وجبـــــــة روحيـــــ(†)ــــــــــة يوميـــــــــة

[Mary Naeem]

3فَالآنَ يَا رَبُّ خُذْ نَفْسِي مِنِّي لأَنَّ مَوْتِي خَيْرٌ مِنْ حَيَاتِي». الموضوع ما يستحملش أنا والشعب ده , لازم تأخذ واحد فينا إحنا الإثنين , يعنى يا تأخذ هذا الشعب ,يا تأخذنى أنا , عجيبة يا يونان ده أنت لسة كنت بتصرخ لربنا وتقول له نجى حياتى وبتشكر ربنا أنه نجاك , دلوقتى ما بقيتش طايق حياتك ومش عايزها , والحاجة العجيبة أن يونان فكر فى الإنسحاب من الحياة ومن الخدمة فى الوقت اللى نجح فيه , يعنى الخدام المفعوصين يجربوا تجربة شديدة ويفكروا ينسحبوا من الخدمة لما يلاقوا الخدمة فاشلة ومفيش حد بيتغير ومفيش ثمر , فييأسوا ويقولوا مفيش فايدة ويمتنعوا عن الخدمة , لكن يونان حقق نجاح وكمان نجاح 100 % فى خدمته , ولكن نجاحه هذا قاده إلى الإحساس بالفشل لأنه ماكانش عايز كده , دى رحمة ربنا اللى هى موضوع تسبيح وشكر القديسين جعلها يونان موضوع تعيير لله وتذمر عليه , كأن ؤبنا يتصف بالرحمة وبالرأفة ده عيب كبير ربنا يبقى كده , ووصل بيه الحال أنه بيقول لربنا لو ينبغى أن تحيا نينوى إذا ينبغى أن أنا أموت , وأنا لا أقدر أن أرى أن كلامى وكلامك وقع فى الأرض وأنه لم ينفذ , ويونان بالضبط بيمثل الأبن الكبير فى مثل الإبن الضال اللى لما شاف أن أخوه الصغير رجع وأبوه عمل ليه الوليمة , زعل وما رضيش يدخل , وهو ده بالضبط اللى عمله يونان , وهذا أيضا رمز لشعب إسرائيل اللى هم ماكانوش عايزين الأمم يتمتعوا بخلاص ربنا , وعلشان كده إتحول من اللحظات اللى كان بيشكر فيها ربنا عن حياته ونجاته , ودلوقتى أصبحت حياته عبء ثقيل عليه ,وقال لربنا أنهى بقى حياتى , وهو ده حال الإنسان بتيجى أوقات كثيرة ما يبقاش طايق حياته ويقول لربنا كفاية بقى , وفى فرق بين بولس الرسول اللى بيقول لى إشتياق أن أنطلق وأكون مع المسيح , وفرق بين يونان اللى بيقول موتى خيرا من حياتى , بولس عنده شهوة الإنطلاق لأنه بيشتاق لربنا , لكن يونان عنده نوع من القرف من الحياة وشايف أن الحل إنه يموت , لكن اللى مفروض أن أحنا نعيشه أننا نستعد للحظة الموت لكن نترك لربنا الوقت والطريقة اللى يأخذنا بيها , لكن ينبغى أن أحنا نكون مستعدين ولا نقول لربنا خذنا , وهنا بانت أن طاعة يونان اللى طاعها أنها طاعة ظاهرية ولكن من داخله هناك تذمر فى القلب .

[Mary Naeem]

