|
 |
 |
 |
10 - 05 - 2025, 11:01 AM
|
رقم المشاركة : ( 195971 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
حطيت السكر فى الشاى لكن نسيت احركه ، فاشربت لاقيته مر قوى لكن ده مايمنعش ان الشاى فى سكر لكن محتاج يتقلب عشان السكر يظهر فى طعم الشاى.. ده نفس الكلام بيحصل معانا ناس كتير جواهم خير وحب لكن مش ظاهر محتاج حد يحركهم .. حركوا الخير والحب في نفوسكم.. ونفوس من تحبون ستشعرون بحلاوة طعم حياتكم .. وتكتشفون الخير في شخصياتكم.. ما أنبل قطعة السكر.. أعطت الشاي ما لديها ثم إختفت.. هكذا المعروف .. كن كقطعة السكر حتى وإن إختفت تركت أثراً جملاً.. فالبصمة الجميلة تبقي حتى وإن غاب صاحبها |
||||
|
|
|||||
|
10 - 05 - 2025, 11:03 AM
|
رقم المشاركة : ( 195972 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
على طريق مصر اسماعليه الصحراويه كان فى واحده عاوزه تعدى ومش عارفه بسبب زحمة العربيات فانا جاى من بعيد شايفها كل ما تمشى خطوه ترجعها تانى عشان خايفه فانا شغلت الانذار وطلعت ايدى من الشباك عشان العربيات تهدى ووقفتلها عشان تقدر تعدى ، وعمال اقولها يا ستى عدى ، ودى ولا معبرانى خالص ، اتاريها حاطه السماعات فى ودانها وبتتكلم ���� ولما لاقيتنى واقف وبشاورلها قالتلى فى حاجه ؟؟! الهانم فكرانى بعاكسها ���� قولتلها حضرتك عدى قالتلى لا انا مش عاوزه اعدى اتاريها طلعت شغاله فى مصنع على الطريق وبتتكلم فى تليفون .. الخلاصه اللى عاوز اقولها مش كل اللى تشوفه تترجمة على مزاجنا ، تمعن كويس اوى فى الموقف وافهمه قبل ما تاخد اى ردة فعل |
||||
|
10 - 05 - 2025, 11:05 AM
|
رقم المشاركة : ( 195973 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
من حوالى ست شهور كدا اخدت شقه ايجار فاضيه وكانت الفلوس مقصره معايا فا قولت انا مش معايا اجيب بوتجاز فا انا هانقل الاير فراير بتاعى واشترى كنكة قهوه كهربا لغاية ما ربنا يفرجها بقى ، عاوز اقولكم فى الست شهور دول دفعت كهربا بتمن البوتجاز ���� الخلاصه هنا اللى عاوز اقولها احيانا كتير جدا بناخد قرار بيكلفنا كتير قوى وفى الاخر بنطلع منه بخساره كبيره لكن للأسف الزمن عمره ما بيرجع عشان نصحح اخطأنا .. قبل ما تاخد قرار فى حياتك ادرسه كويس قوى لان الخطوه اللى بتاخدها ماينفعش ترجعها تانى .. واحد باع كل حاجه فى مصر وقال اسافر بره والعيشه بره حلوه وبتاع والكلام ده ، سافر وحاليا بيتمنى يرجع ويعيش لحظه واحده من ايام زمان لكن بعد ايه خسر كل حاجه واحده اتجوزت واحد لمجرد انها كانت مخطوبه لواحد خمس سنين وسابها وسافر فا قبلت بأول عريس يجيلها عشان تثبت للناس انها حلوه وممكن تتجوز فى اى وقت وحاليا بتتمنى الزمن يرجع وتصحح قرار لكن للاسف ماينفعش .. واحد اتخانق مع شريكه فى المشروع عشان الشك دخل قلبه انه بيسرقه قام شريكه قاله انا سايبلك الاداره واشترى نصيبى وحاليا صاحبنا ده كل يوم بيخسر بعد ما شريكه اللى كان داير المكان مشى واكتشف انه ماكنش بيسرقه ولا حاجه بالعكس ده كان ممشى المكان كويس جدا ، وبيتمنى يرجع بالزمن لكن للاسف ماينفعش .. فا اوعى تتسرع وفكر كويس جدا وادرس قرارك بحكمه والحاجه اللى ماتفهمهاش اسال مجرب مش عيب تتعلم وافتكر كويس اوى ان الخطوه اللى هاتخدها مستحيل ترجعها تانى .. |
