|
 |
 |
 |
|
|||||||
 |
|
|
أدوات الموضوع | انواع عرض الموضوع |
|
|
|
رقم المشاركة : ( 1 )
15 - 09 - 2012, 10:03 PM
|
|||||||||||
|
|||||||||||
|
*** فى قطار الصعيد *** رسائل تماف ايرينى *** كان فيه راهبة تملآها نعمة الرب وكرست حياتها له من زمان وهى لاتزال فى عالمنا الحالى ولم تفارق الجسد .... مند اكثر من 30 سنة كانت هذه الراهبة مرسلة الى صعيد مصر مع راهبة كبيرة فى السن للتبشير "زى ماارسلهم المسيح اثنين اثنين " .... فى طريقهم الى الصعيد قطارهم وقف ... لان قطار تانى عمل حادثة .. كانوا لوحدهم وكان الوقت نصف الليل ... وعليهم ان ينزلوا فى ظلام الليل ويغيروا الى قطار تانى رايح برضه الصعيد ... راهبتين يقدروا يتصرفوا ازاى ؟ كل الركاب نزلوا بسرعة والراهبة الشابة بصت من القطار على الشارع المظلم .. وفجأة لقيت راجل معاه فانوس بيقرب ويقولها : " خلى بالك وانت نازلة ياامنا .. ناولينى الحقيبة بتاعتك " ... نور لهم سلالم القطار والراهبة الشابة ساعدت الراهبة الثانية فى النزول من القطار .. وبطريقة مهذبة كان بيطمئنهم طول الطريق ويقولهم : " ماتخافوش القطار مش هايمشى من غيركم وكمان هتلاقوا مقاعد وكل حاجة هتبقى تمام " ..... لما وصلوا القطار الثانى الراهبة الشابة ركبت وساعدت الراهبة الثانية تركب , والراجل ركب معاهم ... القطار كان منور وشكل الراجل كان واضح , كان شكله مهدب ومبتسم ووسيم ووجهه منور ... اول لما دخل القطار كان فيه ضابطين قاعدين على كرسيين فقاموا بسرعة لما شافوه وعملوا تعظيم سلام .... بدأ القطار يتحرك ... الراجل اللى وجهه منور وباين عليه النعمة قال لللراهبتين يقعدوا مكان الضابطين .. الراهبة الكبيرة شكرته : " احنا بنشكرك جدا .. عمرنا ماهننسى جميلك ده .. احنا نتمنى انك تيجى تزورنا علشان نرد لك كرمك معانا ... ....... احنا راهبات من دير ابو سيفين " القديس مرقوريوس " فى مصر القديمة " ..... فى اللحظة دى بص لها وقال لها : " انا القديس ابو سيفين ..... " واختفى ...... فى اللحظة دى كل الركاب القطار اتخضوا وكانوا هيتجننوا من اللى شافوه ......... راح فين الراجل اللى كان لسه بيتكلم ؟ مين هو ابو سيفين ؟ كل الحديث فى القطار كان : " مين هو ابو سيفين "؟ والاجابة كانت طبعا مع الراهبتين . بركة وشفاعة القديس مرقوريوس ابو سيفين تكون معنا امين . 
|
|
15 - 09 - 2012, 10:04 PM
|
رقم المشاركة : ( 2 ) | ||||
|
..::| VIP |::..
