وجبـــــــة روحيـــــ(†)ــــــــــة يوميـــــــــة

[Mary Naeem]

كن لطيفًا ولكن كن دائمًا حذرًا

درس للمسافرين الدائمين: احذروا من الركاب الودودين زيادة عن اللزوم
في رحلة إلى دبي، جلست سيدة أكبر سناً بجانبي. طلبت بأدب المساعدة في حمل أمتعتها، لكن رجلاً لطيفاً على الجانب الآخر من الممر ساعدها بدلاً من ذلك. ولأنني لست طويلة القامة، فأنا أتجنب مقصورات الأمتعة العلوية كلما أمكن ذلك.
وبمجرد جلوسي، بدأت على الفور محادثة لطيفة. كانت ودودة، وتجاذبنا أطراف الحديث طوال الرحلة. ومع ذلك، عندما بدأنا نزولنا إلى دبي، اشتكت فجأة من آلام شديدة في المعدة. وبسبب قلقي، اتصلت بمضيفة الطيران، التي قدمت لي بعض المساعدة الأساسية. ثم بدأت السيدة تناديني "ابنتي"، وهي تتشبث بيدي. بدا الأمر وكأن الجميع يفترضون أننا أقارب بالفعل.
عندما هبطنا، أخرج الرجل، الذي ساعدني في وقت سابق، حقيبتها ونصحني بهدوء بالحفاظ على مسافة معها وتوضيح الأمر لطاقم الطائرة بأننا لم نسافر معًا. وكان تحذيره لا يقدر بثمن.
سألني طاقم الطائرة عما إذا كنا مرتبطين، فأخبرتهم بحزم أننا التقينا للتو على متن الرحلة. وعندما نزلنا من الطائرة، توسلت إليّ أن أحمل حقيبتها. ترددت، لكن الرجل أشار إليّ بقوة ألا أفعل ذلك. حتى أنه مرر لي ورقة نصحني فيها أن أترك الطاقم يتعاملون معها.
شعرت بعدم الارتياح، لكني اتبعت نصيحته، وغادرت الطائرة، تاركًا إياها تنتظر كرسيها المتحرك. وبعد دقائق، اندلعت الفوضى. لقد هربت من الكرسي المتحرك، محاولة الهرب بحقائبها. وألقت شرطة المطار القبض عليها بسرعة.
لقد صدمت عندما بدأت في الصراخ، ووصفتني بـ "ابنتها" واتهمتني بالتخلي عنها. عندها أدركت الحقيقة - كانت تحمل مخدرات وتحاول توريطي.
لحسن الحظ، تقدم الرجل ليؤكد أننا غرباء. طلبت منها الشرطة أن تزودني باسمي الكامل، لكنها لم تستطع لأنني لم أذكره قط. تم تفتيش أمتعتي بدقة وإزالة الغبار عنها بحثًا عن بصمات الأصابع، وكذلك أمتعتها. لم يتم العثور على أي صلة بيننا، وتم تبرئتي في النهاية.
لقد علمتني هذه التجربة درسًا لا يقدر بثمن: لا تلمس أبدًا أمتعة أو مقتنيات أي شخص أثناء الرحلة أو في المطار، مهما بدا الطلب غير مؤذٍ. أمتعتك مسؤوليتك، وأمتعتهم مسؤوليتهم أيضًا.
الآن، إذا لم يتمكن شخص ما من إدارة حجرة الأمتعة العلوية بالطائرة أو يحتاج إلى مساعدة، فأنا أوجهه إلى طاقم الطائرة دون تردد. قد تعتبر ذلك أمرًا غير لائق، لكنه في الواقع من أجل الحفاظ على الذات.
نصيحة للمسافرين: كن لطيفًا، ولكن كن دائمًا حذرًا - فقد تعتمد حياتك على ذلك.

