وجبـــــــة روحيـــــ(†)ــــــــــة يوميـــــــــة

[Mary Naeem]

فالعبد فى بيت ابى افضل مما انا فيه
سيرى يا نفسى بسرعه فى الرجوع اليه
حضرى نفسك للتوسل ان يقبلنى من العبيد
ترجى يا عينى ولو رؤيه وجه ابى القدير
تعلمى يا روح الضال كيف تتوسلى اليه
فرعونتك كانت طريقك لكوره الخنازير
ويمر الطريق الطويل وانا وحدى اسير فيه
وفجأة دق قلبى مما رأته العين
من يجرى نحوى انا العاق الضال الأثيم
من يهرع الى بخطوات طائره غير منتظر قدومى ليه

[Mary Naeem]

من هناك ينتظرنى انا المخطئ اليه
انه
ابــــــــــــــــى القدوس البار القدير
ابـــــــــــــــــــــى الحانى نفسى اقولك كلمتين
ولكن هيهات وهيهات لم يستمع لى
بدموعه احتضنى وانا المتسخ بشرى لم يأنف منى
فى حضنه رمانى بحب ليس له مثيل وانا نفسى اقوله اقبلنى كعبد يا قدير
كم حضنك دافى يا ابى الرؤوف الرحيم

[Mary Naeem]

البستنى حلتى من جديد والبستنى خاتمك وارجعتنى امير
لماذا ما فعلته بك يا حبيب ولماذا قبلتنى من جديد امير
ولماذا كنت تنتظرنى
ولماذا ذبحت العجل المسمن من اجلى انا الحقير
لماذا لم تنتظر ان اكمل طريق العودة ليك

[Mary Naeem]

لماذا كنت تنتظرنى انا الخاطى المتهاون المقصر مبدد ميراثى العظيم
لماذا ولماذا ولماذا .........................ودينى نحوك كبير يا قدير
اشكرك يا عظيم يا من ضمنى بمراحم ليس لها مثيل
اشكرك يا قدير يا من احتوانى فى جراحه التى انا من صنعها لك بيديه
اشكرك يا قدوس يا من احيانى انا الميت واعدتنى امير
فقد ضمنى القدير بحب عجيب
ضمنى انا الضال العاق المتهاون فى ميراثى العظيم
ربى ضمنى اليه
وعلى صدره اتكئنى انا التراب الحقير
ضمنى بحبه واعدنى امير من جديد
كم انت عظيم وقدير

[Mary Naeem]

القديس هانوليوس الأمير

[Mary Naeem]

كل الضيقات ستذوب وتختفي بقوتي

[Mary Naeem]

يحفظ الرب كل محبيه
(مز 145: 20)

[Mary Naeem]

الأبن الضال


شفنا فى عدد 29 حديث الأخ الأكبر مع أبوه وإزاى أن الأب خرج يطلب أليه أو يسعى نحو مصالحته ونحو إدخاله للبيت مرة أخرى , بينما الأخ الأكبر نجد فى أسلوب كلامه بيقول وأجاب وقال لأبيه ها أنا أخدمك , ولم يرضى أن ينطق بكلمة يا أبى وكأنه تعمد إغفال هذه الكلمة وكأنه عايز يقول له أنت لست جديرا أن أنت تكون أبويا , وهى نفس غلطة الأخ الأصغر اللى شعر أنه رافض تلك الأبوة , ولكن الأخ الأصغر لما رجع , كان أول كلمة قالها أخطأت يا أبى وأعترف بإحتياجه لهذه الأبوة وقال له ها أنا أخدمك سنين هذا عددها

[Mary Naeem]

