برنامج وقعت فى ايد ميرو وماريت

[ميرو]

المشاركة الأصلية كتبت بواسطة sama smsma

هههههههههههههههه يالهووووووووى
ليه كدة يا ميرو دة انا سوسو حبيبتك

اه اتذنبت كذا مرة لما نسيت اعمل الواجب

لا مااخدتش ملاحق خالص

عزيزة دى كانت حاجة مرعبة مش لذيذة خالص

لا ماكنتش بتضرب ف المدرسة كنت بتضرب بس من المستر اللى كان بيدينى درس علشان مش عارفة عكس كلمة بخيل

قعدت اقوله مش بخيل فاتعصب ماعرفش ليه

مش بخيل هههههههههههههههههههههه
ههههههههههههههههههههه فصلتيني

[marit jesus]

المشاركة الأصلية كتبت بواسطة sama smsma

هههههههههههههههه يالهووووووووى
ليه كدة يا ميرو دة انا سوسو حبيبتك

اه اتذنبت كذا مرة لما نسيت اعمل الواجب

لا مااخدتش ملاحق خالص

عزيزة دى كانت حاجة مرعبة مش لذيذة خالص

لا ماكنتش بتضرب ف المدرسة كنت بتضرب بس من المستر اللى كان بيدينى درس علشان مش عارفة عكس كلمة بخيل

قعدت اقوله مش بخيل فاتعصب ماعرفش ليه

مش بخيل هههههههه ومش عارفة ليه ياسمسمة المستر بيزعقلك
عسل بجد ههههههه

[ميرو]

سمسما
عايزه اعرف حكايتك ومعرفتك بالمنتدي من الاول جات ازاي؟
اغرب رساله جاتلك منين وايه هي؟
اكتر حاجه بتفرحك اية هنا ف المنتدي؟
اكتر حاجه بضايقك؟
لما المنتدي كان ف عطل كان ايه رد فعلك؟
موقف حصل ضايقك حصل معاكي ؟
لما بتفتحي بتدخلي علي اي الاول؟

[sama smsma]

المشاركة الأصلية كتبت بواسطة ميرو

سمسما
عايزه اعرف حكايتك ومعرفتك بالمنتدي من الاول جات ازاي؟
عرفت المنتدى من رامز كان لسه عامله جديد وبعتلى ادخله اشارك معاه
اغرب رساله جاتلك منين وايه هي؟
لا مافيش رسايل غريبة بتجيلى الحمد لله مش ناقصة جنان

اكتر حاجه بتفرحك اية هنا ف المنتدي؟
حظك اليوم بعمله وانا فرحانة جدا علشان كان سبب فى ناس كتير دخلت المنتدى بسببه وبيبعتولى يقولولى انهم بيستنوه

اكتر حاجه بضايقك؟
بتضايق جدا من الصوت العالى لو حد زعق

لما المنتدي كان ف عطل كان ايه رد فعلك؟
دة كان وقت وحش اوى فضلت اتطمن كل شوية من رامز ربنا يكون فى عونه بجد .

موقف حصل ضايقك حصل معاكي ؟
لما حد اتاخر عليه فى الرد على رساله يفتكرنى مش عايزة ارد او مش مهتمه واصلا النت وحش جدا او بيكون اسمى موجود بالمنتدى لمدة ساعتين وماعملتش تسجيل خروج
دة بيضايق ان ليه مانلتمسش العذر لبعضنا

لما بتفتحي بتدخلي علي اي الاول؟
بدخل على الرسايل الخاصة لو فى رسايل مبعوته او رسايل الزوار

ميرسي يا ميروووووو يا سكر

[sama smsma]

المشاركة الأصلية كتبت بواسطة ميرو

مش بخيل هههههههههههههههههههههه
ههههههههههههههههههههه فصلتيني

هههههههههههههههههه اعمل ايه منا مخى مش جايب غير كدة وقتها

[ميرو]

