برنامج وقعت فى ايد ميرو وماريت

[sama smsma]

المشاركة الأصلية كتبت بواسطة ميرو

سوسو عايزه اخد رايك في حاجات كدا عن.الشارع
شايفه الشارع ازاي؟.
شايفة الشارع مفتقد جدا للاخلاق

الشارع بقا غابه بالنسبه للبنات وبالاخص الاهالي
وده اكيد بيحصل معاكي وماتصدقي اولادك يرجعوا
تقولي ايه كام للشباب اللي مش كويس اللي ربنا يرحمنا منهم وكرهونا في الشارع وخلوا الاهالي ماتنزلش بناتها من الخوف؟
اقولهم الراجل اللى بجد يخاف على اى بنت اكنها اخته او امه
لان بقى فى نقص اخلاق غير طبيعى عند الشباب
ربنا يهديهم

رايك في لابس البنات ف الشارع؟
اللبس مالوش علاقة ابدا بالبنت لان زمان كانوا بينزلوا بمينى جيب ولا حد يقدر يبصلهم
وحاليا البنات بيلبسوا كويس مش للدرجة يعنى اللى تخلى حد يتحرش بيهم
النظرة للبنت اصلا دلوقتى بقت نظرة غير محترمة حتى لو لابسة لبس محتشم بتتعاكس للاسف

انا شايفه لابس حلو مش حلو برضه هتسمع كلام ده اللي بيحصل؟
من وجهة نظرك لابس البنت مستفز يخلي الولد يعكسها او يعمل تصرف مش حلو؟
لا خالص يا مرمر الشباب بقى منحرف لدرجة كبيرة وعينه بقت وحشة واخلاق وحشة فبيشوفوا البنت فريسة قدامهم يقدروا يعملوا فيها اللى عايزينه

اغرب موقف حصل معاكي ف الشارع؟
لا مافيش مواقف غريبة قابلتنى

وموقف حصل قدامك ف الشارع؟
اللى بنشوفه دايما ان لو بنت اتعاكست وحاولت بس تاخد حقها المجتمع بيغلطها هى للاسف
ماحدش بيقف جنب بنت بتتعاكس او حد بيضايقها

اوصفي الشارع بكلمه او كشكول هو يستاهل كتير من قرفوا؟
معاكى حق الشارع محتاج كلام كتير بس هو فعلا محتاج تربية واخلاق و رجولة وامان
علشان نقدر نمشي فيه زى زمان
و دة دور الام والاب والتربية السليمة من الاساس

كلمه او نصيحه منك؟
انصح كل اب و ام انهم يربوا اولادهم على احترام البنت وانه يحافز على اى بنت يقابلها فى اى مكان اكنها اخته او امه

لو انتي بتحكمي هتحكمي علي الشباب ب ايه اللي بيعمل كدا؟
احكم عليه بأنه تافه ومش متربى كويس وعنده كبت ومش راجل لان الراجل يبقى عنده خوف على اى بنت انها تتاذى بأى شكل

حبيبتى يا ميرو شكرا يا سكر

[marit jesus]

سمسمتى الجميلةتعالى نغير شوية انا هاعرض عليكى مواقف وانتى تقوليلى هتعمل ايه اول هتتصرفى ازاى
١_ لو انتى خادمة فى فصل مدراس أحد وفى طالب منعزل شوية
وكلامه قليل هتتاعملى معه ازاى

٢_ فلنفترض انك مدرسة فى فصل او فى جامعة على حسب مكان التدريس وفى الفصل أو القاعة اولاد مع بنات ووجدتى
طالب عندك معجب لطالبة وهما فى الدراسة لسة هتسكتى ولا هتنصحيهم ولا ايه
٣_ لو دكتورة ومعاكى عملية طارئة لازم تعمليها للمريض عشان حياته فى خطر واكتشفت المريض دا حد اذاكى جامد فى حياتك وتقريبا شبه دمر حياتك بحاجات هو عملها هتتعملىله العملية ولا هتسبيه يموت ولا هتعتذرى وتخلى أحد من الزملاء يقوم بالمهمة مكانك