[Mary Naeem]

انت مش قليل بس انت فى المكان الغلط

كنت واقف فى اشاره والدنيا زحمه جدا دخل عليا ولد صغير رمى فى حجرى شرابات وجرى بصيت فى الشراب لاقيته تقيل وحلو مش وحش ولا خفيف المهم فضلت ابص يمين وشمال ونزلت من العربيه ادور عليه لاقيته واقف عند عربيه تانى ومعاه كرتونه ، استنيته لما يجى ، قالى التلاته بظ¦ظ*
قولتله بعنى الواحد بظ¢ظ*؟؟؟
قالى اه
معقول شراب زى ده تقيل بظ¢ظ* بس
ده انا بجيب القطونيل بمبلغ وصدقونى مايفرقش حاجه عن القطونيل
المهم قولتله هات ظ¦
اخدتهم ومشيت وانا بفكر ازاى شراب بيتباع بظ¢ظ* وفى مكان تانى نفس الخامه بيتباع بظ،ظ¢ظ*
شراب بنفس الخامه دى فى مكان تانى بيقعد فى محل على رف نضيف وتكيف ويجى الزبون ياخده باعلى سعرر..
مابيتبهدلش فى المرور ولا يترمى من عربيه لعربيه ومية ايد تفضل تقلب فيه ..
لاقيت ان كل حاجه المكان نفسه هو اللى بيديها سعر ..
يعنى انت بامكانياتك وقدراتك لو فى مكان متواضع جدا هايكون سعرك قليل جدا
لكن لو اتحطيت فى المكان الصح هاتلاقى سعرك يزيد
انت مش قليل بس انت فى المكان الغلط اللى مش مقدر قيمتك ..

[Mary Naeem]

لو خلينا ربنا رقم 1 فى حياتنا وفى تصرفتنا هيفرق كتير

واحد لقى بنت بتستعد انها تحضر فرح أحد أقاربها بس كان لبسها سواريه بداعى انه فرح وكدا ..
قرب منها الشاب وقالها ممكن أسألك سؤال
ردت البنت اتفضل ..تعملى ايه لو حد شتمك واهانك؟؟
ردت البنت ..مش هسيب حقى طبعا وهرد عليه
سأل الشاب سؤال تانى تعملى ايه لو حد اهان ابوكى وامك ؟؟ ردت البنت مش هسكت وامسح بيه الارض.الا أهلى خط أحمر. .
رد الشاب وقال ولو حد اهان ربنا فى بيته هتعملى ايه ؟؟ البنت سكتت شويه وقالت ربنا مش هيسيب حقه..ربنا يسامحه
رد الشاب بحاجه غريبه لو حد اهانك واهان أهلك مش هتسكتى لكن لو حد اهان ربنا هتسكتى
طيب مانتى بلبسك ده المكشوف واللى بتسموه موضه ، والميكب الأوفر ده بتهينى ربنا فين احترامك لربنا فين احترامك لبيته؟؟
هو أهلك أهم من ربنا .
يعنى ايه عاوزنى اطلع معفنه عشان تتبسط ��؟؟
مين فهمك ان اللبس الضيق والقصير وميكب السهرات نضافه !! بالعكس النضافه والشياكه الحقيقىيه هى ان يكون جمالك هادى بملابس هاديه والوان متناسقه ، القصير والضيق والميكب التقيل عمره ماكان شياكه بالعكس ده جهل منك ..
فين الحشمه والوقار للكنيسة ليه تكونى سبب عثره للناس وسبب اهانه لاهلك .. فى بيتك يارب تليق القداسة ..
لو خلينا ربنا رقم 1 فى حياتنا وفى تصرفتنا هيفرق كتير فى امورنا وفى حياتنا ..��

[Mary Naeem]

