اكبر مجموعة ايات من الكتاب المقدس مع التأملات

[sama smsma]

احْتَرِزْ مِنْ أَنْ تُكَلِّمَ يَعْقُوبَ بِخَيْرٍ أَوْ شَرّ
(تك 31: 24) ..
ممكن تشيل اسم يعقوب و تحط اسمك
فتلاقى ربنا بيقول اوعى تكلم ابنى بخير او شر ،
صدّر ربنا ف وش اى حاجه ممكن تأذيك و سيبه هو يتصرف
هتلاقيه قام بالواجب و زياده و هيحذر إلى يفكر يأذيك ،
ماتخافش ربنا هيقدر يحميك بطريقته .

هو بيحبك اوى و انت غالى عنده اوى ،
قوى علاقتك بيه ،
أعرفه و اتكل عليه و ماتقلقش من حاجه بعد كده

[sama smsma]

"لا تقل لماذا كانت الايام الاولي خيرا من هذه .لانه ليس عن حكمه تسأل عن هذا" ( جا : 7 : 10 )

.. ابني الغالي .. انت عارف اناا بحبك قد ايه النهارده اناا بقولك سيب بكره عليا وزي ما دبرتلك امبارح هدبرلك بكره ماتقلقش انا معاك ومش هاسيبك وهتلاقي كل الي انت عاوزه عندك ،
انا لسه بحبك يابني

[sama smsma]

"ارمي خبزك علي وجه المياه فانك تجده بعد ايام كثيره "
( جا : 11 : 1 )
..
ابني الغالي .. الخير الي انت بتعمله عشاني مش هيضيع اجره

هاتلاقيه حتي لو بعد ايام كتيره واي حاجه انت بتعملها حتي لو بسيطه
انا مش بنساها وبفضل فاكرها عشان هعوضك عنهاا كتير في الايام الي جايه
انا بحبك

[sama smsma]

"فيرجع التراب الي الارض كما كان وترجع الروح الي الله الذي اعطاها" ( جا : 12 : 7 ) ..


ابني الغالي .. اناا عاوزك ترجعلي قبل ما يفوت الاوان

عاوز يبقالك مكان في السما
ارجع يابني الغالي عن الخطيه
وافتح قلبك وصدقني هاترتاح
وحشتني

[sama smsma]

"تحت ظله اشتهيت ان اجلس وثمرته حلوه لحلقي" (نش : 2 : 3 ) ..

تعالي في حضني واتحامي فيا وتحت ظلي اقعد
وصدقني ياحبيبي مش هشيلك اي هم ..
هشيل عنك همومك مشاكلك بس تعالي انت

انا جنبك بس انت اديني الفرصه ادخل قلبك
اديني الفرصه اشيل عنك

[sama smsma]

"اسمعي ايتها السموات واصغي ايتها الارض لان الرب يتكلم"

( إش : 1 : 2)



.. حبيبي الغالي .. انهارده انا هاخدك معايا رحله في الدنيا

هاوريك قد ايه هي صغيره بنسبه للملكوت
هاتحس بتغيير فظيع بس غمض عينك افتح قلبك

انا لازم اكون جواك الاول

اغير كل الوحش للاحلي

يالا ابتدي واحده واحده وانا معاك ومش هاسيبك

[sama smsma]

"مع كل هذا لم يؤثر غضبه بل يده ممدوده بعد "
( إش : 9 : 21 ) ..


هافضل اقولك لحد اخر نفس فيك

انك ياحبيبي مهما تعمل هاتفضل غالي ،
انت ابني حبيبي مهما عملت انا لسه بحبك

ومافيش حاجه هاتغيرني ،

انا لسه ايدي ممدوده ليك مش هابعدها عنك ابدا
لسه بدبرلك حياتك ماتقلقش

[sama smsma]

يوميا ببعتلك مليون رسالة يوميا
بحاول بكل الطرق اني اخليك تفوق من الغيبوبه
اللي انت عايش فيها
، تخرج من الدوامه اللي هاتموتك ! ،

كل اللي عايزة انك تعيش ..
وانت كل ردودك عليا بتقولي مش عايز ،
بلاش دلوقتي ، وقت تاني هو انت بجد مش عايز !

انا صدقني حاسس بيك ومقدر ظروفك ومشاغلك وتعبك

حاسس وفاهم كويس جدا كل الحاجات اللي وجعاك بس ..
ماينفعش تفضل كدة

انا صدقني خايف عليك جدا

ياريتك تكون دلوقتي احسن ياريتك ترجع عشان ترتاح

ياريت تعيش قبل ما تموت ياريت يا ابني ، ياريت ..

[sama smsma]

"ويكون في يوم يريحك الرب من تعبك " ( إش : 14 : 3 ) ..

هاريحك من تعبك ، هاشيل عنك همومك ومشاكلك الكتير
اللي دايما بتفكر فيها ،

هامسحلك دموعك الي بتنزل وماحدش بيشوفها

او بيحس بيها غيري ،

هانت ياحبيبي فاضل شويه وهاترتاح من كل ده صدقني
هافضل جنبك مش هاسيبك
وهاتفرح من كل قلبك بس انت ارمي حملك عليا

[sama smsma]

" فقام وانتهر الريح : وقال للبحر : اسكت ابكم ،
فسكنت الريح . وصار هدوء عظيم "
( مر 4 : 39 )


هايديك هدوء وسلام عظيم
وهاينتهر كل الرياح والعواصف اللي جاية على حياتك ..

البحر هيهدا بكلمة منه ..
اطلبه وماتخافش