٤_ لو مهندسة وبتبتى عمارة أو معاكى شغل فيها وفى حد عايز يبنى عمارة مخالفة وهيدفع تيبس يعنى زى رشوة لو هترفضى يبقى ليه ولو مش هترفضى برضو ليه
٥_ صديقتك واقعة فى مشكلة وبتتصرف بطريقة غلط فى مشكلتها لانها مش عارفة هتحلها ازاى لو نصحتيها وركبت دماغها ولاقيتيها بتغرق وطالبت مساعدتك وعرفت انها غلطانة لما ماسمعتش بنصيحتك هتسيبيها عشان تتعلم من غلطتها ولا هتسامحيها واقفة جنبها
٦_ عادة لما بتقعى فى مشكلة أو أزمة اى ان كان نوعها
بتعملى ايه وبتلجائى لمين يساعدك
٧_ لو انتى فى بنك وتعملى محاسبة وفى حد عايز يستعلم عن حساب حد بدون علمه ودى اسرار شغل طبعا هتتعاملى ازاى ولايه هتتصرفى التصرف دا
٨_ لو حد طلب منك طلب صعب انك تعملى هترفضى من اول مرة ولا هتاحولى تعيدى تفكيرك يمكن تقدري تساعد
٩_ لو نفترض يعنى من منطلق الافتراض ربنا مايجيب مشاكل لما بتحصلك
مشكلة فى الشغل فجاءة كدا بتتعصبى ولا بتفكرى كتير فى حلها ولا بتسيبيها على ربنا ولا بتحليلها بطريقة ودية
١٠_ لما اولادك بيطلبوا منك طلبات غريبة بتتصرفى ازاى أو طلبات صعبة انك تحققيها فى نفس الوقت اللى هما عايزين فيه

[sama smsma]

المشاركة الأصلية كتبت بواسطة marit jesus

سمسمتى الجميلة تعالى نغير شوية انا هاعرض عليكى مواقف وانتى تقوليلى هتعمل ايه اول هتتصرفى ازاى
ياحلولى يا حلولى

١_ لو انتى خادمة فى فصل مدراس أحد وفى طالب منعزل شوية
وكلامه قليل هتتاعملى معه ازاى
هاحاول اتكلم معاه كتير واهتم بيه شوية واخليه يشارك معايا

٢_ فلنفترض انك مدرسة فى فصل او فى جامعة على حسب مكان التدريس وفى الفصل أو القاعة اولاد مع بنات ووجدتى
طالب عندك معجب لطالبة وهما فى الدراسة لسة هتسكتى ولا هتنصحيهم ولا ايه
هاتكلم معاهم ان الفترة دى بتبقى كلها مشاعر ملخبطة وبتتغير بسرعة وبيكون اعجاب مش حب وان لو اتعاملوا زى الاخوات افضل وهاقول للولد لو بتحبها لازم تخاف عليها منك وتعاملها زى اختك لغاية ما تتخرج وتعرف مشاعرك كانت حقيقية ولا لا


٣_ لو دكتورة ومعاكى عملية طارئة لازم تعمليها للمريض عشان حياته فى خطر واكتشفت المريض دا حد اذاكى جامد فى حياتك وتقريبا شبه دمر حياتك بحاجات هو عملها هتتعملىله العملية ولا هتسبيه يموت ولا هتعتذرى وتخلى أحد من الزملاء يقوم بالمهمة مكانك
مافيش حد مابيغلطش و اكيد ربنا موجود ياخد حقى
ضميرى قدام ربنا يخلينى اعمله العملية وبعد العملية ما تخلص اخلى دكتور مساعد يتابع بدالى ويتابع صحته