|
رد: موضوع متكامل عن جوهرة السماء ومنارة الرهبة تماف ايرينى فى ذكرى نياحتها فى 31 اكتوبر
*** حكاية توبة ... رسائل تماف ايرينى *** والكلام لتاماف ايرينى بركة صلواتها وشفاعتها تكون معنا امين كنت فى كرير وبأعمل اجتماعات للشعب يوميا لمدة خمسة ايام ... احكى لهم معجزات وبعد الاجتماع نأخد بركة الحاضرين فى طابور واحد .... واثناء وقوف الحاضرين فى الطابور .. لاحظت مدام تبكى بحرقة .... قلت لآمنا كيريا احجزيها لى .... وسألتها ... ليه بتبكى ؟ .. قالت ... زوجى صعب خالص واخلاقه وحشة جدا .... عندنا ثلاثة اولاد ... على الرغم من ذلك يرجع من الشغل يأكل ويستحم ويخرج بعد ذلك .. ويجى كل يوم وش الصبح , شارب ومترنح بيلعب قمار وخمرة ويروح الاماكن الوحشة ومصاحب ستات وحشين ..... ولو كلمته كلمة واحدة يشتمنى ويضربنى لدرجة انه كسر مرة رجلى ومرة يدى وانا خايفة لو عرف انى جيت الدير هايضربنى .... تاماف ايرينى قالت لها متزعليش ... هانصلى كلنا ونصوم 3 ايام .. وانتى صومى معانا ونطلب صلوات امنا العدرا والشهيد ابى سيفين .... ثانى يوم لم تحضر , كذلك اليوم الثالث وفى رابع يوم جائت ومعاها زوجها .. وقال لى عايزك ياأمنا قلت له حاضر وقعدت معاه وقال لى .. " انا بأعمل كل الخطايا والشرور وراح يحكى .. حاجة تقشعر لها الابدان " بقيت مش قادرة اسمع كلامه واكمل قائلا : لما رجعت من الشغل وسألت عن المدام وعرفت انها فى الدير ... شتمت على الشهيد .. وعليكى لما قلت يابس ... ولما رجعت المدام ضربتها علقة متينة وخرجت اسهر كالعادة واشرب الخمر زى كل يوم ورجعت وش الصبح مترنح ونمت ....... ولكنى صحيت على صوت دربكة جامدة فى الغرفة .. فتحت عينى ... لقيت الشهيد ابى سيفين منور فى الضلمة وراكب على حصانه البنى .... وقال لى بتشتم على .. وعلى امنا ايرينى ليه ؟ .. الحياة ان مهما طالت هتنتهى ويبقى الجسد تراب والروح تظل فى ابدية لا تنتهى ... اما فى الفردوس لو اعمالها كويسة .... اما فى الجحيم فالغذاب لا يطاق .. لمادا لاتفكر فى ابديتك ؟ اين جدودك وابوك وامك ... كلهم ماتوا وانت التالى هاتموت .... فلمادا لا تستعد ؟ العمر بيجرى وبأعمالك ليس لك خلاص ... توب قبل ماتندم فى وقت لاينفع فيه الندم ... مادمت حى لك الفرصة للتوبة لكن بعد ماتموت يتقفل باب الرحمة ... وانت مش ضامن عمرك فى لحظة ...... صحبك الفلانى نام وماصحيش وكان مش عيان .... لماذا لا تستعد لآخرتك ؟ انت بتعمل كذا وكذا ... وصارحه القديس بخطاياه ... فأنسحق جدا .. واخذ يبكى كالاطفال .. فقال له لاتحزن لك فرصة .. روح توب ... فسأل الشهيد هل ربنا يقبل توبتى .......... طبعا ربنا تجسد ليخلص الخطاه وكل اللى بيعملوا الشرور زيك لو ماتو يروحوا الجحيم حيث الكأبة والحزن والالام والانين والظلمة والتنهد والعذاب والدود الذى لايموت والنار التى لاتطفىء والريحة الكريهة .... لكن اللى جاهدوا او نفذوا الوصايا يروحوا الفردوس حيث الفرح والسلام والوجود الدائم فى حضرة الله ... استشهدت وانا عمرى خمسة وعشرين سنة .. صحيح اتعذبت كتير من اجل الله .. لكن اتمتعت الان بمجد لاينطق به وابدية لاتنتهى ... قال الرجل للشهيد ........... ازاى اتوب ؟ قال له روح الدير وخلى امنا ايرينى تقول لك حكايتى وتعرفك ازاى تتوب .. وادينى جيت لكى ياامنا واللى تأمرى بيه انا هأعمله ... وقعد يبكى ...... شوفوا ازاى الصلاة بأيمان والصوم تقرب البعيد وتتوب الشرير ...... قلت له يروح لاب اعترافه ابونا متياس روفائيل ووصيته عليه فى التليفون .. فقال لها ياما شتمته وطردته ... قالت معلش ده اب .. هيسامحك .. وانوى ماتعملش الشر تانى ولاتروح الاماكن الشريرة دى تانى وتقطع كل علاقاتك الاثيمة وتبطل اللى بتشربه ده وتحب ربنا وتروح الكنيسة وتعترف وتتناول وتحب بيتك واولادك .... وتعمل لاخرتك ... ويتمجد الرب دلوقتى بقى كويس قديس وخادم وبقينا نتعلم منه والبركة حلت فى بيته ويعطى الكنيسة باستمرار ومتخصص فى جذب الشباب المنحرف .... تاب توبة حلوة ... ياريت نتوب ونجاهد علشان نروح نتمتع بالمجد مع اولادنا فى سماء هرب منها الحزن والكأبه والتنهد والضيق واحنا مبسوطين وفى مجد عظيم . حكاية توبة / امنا ايرينى |
||||
|
|
|
15 - 09 - 2012, 10:04 PM
|
رقم المشاركة : ( 3 ) | ||||
|
..::| VIP |::..