الأبن الضال


ساعات الإنسان يقول لربنا بقالى فترة كبيرة جدا بأعبدك وبأصوم لك وبأصلى لك وبأحضر الإجتماعات وبأمارس طقوس وهى دى عبارة ها أنا أخدمك أو ها أنا أعبدك , لكن تعالوا نشوف نوع الخدمة اللى كان هذا الأبن بيخدمها لأبوه , طيب هو كان بيعمل أيه لأبوه ؟,ولو دققنا فى القصة سنجد أن هو كان راجع من الحقل أو من الغيط أو من الشغل فى الأرض , وكأن إهتمام هذا الأخ الأكبر منصب كله ومركز على أعمال الأرض أو على الأعمال المرتبطة بالأرض أو على الأعمال المرتبطة بالجسد , وكل تركيزه وكل خدمته , زى ما حايكون كل عبادة أحنا بنقدمها لربنا هى عبادة جسدية شكلية وأيضا من أجل أمور جسدية , يعنى ما بنصليش إلا لما بنبقى عايزين أمور جسدية , ولا نبدى حماس روحى إلا من أجل أمور جسدية سواء إحتياجات أو شفاء أو نجاح أو إرتباط أو أى شىء من الأشياء , يعنى مستوى الخدمة اللى بيننا وبين ربنا أو العبادة اللى أحنا بنقدمها لربنا كلها على مستوى الأرضيات أو على مستوى الغيط أو على مستوى الأكل لكن خدمته كانت على مستوى الجسد فقط ولم يكن فيها أى نوع من الأعمال الروحية ولم يكن لها أى مستوى على المستوى الروحى , وقوله سنين هذا عددها قط , بيخدم ربنا أو بيخدم أبوه لكن عمره ما شعر بالشركة اللى بينه وبين أبوه , وعمره ما حس برابطة الحب اللى بيشرحها ليه أبوه بعد كده ويقول له ألست تعلم أن كل ما لى هو لك , وأن أنا وأنت واحد , الحقيقة مشكلة كبيرة جدا أن الإنسان يخدم ربنا سنين هذا عددها بأصوام وصلوات وممارسات , لكن كل خدمته اللى بيقدمها لربنا على مستوى الجسد , وعلى مستوى الحقل , وماقدرش يدرك مستوى الروح

[Mary Naeem]

الأبن الضال


الشركة والألفة والحب والوحدانية بين الاخ الاكبر وبين هذا الأب , والأخطر من كده بيقول له وقط لم أتجاوز وصيتك , ومفيش ولا مرة وهى دى معنى كلمة قط أو مطلقا , وماكسرتش وصية من الوصايا اللى أنت بتقولها , لكن هو أطاع الوصية حرفيا ونفذ الكلمة حرفيا لكن عجيبة , بالرغم من أن الإنسان بيطاوع الكلمة وبيطاوع الوصية حرفيا لكن فى نفس الوقت كسر قلب أبوه , يعنى شكله أنه بيطاوع كل الوصايا على مستوى الجسد لكن كسر قلب أبوه لأنه ما قدرش يحس ولا يدرك محبة أبوه ولا يفرح بيها , وعلشان كده خطر جدا أن أنا أكون بأصوم وبأصلى وبأقدم خدمة وشكلى أن أنا ما بأكسرش وصايا لكن فى نفس الوقت بأكسر قلب ربنا وبأحطم العلاقة , أو علاقة الحب والشركة والوحدانية اللى بينى وبين ربنا , وبعدين بيقول وجديا لم تعطنى قط , يعنى أنا من جهة المطلوب منى ما قصرتش فى حاجة مطلقا , أما أنت لم تكافئنى ولا بحاجة صغيرة مطلقا ولم تعطنى أى حاجة , ما هو ساعات الأنسان يقف قدام ربنا ويقول له أنا صمت لك وصليت لك وخدمتك وحضرت إجتماعات وأعطيت عشور , وأنت عملت لى أيه ؟ أعطيتنى أيه ودفعت لى كام ؟ وبعدين فى الآخر يطلع ربنا غلطان أن ربنا لم يعطيه ولا حاجة , حتى الجدى أو الحاجة الصغيرة والحاجة القليلة القيمة , لم تعطنى لأفرح , يعنى مأعطيتنيش حاجة علشان أفرح بيها يا رب , ولم آخذ حاجة , فأخطر شىء أن العلاقة بين الإنسان وبين الله تتحول إلى علاقة النفعية , لأنها فى النهاية تؤدى إلى عبودية