4* 4فَقَالَ الرَّبُّ: «هَلِ اغْتَظْتَ بِالصَّوَابِ؟». يعنى اللى مضايقك أن أنا بأعمل الصح يا يونان , لأن يونان لسة مش قادر يقبل الدرس لأن كل اللى رابط يونان هو محبته الشديدة جدا لشعبه ومش قادر يشوف أن الشعب الغريب الوثنى بيتوب بينما شعبه مش قادر يتوب ويتغير وإن الهلاك بدلا ما حاييجى فى الوثنيين , فالهلاك حاييجى ويصيب شعبه , واللى بيدل أن يونان بيحب شعبه نجده فى سفر ملوك الثانى إصحاح 14: 23- 27 23فِي السَّنَةِ الْخَامِسَةَ عَشَرَةَ لأَمَصْيَا بْنِ يَهُوآشَ مَلِكِ يَهُوذَا، مَلَكَ يَرُبْعَامُ بْنُ يُوآشَ مَلِكِ إِسْرَائِيلَ فِي السَّامِرَةِ إِحْدَى وَأَرْبَعِينَ سَنَةً. 24وَعَمِلَ الشَّرَّ فِي عَيْنَيِ الرَّبِّ. لَمْ يَحِدْ عَنْ شَيْءٍ مِنْ خَطَايَا يَرُبْعَامَ بْنِ نَبَاطَ الَّذِي جَعَلَ إِسْرَائِيلَ يُخْطِئُ. 25هُوَ رَدَّ تُخُمَ إِسْرَائِيلَ مِنْ مَدْخَلِ حَمَاةَ إِلَى بَحْرِ الْعَرَبَةِ حَسَبَ كَلاَمِ الرَّبِّ إِلَهِ إِسْرَائِيلَ الَّذِي تَكَلَّمَ بِهِ عَنْ يَدِ عَبْدِهِ يُونَانَ بْنِ أَمِتَّايَ النَّبِيِّ الَّذِي مِنْ جَتَّ حَافَرَ.26لأَنَّ الرَّبَّ رَأَى ضِيقَ إِسْرَائِيلَ مُرّاً جِدّاً. لأَنَّهُ لَمْ يَكُنْ مَحْجُوزٌ وَلاَ مُطْلَقٌ وَلَيْسَ مُعِينٌ لإِسْرَائِيلَ. 27وَلَمْ يَتَكَلَّمِ الرَّبُّ بِمَحْوِ اسْمِ إِسْرَائِيلَ مِنْ تَحْتِ السَّمَاءِ، فَخَلَّصَهُمْ بِيَدِ يَرُبْعَامَ ابْنِ يُوآشَ.هنا يونان بعد توبة أهل نينوى بيقول مش معقول حاتفضل كل الخدمات بتاعتى أن أنا أكلم شعب غريب أممى وأترك شعبى كده , وعايز أعمل حاجة لشعب إسرائيل , وهنا بيورينا أن ملك إسرائيل يربعام بيغلط وكمان شعبه بيغلط يعنى الناس كلها ضايعة لكن بسبب يونان حصل حاجة أن هذا الملك بالرغم من شره ومن شر شعبه قدر يسترد بعض المدن من سوريا لحد بحر العربة وده يورينا أن يونان وقف يشفع ويقول لربنا يارب أنت بتخلص شعب نينوى وشعبك بتتركه مذلول ومهزوم من مملكة آرام , وربنا لم يشأ أن يمحو إسرائيل فخلصهم بيد يربعام بن يوآش و اللى حركته نبوة يونان , وهو ده اللى عمله يونان وقف يشفع لشعبه لكى يصنع ربنا خلاص لهذا الشعب , وربنا كما تحنن على نينوى نجده أيضا تحنن على مملكة إسرائيل وقام بتأجيل هلاك إسرائيل لفترة بسبب شفاعة يونان اللى بيحب شعبه جدا , حقيقى عجيب هو ربنا , ده يونان اللى بيقول لربنا آه منك يارب , يونان اللى أعترض على ربنا فى كل كبيرة وصغيرة ونشوف ربنا قد أيه بيحايله وبسبب شفاعته بينتصر شعب إسرائيل على مملكة آرام وتسترد الأراضى اللى كانت قد فقدت منها ,ولكن ربنا أحب أن يعطيه درس.

[Mary Naeem]