لو خلينا ربنا رقم 1 فى حياتنا وفى تصرفتنا هيفرق كتير

امبارح كنت فى مكان تبع شغلى فا قولت امشى على الgps , فضلت امشى لغايه ما لاقيت نفسى قدام كوبرى صغير اوى يعدينى الترعه وبعد كدا اكمل ظ£ كيلو تانى اسوق فى الغيطان ..
قومت دايس بنزين ومكمل ، لاقيت فوج ستات لابس اسود وجاين عليا ، قومت مكمل ، لغايه ما مبقتش شايف تانى بقى من كتر زحمة الستات ، فا. سالت واحده معديه قولتلها معلش يا امى انا هاقدر اكمل ولا لا ،قالتلى ارجع احسن عشان الشارع مسدود ..
قولتلها شكرااا ، وانا برجع لاقيت شاب كدا ورجله مجبسه ، قالى انت راجع القاهره ؟؟
قولتله اه فعلا راجع ، قالى انت ربنا بعتك ليا من السما ده انا من الصبح بصلى يارب امشى ازاى برجل. المكسوره دى وهنا مافيش توكتوك حتى بيدخل ، وسبحان الله بعتلى عربيه مخصوص ..
شوف سبحان الله فعلا ربنا يدخلنى مكان زى ده عشان حد طلبه ..
عزيزى القارىء
لو بتطلب بإيمان اعرف وتأكد ان طلبك لو فى الخير ليك وحط تحت خير ليك مليون خط ، اعرف ان اكيد ربنا هايستجيب ليك ويفرحك . ����

[Mary Naeem]

ريح نفسك وخد حد انت متقبل وضعه على كدا

لما كنت بتعلم سواقه جديد والاقى حته ضيقه اوى اقول لنفسى انا مستحيل اعرف اركن فى حته زى كدا العربيه ماتجيش اصلا ، اللى كان بيعلمنى يقولى لا تقدر تتعلم بس محتاجه منك صبر وتعود كتير وهاتعرف تركن ..
اقوله ازاى ماينفعش حجم العربيه اصلا مايدخل فى حته مزنوقه زى دى ..
لكن بعد سنين فى السواقه الوضع اختلف
بقيت متأكد ان مستحيل بردو اركن فى الحته الضيقه دى ����
انت فاكر هاقولك الوضع اتغير وبقيت اركن عادى ؟؟
لا يا خالص وده يعلمنا كلنا ايييه ؟؟
انك لما تيجى تتجوز ماتخدش حد على عيبه وتقل هايتغير
مافيش حد بيتغير
ريح نفسك وخد حد انت متقبل وضعه على كدا
غير كدا لا
كفايه قضايه فى محكمة الاسره وكفايه عيال تتشرد ارجوكم ...

[Mary Naeem]

كأن ربنا بيقوله انا سامعك وحاسس بيك

اعرف واحد مغترب شغله بعيد عن بلده ..
والعيد قرب ، قالوله فى الشغل مش هاينفع تاخد اجازه فى العيد عشان عندنا شغل كتير ..
صاحبنا ده عامل نوت كدا على موبايله فيها طلباته اللى بيطلبها من ربنا ، كأنه شات مابينه وبين ربنا ، يكتب الطلبه واللى يتحقق يكتب شكرا يارب ، واللى مايتحققش يكتبها تانى كأنه بيفكر ربنا يعنى وكدا ..
المهم صاحبنا ده اول ماقالوله الخبر ده كتب زى عادته " يارب نفسى اقضى العيد فى البلد����"
تانى يوم المدير كلمه وقاله لو عاوز تاخد اجازه ماعنديش مانع انزل وعيد واتبسط ��..
وكأن ربنا بيقوله انا سامعك وحاسس بيك ، وطلباتك اللى لسه ماتحققتش لسه ماجاش وقتها المناسب ��

[Mary Naeem]

