وجبـــــــة روحيـــــ(†)ــــــــــة يوميـــــــــة

[Mary Naeem]

الشخص ده لو ظهر فى حياتك ابعد عنه فورا




عارف لما تكون علبة معجون الاسنان خلصت وانت فى الصبح ومضطر تتصرف عشان تنزل ، بتمسك العلبه وتعصرها وتدوس عليها وتطلع عين اللى خلفوها عشان تنزل حبه وفى الاخر بترميها بعد ما استهلكتها لاخر نقطه .
اهو ده اللى بيحصل معاك بالمللى لما تتعامل مع شخص استغلالى ..
هو شايفك مجرد مصلحه مش اكتر ، مايتصلش بيك غير لما يكون عاوز منك حاجه ، يعنى ممكن يكلمك يبدا كلامه بقولك ايه انا عاوزك فى كذا كذا ، من غير حتى ما يقولك عامل ايه ، ولما تيجى تعاتبه يدخلك فى حته احنا اصحاب وعشره مافيش بينا الكلام ده ..
لو عارف انك واقع فى مشكله والدنيا خربانه معاك وهو عاوز منك مصلحه ، يبعتلك يعمل عليك اى حوار انه بيحاول يساعدك عشان يركبك جميله ووسط دا كله يطلب اللى هو عاوزه منك ..
ممكن ياكل معاك فى طبق واحد وفى نفس اللحظه يلف من وراك ينهب حقك بكل عين بارده وقحه ...
يستهلكك لأخر نقطه فى دمك ومش يسيبك فى حالك ويرحمك لا ده يعصر فيك لغاية ما يطلع كل حاجه جواك ..
الشخص ده لو ظهر فى حياتك ابعد عنه فورا
لانه هايعيشك فى وهم الصداقه والعزوه والكلام الفاضى ده وهو عامل زى السوس بيدمر كل حاجه جواك .

[Mary Naeem]

من اقوى الشفاعات هى شفاعة الست العدرا
حكايتها العجيبه مع كل المتألمين من قديم الزمان
لغاية لحظتنا دلوقتى وانت بتقرا البوست ده عجائب لا تعد ولا تحصى
كل بيت هاتلاقى فيه معجزه بشفاعة الست ام النور العدرا ...
حلت الحديد ونورت السما بظهورتها وخففت اوجاع متألمين
كتير وطبطبت على قلوبهم بحنيتها العظيمه

[Mary Naeem]

كلمت ربنا وعلى قد بساطة طلبتى لكنى كنت بكلم بحماس شديد جداً




زمان وانا فى المدرسه كنت فى رابعه إبتدائى ، مشوار المدرسه لغاية البيت حوالى ساعه مشى عشان المدرسه كانت على أول البلد..
المهم اليوم ده قبل ماخرج من البيت كنت حاطط كيس السندوتشات على المكتب وجنبه مصروفى ظ¥ظ* قرش ..
صحيت متأخر ومن إستعجالى نسيت السندوتشات والمصروف .. ده غير انى نزلت من غير مافطر بسبب انى كنت متأخر ..
عدت الحصه الأولى والتانيه والجوع بدأ يشد عليا ، ماكنتش عارف أعمل ايه ، لغاية ما جات الحصه اللى قبل الفسحه كان علينا حساب ، وكنت جعان جداً ومش مركز خالص ولا قادر اسمع حاجه ..
جات الاستاذ وقفنى عشان يسألنى ، وماعرفتش أجاوب ..
واخدت عصايتين على إيديى لغاية إنهرده مستحيل أنساهم ، لأنهم سبب معجزه كبيره فى حياتى ..
بعد ما أتضربت العصايتين ، قعدت وفضلت أعيط جامد من الألم ..
ساعتها افتكرت كلمه قالهالى مدرس كان بيقول فيها..
لما يشد عليك الألم كلم ربنا هو اكتر واحد هايسمعك فى اللحظه دى ..
بالفعل فى اللحظه دى كلمت ربنا وعلى قد بساطة طلبتى لكنى كنت بكلم بحماس شديد جداً ..
بعدها بالظبط بخمس دقايق ..
دخل علينا مدير المدرسه وزع على كل واحد فينا علبه كان فيها سندوتشات ، مش فاكر ايه المناسبه لكن كل اللى فاكره انى لمست إستجابة ربنا لطلبتى بطريقه عجيبه جداً ..
عزيزى القارىء
لما يشد عليك الألم كلم ربنا هو أكتر واحد سامعك وحاسس بيك، وإستنى إستجابته لأن عطاياه مافيش أحلى منها ، مش هايتأخر عليك ماتقلقش .

