بمناسبة مرورك 4 سنوات لعيد ميلاد منتدى الفرح المسيحى عايزين نعرف .....

[كاتى]

كل سنه وانتم طيبين
ويارب دايما فى تقدم

[abraam]

كل سنة وانتوا طيبين
وانا بجد بحبكوا اوى لانى بجد
انتوا جمال اوى وطيبين وحنيينين

[Marco]

بصراحة انا مش هعرف اوصف قد ايهــ ؟ انى بجد انا حبيت المنتدى من كل قلبى ويمكن انى شاركت قبل كده ف منتديات دينية كتير بس المنتدى الوحيد اللى حسيت فيه بروح المحبة والعطاء والحب الزايد هو ( منتدى الفرح المسيحى )

بصراحة ربنا يعينك بجد ي استاذ رامز ع التعب اللى بتتعبه عشان المنتدى . وبصراحة لو فضلنا كده بنحب بعضينا هيفضل المنتدى طول العمر واحنا اللى هنتكل ع الله

كل سنة وكل اعضاء الفرح المسيحى ومشرفينه وادارييينه ومراقبيين بخير عقبال ملاييييييييييييين السنين

[Ramez5]

ميرسى كتبر على محبتكم وتهنئتكم الغالية على قلبى
ومن عام لعام دايماً مع بعض بنحتفل بأجمل المناسبات السعيدة لمنتدانا الغالى

المشاركة الأصلية كتبت بواسطة بنتك انا

اول سوال شعورك لما المنتدى وقع
وبرده لما المنتدى رجع تانى
وبرده ايه وموقفك من الخدام اللى مقصرين فى الخدمة
وايه امنيك للمنتدى
وجه 10 رسايل او مطالب لعشر اشخاص

المنتدى بجد عدى علية تجارب صعبة جداً
بجد عدو الخير كان بيحارب المنتدى بشكل صعب قوى
لكن كان ايد ربنا أقوى من كل حروب عدو الخير علينا
احنا مرينا بتجربة ايوب .. كل حاجة ضاعت منه لكن ربنا عوضة أضعاف
لما المنتدى وقع كانت لحظة صعبة جداً علينا جميعاً
وكان السبب خلل فنى فى هاردسك السيرفر
وفقدنا كل شئ .. بجد كانت تجربة صعبة جداً
لكن محبى الفرح المسيحى أصروا ان نبدأ تانى
وكانت فرحة للجميع بأعادة فتح المنتدى من جديد
وبالفعل انا شفت تحمس كان اقوى من يوم افتتاح المنتدى
دلوقتى احنا عندنا 2 سيرفر لأى ضرر نكون عاملين احتياطى لكل شئ

بالنسبة للمقصرين فى الخدمة
طبعاً ليا عتاب كبير على المسئولين الكبار فى المنتدى لتقصرهم
ومافيش خادم يكون مسئول عن خدمة يلتمس الأعذار بأستمرار
ودة بيكون له حد معين لا يمكن ان يستمر ( بدون زعل ) لا محاباه فى الخدمة
ولا يمكن أن تسمتر خدمة بدون خدام ليس لها دور ايجابى يومى
انا بصبر ... ولكن لوقت لما اتخذ موقف من الخدام المقصرين
لا أحد يلومنى
وهل ينفع دور الخادم نشوفة نصف ساعة فقط على المنتدى ؟
والخادم النشط ملحوظ والخادم الكسول ايضاً ملحوظ
ولا يمكن ان نستمر بخدام دون خدمة لهم ( صح ولا غلط )
ماينفعش يكون الخادم مجرد صورة فى المنتدى لا يفعل دورة

امنيتى للمنتدى انه يكون رسالة مفرحة للجميع
يروا فية صورة المسيح والخدمة التى تليق بأسمة
وأن تكون خدمتنا سبب بركة وفرحة للجميع بصلواتكم

بالنسبة للعشر رسائل او المطالب هأوجها بدون أسماء
يا ..... بجد انتى خادمة نشطة جداً وربنا هايفرح قلبك بسبب خدمتك الناجحة
يا ..... ماتنساش انك خادم كبير وليك دور لازم تكون قد المسئولية لأنك قدوة
يا ..... نفسى ترجعى تخدمى زى الأول بجد وأعرفى أن الخدمة ليها بركات
يا ..... بأشكرك على الحاجات الجميلة والمميزة اللى بتقدمها بأسم المنتدى
يا ..... تصميماتك مميزة وبتعجبنى جداً وأنك بتميزها لما بتضع عليها شعار المنتدى
يا ..... اوعى تنسى دورك كاخادم وان الموجودين دول أولادك بيتعلموا منك
يا ..... ربنا يفرحك دايماً من أجل نشاطك اليومى فى الخدمة ووجودك المستمر
يا ..... انا فرحان بخدمتك لما بلاقى حاجة منك بتشيرها على الفيس من المنتدى
يا ..... اعتقد كفاية كدة واتمنى اهتمامك بالخدمة كفاية أعذار ... انت بلا عذر أيها الخادم
يا ..... رغم انك عضوة لكن قدوة لينا فى الخدمة ولنشاطك المميز اليومى الملحوظ

كان نفسى يكونوا اكتر من عشر ... لكن خلاص كفاية كدة ههههههههه