وجبـــــــة روحيـــــ(†)ــــــــــة يوميـــــــــة

[Mary Naeem]

كان معايا خاتم فضه جانى هديه من حد وكان أعز هديه فى حياتى , من حوالى اسبوع لاحظت انه بيتقلع من صباعى بسهوله , فا قررت اقلعه بس احتفظ به فى جيبى فى اى مكان اروحه ، إنهارده كنت فى مقابله مع الشخص اللى جابلى الخاتم ده فا قررت البسه عشان مايزعلش لو مالقهوش فى إيدى لكن للاسف وقع منى فى الشارع وعربيه داست عليه طبقته ومابقاس له أى ملامح وزعلت جدا ، افتكرت مقولة اللى إتكسر عمره ما يتصلح ، جه الشخص ده وشافنى من غير الخاتم وزعل فا طلعته منى جيبى وانا زعلان جدا وحكيتله على اللى حصل , قالى ولا يهمك انا هابعته الورشه واسيحه ويتعملك احسن واحلى من الاول ..
عزيزى القارىء الخلاصه اللى عاوز اقولهالك ان مافيش حاجه اسمها اللى اتكسر عمره مايتصلح بالعكس ..
اللى اتكسر بيتجمع تانى عشان يتشكل احسن واقوى واحلى من الاول ، اللى يقولك اللى اتكسر مالهوش قومه قوله انا هارجع اقوى من الاول ...

[Mary Naeem]

من المواقف الصعبه اللى مريت بيها فى حياتى
انى دايما كنت بعصر دماغى ببكره وبجهز نفسى
كويس جدا لبكره لكن اللى اكتشفته واللى ضاع
منى انى ماعرفتش استمتع بانهارده
عزيزى سيب بكره لصاحب بكره مايمنعش انك
تكون منظم وتحسب خطواتك بس
لازم تستمتع باليوم بتاعك وتعيشه

[Mary Naeem]

فكره ان حياتك فى ايد ربنا دى فى حد ذاتها
مطمئنه جدا لأبعد الحدود مهما حصل حواليك
انت جواك طاقة سلام نفسى عجيبه جداااااااا

[Mary Naeem]

قمة السذاجه لما تكون قاعد قدام مروحه ومستنيها تجيبلك هوا ساقع فى عز النار الولعه ...
فى ناس كدا طبعها واصلها صعب التعامل ، مستحيل تلاقى منهم خير ، واحد متربى على كره الناس والحقد عليهم ، ومايحبش الخير ليهم ابدا ..
مهما قال ولا ظهرلك انه كويس ونيته سليمه ، هاتلاقيه مخبيلك نيه سوده ليك ، الشخص اللى زى ده مستنى اليوم اللى تقع فيه عشان يشمت فيك ..
قمة السذاجه منك انك تجربه مره واتنين وتلاته ولسه حاطط عليه امل انه يحبلك الخير...
ده تبعد عنه فورا لمصلحتك ..

[Mary Naeem]

لما تكون عطشان جدا ونفسك حتى فى نقطه مايه تبل بيها ريقك ساعتها بتشوف انك ممكن تدفع دم قلبك عشان بس تشرب وده لأنك محتاج وحط تحت محتاج ظ،ظ*ظ* خط ..
تعالى طبق المثل ده على علاقاتك مع الناس طول ما الناس محتاجاك هاتلاقيهم معاك دايما واول ما المصلحه بتخلص تلاقيهم بعدوا عنك ..
خليك دايما تقيل وماتبقاش دايما متوفر للناس عشان يكونوا دايما فى حاجه ليك ..
ماتبينش ان الطلب بتاعهم ساهل جدا عليك وتقدر تعمله فى لحظه لان ساعتها الطلب ده هايبقى امر
لازم تحسسهم انك عطلت نفسك وتعبت عشان خاطرهم ..
مش تذلهم ماقولتش كدا بس حسسهم انك خصصت وقت ليهم مخصوص عشانهم ...
خليك دايما عامل زى نقطة المايه فى قلب الصحرا

[Mary Naeem]

طفل بيقول لابوه انا عاوز لما اكبر يكون معايا فلوس كتيره قوى
قاله طيب وهاتعمل بيها ايه ؟؟
رد الطفل وقاله هاشترى بيها كل الحاجات الحلوه اللى انت حارمنى منها ..
رد الاب عليه وقاله بس انا حارمك من الحاجات الحلوه زى الشيكولاته والحلاوه والكولا عشان دى خطر عليك مش استخسار فيك .. المهم يوميها الولد معرفش معنى كلام ابوه عشان كان لسه صغير ..
مرت السنين والولد كبر ، كان فى السوبر ماركت ومعاه ابنه صغير وافتكر كلام ابوه لما لقى ابنه ماسك كيس حلاوه وبيقول لابوه عاوزه وهو بيحاول يقنعه ان الحاجه دى خطر والولد مش راضى يسمع ولا يفهم وبيصرخ عاوزها ..
الخلاصه اللى عاوز اقولهالك هنا..
الايه اللى بتقول لست تعلم انت الان ما انا صانع ولكنك ستفهم فيما بعد..
كتير مننا بيمسك فى ربنا ويقوله انا عاوز دى يعنى دى ماليش دعوه انا عاوز دى ..
ربنا يبعده عنها بكل الطرق يقوم زعلان من ربنا وليه يارب ويدخل فى حاله اكتئاب شديد ليه ربنا عاوز يعيشنى دايما فى حزن ..
يحبيبى ارادة ربنا كدا ، اكيد مش خير ليك ، اكيد كنت هاتتعب ..
مافيش فايده يظلم نفسه ويكتئب وفين وفيييييين لما تعدى السنين على ما الدنيا تظهر قدام عنيه يقول يااااه يارب كان عندك حق ..
طيب ليه من الاول ؟؟
لو كل واحد فينا عاش حياته مسلمها دايما لربنا ويقوله ياااارب حياتى فى ايديك انا واثق فيك هاتعيش فى سلام وهدوء وطمئنينا طول حياتك ..

[Mary Naeem]

يارب بينما نسير في وادي الشفاء

ذكّرنا بأننا لا نسير وحدنا
آمين

[Mary Naeem]

يارب شجع قلوبنا على البقاء منفتحين
على جمال الحياة وإمكانيات الحب التي لا تزال تزدهر حولنا
آمين

[Mary Naeem]

يارب من خلال نعمتك عسى أن نخرج من موسم الحزن هذا
قد تغيرنا ونحمل إرث من فقدناهم بهدف وأمل متجددين.

آمين

[Mary Naeem]

يارب في عملية الشفاء الرقيقة هذه،
تُعد هذه الصلاة بمثابة تذكير لطيف بأن الحزن،
رغم كونه رحلة هائلة، هو أيضًا ممر يمكن أن يؤدي
إلى تجديد القوة والحب والتفاهم
آمين