|
رد: موضوع متكامل عن جوهرة السماء ومنارة الرهبة تماف ايرينى فى ذكرى نياحتها فى 31 اكتوبر
*** الانبا مكاريوس ... وموته الاول *** رسائل تماف ايرينى *** وتحكى ايضا امنا ايرينى عن الانبا مكاريوس الانبا مكاريوس كان قديس كبير لكن قداسته مش ظاهرة قوى .. وكان طيب وفى نفس الوقت حكيم .. وكان بسيط ومتضع جدا مع انه اسقف الا انه منكر لذاته .. يحب ربنا .. ويكتمل قانون صلواته وميطانياته مهما كان مريض او كبر سنه .. وكان صريح وواضح .... واللى فى قلبه على لسانه .. ويعمل رحمة كتير ويعطف على الكهنة ....... وكان بيبنى كنيسة على اسم الست العدرا ... وطلب من ربنا وقاله لاتأخذنى الا لما اكرسها ... وخذنى وانا بصلى القداس .... والرب اعطاه سؤال قلبه .... المهم انه مرة جاتلة ازمة قلبية شديدة وفارقت روحه جسده ... وشاف القديس الجسد نايم " الجسد المائت " واتأخذ بزفة من الملايكة واستقبله من القديسين الكبار الانبا انطونيوس والثلاث مقارات القديسون والانبا باخوميوس والانبا شنوده ... وفى نصف السكة وهم طالعين اعترضت الزفة الست العدرا وبسطت يديها وقعدت تصلى.. "ياابنى والهى العظيم .. لك القدرة والمجد والعظمة ... انت قادر على كل شىء .. لو اردت ان ترجع روح الانبا مكاريوس لجسده لانه طلب منى لايتنيح الا لما يكرس الكنيسة التى يبنيها على اسمى " ........ فسمع الجميع صوت قوى فيه رنين يقول : " امين هكذا يكون " ..... والملايكة دخلوا روحه فى جسده واحس بصعوبة كبيرة.... وتاماف ايرينى كانت هتسافر تحضر جنازة الانبا مكاريوس فهو اب اعترافها وتعزه جدا وقبل ماتسافر جالها تليفون .. مين بيتكلم ؟ انا مكاريوس .... وحكى لها وقال اول واحدة اكلمك .. قلت الحقك قبل ماتيجى وتحضرى جنازتى ... المهم بعد ما الانبا مكاريوس كرس الكنيسة وهو بيصلى القداس عند القسمة تنيح وكان ماسك بالقربانة المتحولة لجسد الرب ... ولما وقع على الارض ... المفروض ان القربانة تقع كمان ... لكن ارتفع جسد الرب بقوة الهية ونط فى الصينية .... وهذا واضح فى فيلم نياحة الانبا مكاريوس .... بعد نياحة الانبا مكاريوس كان احد اولاده يبكى عليه بحرارة وكان عنده التهاب شديد فى المرارة يسبب له مغص صعب قوى لم يستطع النوم طوال الليل رغم تناوله للمسكنات والمضادات الحيوية وكان يبكى ابيه المتنيح الانبا مكاريوس ....... وفى الصباح وقف يصلى حوالى الساعة العاشرة .. واذا ملاك الرب يظهر له قائلا لمادا تبكى على الانبا مكاريوس ؟ تعالى شوف اخدك الى الفردوس لترى مقدار المجد اللى فيه الانبا مكاريوس .. فلا تبكى عليه مرة اخرى ..... طلعوا الى الفردوس فى مكان جميل مليان خضرة ليس لها مثيل وليس لها حدود ... مكان يدى الفرح والسلام .. بنور ساطع شديد ولامع ... ولقى الانبا مكاريوس جاى خطوة خطوة ومسبى فى المجد لابس ثوب سماوى وماسك صليب الماظ وقال لهذا الشخص شوف المجد اللى انا فيه اوعى تبكى على تانى ..... انا فى كنيسة الابكار ولينا حرية نتجول فى الفردوس.... الشخص قال له هو انا مت ؟ اجابه انت جاى بجسدك .. انا طلبت من اجلك الى الرب يسوع لترى كم من المجد اللى انا فيه حتى لاتبكى على تانى ... وقال هذا الشخص للآنبا مكاريوس وما كل الالماظ اللى فى الصليب الذى تحمله ؟ انه ياابنى رمز للفضائل والبساطة والنقاوة والمحبة والاتضاع .... لقد ظل هذا الشخص بالفردوس 3 ساعات كاملة خلال هذه الفترة .... ففتح المتولين خدمته وعلاجه باب حجرته فلم يجدوه ... بحثوا عنه فى كل مكان بمنتهى الاستغراب فلم يجدوه ...وعلى الرغم من ذلك مرت على هذا الشخص تلك الساعات التى قضاها فى الفردوس كدقائق قليلة . بركة وشفاعة العدرا والانبا ابرام وجميع القديسين وامنا ايرينى تكون معنا امين |
||||
|
|
|
15 - 09 - 2012, 10:04 PM
|
رقم المشاركة : ( 4 ) | ||||
|
..::| VIP |::..
|
رد: موضوع متكامل عن جوهرة السماء ومنارة الرهبة تماف ايرينى فى ذكرى نياحتها فى 31 اكتوبر
*** رحلة الى الفردوس .. امنا ايلارية وامنا ايرينى *** رسائل تماف ايرينى *** تحكى امنا ايرينى مرة اخرى فتقول : امنا ايلارية امنا ايلارية كانت راهبة قديسة ومرشحة للرئاسة ... تبتدى يومها الساعة 12 وتقعد طول الليل تسبح وتصلى .. راحت السماء وهى راكعة بتعمل التسبحة .... ففى راهبة زعلت عليها قوى وكانت دايما بتبكى عليها ... وهى بتصلى جالها ملاك ورشم الصليب وقال لها " ارشمى الصليب انا هأخدك رحلة للفردوس تشوفى القديسة ايلارية ".... طلعوا لفوق رأسيا ثم اتجهوا افقيا .. لقيت نفسها فى مكان جميل مليان خضرة زى القطيفة .. مكان مليان فرح وسلام .. فيه ممرات يفصل بين كل ممرين نهر باللورى ....... وكل واحد من القديسين واقف فى ممر ... وفى نهايته يرى رب المجد فى بهاء عظيم .. الملاك تركها مع امنا ايلاريه .. وهى قالت لها ليه تبكى على وانا فى مجد عظيم وراحة وسلام ..... وكلمتها عن السماء وحلاوتها وقالت لها : " اللى جنبك خضرته اكثر منك ..... قالت لها .... علشان انا كنت بخيلة محبش اسلف حاجتى ولو لقيت حد محتاج لااهتم ... الراهبة قالت نفسى اروح لرب المجد ........... ردت عليه القديسة ايلارية .. لاينفع لانك جاية بالجسد تحرقك نار اللاهوت ....... بصت الراهبة لقت الملاك جاى واخدها لرب المجد .. وكل ماتقترب منه تحس بفرح لاينطق به وتتملى سلام وتحس بحرارة تلسع وجهها ... يتدفق من عينه حب وحنان وعطف ورقة ... مليان ابوة ... وكان نفسها تترمى فى حضنه ... وقالت يارب مش عايزة اسيبك تانى ... قال لها لسة لكى رسالة لما تكملى خدمتك هاتيجى ...... انا معاكى ماتخفيش " وقال للملاك وريها مواضع القديسين .. ومكان ابوها وامها الاثنين مكانهم جميل لكن الام مكانها احسن علشان كانت اكثر بساطة ونقاوة ... وبعدين الملاك مسك ايدها ومشوا افقى ثم رأسى لاسفل ورجعها قلايتها ......... وقعدت بعدها وشها منور شهرين ..... لحظات شافت رب المجد فيها وشها ظل منور شهرين ... والراهبة دى قعدت سنة كاملة متعزية جدا مهما حصل من ضيقات ومتاعب او امراض ... والراهبة هى امنا ايرينى .. بركة شفاعتها تكون معنا جميعا |
||||
|
|
|
15 - 09 - 2012, 10:08 PM
|
رقم المشاركة : ( 5 ) | ||||
|
..::| VIP |::..