[Mary Naeem]

كلمت ربنا وعلى قد بساطة طلبتى لكنى كنت بكلم بحماس شديد جداً




اوعى تفتكر ان الوحده وإنعزال الناس شطاره وقوه والكلام اللى طالع جديد ده، بالعكس دى خيابه منك لما تخسر كل الناس وتعيش لوحدك ، انت كدا بتقتل نفسك بالبطىء ، ربنا خلق الانسان بطبيعه إجتماعيه ، فى السجون لما بيعاقبوا مسجون بيحطوه فى الانفرادى ، بعيد عن الناس ، انت مش متخيل حجم الكارثه اللى بتعاقب بيها نفسك لما تبعد عن الناس وترفض الإختلاط بيهم حرفياً انت بتخنق على نفسك وتقتلها بالتدريج، الناس والاجتماعيات والعلاقات دول الأكسجين لنفسيتك ..
ماتقولش الناس وحشه ، والناس عاوزين ينهشونى وانا بدماغى ومش فارق معايا حد واللى يزعل منى يخبط دماغه فى الحيط ماحدش اصلاً يستاهل ، بلاش النظره السوده دى ، اكيد مش كل الناس وحشه معاك ، بلاش تعمم ، شوف المشكله فين وعالجها مايمكن تكون المشكله فيك انت ، قدر الناس ، اهتم بيهم ارمى الشبكه واكيد هاتلاقى ناس كتير بتحبك ومقدرين حبك ليهم ماتبقاش كاره لأنك أكيد هاتكون مكروه .

[Mary Naeem]

معرفش حد منهم بس كانو واقفين مستنين صاحبهم عشان عنده امتحان دور تاني و بيتفقوا ازاي هيخرجوه بعد الامتحان عشان يفرح و عشان يطلعوه من ال mood الهو فيه و يطمنوه انه هينجح و بجد هي دي الصداقة âپ¦â‌¤ï¸ڈâپ©
الصحاب مش بالخروج وقت الفرحة و خلاص و الضحك و الهزار
الصحاب يعني لما يلاقو صاحبهم مضايق صحيو بدري و جم كلهم عشان يفرحوه و يقفو جنبه وقت ما احتاجهم
note: كان في بنات كمان جايين لصاحبتهم ببالونات و بيتفقوا ازاي يفاجئوها و بجد كان شكلهم مبهج جداا و كان في بنت لوحدها جايه لصاحبتها و جت اتكلمت معايا و قالتلي انها جيالها عشان صاحبتها كانت خايفه من الامتحان و هي جايه تطمنها
بجد هما دول الصحاب âپ¦â‌¤ï¸ڈâپ©âپ¦â‌¤ï¸ڈâپ©âپ¦â‌¤ï¸ڈâپ© و I'm proud ان في ناس كدا و ان جاتلي الفرصة اشوف الناس دي

[Mary Naeem]

لما تلاقى حاجه راحت منك بالرغم انك عملت المستحيل عشان تكون من نصيبك اعرف ان ربنا هو اللى عاوز كدا ..
ربنا شايف المستقبل والحاضر والماضى وشاف ان مستقبلك هايكون فى حاجه تانيه خالص هاتكون مناسبه ليك
فا اقعد كدا واشتغل كويس واستنى الحاجه الجميله اللى محضرهالك ربنا ...
انا عارف ان وجع الانتظار مؤلم ومميت بس صدقنى فرحة النهايه بترد الروح من تانى ��â‌¤ï¸ڈ
اجهز لأن الفرحه قربت أوى ����

[Mary Naeem]

مش معنى انك خايف يبقى انت ضعيف
بالعكس الخوف فى حد ذاته
لو اتوجه هاتنجح فى كل خطواتك
لما تخاف فكر بحكمه ازاى تتجنب
الخطر مش تتوتر وتفكيرك يتشل

[Mary Naeem]

اللى بيتعب بيلاقى سيبك من اى كلام سلبى يقولك
مافيش فايده وماشيه بالواسطه والمعارف والكلام ده
الله فوق كل شىء
الله يفتح ولا أحد يستطيع ان يغلق
والله يغلق ولا احد يستطيع ان يفتح ..
ثق فى ربنا

[Mary Naeem]

يا الله زى ما عملت المستحيل مع يوسف
ورقيته من عبد لملك اصنع المستحيل معى ايضا

[Mary Naeem]

عدم الاعتراف بالخطأ وتبرير المشكله بأعذار ده بردو بيدمر العلاقه
غلطان قول انا اسف وصلح من نفسك حتى لو شايف تصرفك ده مش غلط بس الطرف التانى شايفه غلط يبقى لازم تعتذر لو باقى عليها وبتحبها ومش عاوز تزعلها ..
ماتتعاملش معاها بهدوء اعصاب شديد فى عز نرفزتها وضيقتها لان هدوء ده بيستفزها اكتر ، هى زعلانه منك فى حاجه انت لازم تكون متأثر انك مزعلها وتتكلموا وتحسسها بجد ان خايف على زعلها ومضايق انك زعلتها ...
مش شطاره منك انك تظهر ببرود اعصاب وتقول وايه يعنى وايه حصل لدا كله
لا بالنسبالك عادى بالنسبالها لا
العلاقه يا جماعه ان كل واحد بيعمل اللى بيحبه الطرف التانى بيتشكل عشان يعجب الطرف التانى بيكرس حياته عشان الطرف التانى
الكلام للبنات والولاد