|
 |
 |
 |
04 - 07 - 2024, 12:47 PM
|
رقم المشاركة : ( 165401 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
 كسيدنا المسيح علينا ان يحمل كل واحد منا صليبه في الحياة بدون تذمر بل بتواضع بطولي وايمان قوي ومتين بأن نهاية كل طريق ملبد الالام والمعاناة هنالك قيامة وفرح وحياة جديدة ، فكونوا كالرب يسوع في محبتكم وقوتكم وصبركم وتواضعكم وسيروا وانتم تحملون راية البشارة بالرب وانتم ممتلئين نعمة وقوة وصبر وفرح وايمان. |
||||
|
04 - 07 - 2024, 12:50 PM
|
رقم المشاركة : ( 165402 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
 البعذراء قدمت ذاتها بكليتها طائعة للرب |
||||
|
04 - 07 - 2024, 04:35 PM
|
رقم المشاركة : ( 165403 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
"لا تخف لأنى أنا معك .." مسج وصلنى على موبايلى من رقم غريب يوم التحليل الصبح .. الحكايه بإختصار يوم السبت اللى فات بعد الغدا فى الشغل حسيت بزغلله ودوخه , فا صحبى كان معاه جهاز قياس السكر , قيست السكر عشوائى لاقيته ٢٠٠ .. قالى كيرلس انت كدا عندك السكر ولازم تروح لدكتور يطلعلك علاج .. انا الكلمه دى وقعت عليا زى ماتقولى جردل مايه ساقعه فى شهر طوبا . .. اتخضيت جامد وعرقت وطلبت من صحبى يوصلنى البيت .. تانى يوم روحت عند الدكتور من النجمه ، عملت عنده تحليل صايم لاقيته ١٧٠ .. قالى انت متأكد انك صايم قولتله يا يا دكتور انا من امبارح ماحطتش لقمه فى بقى .. قالى دانت لازم تاخد علاج فورا عشان كدا ممكن تدخل فى مرحله الانسولين .. نزلت من عنده وانا بسند نفسى بالعافيه .. الفكره انى بحاول اقنع الدكتور انى مابكلش اى حاجه فيها سكر ومحافظ جدا على اكلى ، فا قالى اكيد ده سكر وراثى ومستحيل يكون عارضه وهايعيش معاك العمر كله .. قالى بكره تروح تحلل سكر تراكمى وتجينى .. روحت البيت وقفت فى البلكون وبصيت للسما ، صرخت صرخه حست انها طالعه من قلبى .. قولتله يارب انا عايش لوحدى وحارم نفسى من كل حاجه عشان مايجينيش المرض اللعين ده ، وفى الاخر تبلينى به طيب ليه ؟؟ طيب افرض جاتنى غيبوبه وانا لوحدى اموت واعفن فى الشقه وماحدش بحس بيا !! ليه بس يااارب انا واثق فى معونتك وواثق انك مستحيل هاترضالى بالشر .. دخلت شربت مايه ونمت .. صحيت لاقيت رقم غريب بعتلى آيه بتقول " لا تخف لأنى انا معك " روحت حللت تراكمى وطلعت على الدكتور قالى ايه ده !! انت حللت امتى ؟ قولتله دلوقتى قالى انت خدت علاج ؟ قولتله لا قالى طيب تروح بكره عند المعمل وكتبلى اسمه وقالى تحلل صايم وفاطر وتراكمى وتجينى .. روحت تانى يوم حللت ورجعت للدكتور .. قالى مبروك انت خفيت اتفضل اطلع بره يلا .. قولت فى بالى ايه ده ؟؟ بيترق عليا ليه قولتله فى ايه؟؟ قالى مافيش حاجه اقولهالك بس انت ماعندكش سكر وماتسالنيش ازاى عشان انا مش عارف يلا امشى بقى. . انا لحد هذه اللحظه مش عارف ازاى بس كل اللى واثق منه ان ربنا حقيقى حنين قوى جيت ارن على الرقم اللى بعتلى الرساله لاقيته مقفول ومالوش اسم على الترو كولر .. حاجات كتير مالهاش تفسير الا حاجه واحده بس .. ربنا مراحمه واسعه قوى .. |