المشاركة الأصلية كتبت بواسطة sama smsma

هههههههههههههههههه اعمل ايه منا مخى مش جايب غير كدة وقتها

ههههههههههه معلش اتمعلشي بقا

[marit jesus]

سمسمتى الجميلة شوية أسئلة كدا على الماشى هههههه

١_ سما بالنسبة لك تلات حاجات عايزة اعرف نظرتك لهم ازاى وهما
الماضى بذكرياته المتنوعة الأليمة والمفرحة بتحبى تفتكريه وتعيشى على ذكريات جميلة عليه ولا بتحاولى تنسيه عشان كان فى الم فانتى من اى نوع من الحاجات دى
الحاضر هل نظرتك ايه عنه سلبية ولا إيجابية
المستقبل بتخافى منه ولا مش بتفكرى فيه وسايبها على ربنا ولا بتحلمى أن ربنا يكرمك بحاجات نفسك فيها وبيمثل ليكى المستقبل بمثابة الطموح

٢ سما ايه رايك لبعض مفاهيم فلسفية كدا وانا بقول رايك انتى الخاص مش رأى الفلسفة فيهم
الذات بيمثلك ايه
الطموح
الغرور
الصدق
الكبرياء
الأنانية
الأمانة
العقل
الذكاء
الجنون
الحب
الشفافية والبساطة
٣_فى رايك ياسمسمة هل فى علاقة قوية بين الحب والجنون والعقلانية ولو فى ايه هى العلاقة ولو مافيش برضو ايه سبب عدم وجودها
٤_ فى رايك هل الشفافية فى بعض الأحيان بتبقى غلط او بمعنى اخر ان فى أشخاص ممكن يستغلوا الشفافية والبساطة دى استغلال خطأ ام لا ولماذا
٤_ فى رايك ياسماااااا ايهما افضل من التانى جواز الصالونات ولا جواز عن الحب ولماذا برضو
٥_ ايه رايك فى مفهوم الحب عند الشباب وفهمهم الخاطىء عنه وتنصحيحهم بايه
٦_اية رايك فى الصداقة بين الولد والبنت وفى رايك الزمالة ام الصداقة ولماذا
٧_ ايه رايك فى البنات اللى بتحط ميكاب اووووفر ولابسة ملابس غير لائقة فى الكنيسة وتنصحيها بايه
٨_ نصيحة منك ياسمسمة تنصحى بيها كل الشباب (الاولاد)
٩_ نصيحة تنصحى بيها البنات سواء قبل الارتباط أو بعد
١٠_ فى رايك ياسماااااا أن ايه تصرف خطئ من الأولاد أو البنات بيكون ناتج من سوء تربية الأهالى ليهم ولا فى نظرك مالوش علاقة
١١_ الحياة مليانة بحاجات كتير مختلفة وحاجات كتير خطأ انتى كسما بتتاعملى مع الحاجات دى ازاى أو اول ماابتعرفى حاجة غريبة حصلت رد فعلك بيكون ازاى وانا ماقصدش الحوادث اللى بتحصل اقصد العادات والتقاليد والحاجات الغريبة اللى بتحصل فى بعض الأسر واللى المسلسلات والإعلام بيتكلم عنها زى الللى بيبيع أطفاله والحاجات اللى شبه كدا

[sama smsma]

المشاركة الأصلية كتبت بواسطة marit jesus

سمسمتى الجميلة شوية أسئلة كدا على الماشى هههههه


١_ سما بالنسبة لك تلات حاجات عايزة اعرف نظرتك لهم ازاى وهما
الماضى بذكرياته المتنوعة الأليمة والمفرحة بتحبى تفتكريه وتعيشى على ذكريات جميلة عليه ولا بتحاولى تنسيه عشان كان فى الم فانتى من اى نوع من الحاجات دى
من الغباء التفكير فى اللى فات لو كان مؤلم
نتعلم منه علشان مايتكررش لكن مايكونش محور تفكيرنا طول الوقت
ولو ذكريات حلوة اكيد لازم نفتكرها

