وداعا 2014

[ماريا تى ثيؤتوكوس]

اجاباتك جميله استاذ رامز
ومشاركتك غاليه عندى
ربنا يبارك خدمتك يا زعيم

[ماريا تى ثيؤتوكوس]

المشاركة الأصلية كتبت بواسطة morcos20

14 + 20
***
نــودع عـام مضــى كلــه آلام وجــراح
ونستقبل عام جديد كلة بهجة وأفراح
مع تمنيـاتى لكـم بالسـعادة والنجــاح
+
مرقس إسـكندر مقار

وانت طيب استاذ مرقس وبيتين الشعر دول حلوين
لكن انا لا اقبل رشوه انا عايزاك تجاااااااااااااااااوب
على الاسئله

[ماريا تى ثيؤتوكوس]

اجاباتك جميله زيك مارى
ومشاركتك غاليه طبعا اوى اوى عندى
وميرسى لتشجيعك يا قمر
واطمنى محدش يقدر يزعل منك يا قمر

[ماريا تى ثيؤتوكوس]

بنت معلم الاجيال مشرفتنا الجميله
بجد نورتى بأجاباتك الجميله
واللى بتظهر اد ايه انت خادمه جميله ونشيطه
ربنا يباركك حبيبتى وسعيده جدا بمشاركتك

[ماريا تى ثيؤتوكوس]

يلا بقى اللى مجاوبش يتفضل يجاوب
انا اللى بعتلهم عارفاهم
عندى كشف بالاسماء
كله يجاوب ها سامعين
والا هكشف عن اسمائكم
اه تهديد بقى

[Ƒ̐ὰ̗đƴ]

اولا: على المستوى الشخصى

1- اجمل موقف حدث لك على المستوى الشخصى ؟
ان بقا ليا نشاطات فى الكنيسة غير الاول ودخلت كورال واعداد شموسية

2- اسوء موقف حدث لك على المستوى الشخصى؟
بصراحة مش متذكر حاجة حصلت معايا وحشة لان بشوف ان كل حاجة خير

3- أمنية تحققت خلال هذا العام ؟!
انى قربت من ربنا اكتر

4- افضل شخصية تعرفت عليها هذا العام ؟
كتييير صعب اذكر اسم واحد

5- من الذى حريص على وجوده معك فى ليلة رأس السنة؟
عائلتى الصغيرة

6- يوم نهاية عام وبداية عام يوم مميز جدا فماهى طقوسك فى هذا اليوم؟!
بحب جدا ارتب لليوم ده واستدعدله وبحب جدا وبحب اكون فى اليوم ده فى الكنيسة مع الناس البحبهم

ثانيا: على المستوى المنتداوى


1- اروع موضوع لعام 2014
بامانة كتير جدا مواضيع كتيرة ومفيدة السنة دى ربنا يبارك الخدام

2- أروع شخصيات المنتدى تألقت ولمع نجمها فى هذا العام
( أعضاء.. مشرفين .. ادارة .. محاورين)؟
كتير برضو ربنا يباركهم ويحفظهم

3- امنياتك للمنتدى ؟
انه يكون ناجح اكتر واكتر ويكبر اكتر

4- اشخاص متواجدين بالمنتدى ويزعجك وجودهم ( ليس ضرورى ذكر اسماء نكتفى بذكر صفات معينة ) ؟
مافيش

5- اصعب موقف حدث لك بالمنتدى ..
( مع الادارة .. مشرفين او اعضاء )وتمنيت لو لم يحدث؟
مافيش

6- رسائل قصيرة لبعضنا بعض ربما تكون تهنئة ربما عتاب ربما افتقاد ربما اى شىء فلكم مطلق الحرية لإرسال رسائل مختصرة لكل من يخطر ببالكم .
انا بجد بحبكم وبحب المنتدى ده اووى وبحب انى واحد من الاسرة الفرح المسيحى وياريت تسامحونى ع التقصير فى المتدى واتمنى ان ميكنش ح زعلان مىنى او عملت حاجة تضايقه فانا اسف لو عملت كده وياريت تسامحونى .. وبشكركم جدا لمحبتكم

ميرسى كتير يا ماريا على الموضوع القيم ربنا يباركك ويعوضك

[ماريا تى ثيؤتوكوس]

اجاباتك جميله فادى
واكيد اجمل حاجه كل سنه بنقرب من ربنا اكتر
ويارب دايما فى حمى يسوع
سعيده جدا بوجودك نورت التوبيك

[كاتى]

اولا: على المستوى الشخصى

1- اجمل موقف حدث لك على المستوى الشخصى ؟

اممممم مو انا بس فى حد قريب منى خلاص هتتجوز ومبسوطه اوووووى ليها

2- اسوء موقف حدث لك على المستوى الشخصى؟

هو مو اسوء بس مضايقنى انى اهلى بعاد عنى



3- أمنية تحققت خلال هذا العام ؟!