5*5وَخَرَجَ يُونَانُ مِنَ الْمَدِينَةِ وَجَلَسَ شَرْقِيَّ الْمَدِينَةِ وَصَنَعَ لِنَفْسِهِ هُنَاكَ مَظَلَّةً وَجَلَسَ تَحْتَهَا فِي الظِّلِّ حَتَّى يَرَى مَاذَا يَحْدُثُ فِي الْمَدِينَةِ. خرج يونان من المدينة ومرضيش يقعد , طيب ليه خرج من المدينة ؟ هناك سبب من أتنين
1- إما شاعر إن هذه المدينة نجسة وبالرغم حتى من توبتها مش عايز يقعد فيها ومازال مترفع عنها
2- أو فى ذهنه أن ممكن الله يهلك المدينة ويحرقها ولذلك خليه هو بره المدينة لوجيه منعزلا عن هذه المدينة , وده العجيب أنت عملت اللى عليك يا يونان طيب قاعد ليه ما تمشى وتروح لشعبك , لأ ده قاعد بينظر للمدينة , وقال أن ممكن ربنا يرجع فى كلامه , وبعدين بيقول صنع لنفسه مظله , والمظلة دى صنعها بنفسه أو هى رمزا لآراءه الشخصية ومعتقداته ومش ربنا هو اللى عملها ليه .

[Mary Naeem]

6فَأَعَدَّ الرَّبُّ الإِلَهُ يَقْطِينَةً فَارْتَفَعَتْ فَوْقَ يُونَانَ لِتَكُونَ ظِلاًّ عَلَى رَأْسِهِ لِيُخَلِّصَهُ مِنْ غَمِّهِ. فَفَرِحَ يُونَانُ مِنْ أَجْلِ الْيَقْطِينَةِ فَرَحاً عَظِيماً. واليقطينة هى شجر اللبلاب , وبنشوف حلاوة ربنا هنا أنه صعبان عليه أن يونان مغموم ومش قادر يفهم فراح ربنا باعت ليه اليقطينة تريحه وتهدئه , ويونان فرح بيها جدا والعجيب أنه بعد ما فرح بيها لم يشكر ربنا عليها , وحا نشوف إزاى اللى فرح بيها قوى سببت ليه غم شديد قوى.

[Mary Naeem]

7*و8*7ثُمَّ أَعَدَّ اللَّهُ دُودَةً عِنْدَ طُلُوعِ الْفَجْرِ في الْغَدِ فَضَرَبَتِ الْيَقْطِينَةَ فَيَبِسَتْ. 8وَحَدَثَ عِنْدَ طُلُوعِ الشَّمْسِ أَنَّ اللَّهَ أَعَدَّ رِيحاً شَرْقِيَّةً حَارَّةً فَضَرَبَتِ الشَّمْسُ عَلَى رَأْسِ يُونَانَ فَذَبُلَ فَطَلَبَ لِنَفْسِهِ الْمَوْتَ وَقَالَ: «مَوْتِي خَيْرٌ مِنْ حَيَاتِي». وبنشوف الإنفعالات الشديدة والعواطف المتقلبة من قمة الفرح إلى قمة الغم واليأس والتعب طيب ليه ؟ لأن يونان لم يشكر ربنا على اللى ربنا أعطاهوله , وعلشان كده سبب الفرح بتاعنا يتحول نفسه إلى حزن , فربنا بيعلمه هنا درس هذه اليقطينة , وكأن ربنا بيقول له أنت زعلان على يقطينة وهى شىء واحد ومش عايزنى أزعل على 120 ألف كانوا حايضيعوا , يعنى أنت زعلان على حاجة واحدة وكمان جماد ومش عايزنى أزعل على 120 ألف نفس

[Mary Naeem]

