ديوان الديوان مع روائع الشاعرة souad jaalouk

[souad jaalouk]

هيدي الدّني

غرقاني ببحر البكي

وسفينة بلا ربّان

تايهة بمتاهات ملبّكي

تفتّش ع مينا أمين

تحطط مرساتها وترتاح

من هموم العمر المسودني

وهيدي هيي الدّني

غربال ما بينقى منو الحكي

أوجاع مخباية بعيون ما بتشتكي

صرخات مكبوتة بقلب مشتاق

لأيّام بيضا مليانة أشواق

ما بتعرف الّا العيش الهني

مش هيك هيي الدّني

الدّني دني بس نحنا

كتاب سطورو مسودني

ومنقول هيدي هيي الدّني

[souad jaalouk]

خطرت ع بالي هاك الأيّام


ع السكت متل دراج الأحلام


وطلعلي هاك الطّيف ومتل


بصر منام


سرق منظ°ي حلاوة الأوهام


وسمّرني بمطرحي



وقال من هون لا تتزحزحي


إنت مكتوب عليك السفر


بدنيتي انا ...


من غير وراق أو أقلام

[souad jaalouk]

متل اليوم انتهى المشوار

متل اليوم ولعت النار ..

وأخدت معها حلم العمر ..

وتركت تلاتة وحدهن بالدار ...

متل اليوم .. غفيت عيونك ...

رحت وفليّت ...

وحمل تقيل عليي خليّت ...

وما ارتاحت ظنونك ...

لحتى حملت الصليب وقدامك مشيت ...

وتقلت الأحمال ...

وصارت متل جبال ...

وبعدها ومنها ما اكتفيت ...

وبعدني متل ما يكون بأول المشوار...

متل اليوم ... ضاع الحلم

كل اللي كان صار وهم

وتخزّقت الصور

وخرطش عليها القدر

والجلجلة بلشت متل هالنهار ...

وبعدها ... وبعدني بأول المشوار

[souad jaalouk]

ع دراج الورد



كتبتلك غنيي



وخليت الوعد



يحكيني ويناديني



وقلتلك بعد ...



لصوب القمر لاقيني



هونيك بجد




حكايا الود



يمكن تبقى تحكيني



وتقلك هالقد



ضيّعت مني سنيني

[souad jaalouk]

روعة فنوني



كتير اليوم عنك سألوني


وكتروا التطليع بعيوني


فكرهن رح أهرب وما رد



وبواب المناقشة بوجهن سد


خليتهون من اللّفتة المجنوني



يتداولوا عن اسرار مرهوني



ويشقلبوا بين ديهون الأخبار



ويحتار فيهن الفكر يحتار



ويعيشوا بين الشّك وواليقين



ويألفوا عنّا اخبار ودواوين



ويعيشوا بالقهر المساكين



ومش همّ ولو قالوا مجنوني


بركي هيك بيعرفوا روعة فنوني

[souad jaalouk]

إمرأة ثائرة



أريدك امرأة ثائرة ....


فثوري على كلّ ما هو ممنوع ...


ثوري على التقاليد .. على القوانين ...


على الاعراف ، على أخلاق مزّيفة ...


هي كما الملك المخلوع ...


أعلنيها ثورة ، وتمردّي ....


فقلّة من يملك هذا القلب الثائر المجنون ...


قوليها ... أعلنيها حربا ...


ومزّقي أشرعة الضباب وانثريها ...


نِتفا كما الطائر الموجوع ...


كوني مثله وإن بالسّهام رُشِقَ ...


لا يحلّق الا عاليا ...


ولا يستسلم للممنوع ...


أحبّكِ ثائرة ... همجيّة ...


ترفضين الذّلّ والخنوع ...


رجلٌ شرقيٌّ أنا ...


وأطلب منكِ بحقّ الله ....


بحقّ القديسين والانبياء


بحقّ ملكنا يسوع ....


تمرّدي ... ثوري ... اقطعي المسافات ..


فهناك حيث لا مسافات ... ولا حدود ..


وحين تصِلينَ ....


اهدأي ... توقفي ... وعودي كما


كنتِ أنثى بريئة .... هادئة ...