||||
|
10 - 05 - 2025, 11:06 AM
|
رقم المشاركة : ( 195974 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
من يومين قابلنى شاب فى الشارع وقالى ممكن تساعدنى محفظتى وموبايلى اتسرقوا ومش عارف اروح بلدنا .. بصيتله كدا ���� قولتله ازاى ده يحصل تعالى معايا حالا نعمل محضر فى القسم لاقيته بص ليا كدا �� وقالى لا منا مش معايا بطاقتى قولتله ماتخفش انا هاضمنك يانهار اسود تتسرق فى بلدنا واسكت ده لازم حقك يرجعلك قالى لا خالص ولاقيته اتوتر كدا وجرى وطبطب على كتفى كدا وقالى شكرا ليك وجرى .. الخلاصه اللى عاوز اقولها هنا ان اللى مايتعلمش من الدرس الاول يستاهل الدرس التانى والتالت لغاية ما يتعلم مش شرط فى الموقف ده الحياه مليانه مواقف ومليانه ناس بتتفنن إزاى تأذيك لازم تكون صاحى دايماً وتتعلم الدرس من اول مره عشان وجعك مش سهل … |
||||
|
10 - 05 - 2025, 11:07 AM
|
رقم المشاركة : ( 195975 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
الكهربا ضربت وحروق من الدرجه الأولى .. الحكايه بإختصار ان كان معايا أير فراير فيها فيشه ثلاثيه التاجر قالى لازم تجيبله مشترك يتحمل ضغط عالى عشان ممكن يعمل مشكله لو جبتله اى حاجه ، روحت لواحد جارى كهربائى قولتله عاوز انضف حاجه عندك راح عطانى المشترك وشغلته وانا مطمن .. من ساعه بالظبط قولت أقلى شويه بطاطس وانا مطمن بقى فجأه الاقى نار طالعه من الفيشه والاير فراير دخن والدنيا كانت هاتولع عندى .. خدت الجهاز بالفيشه وطلعت على الكهربائى قالى حرام عليك ولله ازاى جهاز ظ،ظ¨ظ*ظ* وات تحطله فيشه ظ¢ظ¥ظ* وات ده يشتغل عليها شاحن موبايل مش جهاز كبير زى ده .. قولتله انا معرفش انا كلمت واحد جارى ثقه قولتله عاوز انضف واحسن حاجه وعطانى دى .. الخلاصه اللى عاوز أقولها ... ماتسلمش حياتك بالكامل لأى حد لمجرد انك بتثق فيه ، اسرارك وحياتك وخصوصياتك لازم تحرص عليهم قووووووى عشان انت الخسران الأول والاخير لو وقعت مع شخص غلط ... كونوا حكماء كالحيات وبسطاء كالحمام . |
||||
|
10 - 05 - 2025, 11:09 AM
|
رقم المشاركة : ( 195976 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
 فاكر لما كان نفسك تعدى فى ماده صعبه ايام الجامعه زمان وعديت واتخرجت ومرت السنين اهو ربنا اللى وقف معاك زمااان وعديت من الماده الصعبه قادر يقف معاك دلوقتى فى الصعب وهايعديك بس محتاج منك صبر وايمان وثقه . |
||||
|
10 - 05 - 2025, 11:11 AM
|
رقم المشاركة : ( 195977 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
لما تلاقى الدنيا ملغبطه معاك وعمال تسال فينك يارب اوعى تزعل من ربنا وتبعد عنه امسك فيه وقوله ارجوك اسند ضعفى واظهرلى مشيئتك فى كل اللى |