|
رد: موضوع متكامل عن جوهرة السماء ومنارة الرهبة تماف ايرينى فى ذكرى نياحتها فى 31 اكتوبر
المتواضعون كالصخرة , تنزل الى اسفل ولكنها ثابتة وراسخة , اما المتكبرون فأنهم كالدخان , يعلو الى فوق ويتسع وفيما هو يعلو يضمحل ويتبدد """ الانبا موسى الاسود.
*** رائحة ابى سيفين *** فى الخامس من يوليو 2000 اذ سمح لى الهى بزيارة مصر , بعد زيارتى لقداسة البابا شنودة الثالث , اشتقنا الى نوال بركة الشهيد ابى سيفين وبركة الآم " تاماف ايرينى " رئيسة الدير .... كنت اشفق عليها بسبب مرضها الشديد , فلم اكن اود تكرار الزيارة للدير , لكن بعد الغيبة الطويلة .. انطلقنا الى الدير ... بدأت تماف ايرينى كعادتها تروى لنا عن عمل الله العجيب خلال قديسيه , خاصة القديس الشهيد ابى سيفين ... ماادهشنا جميعا انه كلما تحدثت عن عمل الله تزداد قوة وترفض ان تصمت .... روت لنا مجموعة كبيرة من القصص اذكر الان احداها .... لقد مرت بها فترة عانت من المرض حتى صار جسمها يكاد يكون اسود كثوب الرهبنة , وقد نقلت الى المستشفى , اذ حملت الى قسم العناية المركزة , ورأت المرضى وقد ظهرت اجزاء من اجسامهم .. رفضت , صمم اخوها الدكتور عزت ان يهيئ لها جناحا خاصا بها مهما كلفه الآمر , وقد وضعت فيه كل الآجهزة .... كان الكل فاقد الرجاء فى شفائها , لكن من اجل الضمير كان الآطباء يبذلون كل الجهد لعلاجها , وكان اغلب الآطباء مسيحيين , وكان رئيس القسم متدينا لكنه يرفض تماما فكرة شفاعة القديسين وصلواتهم عنا .... كان هذا الرئيس يحب تاماف ايرينى من اجل تقواها فى المسيح يسوع , لكنه لم يكن يصدق شيئا مما ترويه عن عمل الله خلال قديسيه ... فجأة اذ كانت فى حالة صحية سيئة للغاية .. اشرق نور فى حجرتها .. رأه كثيرون ممن فى المستشفى ... ظهرت لها السيدة العذراء بصورة جميلة للغاية وبجوارها شاب جميل الهيئة ووديع فى بهاء عجيب ... قالت السيدة العذراء لتاماف : " ماذا افعل ياايرينى , فأن هذه هى المرة الرابعة التى تؤجل فيها قضيتك .. فى كل مرة يطلب منى القديس ابى سيفين من اجلك , وانا لا استطيع ان ارد له طلبه , وكنت اطلب من اجلك امام ابنى الحبيب ! " عندئذ رأت تاماف الشهيد ابى سيفين ينحنى امام القديسة مريم وهو يقول " متشكر , متشكر , متشكر ياأم الفادى الحبيب " ... ثم اختفت القديسة مريم وايضا الشهيد ابو سيفين .. وفجأة فج نور قوى ملآ الحجرة وخارج الحجرة مع بخور قوى الرائحة ملآ العنبر ... انطلق كثيرون نحو الجناح الذى فيه تاماف وكانوا مندهشين لما حدث .... اخيرا جاء الطبيب رئيس القسم , واذ دخل الجناح قال ماهذا ؟؟؟؟ انها رائحة عجيبة لم اشتم مثلها من قبل , ثم انطلق نحو تاماف وقال لها " اخبرينى هل ابو سيفين ظهر لك ؟ " ... ابتسمت تاماف اذ تعلم انه لا يؤمن بذلك وقالت له " لماذا تقول هذا ؟ ... اجابها " ان الامر واضح تماما فرائحة الحجرة عجيبة جدا , ثم علامات الصحة قد ظهرت على وجهك , واذ تطلع الى الاجهزة المحيطة بها قال لها " كل شئ قد تغير تماما ! " ... ربى والهى ... لمسات حبك ياالهى من يقدر ان ينكرها ؟؟ طهرنى ونق قلبى فأشهد لك , واتمتع بالشركة مع السمائين والقديسين .. تصير السماء ليست ببعيدة عنى , ولا يقدر احد ان يقاوم الحق السماوى ... من كتاب ابونا تادرس يعقوب ملطى |
||||
|
|
|
15 - 09 - 2012, 10:09 PM
|
رقم المشاركة : ( 6 ) | ||||
|
..::| VIP |::..
|
رد: موضوع متكامل عن جوهرة السماء ومنارة الرهبة تماف ايرينى فى ذكرى نياحتها فى 31 اكتوبر
*** معجزة جميلة لتماف ايرينى بعد انتقالها للسماء ***
*** معجزة لامنا ايريني جميلة جدا *** هو شاب يعمل بأحد المطابع التى كُلفت بطباعة صور طماف إيرينى . ولما رأى القداسة فى الصور وكذلك عدد الصورالكبير الذى يطلب من المطبعة بأستمرار.. طلب من الخادم الذى يوصل الصور الى الدير أن يخذ منه ورقه ويضعها عند قبر أمنا ايرينى وفعل الخادم ... وفى الزيارة التاليه للخادم للمطبعة .. فوجئ بهذا الشاب يسأله " أيه الىّ عملته فىّ ده".. رد الخادم "عملت فيك أيه؟ .. " قال الشاب ماذا فعلت بالورقة التى أعطيتها لك".. رد الخادم "حطيتهالك عند أمنا أيرينى زى ماطلبت !" ففوجئ بالشاب يبكى ويقول له سأحكى لك ماحدث بسبب هذه الورقة أنا معتاد السهر يوميا مع أصدقاء السوء وفى الليله التى أعطيتك فيها الورقة .. سهرت معهم وكالمعتاد كان هناك أشياء خطاءة كثيرة من شرب خمر وخلافه وعدت الى المنزل بعد منتصف الليل ودخلت أنام فورا وبعد قليل أحسست بشئ يوقظنى من النوم وفوجئت بأمنا معى فى الحجرة صرخت "أنتى أمنا إيرينى أنا عارفك من الصور" ردت عليه أيوه أنا هو أنت مش طلبت منى أصلى لك قلت لها "أنا؟" قالت أيوه أنت مش بعتلى ورقه أنهارده هو يصّح برده تطلب منى أصلى لك وبعدين تعمل اللى بتعمله ده ... أنا مش عيزاك ترجع للحجات الوحشه دى تانى ... وأختفت بعد ذلك وطلب هذا الشاب من الخادم أن يأخذه معه للدير لزيارة أبى سيفين وطماف إيرينى ويوعدهم مش حيرجع تانى للى كان بيعمله ًصلاتها تكون معنا... اشفعى فى انا كمان ياامى ... |
||||
|
|
|
15 - 09 - 2012, 10:09 PM
|
رقم المشاركة : ( 7 ) | ||||
|
..::| VIP |::..
|
رد: موضوع متكامل عن جوهرة السماء ومنارة الرهبة تماف ايرينى فى ذكرى نياحتها فى 31 اكتوبر
معجزة قلب منور :.......