٤_ لو مهندسة وبتبتى عمارة أو معاكى شغل فيها وفى حد عايز يبنى عمارة مخالفة وهيدفع تيبس يعنى زى رشوة لو هترفضى يبقى ليه ولو مش هترفضى برضو ليه
لو رضيت اعمل كدة واخدت رشوة ربنا مش هايباركلى فيها
يبقى ليه ارضي بالغلط من الاول

٥_ صديقتك واقعة فى مشكلة وبتتصرف بطريقة غلط فى مشكلتها لانها مش عارفة هتحلها ازاى لو نصحتيها وركبت دماغها ولاقيتيها بتغرق وطالبت مساعدتك وعرفت انها غلطانة لما ماسمعتش بنصيحتك هتسيبيها عشان تتعلم من غلطتها ولا هتسامحيها واقفة جنبها
لا طبعا هاقف جنبها حتى لو غلطانة وماسمعتش نصيحتى فى الاول
وفعلا حصل معايا موقف زى كدة كانت صاحبتى تعرف ولد مسلم ونصحتها كتير انها تسيبه مالقيتش حل غير انى اصليلها كل يوم ان ربنا يتحنن عليها ويغير قلبها وتكرهه
فضلت سنة بحالها اصليلها لدرجة انى كنت بعيط لربنا كتير لانى كنت بحبها اوى .. بعد سنة لقيتها بتقولى انا مابقيتش احبه مش عارفة ازاى واتقدملى واحد قريبى علشان يخطبنى وانا هوافق
مش من الصح تبقى عارفة ان صاحبتك فى خطر وحتى لو نصحتيها وماسمعتش انك تسيبيها غرقانة

٦_ عادة لما بتقعى فى مشكلة أو أزمة اى ان كان نوعها
بتعملى ايه وبتلجائى لمين يساعدك
اى مشكلة بكل امانة مش بطلب من حد مساعدة علشان ربنا عمره ما سابنا هو اللى بيحل اى مشكلة حتى لو الضيقة طالت اكيد هاييجى وقت وتتحل

٧_ لو انتى فى بنك وتعملى محاسبة وفى حد عايز يستعلم عن حساب حد بدون علمه ودى اسرار شغل طبعا هتتعاملى ازاى ولايه هتتصرفى التصرف دا
هاقوله يا فندم ماينفعش اقولك اى معلومات لكن حضرتك لو مصر اوى تقدر تدخل للمدير تستأذنه
واخلص منه بقى مش ناقصة انا

٨_ لو حد طلب منك طلب صعب انك تعملى هترفضى من اول مرة ولا هتاحولى تعيدى تفكيرك يمكن تقدري تساعد
هحاول اعمله ولو ماقدرتش هاعتذر عنه

٩_ لو نفترض يعنى من منطلق الافتراض ربنا مايجيب مشاكل لما بتحصلك
مشكلة فى الشغل فجاءة كدا بتتعصبى ولا بتفكرى كتير فى حلها ولا بتسيبيها على ربنا ولا بتحليلها بطريقة ودية
على حسب نوع المشكلة لو قدرت اجيب حقى بكل حكمة هاعمل كدة لو ماقدرتش هاسيب ربنا يتصرف

١٠_ لما اولادك بيطلبوا منك طلبات غريبة بتتصرفى ازاى أو طلبات صعبة انك تحققيها فى نفس الوقت اللى هما عايزين فيه
لو قدرت اعملها هاعملها لو مش فى مقدرتى اعملها هاتفاهم معاهم انه صعب الطلب دة يتعمل وان مش كل حاجة بنبقى عايزينها نقدر نجيبها

ميرسي يا ماريت يا سكررررررر
مووووواه

[marit jesus]

المشاركة الأصلية كتبت بواسطة sama smsma

ميرسي يا ماريت يا سكررررررر
مووووواه

العفو ياسوسو ياقمرررررر

[sama smsma]

انا جييييييييت اهو

[marit jesus]

المشاركة الأصلية كتبت بواسطة sama smsma

انا جييييييييت اهو

نورتى ياروووووحى

[ميرو]