الحاضر هل نظرتك ايه عنه سلبية ولا إيجابية
لا ايجابية نشكر ربنا
اى وقت وحش اكييييد بيعدى
كله فى ايد ربنا هو اللى بيدبر

المستقبل بتخافى منه ولا مش بتفكرى فيه وسايبها على ربنا ولا بتحلمى أن ربنا يكرمك بحاجات نفسك فيها وبيمثل ليكى المستقبل بمثابة الطموح
كل ما نسيب اى حاجة فى ايد ربنا بنفرح اوووووى فمابعرفش افكر فى اللى جاى

٢ سما ايه رايك لبعض مفاهيم فلسفية كدا وانا بقول رايك انتى الخاص مش رأى الفلسفة فيهم
الذات بيمثلك ايه
الانسان لازم يتقبل ذاته ويحبها ويطورها

الطموح
الطموح بداية لتحقيق اى حلم بس نجتهد ونتعب علشان نحققه

الغرور
الغرور مش حلو لانه بيخلينا نقع

الصدق
مهم الصدق فى اى تعامل بين اى حد حتى لو هايضايق اى طرف
الصراحة مريحة

الكبرياء
التكبر والكبرياء مش من سمات الانسان المتواضع الناجح

الأنانية
الانانية بتدمر الانسان وبتبعد اللى حواليه عنه

الأمانة
الامانة اساس الفضائل

العقل
ربنا ميزنا بالعقل عن سائر المخلوقات لازم نستغله بحكمة

الذكاء
الذكاء هو طبيعة ف الانسان وقدرة عقلية بطريقة التفكير فى كل الامور

الجنون
الجنون حلو لو بحدود .. انك تعمل كل حاجة تفرحك بس بعقل

الحب
الحب مشاعر واحساس جميل وتفاهم بين قلبين

الشفافية والبساطة
الشفافية دى موهبة من ربنا لو كان الانسان بسيط بيقدر يشوف كل حاجة حواليه بسيطة ومش معقدة و ربنا بيكشفله حاجات حلوة كتير

٣_فى رايك ياسمسمة هل فى علاقة قوية بين الحب والجنون والعقلانية ولو فى ايه هى العلاقة ولو مافيش برضو ايه سبب عدم وجودها
كل شيء ف الدنيا ماينفعش يكون بتفكير متهور او بدون تفكير
لازم العقل يتدخل فى الحب بحكمة وعقلانية وتفكير سليم
الجنون فى الحب بيعطى الحب رونق حلو اوى بعيد عن الروتين بس زى ما قولنا لازم مايكونش بتهور

٤_ فى رايك هل الشفافية فى بعض الأحيان بتبقى غلط او بمعنى اخر ان فى أشخاص ممكن يستغلوا الشفافية والبساطة دى استغلال خطأ ام لا ولماذا
ام اكيد كلنا مش ملايكة وممكن نتصرف غلط ونستغل اى موهبة ربنا اداهالنا بطريقة غلط

٤_ فى رايك ياسماااااا ايهما افضل من التانى جواز الصالونات ولا جواز عن الحب ولماذا برضو
اساس الحب والارتباط التفاهم
ممكن على فكرة جواز الصالونات ينجح جدا جدا لو الشخصين ربطتهم مودة ومحبة وتفاهم الامور بتكون فى الاول تعود والحب بيملى قلبهم
بس انا عن نفسي اشجع اكتر الحب قبل الجواز لانه بيدعم العلاقة بين الطرفين جدا وبينجحها اكتر

٥_ ايه رايك فى مفهوم الحب عند الشباب وفهمهم الخاطىء عنه وتنصحيحهم بايه
الشباب متهور جدا مش عقلانى انصحهم بالتروى فى اختيار شريك حياتهم وانهم يصارحوا بعض بأى حاجة حتى لو كانت هاتضايق
فأساس اى علاقة ناجحة هو التفاهم والصراحة