||||
|
04 - 07 - 2024, 04:37 PM
|
رقم المشاركة : ( 165404 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
شادى بيحكى ويقول ... تجربه غيرت علاقتى بربنا تماماً , اعرفكم بنفسى الأول انا شادى ظ£ظ¥ سنه متجوز من ظ،ظ* سنه فى المانيا ومعايا ابنى عينيه بتدمع وملتهبه على طول , كل الدكاتره قالو لازم عمليه ونجاحها ضعيف كمان .. يوم ظ،ظ¢ ديسمبر لسنة ظ¢ظ*ظ،ظ¨ انا فاكر اليوم كويس جدا كانت ليله برد شديد جدا والمطره غزيره قوى , الساعه ظ¢ بعد نص الليل وقفت فى البلكونه ودعيت من كل قلبى , كأن قلبى هايشق ضلوعى ويمسك السما .. وقولت " يارب نفسى أفرح أرجوك انا مصدق فيك وفى قوتك العظيمه , كلام الطب والدكاتره انت اقوى منه , ارجوك غير الواقع , مش انت قولت بايمانكم تقدرو تحركوا جبال , انا طلبى بسيط جدا وانا كلى إيمانك فى قوتك " ساعتها وانا بدعى شوفت نجمه لمعت فى السما ، كان شكلها ملفت جدا وحسيتها رساله من ربنا انه سامعنى وحاسس بيا .. روحت بعدها للدكتور قالى العلاج مافيش منه اى فايده لازم نعمل العمليه لان ده فى خطر على عين الواد لو سكتو عليه .. قولتله يا دكتور مش هاعمل عمليات للواد نسبة نجاحها ظ¢ظ*ظھ انا ابنى هايخف انا واثق فى ربنا .. قالى براحتك انا حذرتك وانت حر .. الليله دى طبعاً عيشتها كأنى ميت تحت الارض وبتعذب من شدة الوجع والحيره .. قلبى بيقولى ربنا هايشفى الواد وعقلى بيقولى حرام اسيب الواد يتعذب .. وقفت فى البلكونه وكلمت ربنا .. " انت سامعنى ؟؟ شايفنى ؟؟ حاسس بيا وبوجعى ووجع ابنى والخطر اللى ممكن يحصله ؟؟ انا خايف عليه من العمليه وواثق جدا فى مراحمك عليه .. ارجوك . لدرجة من التعب نمت فى عز البرد فى البلكونه .. تانى يوم الصبح قولت انا هاصبر اسبوع لو الواد ماتحسنش هاعمله العمليه .. وقد كان فى نهاية اليوم التالت من الاسبوع لاقينا تحسن عجيب جدا فى عينيه لدرجة ان الدكتور قال بالحرف " اللى انا شايفه قدامى إعجاز، مخى مايقدرش يستوعبه " قالى انت استعملت علاج ايه ؟؟ روحت لدكتور تانى ؟؟ رديت عليه وقولتله .. الثقه فى ايد ربنا اقوى من اى دكتور �� |
||||
|
04 - 07 - 2024, 04:39 PM
|
رقم المشاركة : ( 165405 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
كان عندى كوبايه قهوه ليها اكتر من ظ،ظ* سنين ، اخدتها هديه من حد عزيز قوى عليا ، من حوالى إسبوع كدا وانا بغسل الكوبايه اتزحلقت من ايدى اتشرخت ، شرخ خفيف .. اتعكننت قوى لان بالنسبالى القهوه لو مش فى الكوبايه دى ماتبقاش قهوه ، لدرجة انى لو فى مشوار بره وهاموت واشرب قهوه مابشربش ممكن اشرب نسكافيه بلاك ، اسبرسو لكن قهوه فى الكوبايه دى وبس ... دخلت على النت عشان اشوف مشكلة الكوبايه واحاول اصلحها لاقيت لازق من امازون امريكا سعره حوالى بالمصرى ظ¦ظ*ظ* جنيه ، طلبته وجبته ، والحمدلله اشتغل معايا كوبس والكوبايه