابريكا ثم يضاف اليه القرنبيط
3- تسلق البطاطس بقشرها وتقشر بعد النضج وتهرس باليد
4- نخرج القرنبيط والبصل ف وعاء ونضيف عليه البطاطس والدقيق والنشا والبقسماط والخضرة والبيكنج باودر ويخلط جيدا
5- يصبع او يشكل على شكل اقراص ويغطي بالبقسماط مضاف اليه معلقة نشا
6- يوضع في الثلاجة لمده ساعة قبل القلي او نصف ساعة في الفريز
7- يقلي ويقدم ساخنا
ويزين بالبقدونس

[Mary Naeem]

مجهود كبير قوي يا سوسو
ربنا يعوضك حببتي

[sama smsma]

ربنا يخليكى لينا يا مرمر وتعيشى وتشجعينا ياحبيبتى

[sama smsma]

بطاطس بيوريه بالخضار المشكل والمشروم




المقادير
بطاطس مسلوقة
خضار مشكل ( بسلة - جزر- مشروم )
بهارات
ملح - فلفل
مكعب مرقة خضار
كباية مية
بصلة
بقسماط


الطريقة
تسلق بطاطس وتهرس
ونجيب الخضار المشكل ونشوحة فى بصلة
ونحط البهارات ومكعب مرقة خضار
ونحط كباية مية ونسيبة لغاية لما الخضار يستوى
وبعدين ندهن الصنية زيت ورشة بقسماط ونحط البطاطس وافردها وعليها الخضار وطبقة تانية منا لبطاطس وعلى الوش رشة زيت زيتون وبقسماط
وندخلها الفرن .