الاستاذ/ سامى ...... احد خدام دير ابى سيفين ومحبيه اصطحب زوجته واولاده يوم 10 يناير 2007 م لاخذ بركه الدير وزيارة المزار الخاص بامنا ايرينى يقول :.......... فوجئت بتعليمات على باب الدير ان زيارة غير مسموحه حتى يوم 26 يناير .. ونظرا لان اولادى عندهم امتحانات واحتياجى لكى يسمحوا فقد استعطفت القديس ابى سيفين انه يشفع لى عند الراهبات لكى يسمحوا لى بزيارة خاطفه واخذ البركه فسمحت لنا الام الراهبه بالزيارة وشعرنا ببشاشتها وودها وبعد اخذ البركه من القديس ابى سيفين وبركه المزار الخاص بامنا ايرينى وطمعا فى مزيد من البركه استاذنت اصور امنا ايرينى بصورتها الكبيرة جوة المزار لكن عند تحميض الصورة فوجئت بان احدى صور امنا المحبوبه بيسطع عليها من جهة القلب نور يتوسطه "" قلب منور "" ولشدة انبهارى بالصورة بالصورة عرضتها على بعض الامهات بالدير فى زيارة تاليه بعد فتح الدير وفى وجود ابونا الراهب القمص .... فكان تعليفهن : ده قلب أمنا ايرينى الابيض ..... قلب منور ............. |
||||
|
|
|
15 - 09 - 2012, 10:09 PM
|
رقم المشاركة : ( 8 ) | ||||
|
..::| VIP |::..
|
رد: موضوع متكامل عن جوهرة السماء ومنارة الرهبة تماف ايرينى فى ذكرى نياحتها فى 31 اكتوبر
لم تكن عمليه زرع القلب صعبه ..لكن تماف ايرينى كانت تعلم انه يتعين عليها ان تنتظر شهورا حتى يعثروا على القلب المناسب وعليها ان تقيم بامريكا مدة لاتقل عن سنه بعد اجراء العمليه تحت العلاج والمتابعه .........
وهى ظروف لاتناسب القديسه التى قالت وقتها فى تلقائيه شديدة : كيف اغيب عن الدير كل المدة دى......................... انا عايزة اعيش بالقلب اللى اداهونى ربنا ولو كانت حياتى أياااااام !!!!!!!! وعادت الى مصر..... ولكن الظاهرة الملفته للنظر ان حالتها كانت بتتحسن كلما اقترب موعد عيد ابى سيفين تقضى العيد فى الدير تستقبل الزوار تتحدث وتعظ الالاف وعندما ينتهى العيد تكون تعبت جدا فتعود الى المستشفى ........ |
||||
|
|
|
15 - 09 - 2012, 10:10 PM
|
رقم المشاركة : ( 9 ) | ||||
|
..::| VIP |::..
|
رد: موضوع متكامل عن جوهرة السماء ومنارة الرهبة تماف ايرينى فى ذكرى نياحتها فى 31 اكتوبر
كتب مينا جو هذه المعجزة التى حدثت له مع تماف ايرينى :
قصتى بأختصار انى كنت بعيد جدا عن حظيرة مخلصنا وشبهة ناكر وجاحد ولكن من شهر حدثت لى حادثة سيارة على الدائرى فى اتجاة الهرم ( سيارة نقل طلعتنى على الرصيف ) وطبعا كادت سيارتى ان تنقلب وانفتح الباب الخلفى يمين وطار فى الهوا من الخبطة والجنط الأمامى يمين ( باب السائق ) بالعجلة طار من الأرتطام بالرصيف وانفتح بابى بجوارة من شدة الأرتطام بالرصيف ولك ان تتخيل المنظر وانا فى اتجاة الطريق المعاكس وفوق الرصيف وهنا كانت امى وشفيعتى ايرينى بجوارى تجذبنى ناحية الباب الأخر للسيارة حتى لا اطير منها خارجا أهةةةةةةةةةةةةةة ياامى كم انتى شفيعة ومحبوبة من مخلصنا لولا تدخلك وشفاعتك ومحبة سيدنا لنا ماكنت ادرى من النهاية لحادثتى ترددت كثيرا فى الكتابة لكم ولكن اصبح لى اب اعتراف اشار على ان امجد امى بذكر التفاصيل فى كل مجلس ومجتمع انا فية حتى يتمجد اسم امنا الحبيبة وانا الأن اشكر رجاء مخلصى لقبولى لرجوعة اشكر امى فى ارشادها لى من يومها فى كل تفاصيل حياتى اصبحت شفيعتى ومعى دائما فى كل مكان |
||||
|
|
|
15 - 09 - 2012, 10:16 PM
|
رقم المشاركة : ( 10 ) | ||||
|
..::| VIP |::..
