اكبر مجموعة متنوعة من أقوال الأباء وكلمة منفعة

[sama smsma]

كيف أشعر أن الله يهتم بي ،
إن كنت أصلي ولا استجاب ؟
كل صلاة توافق مشيئة الله مستجابة .
فإن شعرت أن صلاتك لم صلاتك لم تستجب ، فلا بد


1 - من الجائز أن الله يعد لك خيراً أفضل مما تطلب .
2 - أو أن الله سيستجيب طلبك ، ولكن في الوقت المناسب حسب حكمته . فلا تستعجل ولا تقلق ،
إنما آمن واستجابته .
3 - تحتاج أيضاً أن تتعود انتظار الرب ،
كما انتظر أبونا إبراهيم وأعطاه الرب نسلاً في الحين الحسن ،

وكما أعطي زكريا و اليصابات .
4 - ومن الجائز أن ما تطلبه ليس مفيداً لك ،
أو ليس مفيداً الآن . إن الله يعطيك ما ينفعك ،
وليس حرفية ما تطلبه .
5 - أو قد توجد خطية معينة تعوق استجابة صلاتك .


قداسه البابا شنودة الثالث

[sama smsma]

التأديب أرحم جداً جداً من لحظه في الجحيم
مهما كانت تجربتك
مهما كانت العلقه بتاعتك
أبونا داود لمعي

[sama smsma]

- تعبير حب أساسي جدا عند ربنا
هو أنك تحبه في الغلابة - تحبه في التعبانين ..
- لذلك ينفع جدا في أسبوع الآلام أنك تزور مرضى
وتزور فقراء لأن عمل الخير لا يتعارض مع حب ربنا ..

- إذا كنتوا بتخدموا الناس دي طول السنة
فبالأولى تخدموهم في أسبوع الآلام
لأن أنت رايح تشوف المسيح المصلوب في المريض
والفقير والمعوق ...
- فلو أنت مش طايل تطيب جراحات المسيح
طيبها في جراحات ناس تانية .. !!

أسبوع الآلام
أبونا داود لمعي

[sama smsma]

( لماذا انتي حزينة يا نفسي )
حايل نفسك .. انت زعلان ليه .. ايه يعني وقعت .. ؟؟
قوم تاني , حاول تاني , بدل فيك نفس حــاول ..
وربنا لسة بيحبك ..
هوه ربنا مقلش انا بكره الاشرار ..
قــال انا بكره الشر .. لكن مقلش بكره الاشرار ..
فـيبقي لسه بيحبــــك ...!!
( الصـديق يسقـط ويـقـوم )


تأمل الحق نفسك ..
أبونا داود لمعي

[sama smsma]

- عُيُونٌ مُتَعَالِيَةٌ، لِسَانٌ كَاذِبٌ، أَيْدٍ سَافِكَةٌ دَمًا بَرِيئًا.
( أم 17:6 )
أول شر أو طبع شرير يكرهه ربنا العين اللي تبص من فوق
(( خطية التعالي - التكبر - الكبرياء ))
الكبرياء أكتر خطية تعطل الأنسان عن خلاصه ..

العيون المتعالية
أبونا داوود لمعي

[sama smsma]

- في بيوت المسيح يحب يقعد فيها ويبات فيها
لأنها بيوت كلها حب وتواضع وبساطة
وهي دي البيوت اللي يطلق عليها ربنا يسوع :
(( هذا هو موضع راحتي - ها هنا أسكن لأني أَرَدْتُ ))

ذي بيت عنيا ( بيت مريم ومرثا ولعازر )
اللي قضى فيه أغلب أسبوع الآلام .
- بيت عنيا يعني بيت العناء
وهو رمز للألم وربنا يسوع في البيت المتألم يحب يسكن ..
فلو في حياتك ألم بيتك من البيوت اللي يختارها المسيح
عشان يدخلها والألم يقصد ألم التجربة
وألم الصليب وليس ألم الخطية.

- بيت عنيا رمز لكل بيت فيه وجع وحزن
يقول عنه السيد المسيح : (( هاهنا أسكن لأني أخترته ))
فربنا لا يحب يسكن في قصور ولا يحب رفاهية .. !!

أسبوع الآلام
أبونا داود لمعي

[sama smsma]

ازاى نقدر نستفيد من الأيام الباقية فى الصوم و أسبوع الآلام؟


١. زيارة مريض في ايام البصخة وأكثروا منها ..
٢. لو في حد زعلان منك لازم تصالحه اليومين دول
٣. التليفزيون يتقفل .. الفيسبوك ..
ونركز مع ربنا بالقرأة والانجيل
٤. نقلل الرفاهية شويه في الفترة الباقية من الصوم ..
(خطوة في درجة النسك)
٥. ياريت الفترة اللي باقية نصلي ١٠ مزامير كل يوم
ونركز علي طلب الرحمة ..
٦. اللي يقدر يعمل ميطانيات بقدر الإمكان
٧. اشبعوا بحضور القداسات
٨. بلاش ننزل أسبوع الالام للمشتريات ..
ونوزع الموجود ونفرح غيرنا ..
٩. اللي ما اعترفش يلحق يعترف
١٠. اي خروجه ممكن تتأجل نأجلها ..
وأي قرار نقدر نأجله نأجلها خاصتا القرارات الكبيرة ..
١١. الإكثار من صلاة يسوع ..
١٢. احذروا بشدة من شيطان الغضب وشيطان الادانة
١٣. مسموح للناس تقل في الخدمات
في سبيل زيادة القراءة والصلاة
١٤. ترك الشغل يومين او ثلاثة للتفرغ للعبادة ..
بقدر الإمكان
١٥. تحط صورة للصليب وتقعد قصاده بعض الوقت ..

أبونا داود لمعي

[sama smsma]

ما هو أهمية الحوار بين الآباء والأبناء ... ؟؟
1- التنفيس .. فالطفل يجد راحة نفسية
أنه صديق ماما أو صديق بابا ..
- فأهم هدف للتربية هو إن (( ولادنا يطلعوا أصح ابنا ))
2- نقل الخبرات من الآباء للأبناء من غير ما تحسس أبنك
أنك بتدي له درس عن طريق (( فن الحوار ))
اللي بيعلمهولنا ربنا يسوع في حواره مع السامرية ..

أبجدية التربية
أبونا داود لمعي

[sama smsma]

حتى الأرض المحجرة لم يحرمها الرب من نعمته ،
حتى الأرض المملوءة شوكا بذار الرب وصلت إليها ،
حتى إلى الطريق ....
لأنه " يريد الجميع يخلصون و إلى معرفة الحق يقبلون " .

البابا شنودة الثالث ذهبي القرن العشرين

[sama smsma]

“الحمامة تحب حتى وهي تصارع،
والذئب يبغض حتى وهو يعانق”
القديس أغسطينوس