* 9فَقَالَ اللَّهُ لِيُونَانَ: «هَلِ اغْتَظْتَ بِالصَّوَابِ مِنْ أَجْلِ الْيَقْطِينَةِ؟» فَقَالَ: «اغْتَظْتُ بِالصَّوَابِ حَتَّى الْمَوْتِ». 10فَقَالَ الرَّبُّ: «أَنْتَ شَفِقْتَ عَلَى الْيَقْطِينَةِ الَّتِي لَمْ تَتْعَبْ فِيهَا وَلاَ رَبَّيْتَهَا الَّتِي بِنْتَ لَيْلَةٍ كَانَتْ وَبِنْتَ لَيْلَةٍ هَلَكَتْ. 11أَفَلاَ أَشْفَقُ أَنَا عَلَى نِينَوَى الْمَدِينَةِ الْعَظِيمَةِ الَّتِي يُوجَدُ فِيهَا أَكْثَرُ مِنِ اثْنَتَيْ عَشَرَةَ رَبْوَةً مِنَ النَّاسِ الَّذِينَ لاَ يَعْرِفُونَ يَمِينَهُمْ مِنْ شِمَالِهِمْ وَبَهَائِمُ كَثِيرَةٌ!». يعنى أنت زعلان على واحدة ومش عايزنى أزعل على 120 ألف , وكمان هذه اليقطينة لم تكن ملكا لك بينما نينوى دى ملكى , واليقطينة دى نبتت فجأة لكن هذا الشعب أنا قمت بخلقهم وإعدادهم منذ أجيال كثيرة , واليقطينة دى أنتهت فجأة لكن هؤلاء خالدين وسيذهبوا إلى الهلاك الأبدى , فأنت يعنى زعلان على الحاجات البسيطة دى , ومش عايزنى أنا أزعل على هلاك شعب وأمة بحالها , لكن أعرف يا يونان أن ذبول اليقطينة أمر وارد ولا يليق أنك تغتاظ من أجله لأن خسارة اليقطينة خسارة طفيفة لأن ظلها لن يستمر لفترة طويلة معاك لأن هذه اليقطينة قابلة للذبول , لأن اليقطينة التى نستظل تحتها بترمز لحاجات معينة أحنا بنقعد تحتيها ونستظل وننصح بيها وقد يكون أشخاص بنتلذذ بيهم وفرحانين بيهم وقد يكون أماكن أو عطايا أو مواهب أو أى أشياء معينة الإنسان بيقعد يستظل وبيلاقى ظل تحتها , ولكن ربنا بيقول له لا تجلس تحت اليقطينة وتستظل لأن اليقطينة أمر فانى , لكن أستظل تحت جناحيا , فاليقطينة تفنى ولكن الله لا يفنى ويجد الأنسان فى الله كل ما يعوضه عن خسائره , ولذلك ربنا أعطاه درس كبير قوى عن أهمية النفس وقيمة النفس , وعلشان كده تعرف قيمتك فى نظر ربنا , وكما رأينا الأبن الضال لما رجع على أيدين أبوه المحبة , لكن لما راح عند أبوه عرف قيمته أنه يلبس الجزمة ويوضع الخاتم فى أيديه ويلبس الحلة الأولى ويذبح له العجل المثمن ويتعمل ليه وليمة , يعنى أكتشف قيمته لما راح عند أبوه , ولكن قيمته كانت ضايعة لما كان بعيد عن أبوه .
وعلشان كده سفر يونان هذا بيورينا قد أيه قيمة النفس البشرية وقد أيه أن الله بيسعى ناحية هذه النفس علشان يجيبها وينجيها من الهلاك , وشفناه بيقول لدانيال أنت محبوب وقيمتك أنك محبوب , وبيقول لأشعياء أنت لى وقيمتك كبيرة فى نظر الله , وهذا ما نراه فى قصة نينوى , ففى الإصحاح الأول ربنا أتكلم مع يونان , وفى الإصحاح الثانى يونان أتكلم مع ربنا , وفى الإصحاح الثالث ربنا إتكلم مع نينوى , وفى الإصحاح الرابع يونان أتكلم مع الله , وهذا هو الخادم ربنا بيكلمه فى الأول وبعدين هو يرد على ربنا وبعدين يطلع يكلم المخدومين وبعد ما يكلم المخدومين يرجع ويعطى التقرير لله , فربنا قاد يونان فى ثلاثة مدارس
1- مدرسة الصلاة وعلمه الصلاة
2- مدرسة الألم والتجربة وعلمه منهما
3- مدرسة الخلوة
ويونان أخذ ثلاث خلوات
1- فى جوف السفينة وأتعلم درس عن الإيمان من خلال إيمان البحارة
2- فى جوف الحوت وأتعلم درس عن الرجاء
3- فى شرق نينوى وأخذ درس عن المحبة من خلال اليقطينة
وعلشان كدة بنخرج بالنتيجة النهائية أن الله كل تدابيره ناجحة حتى لو الإنسان عصاه فلابد أن الله ينجح , وكما رأينا يونان يعصى , وربنا بعصيان يونان يخلص أهل السفينة , ويونان يطاوع فبطاعته بيخلص أهل نينوى , ومن خلال التعامل مع كل الخليقة العاقلة والجامدة , الله ينجح فى تنفيذ تدابيره , وأخيرا أحب أن الكل يسأل نفسه
1- يا ترى أنا محتاج لإيمان وثقة فى ربنا ؟
2- والا حياتى محطمة وأنا محتاج لرجاء ؟
3-والا أنا محتاج درس فى المحبة من خلال قيمتى فى نظر الله وقيمة الآخرين عند الله ؟ , ولذلك فى خلوة مع النفس أشوف أنا محتاج أى درس منهم ؟.