سر المذكرات المفقودة

في حي هادي في أطراف القاهرة، كان "حسام" محقق شاب معروف بذكائه وسرعة بديهته. في يوم من الأيام، وصله بلاغ غريب من سيدة عجوز اسمها "الحاجة أمينة".
الحاجة أمينة: "يا بني، مذكرتي اللي بكتب فيها كل حاجة اختفت فجأة من أوضتي. أنا متأكدة إن حد سرقها."
حسام: "طب ما يمكن حضرتك نسيت وحطتيها في مكان تاني؟"
الحاجة أمينة: "لا يا ابني، أنا متأكدة إنها كانت على الترابيزة جنب السرير، وفجأة ملقتهاش."
حسام بدأ يسألها عن اللي حصل ليلة السرقة. الحاجة أمينة حكت إنها كانت نايمة، وصحيت على صوت خفيف في الصالة. لما خرجت تشوف إيه اللي بيحصل، ملقتش حاجة، لكنها لاحظت إن شباك الصالة كان مفتوح.
حسام: "مين اللي ممكن يكون مهتم بمذكرتك يا حاجة؟"
الحاجة أمينة: "معرفش يا بني، بس المذكرة دي مليانة حاجات عن عيلتي وأسرار زمان."
بدأ حسام يحقق، وقرر يزور الفيلا اللي ساكنة فيها الحاجة أمينة. أول حاجة لاحظها كانت آثار أقدام صغيرة على التراب جنب الشباك.
حسام: "واضح إن اللي دخل هنا حد خفيف الحركة، وممكن يكون طفل أو شاب صغير."
فضل حسام يدور في المكان لحد ما لقى خيط صغير متعلق في الشباك. الخيط كان من قماش حرير غالي.
حسام (لنفسه): "ده مش خيط عادي، ده ممكن يكون من لبس حد غني."
رجع حسام للحاجة أمينة وسألها عن جيرانها. قالتله إن جنبها ساكن شاب اسمه "أدهم"، معروف إنه دايمًا شيك ومهتم بمظهره.
حسام قرر يزور أدهم. لما دخل بيته، لاحظ على طرف الكنبة نفس نوع الخيط اللي لقاه عند الشباك.
حسام: "أنا آسف، بس لازم أسألك. كنت فين ليلة ما الحاجة أمينة اتسرقت؟"
أدهم (بتوتر): "أنا... كنت في البيت، معرفش حاجة عن الموضوع ده."
لكن حسام كان ذكي. لاحظ إن أدهم متوتر، وبدأ يفتش في المكان بعد ما أخد إذنه. لقى المذكرة مخبية تحت مخدة في غرفة النوم.
حسام: "تقدر تفسرلي المذكرة دي بتعمل إيه عندك؟"
أدهم: "أنا... أنا كنت محتاج حاجة منها. الحاجة أمينة كتبت في مذكرتها إن عندها مستندات عن قطعة أرض كانت بتاعت جدودي. كنت عايز أتأكد إنها لسه معاها."
حسام: "بس ده مش مبرر تسرق. المفروض كنت تتكلم معاها وتفهم منها بدل ما تعمل كده."
رجع حسام المذكرة للحاجة أمينة، وأدهم اعتذر واعترف بغلطه. القصة انتهت برجوع الحق لصاحبه، لكن حسام فضل دايمًا مستعد لأي قضية جديدة، مهما كانت غريبة.

[Mary Naeem]

اننا محتاجين شويه ثقه فى ربنا بس وكل حاجه هاتتحل معانا


كنت فى كنيسه العدرا وانا واقف بصلى ، لاقيت شاب قدامى بعيط وهو بيصلى ، وماسك فى الصوره جامد قوى وكأنه بيقول انا مش هامشى غير لما تفرحينى ..
فضلت اقول فى نفسى ايه كميه الايمان اللى فيه اللى تخليه يصلى بالحراره دى ، ده مش بيصلى ده كأنه بيتكلم مع ربنا ، ده زى ما يكون شايف ربنا وبيتكلم معاه وبيطلب منه ..
الشاب كان بيبكى بكاء شديد جدا بصوت عالى ، ولا فارق معاه الناس اللى واقفه ولا فارق معاه اى حاجه ، هو ماكنش شايف غير ربنا وبس قدامه ..
الغريب بقى انه وهو بيصلى تليفونه رن ..
لاقيته بيقول " بجد ����"
وفرح جدا وقعد يشكر ربنا ويشكر العدرا بصوت عالى وعمل تمجيد وكان طاير من الفرحه ..
اللى اكتشفته فى الموقف ده ، اننا محتاجين شويه ثقه فى ربنا بس وكل حاجه هاتتحل معانا ..