||||
|
10 - 05 - 2025, 11:13 AM
|
رقم المشاركة : ( 195978 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
تصحيح لمعلومه مغلوطه الزينه والذهب والحشمه فى المسيحيه... وَكَذلِكَ أَنَّ النِّسَاءَ يُزَيِّنَّ ذَوَاتِهِنَّ بِلِبَاسِ الْحِشْمَةِ، مَعَ وَرَعٍ وَتَعَقُّل، لاَ بِضَفَائِرَ أَوْ ذَهَبٍ أَوْ لآلِئَ أَوْ مَلاَبِسَ كَثِيرَةِ الثَّمَنِ،" (1 تي 2: 9). دى رسالة بولس الرسول الى تلميذه تيموثاوس المسيحيه بتحكم بالحشمه والتعقل ولا ضفائر للشعر ولا ذهب او حتى ملابس غاليه ده للسيدات ، فما باللك بقى بالرجال .. فا اكيد اكيد طبعا المسيحيه بتنص على عدم الزينه او اللبس الغالى وبتنص اكتر على الحشمه للرجال والنساء كمان لكن للأسف مع انفتاح المجتمع على الثقافات الخارجيه وظهور السوشيال ميديا فى الاوقات الاخيره ده ساعد على ظهور عادات جديده .. عزيزى انت صوره لدينك اى كان دينك ايه .. فانت بتمثل دينك بتصرفاتك فلا تكون صوره مغلوطه .. |
||||
|
10 - 05 - 2025, 11:14 AM
|
رقم المشاركة : ( 195979 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
النار مسكت فيا وربنا انقذنى بأعجوبه.. وانا راجع امبارح اخويا اتصل بيا قالى هات فحم عشان هانعمل حفلة شوى انهرده ، فا روحت جبت الفحم ورحعت البيت .. اخويا قالى ولع على ماجيلك بالفراخ ، هاتحط شوية كحول صغيرين وهاتولع هاتلاقى الفحم ولع .. جبت الكحول وعملت زى ما اخويا قالى بالظبط ، لكن كل ما يولع القاه طفى تانى.. زودت الكحول ، وبردو يطفى .. لدرجة انى كنت بدلق الكحول على النار وهى والعه عشان ماتطفيش ، لغاية ما النار مسكت فى إزازة الكحول ، ومسكت فى التيشرت بتاعى وبقدره إلاهيه عجيبه النار اللى مسكت فيا وفى الإزازه طفت .. انا معرفش لغاية دلوقتى النار دى طفت ازاى بس نشكر ربنا .. الخلاصه اللى عاوز اقولها ان فى ناس زى الفحم ده ، ماتولعش مالهاش اى تأثير إيجابى فى حياتك غير انهم يخلوك تولع مكانك ببرودهم وبطئهم وعدم فاعلتيهم معاك ، فى علاقاتك ابعد عن الناس دى اللى مالهمش اى فعل او تأثير فى حياتك، الناس البطيئه لدرجة الشلل ، الناس اللى بتعد خطواتها قبل ما يتحركوا، الناس اللى وجودهم فى حياتك بيعطلك وبس .. |
||||
|
10 - 05 - 2025, 11:16 AM
|
رقم المشاركة : ( 195980 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
واحد صحبى شغال فى شركة ادويه عطانى فيتامين سينترم ، انا بصراحه ماكنتش عارفه ، انا قولت ده اكيد عينه من العينات اللى بيوزعها على الدكاتره وماهتمتش اخد منه ،راكنه فى رف التلاجه .. بعدها بحوالى سنتين تقريبا بوضب التلاجه فا لاقيته ، قولت اما ادخل على النت واشوف فوايده .. لاقيته قوى جدا ومشهور قوى وغالى كمان .. قولت ايه ده انا ازاى ماكنتش اعرف قيمته ، بسرعه قلبت على تاريخ الصالحيه اشوفه لاقيته للاسف انتهى ...�� الخلاصه اللى عاوز اقولها ، جهلك بالناس اللى حواليك بيضيع عليك فرص عظيمه صعب تعويضها .. |
||||
العرض العادي