زورت اهلى السنه دى ونفسى قريب اروحلهم تانى بجد وحشونى

4- افضل شخصية تعرفت عليها هذا العام ؟

امممممم فى كتير لو على المنتدى او بره

5- من الذى حريص على وجوده معك فى ليلة رأس السنة؟

اصحابى

6- يوم نهاية عام وبداية عام يوم مميز جدا فماهى طقوسك فى هذا اليوم؟!

اكون مع الناس اللى بحبها


ثانيا: على المستوى المنتداوى


1- اروع موضوع لعام 2014


كتير بصراحه
بس بحب مستر ناصر معاكم على الهوا بكون مبسوطه ونستفيد فى نفس الوقت
ونضك ضحك يالهوى


2- أروع شخصيات المنتدى تألقت ولمع نجمها فى هذا العام
( أعضاء.. مشرفين .. ادارة .. محاورين)؟

كتتتتتتتتتتتتتتتيييييييييير

3- امنياتك للمنتدى ؟

هو الحمدلله منتدى ناجح ويارب دايما يفضل كده

4- اشخاص متواجدين بالمنتدى ويزعجك وجودهم ( ليس ضرورى ذكر اسماء نكتفى بذكر صفات معينة ) ؟

نو نو مو فى

5- اصعب موقف حدث لك بالمنتدى ..
( مع الادارة .. مشرفين او اعضاء )وتمنيت لو لم يحدث؟

امممم حصل انه حد بعتلى على اساس انها بنت بس الحمدلله اتكشف بسرعه

6- رسائل قصيرة لبعضنا بعض ربما تكون تهنئة ربما عتاب ربما افتقاد ربما اى شىء فلكم مطلق الحرية لإرسال رسائل مختصرة لكل من يخطر ببالكم .

انا بجد ببقى مبسوطه اوووى لما بكون موجوده هنا ونفسى حد يطمنا على الاعضاء الله غايبه ده حته فى مشرفين مو بيدخلو
انشاء الله يكونو بخير
وسنه سعيده عليكم جميعا وعلى كل اسرنا يارب

ميرسى ماريا على موضوعك الجميله
سنه سعيده عليكى حبيبتى

[كيلارا]

اولا: على المستوى الشخصى

1- اجمل موقف حدث لك على المستوى الشخصى ؟
لما حليت سودوكو ماكانش حد عارف يحلها هههههههه


2- اسوء موقف حدث لك على المستوى الشخصى؟

لما اتسرق الموبايل بتاعى من الشنطة وانا نازلة من الميكروباص



3- أمنية تحققت خلال هذا العام ؟!

هى امنيات اتحققت لاولادى بس دى كانت امنيتى انا

4- افضل شخصية تعرفت عليها هذا العام ؟
شخصيات بس هى جميلة وبسيطة

5- من الذى حريص على وجوده معك فى ليلة رأس السنة؟

اسرتى واولادى

6- يوم نهاية عام وبداية عام يوم مميز جدا فماهى طقوسك فى هذا اليوم؟!

فى الكنيسة ولو ماروحتش فى البيت اصلى واطلب من ربنا انه يبتدى معاى السنة الجديدة


ثانيا: على المستوى المنتداوى


1- اروع موضوع لعام 2014

كتير موضوعات روعة



2- أروع شخصيات المنتدى تألقت ولمع نجمها فى هذا العام
( أعضاء.. مشرفين .. ادارة .. محاورين)؟

شخصيات كتير روعة


3- امنياتك للمنتدى ؟
ان المنتدى يستمر فى النجاح لمجد اسم الله

4- اشخاص متواجدين بالمنتدى ويزعجك وجودهم ( ليس ضرورى ذكر اسماء نكتفى بذكر صفات معينة ) ؟

مفيش

5- اصعب موقف حدث لك بالمنتدى ..
( مع الادارة .. مشرفين او اعضاء )وتمنيت لو لم يحدث؟

مفيش


6- رسائل قصيرة لبعضنا بعض ربما تكون تهنئة ربما عتاب ربما افتقاد ربما اى شىء فلكم مطلق الحرية لإرسال رسائل مختصرة لكل من يخطر ببالكم .
بحبكم جدا وكل عام وانتم وانا مع يسوع فرحانين ومبسوطين يارب


ميرسى ماريا على الموضوع الجميل
وكل سنة وانتى وكل اسرتك بخير وسلام

[بنت معلم الاجيال]

المشاركة الأصلية كتبت بواسطة ماريا تى ثيؤتوكوس

يلا بقى اللى مجاوبش يتفضل يجاوب
انا اللى بعتلهم عارفاهم
عندى كشف بالاسماء
كله يجاوب ها سامعين
والا هكشف عن اسمائكم
اه تهديد بقى

انتي من النهاردة دراعي اليمين يا زعيمة
نيهاهاههاهااها
تهديد علني كدة ماشي ماشي


ميرسي ياقمر علي كلامك الجميل ربنا يفرح قلبك و يبارك خدمتك
وكل سنة وانتي طيبة و يارب تكون السنة دية احلي واحلي بكتير