حــواء فــى استضافــــة ادم والعكـــس

[emy gogo]

المشاركة الأصلية كتبت بواسطة كاتى

لب والسودانى بتهرجو انتو موش تنادو عليا طيب
هاتى انتى ياماريا بس واحنا هنتفرج على ايمى بقى
الدور عليها
انا مش هوصيك عليها دى زى اختى ومش عيزاها تمشى من هنا وتقولى فى سؤال متسالتهوش
اياك موش عيزين نزعلها
يلا ربنا يقدرنى على فعل الخير

تزعلى مين يا كاتى يلا يا بت امشى انتى جاية مع مين النهاردة ههههه
مش انتى كنت امبارح بتوصينى على اندرو والنهاردة بتوصى عليا انا ماشى يا كاتى محرومه من اللب والسودانى هههههههههههههههههه

[AnDReW SaMiR]

هههههههههههههههه خلى اللب والسودانى يا ماريا وادى شويه لاختك كاتى الحفله هتبدا ناووو

[AnDReW SaMiR]

انا مستحرم ارخم عليها ايمى كانت حنينه خالص

[emy gogo]

المشاركة الأصلية كتبت بواسطة AnDReW SaMiR

انا مستحرم ارخم عليها ايمى كانت حنينه خالص

شوفت انا كنت حونينة ازاى اوعى تسمع كلام كاتى دى عايزة توقعنا فى بعض:confus ed:

[AnDReW SaMiR]

المشاركة الأصلية كتبت بواسطة emy gogo

شوفت انا كنت حونينة ازاى اوعى تسمع كلام كاتى دى عايزة توقعنا فى بعض:confus ed:

هههههههههه ﻻ انا بصراحه ناوى اسمع كلام كاتى

[emy gogo]

المشاركة الأصلية كتبت بواسطة AnDReW SaMiR

هههههههههه ﻻ انا بصراحه ناوى اسمع كلام كاتى

بقى كدة طيب عليا وعلى . حبايبى طبعا متفهمش غلط هههههههههه
انا ناويلك على نيه بيضه ربنا يسمحك بيضة ايه فى الصيام هههههههههه
ناويلك على نيه حلوة

[AnDReW SaMiR]

اعذرينى بقى يا ايمى البنات جهزو لب وسودانى وقطعوا تذكرتين صف اول لازم يتفرجوا على حاجه حلوه

[AnDReW SaMiR]

بصى يا ايمى مبدايا السوال اللى مش يعجبك متجاوبيش عليه

1 : بتشتغلى ايه ومن ساعه كام للساعه كام وليه وفين وازاى ؟

2: ايه راى جوزك فى الشغل هو اكيد موافق طالما لسه بتشتغلى ولسه عايشه بس اسمعها منك ؟

3 : عندك اخوات ولا ﻻ ؟ وكام واحد لو فى ومين افربهم لقلبك وليه ؟

4 : انا عارف ان عندك بنوته قوليلى اسمها ايه وايه قصه الاسم ده ؟

5 : انتى مين شفيعك ولو حد مش معروف اوى قوليلى اتعرفتى عليه ازاى لو مشهور احكيلنا اكتر حاجه بتحبيها فيه ولو عمل معاكى معجزه احكيها

6 : جوازك كان عن حب ولا صلونات وانتريهات وكده : d ؟

7 : ايه احلى هديه جوزك جبهالك ده لو جاب يعنى ؟

8 : مين مثلك الاعلى فى الحياه وليه ؟

9 : ايه اكتر حاجه بتضايقك فى المنتدى عموما وفى كاتى وماريا خصوصا ؟ (جاوبى بصراحه متخافيش منهم )

10 : مين عرفك على المنتدى ده ومين اكتر حد اتعرفتى عليه وبقيتو اصحاب اوى ؟

كفايه دول اول ما تصحى تلاقيهم فى وشك مش عايز اضايقك ع الصبح وانتى ايمى حظك جميل بكره الخميس بروح بدرى وبعده الجمعه يعنى فاضيلك بعون الله

[emy gogo]