[Mary Naeem]

يُونَانَ
اسم عبري معناه ((حمامة)) و الصيغة اليونانية لاسم "يونان" هى يونا وهو يونان بن أمتاى وكلمة أمتاى تعني الحق , وهو من جت حافر (ملوك الثانى 14: 25 ) و جت حافر تقع في الجليل وهى إحدى مدن سبط زبولون (يش 19: 13 ، 1مل 4: 10 ) وهي تبعد مسافة ساعة سيرًا على الأقدام عن الناصرة، فهو جليلي كما كان السيد المسيح من الجليل , ومن الآراء ولك أن تصدقها أو لاتصدقها أنه جاء في التقليد اليهودي الذى يؤكد أنه ابن أرملة صرفة صيدا الذي أقامه إيليا النبي (1مل17) ويرى البعض أنه كان مناسبًا أن يرسل يونان للأمم حيث أن أمه أممية ,تمسك يونان بغيرة و وطنيه شديدة و كراهية لأعداء أمته حتى أنه هرب من المهمة التي كلفه بها الرب و هي الكرازة لأهل نينوى لأنه رأي في أشور التي كانت نينوى عاصمتها عصا تأديب سيستخدمها الرب ضد أمته عقابا لها على شرورها فلم يشأ يونان أن تؤدي إرساليته إلى نينوى لبقائها و عدم القضاء عليها في حالة توبة أهلها و فضل التخلي عن مسؤوليته كنبي لكي لا يكون هو الشخص الذي عمل على نجاة أعداء أمته من الهلاك .

[Mary Naeem]

نِينَوَى
كانت نينوى عاصمة للإمبراطورية الأشورية في أوج عظمتها قديماً في بعض القرون السابقة للميلاد.
وكان العبرانيون يعممون اسم نينوى حتى يشمل كل المنطقة حول التقاء الزاب بدجلة (تك 10: 11 و 12، يون 1: 2و 3: 3).
بني نينوى شعب بابلي الاصل (تك 10: 11).
وكانوا يعبدون الآلهة عشتار، او عشتاروت، التي اشتركت في عبادتها معظم شعوب العالم القديم تحت اسماء مختلفة.

[Mary Naeem]

نِينَوَى
موقعها : قد شيدت على الضفة الشرقية من نهر دجلة، على فم رافد صغير فيه، المعروف برافد الخسر، على بعد خمسة وعشرين ميلاً من التقاء دجلة مع الزاب، وقبالة الموصل و تقع أطلال نينوى على بعد نحو نصف الميل إلى الشرق من نهر دجلة ، في ضواحي مدينة الموصل حاليا . وأهم هذه الأطلال مرتفعان ، الأكبر منهما يقع فى الشمال الغربي ، ويعــــرف باســــــم " كيونجيك " QUYUNJG أى( غنم كثير ) ، وتبلغ أبعاده نحو 650 ياردة عرضا x نحو ميل طولاً ، وبارتفاع نحو 90 قدما فوق مستوى السهل حوله ، ويفصله عن المرتفع الجنوبي الغربي المعروف باسم " النبي يونس " ورافد الخسر ، وتقوم عليه الآن قرية وجبانه ومسجد يقال إن به قبر يونان ( يونس ) النبي ، ووجود المسجد يحول دون القيام بالتنقيب عن القبر .

[Mary Naeem]

نِينَوَى
الاسم : " نينوى " هو اسم الإلهة " عشتار "
مكتوبا بالرموز المسمارية على شكل سمكة داخل إطار ،
ولكن لا علاقة له بالكلمة العبرية " نون " ( أى سمكة )
والأرجح أنه من أصل حوراني و في الاشورية ننوا أو نينا.
مدينة في بلاد الرافدين على ضفة دجلة الشرقية قرب مصب حوصر. .