٦_اية رايك فى الصداقة بين الولد والبنت وفى رايك الزمالة ام الصداقة ولماذا
الصداقة بين ولد و ولد و بنت وبنت افضل لانها بتكون اريح
مع ان حوالينا كتير بنشوف صداقات بين ولد وبنت وبتكون علاقة حلوة نقية فى حدود الإخوة مابتتعداش عن كدة بس نادرة اوى


٧_ ايه رايك فى البنات اللى بتحط ميكاب اووووفر ولابسة ملابس غير لائقة فى الكنيسة وتنصحيها بايه
البساااااااااطة البساطة احلى بكتير من التصنع
مافيش بنت ربنا خلقها مش جميلة
كل حد فينا ليه جمال خاص
وكل ما كنا بسطاء نكون اجمل
فى بيت الرب تليق القداسة ياريت مايبقوش سبب عثرة لغيرهم ويحترموا صاحب المكان

٨_ نصيحة منك ياسمسمة تنصحى بيها كل الشباب (الاولاد)
خاف على اى بنت أكنها اختك
لو كل ولد عمل كدة المجتمع اخلاقه هاتبقى افضل

٩_ نصيحة تنصحى بيها البنات سواء قبل الارتباط أو بعد
ماترخصش من نفسها وماتجريش ورا اى وهم
الحذر ثم الحذر ثم الحذر

١٠_ فى رايك ياسماااااا أن ايه تصرف خطئ من الأولاد أو البنات بيكون ناتج من سوء تربية الأهالى ليهم ولا فى نظرك مالوش علاقة
التربية اكيييييد هى الاساس
الطفل اللى بيتربى فى بيت كله خير واخلاق وتدين وتربية كويسة بيطلع انسان سوى واخلاقه كويسة
لكن فى حالات نادرة البيئة المحيطة بيها بتاثر فيها اكتر وبينحرف للاسف وخصوصا فى ظل الظروف اللى حواليه الصعبة مابيكونش عنده طاقة انه يستحملها

١١_ الحياة مليانة بحاجات كتير مختلفة وحاجات كتير خطأ انتى كسما بتتاعملى مع الحاجات دى ازاى أو اول ماابتعرفى حاجة غريبة حصلت رد فعلك بيكون ازاى وانا ماقصدش الحوادث اللى بتحصل اقصد العادات والتقاليد والحاجات الغريبة اللى بتحصل فى بعض الأسر واللى المسلسلات والإعلام بيتكلم عنها زى الللى بيبيع أطفاله والحاجات اللى شبه كدا
الانسان دايما مابيحاولش يتعب بيحب كل حاجة تيجى بالساهل
السهل دايما مرغوب فيه حتى لو كان غلط
لازم الانسان يتعب ويشتغل ويفشل ويحاول كذا مرة ويكون عنده امل انه هايقدر يحقق اللى عايزه من غير اللجوء للغلط

ميرسي كتييييير يا ماريت يا سكر
انا ماعرفش رديت على كل دة ازاى
بس الحمد لله طلعت منها سليمة ومافيش اصابات

[marit jesus]

المشاركة الأصلية كتبت بواسطة sama smsma

ميرسي كتييييير يا ماريت يا سكر
انا ماعرفش رديت على كل دة ازاى
بس الحمد لله طلعت منها سليمة ومافيش اصابات

انا اللى ميرسى ياسمسمتى على المعلومات الحلوة اللى قولتيلها
واحنا بنستفاد كتير من النصائح الحلوة اللى بتقوليها ووجهات النظر
الرائعة
الحمدلله هههههه مافيش اصابات ربنا مايجيب اصابة

[ميرو]

سؤال انتي عرفتي اامنتدي من رامز
هو انتو
قرايب .. صحاب ... ولا