رجعت زى الاول ... جيت اشرب فيها قهوه اول ما صبيت الكانكا لاقيتها طرشقت وبقيت نصين ... الخلاصه اللى عاوز اقولها .. اللى قال ان اللى اتكسر مستحيل يتصلح ماكنش بيهزر ولا قالها من فراغ .. ماينفعش تكسر قلب حد بيحبك، وتصدمه فيك ، او تتخلى عنه فى اشد وقت محتاجك فيه .. وبعدين تندم وتتأسف وتعتذر وتعمل المستحيل عشان يرجع زى الأول ، هو ممكن ظاهريا ممكن يبان زى الاول لكن مع اول خبطه تلاقيه اتكسر نصين .. حافظوا على الناس اللى بتحبوهم لأن كسرة القلب حقيقى ما بتتصلحش .. والكلمه اللى بتتقال مستحيل تننسى .. |
||||
|
04 - 07 - 2024, 04:42 PM
|
رقم المشاركة : ( 165406 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
الاسبوع اللى فات يوم الاتنين بالتحديد راجع من الشغل من الساعه ظ¤:ظ£ظ* الفجر ، اتصل بي واحد صحبى نتعشى سوا ونقعد على قهوه شويه .. كنت رافض تماما قولتله تعبان ومش قادر ، فضل يزن عليا جامد قولتله بجد تعبان مش قادر خليها يوم تانى ، قالى عاوزك فى موضوع ضرورى مايتأجلش .. المهم روحتله وقعدنا وكلنا ساعه بالظبط وحسيت بسكاكين بتقطع فى بطنى ، وجع رهيييييب .. طلعت بسرعه على المستشفى الدكتور شخصنى تسمم .. بعد ما عملى غسيل معده .. قالى هاعملك كشف بالسونار اطمن ان التسمم ماعملش التهاب فى المعده .. لكن هنا اكتشف كارثه حرفيا قالى انت تشكر ربنا ان جالك تسمم .. انت عندك حصاوى كتير فى المراره وكانت ممكن تعملك انسداد فى القناه المراريه وتبهدلك الكبد .. المراره لازم تتشال فورا قبل ما يحصلها اى التهاب ونستنى عليها شهور بعد كدا عشان نعالج الالتهاب .. عزيزى القارىء ساعات كتير ربنا بيبعتلنا قرصه ودن خفيفه عشان ينبهنا لحاجه اكبر كانت ممكن تدمر حياتنا .. قابل كل تجاربك بهدوء وحاول تعرف تستفيد من كل تجربه بتجيلك وثق تماما ان ربنا مستحيل يسيبك .. |
||||
|
04 - 07 - 2024, 04:46 PM
|
رقم المشاركة : ( 165407 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
كلمه عاوز اقولها لشباب الطبقه المتوسطه واللى معظمنا منها الحقيقه ... ماينفعش يكون مرتبك بالعافيه مكفيك ورايح تدور على كماليات عشان تحس ولو للحظه انك من الطبقه العليا زى خروجات مكلفه ، احدث موبايل بمبلغ وقدره عربيه ، مصيف مكلف جدا ، اكل دليفرى, سجايرك .. استثمر فلوسك وكبرها اربط الحزام دلوقتى وعيش بأقل حاجه عشان صدقنى يوم ما تقول آه وتطلع على أى مستشفى بطريقة عيشتك دى مش هاتلاقى حق العلاج .. خليك شاطر ماتبقاش خايب |
||||
|
04 - 07 - 2024, 04:49 PM
|
رقم المشاركة : ( 165408 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