[Mary Naeem]

الغنى الحقيقى هو النفس الشبعانه بالرضا والمحبه


من يومين كنت مروح على الساعه ظ¢:ظ£ظ* الفجر كدا مستنى الاتوبيس فى الشارع اكتر من نص ساعه لغاية مالاقيت ولد صغير شايل كيس كبير فوق دماغه لدرجة ان الولد مش باين من الكيس ، الغريب بقى انى كنت فاكره جاى يطلب فلوس لاقيته واقف جنبى ونزل الكيس على الارض ووقف ..
قالى هو اتوبيس ظ¦ظ¨ لسه مجاش ؟؟ قولتله لا لسه ادينا مستنين ..
لاقيته قعد على الارض وطلع رغيف عيش وشويه سكر وحطهم جوه الرغيف وفضل ياكل ..
فالما فضلت باصص ليه جامد راح قاسم الرغيف وقالى خد ، ماعزمش حتى قبل ما يقسم الرغيف ، لا ده قسمه وعطهونى على طول ..
قولتله لا يا حبيبى بالهنا كل ، حلف انى لازم اكله ، وهو بيتكلم كدا تحس انه راجل كبير مش عيل صغير خالص ...
المهم اخدت منه نص الرغف وروحت جبت حجر كان ورايا وقومت قاعد جنبه وفضلت احكى معاه بقى .. فضلنا نحكى لغاية ماجه الاتوبيس ، حصلت ساعتها حاجه غريبه جدا ..
الولد قعد جنبى فى الاتوبيس فا جات واحده ست ركب فى الكرسى اللى قدامنا ، وهى بتدفع الفلوس
وقعت منها تحتها ورقه
ب ظ¢ظ*ظ* جنيه ،مارضتش اقول للست وعملت نفسى مش واخد بالى كنت مستنى اشوف الولد هايتصرف ازاى لانها وقعدت تحت رجله .
الولد اول ما لحظها وطى خدها على طول وفضل ماسكها من غير ما حد يحس ..
انا شوفت المنظر ده واتصدمت فيه لغايه ماحصلت حاجه ماكنتش متوقعها تمامااااا ..
بعدها بحوالى دقيقتين الولد وقف فى نص الاتوبيس وقال يا جماعه حد واقع منه فلوس .
لحظة صمت ...
بعدها قال يا جماعه كل واحد يراجع على فلوسه كويس حد وقع منه فلوس ؟؟؟
دقيقتين كدا فا الست قالت ايوه انا وقعت منى ظ¢ظ*ظ* جنيه يظهر وقعت وانا بطلع الفلوس ..
قام الولد عطالها ورجع مكانه تانى ..
انا ساعتها سالته قولتله انت ليه اول مالاقيت الفلوس مسكتها واستنيت شويه ؟؟
قالى انا كنت شاكك ان الفلوس دى بتاعت الست اللى قدامى لكن حبيت اتاكد الاول عشان ماظلمش حد ...
الخلاصه اللى عاوز اقولها ان الغنى الحقيقى هو غنى النفس ، ياما ناس معاها فلوس تبنى جبال لكن لسه جعانين ، ناس كتير فى حياتنا عينيهم مايملهاش التراب ..
عزيزى القارىء اوعى تحكم على المظهر ، اوعى تقول ده معاه فلوس مش محتاج ومستحيل ياكلنى اوعى تقول كده عشان الضربه مش بتيجى غير من الناس دى ...
الغنى الحقيقى هو النفس الشبعانه بالرضا والمحبه والعطاء وحب الخير للناس .

[Mary Naeem]

حاول تستغل المصيبه وتحولها لصالحك


رجل تركي لديه منحل لإنتاج العسل كان يعاني من الدببة التي تأتي في منتصف الليل وتقتحم المزرعة وتأكل العسل
حاول أن يضع افخاخ حديدية لمنع الدببة ولكن بلا جدوى
فقرر القيام بفكرة ذكية بدلا من طرد الدببة أن يستخدمهم كخبراء لتذوق العسل
ووضع لهم طاولة بها العديد من أنواع العسل والنوع الذي يعجب الدببة يعرف الرجل أنه أفضل نوع
بل يكتب على العسل الذي ينتج أنه مجرب من قبل دببة خبراء
حاول تستغل المصيبه وتحولها لصالحك