المشاركة الأصلية كتبت بواسطة AnDReW SaMiR

بص يا اندرو مبدايا انا ميهمنيش اى اسئلة ولا يهمنى ههههههههه انا مستعده
1 : بتشتغلى ايه ومن ساعه كام للساعه كام وليه وفين وازاى ؟
انا بشتغل سكرتيرة تنفيذية علاقات عامة ( 8 ص : 5 م ) عشان انا مكسب للشركة فى الهرم وازاى يعنى زى الناس
2: ايه راى جوزك فى الشغل هو اكيد موافق طالما لسه بتشتغلى ولسه عايشه بس اسمعها منك ؟
موافق عشان انا معاه فى نفس الشركة يعنى قاعدة على مراوحه اقصد قلبه هههههههههه

3 : عندك اخوات ولا ﻻ ؟ وكام واحد لو فى ومين افربهم لقلبك وليه ؟
عند ثلاثه ولاد واقرب واحد ليه اخويا الكبير
4 : انا عارف ان عندك بنوته قوليلى اسمها ايه وايه قصه الاسم ده ؟
يااااااااااه ماشى فكرتنى بالتصميم بتاعى هى اسمها ايرينى وقصة الاسم كنا محتارين نختار بين جويس ومريم يوم الولاده صليت قبل ما انزل وبعدين جوزى قالى هتسميها ايه جويس ولا مريم فقلت له ايرينى انبسط اووووى وانا جوايا فرحه غير عادية عشان هسمى على اسم حبيبتى تماف ايرينى + ايرينى اتولدت يوم الاحد تانى يوم نياحة البابا شنودة يعنى اتولدت يوم 18/3 بس انا كتبتها يوم 21/3 السبب عشان عيد نياحة ابونا بيشوى كامل
5 : انتى مين شفيعك ولو حد مش معروف اوى قوليلى اتعرفتى عليه ازاى لو مشهور احكيلنا اكتر حاجه بتحبيها فيه ولو عمل معاكى معجزه احكيها
انا شفيعى ابونا بيشوى كامل وتماف ايرينى والبابا كيرلس ومارجرجس وبالذات مارجرجس عشان انا فى ثانوية العامة كنت نازلة فى الانجليزى بس بشفاعته وكنت بحاب معاه يقف معاياه وفعلا نجحت
6 : جوازك كان عن حب ولا صلونات وانتريهات وكده : d ؟
لالالالالالالالالالا كانت قصة كبيييييييييييييرة ( حب طبعا )
7 : ايه احلى هديه جوزك جبهالك ده لو جاب يعنى ؟
ههههههه بص هو جاب كتير وكفاية انه اجمل هدية فى حياتى
8 : مين مثلك الاعلى فى الحياه وليه ؟
ربنا طبعا عشان هو مثلنا وقدوتنا
9 : ايه اكتر حاجه بتضايقك فى المنتدى عموما وفى كاتى وماريا خصوصا ؟ (جاوبى بصراحه متخافيش منهم )
لالالالالا انت كدة بتوقعنا فى خناق بعض هههههههههه
10 : مين عرفك على المنتدى ده ومين اكتر حد اتعرفتى عليه وبقيتو اصحاب اوى ؟
انا بصراحة كنت بدور عن درس للخدمة وبعدين دخلت الموقع وتم تسجيلى هنا واكتر حد اتعرفت عليه هى مدام / مارى نعيم
كفايه دول اول ما تصحى تلاقيهم فى وشك مش عايز اضايقك ع الصبح وانتى ايمى حظك جميل بكره الخميس بروح بدرى وبعده الجمعه يعنى فاضيلك بعون الله

اه بقى كدة ماشى عالعموم انا انهاردة اخر يوم ليا هنا هههههههههه عشان النهاردة الخميس وبكرة اجازة من الشغل يعنى مش هعرف اجاوب

[AnDReW SaMiR]

ههههههههههههههههههه
بصى انا مش مهم عندى اى حاجه اكتر من السوال بتاع ايه اكتر حاجه بتضايقك من كاتى وماريا