طائعة وغلّي بين الضلوع ....

[souad jaalouk]

دقت ع بابي اليوم وبالصدفي




هاك الإيّام الكانت بالوعد مختلفي


فتحت الباب شوي


وبنظرة حزيني خطي


رمقتها ومن دون ايّا كلّمي ...


سكّرت بابي وشوي وع مهلي


ورجعت اوقف وقفة حبّ لمملكتي


غبت عنها كتير


رحلة عمر .. وما أطول هالرحلي ...!!!!

[souad jaalouk]

ياااا رب بنهار جديد







تزيد علينا النعمة وتعيد







يا رب اعطيني القوي







فرّح كلّ الحولي







وخلّي ايامهن متل







ليالي العيد







يااااا رب بنهار جديد ...











ياااااا رب وعدني انك







تخلّيني بجنب قلبك







ومهما تآلبت الاحمال







وعليي كترت الأتقال







مش غبرة بجنب صلبك











وياااا رب العيش الهني







لولادي وسع الدني







ما بيوم ينضاموا







ولا بيوم يتوانوا







عن قلبك وحبك هالغني











وباااا رب ان شي يوم من الإيام







بلحظة سرقتني الأحلام







وغرقت بنقطة من الأوهام







رجعني طفلة زغيري







خالية من اللوم والحيري







ونضف قلبي وعقلي من الملام











ويااااا رب مشوار الدني مرقة







بيخلص بغمضة عين







خليني بقلبك هاك الورقة







المليانة بالحب والخير والحنين







وان حاولت الايام تسرقني سرقة







ردني لإيديك المليانين







بالمحبة وبالحنان...







بالرضى وبالأمان ..







انا مش أكتر تحت اجريك







شمعة دايبة ومحترقة ...

[souad jaalouk]

شوية حكي ...





بالحلا ملوّنة ...





بآهات بغناني ...





بنغمات من السّما





للأرض هرباني ...





بتضوي عتم اللّيالي ..





بتخبّر خبريات الغالي ...





شوية حكي ..





من حالها خجلانة ...





بتسأل شو صار ؟ وشو بكي





شوية حكي ...





بينتفّوا العيون من البكي ...





وبيخلّوا القمر ...





يعشق معنا السّهر ...





ويحكيلك ويحكيلي ...





بشوية حكي ...





بتصير السّفرة قريبي ...





وما تعود تسأل ليش ملبكي ...





بشوية همس وبوح وحكي ...

[souad jaalouk]

طيورٌ مهاجرة



في ظلام الليل الداجي
في هدأته الساكنة ...
أجلس في زاوية الشرفة
أنظر الى السماء
أحصي نجومها
أرقب طيورها الراحلة ...
أسافرمع لفحة هواء باردة
أرحل مع النسمات الشمالية ...
أبحر عبر النسيم
الذي يداعب ستائري
فاراها تتراقص ...
وتضرب باصرارعلى وجهي
وتوقظني من زهوة احلامي
لتجعلني ابصر واقعي
لتجعلني اتخبط من جديد
في لججي السوداء ...
ارى احلامي تنساب كالنسيم
لتحطّ على شجرة حزينة...
ثمّ تغفو ...
وتبقى مجرد أحلام
تمحوها مرور الايام
أمدّيدي لالتقط نجمة
كنت قد زرعتها لي ولك
فاراها اصبحت بعيدة
أبعد من أن تطالها يدي
أبعد من أن يتخطاها
حدود واقعي الاليم
تلك النجمة انطفأت
وأنوارها ذبلت
من ايامي ... رحلت
رحلت كطيور الشتاء
المهاجرة ... لكن دون أمل بالرجوع
رحلت برحيلك ....
لتسكن بالقرب منك
في كوخك الابدي
أجل رحلت ولم يبق منها
سوى ذلك الوميض الذي
يطلّ عليّ مع رحيل آخر
شعاع من شعاعات الشمس
ذلك الوميض الذي يبهر
ابصاري لحظة ... ثمٌ يختفي
ليغرق في العدم ...
ليعود في اليوم التالي من جديد ....