|
رد: موضوع متكامل عن جوهرة السماء ومنارة الرهبة تماف ايرينى فى ذكرى نياحتها فى 31 اكتوبر
*** تمجيد للقديسة العظيمة فى القديسين .. تماف ايرينى *** افتح فاى بالتسبيح وامدح عروس المسيح حافظه الايمان الصحيح.... تماف ايرينى فى ساعه ولادتها تعثرت فيها والدتها الملكه والامير نجياها.... تماف ايرينى لدغها عقرب لعين نادوا رئيس المتوحدين فشفاها شنوده الامين ......تماف ايرينى تعلمت عن الابوين الاثنين البارين حفظ وصايا الانجيل...... تماف ايرينى اخدها على حصانه مرقوريوسعلى ديره شهيد ايسوس بقوه بخرستوس....... تماف ايرينى قرات سيره قديسنا صاحب الانجيل الذهبى يوحنا فظهر وطمانها......... تماف ايرينى حاربتها الشياطين باشكال كثيره فازعين كعقارب وثعابين.....تماف ايرينى اعتادت عالملاك حارثها يوقظها من نومها كى تحضر التسبحه.......تماف ايرينى صلت فى كنيسه السواح اخدت قربانه وافراح قد صارت فى ارتياح......تماف ايرينى ساعد ابوسيفين البار كضابط فى القطار الراهبتين الاطهار.......تماف ايرينى اخدها ملاك ايسوس الى سماء القدوس لرؤيهوالدتها بالفردوس.....تماف ايرينى تنبا لها البابا كيرلس وافروسينا حبيبه ايسوس برئاسه دير مرقوريوس........تماف ايرينى كى تقبل رئاسه الدير ظهر لها فيلوباتير اعطاها مفاتيح الدير .......تماف ايرينى اخدها الملاك للفردوس سجدت للرب القدوس قابلت الانبا باخوميوس.......تماف ايرينى اخدت نعمه الهيه طبقت الشركه الباخوميه كانت منيره بالكليه.......تماف ايرينى عمرت دير الراهبات انشات كنائس ومكتبات بمعونه رب القوات ..........تماف ايرينى طلبت من الله الاب اخد بركه الاستشهاد وهبها صليب الالامات ......تماف ايرينى شهد جموع كثيرين عجائب ابى سيفين بشفاعتها كل حين........تماف ايرينى علمت موعد انتقالها فطلبت من الرب الهها ان يطلق عبدته بسلامه .........تماف ايرينى صلى من اجلنا ليغفر الله لنا ويسامحنا كلنا ......تماف ايرينى تفسير اسمك فى افواه كل المؤمنين.....الكل يقولون يا اله تماف ايرينى اعنا اجمعين |
||||
|
|
|
|
| قد تكون مهتم بالمواضيع التالية ايضاً |
| الموضوع |
| جوهرة السماء ومنارة الرهبنة | تماف ايرينى |
| تماف ايرينى جوهرة من السماء |
| مجموعة صور عن جوهرة السماء ومنارة الرهبة "تماف ايرينى" |
| تماف ايرينى-جوهرة السماء |
| فخر الرهبنة تماف ايرينى جوهرة السماء |
العرض المتطور