ربنا صحّانى من النوم إمبارح قبل ما الشقه تولع .. خلصت شغل إمبارح الساعه تلاته الفجر ، وقفت حوالى نص ساعه مستنى مواصله بالعافيه لاقيت ، بس للاسف السواق نزلّنى فى نص السكه ، قولت هاكملها مشى وخلاص ، مع إنى كنت تعبان جداا ، بس كنت هاتعب أكتر لو كنت استنيت تانى عشان الاقى مواصله تانيه ، وصلت شارع البيت الساعه 4.30 الفجر ، كنت على اول الشارع لاقيت نار ودخان ، خوفت لحسن اكون نسيت البوتجاز والع ولا حاجه ، فضلت اجرى لغاية ما وصلت ، بس الحمدلله ماكنش فى حاجه ، كان فى راجل موّلع فى زباله قدام البيت عامله دخان جامد ... مشيت الشارع بتاع بيتنا والحمدلله وصلت بالسلامه وهربت من خنقة الدخان .. دخلت الشقه اتطمنت ان كل حاجه سليمه ومافيش حاجه محروقه ، سخنت الاكل ، خلصت وظبطت المنبه بتاع التليفون النوكيا على الساعه تسعه الصبح ، وحطيت التليفون التانى htc على الشاحن جنب فيشة التلاجه والبوتجاز ، ودخلت نمت هو بصراحه ماكنش نوم ، دا كان غيبوبه من كتر التعب .. انا ونايم شامم ريحة شياط ودخان ، بس قولت عادى ، اكيد من الشارع ، وكملت نوم عادى ... صحيت على صوت المنبه ، وكأنى صحيت فى الميعاد المناسب بالظبط ، دخان كتير جدااااا فى الشقه ،تليفون ال htc بيولع ، جريت بسرعه فصلت كهربا الشقه كلها ، وشديت سلك الشاحن بالتليفون ورميته فى حوض المطبخ وفتحت عليه المايه ... بعد ما الحريقه اتطفت وحمدت ربنا ان النار ما زادتش ووصلت لانبوبه البوتجاز ... هديت شويه وببص فى الساعه لاقيتها لسه 6.20 الصبح ، استغربت جدا ، ازاى دا انا ظبطت المنبه على الساعه 9، بعد تفكير كتير ، انتهى بيا الحال ان زراير تليفون النوكيا صغيره وبدل ما اكتب تسعه كتبت سته ومن التعب اللى كنت فيه ماخدتش بالى .. هاتقولوا ازاى ربنا صحّاك من النوم ، دا المنبه ، ودى غلطه منك انت اللى ظبطته غلط ... ربنا ماجاش شخصياً وقالى إصحى يا كيرلس ، الحق البيت بيولع ، ربنا مايحبش يبان فى الصوره ... لكنه كلمنى بطريقته ... ناس كتير لما بتصلى لربنا ، بتكون منتظره ربنا يكلمها شخصياً ، او يرد بالطريقه اللى هم عاوزينها ، لا ياحبيبى ربنا بيرد بطريقته هو ووقته هو لكن النتيجه فى صالحك انت .. ماتزعلش من ربنا انه ساكت ، ربنا مش ساكت ، ربنا بيرد عليك لكن انت اللى مش واخد باللك وفكرك في حته تاني وفى الاخر بتقول ربنا مابيعملش حاجه ... كلم ربنا واطلب منه بس حط عينك على ربنا هاتفهمه ، لكن طول مانت حاطط عينيك على طلبك بس ، مستحيل هاتفهم ربنا .. |
||||
|
04 - 07 - 2024, 04:51 PM
|
رقم المشاركة : ( 165409 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
مارك طفل فى رابعه إبتدائى ... مارك نحيف جدااا ، ودايماً بيحلق شعره زيرو .. يوم ظ¢ظ* مارس ظ¢ظ*ظ،ظ¨فى حصة العربى ، جالهم مدرس جديد فى المدرسه ، كان بيتعرف على العيال فى الفصل ، فا جه الدور على مارك ، اول ماشافه المدرس قاله ... بياكلو نايبك فى البيت ولا ايه ؟ فين شعرك مارضاش يجى معاك ولا ايه ؟؟ �� الفصل كله ضحك على كلام المدرس .. ومن ساعتها ومارك بقى اسمه فى الفصل سفروت الأقرع .. مارك بقى وحيد ، ماحدش بيمشى معاه لأنه بقى تريقة الفصل ، كره المدرسه ومستواه قل جداً فى الدراسه وبقى عصبى ، واتعلم الشتايم والعنف عشان يرد على اى حد يتريق عليه .. يوم ظ¢ظ¢ إبريل أتلموا تلات عيال على مارك فى الفسحه وفضلوا يتريقوا عليه حاول يرد عليهم لكنه ماعرفش هم كتير وهو لوحده وخدوا منه ساندوتشاته ورموهاله فى الأرض لغايه ما وقع فى الأرض وفضل يعيط .. اللى خلصه منهم مدير المدرسه لما عدى بالصدفه من قدامهم .. وكأن ربنا بعته عشان ينقذ طفل لا حول له ولا قوه ضحية .. المدير خدهم كلهم على المكتب وأول سؤال سأله للعيال .. مالكم به ؟؟ قالوله شكله بيضحك بص المدير لمارك لقاه حاطط عينيه فى الأرض وبيبكى .. قاله انت ليه حالق كده ، بكره تجيب ابوك المدرسه عشان أفهم حالتك ؟؟ مارك طلع صوره من جيبه وقاله .. بابا سافر السما ، وانا بحبه جداا، وقبل ما يسافر الدكتور كان بيديله علاج بيوقع شعره ، وانا واعدته انى هابقى شبه طول العمر ..�� عزيزى القارىء علم أولادك المحبه وتقبل الغير مهما كان الإختلاف .. اتمنى من وزارة التربيه والتعليم إختبار أى مدرس نفسياً قبل تعينه ، عشان ماينتجش جيل مرضى نفسيين .. مارك تم قتله نفسياً فى مجتمع مايعرفش يعنى ايه مراعاة مشاعر طفل .. لا للتنمر |
||||
|
04 - 07 - 2024, 05:02 PM
|
رقم المشاركة : ( 165410 ) | ||||
|
† Admin Woman †
|
رد: وجبـــــــة روحيـــــ(†)ــــــــــة يوميـــــــــة
أنا أيمن ظ£ظ§ سنه أرمل وعندى طفل ، المفروض الشهر اللى جاى يتم ظ،ظ* سنين لكن حكمة ربنا كان لها أمر تانى .. شهر يناير ظ¢ظ*ظ،ظ§ يعنى من سنه فاتت تحديداً كان يوم تلات الساعه ظ§:ظ£ظ¦ بالليل ، كان عندى ضيوف ، بعد ما خلصنا قعدتنا نزلت معاهم عشان أوصلهم ، ولما رجعت شوفت منظر صعب جداً بالرغم انى واخد كل إحتياطاتى وبعمل كل ما فى وسعى عشان مايجيش اليوم ده وأشوفه فى أعز ما عندى .. لاقيت إبنى قاعد وحاطط رجل على رجل وماسك عُقب سيجاره من الطفايه وعامل نفسه بيشرب .. ماقدرتش أمسك نفسى ونزلت فيه ضرب وزعيق .. بعد ما هديت مسكته وقولتله .. - ماينفعش تشرب سجاير دى وحشه ومُضره ممكن تقتلك .. لكنه رد عليا رد شديد قوى قالى مانت يابابا بتشرب... أخدته فى حضنى وقولتله أوعدك إنى مش هاشرب تانى .. أسبوع وماقدرتش أبطلها ورجعت زى الأول وأكتر كمان، بعد ست شهور أبنى أغمى عليه فى المدرسه ونقلوه المستشفى .. المفجأه اللى ماكنتش قادر أصدقها أن تقرير الدكتور قال انه بيشرب سجاير ، وبسبب ضعف رئتيه ماستحملش الدخان وجاله سرطان فى الرئه .. إنهرده أنا إبنى مات ، وأنا اللى قتلته بأيديى ،عاقبته عشان غلط وحاول يقلدنى ويشرب سجاير وفى نفس الوقت انا بعمل الغلط ده.. كنت فاكر انه هايسمع كلامى لما حذرته منها لكن ماكنتش عارف انه بيشوف تصرفاتى ويقلدها .. نصيحتى لكل أب وأم ماينفعش تعاقب إبنك على فعله للغلط وانت بتعمله ، حتى لو من وراه ، الأطفال فى السن ده بيكونوا لماحين جداً وبيلاحظوا كل حاجه .. ماتقولش ان الواد صغير ومش فاهم ، هو مش فاهم فعلا أنت بتعمل ايه ، لكن الحاجه الوحيده اللى فاهمها انه يقلدك وبس .. بلاش تشوه أجمل حاجه عطهالك ربنا .. بلاش تقتل ضحكه كانت بتهون عليك مرارة الدنيا .. حضنه وحشنى قوى �� |
||||
العرض العادي