كويس محصلكيش موقف هتصدقي لو قولتلك واحد رفع عليا السكينه قبل كدا سكينه

[marit jesus]

المشاركة الأصلية كتبت بواسطة ميرو

كويس محصلكيش موقف هتصدقي لو قولتلك واحد رفع عليا السكينه قبل كدا سكينه

سكينة ياميرو يانهار اسود ودا اتصرفتى معاه ازاى

[ميرو]

المشاركة الأصلية كتبت بواسطة marit jesus

سكينة ياميرو يانهار اسود ودا اتصرفتى معاه ازاى

الموقف ده كنت في ثانوي ومش موقف ده مواقف عشان بقا مدرسه بنات ومش مدرسه وحده بس وانتو عارفين يعني ايه مدرّارس بنات يعني تكاتك والشباب قدام الباب مش الشارع بس حاجه قرف
كنت وقتها في سنه تانيه ثانوي واليوم ده كان امتحانات عملي والعملي ده اللي يخلص يمشي وبكدا الشارع كان فاضي الشارع طويل شويه وانا وبنت خالتي خرجين من المدرسه عشان نركب الاتوبيس في الشارع بتاع المدرسه كان ف شباب في نص الشارع اللي بعيد وواحد قرب لينا شكلة محشش وماسك سكينه بنت خالتي كانت ماشيه من بره وانا من جوه شافته رجعت وخلتني في الوش فجاة اتلقيته حطها قدامي مابين وشي ورقبتي ماتعرفيش ازاي عديت ب القوه اللي جبتها دي ومن جوايا حاجه مايعلم بيها اللي ربنا هو شكله محشش مش حاسس بحاجه عديت وبنت خالتي جات ورايا حط قدامها فبعدت قولتلها وانتي رجعتي ليه من الاول
بصي فجاة اتحطت قدامي سكينه وعديت بقوة من ربنا ماتعرفيش ازاي
هو كان ممكن عمل اااي حاجة تخيلي واحد يرفع السكينه هل ده عاقل اؤ حاسس بنفسه

[marit jesus]

المشاركة الأصلية كتبت بواسطة ميرو

الموقف ده كنت في ثانوي ومش موقف ده مواقف عشان بقا مدرسه بنات ومش مدرسه وحده بس وانتو عارفين يعني ايه مدرّارس بنات يعني تكاتك والشباب قدام الباب مش الشارع بس حاجه قرف
كنت وقتها في سنه تانيه ثانوي واليوم ده كان امتحانات عملي والعملي ده اللي يخلص يمشي وبكدا الشارع كان فاضي الشارع طويل شويه وانا وبنت خالتي خرجين من المدرسه عشان نركب الاتوبيس في الشارع بتاع المدرسه كان ف شباب في نص الشارع اللي بعيد وواحد قرب لينا شكلة محشش وماسك سكينه بنت خالتي كانت ماشيه من بره وانا من جوه شافته رجعت وخلتني في الوش فجاة اتلقيته حطها قدامي مابين وشي ورقبتي ماتعرفيش ازاي عديت ب القوه اللي جبتها دي ومن جوايا حاجه مايعلم بيها اللي ربنا هو شكله محشش مش حاسس بحاجه عديت وبنت خالتي جات ورايا حط قدامها فبعدت قولتلها وانتي رجعتي ليه من الاول
بصي فجاة اتحطت قدامي سكينه وعديت بقوة من ربنا ماتعرفيش ازاي
هو كان ممكن عمل اااي حاجة تخيلي واحد يرفع السكينه هل ده عاقل اؤ حاسس بنفسه

الحمدلله ربنا سترها عليكم لا طبعا اكيد مش عاقل طبعا هو اللى يعملكدا يبقى عاقل
ربنا يحمى بناته ويستر عليهم بظل جناحيه
قدر ولطف ياميرو كويس ان ربنا انقذكم منه