ترنيمه يا عيون الرب السهرانه طلى على مصر
1_ياعيون الرب السهرانه طلى على مصر
دليها وهى حيرانه دليها لبر
لا صنم ينفعها ولا شمس لا قمر ولا جنى ولا انس
مين ينهى الآم الملايين ويرسى على بر أمين
ياعيون الرب السهرانه طلى على مصر
2_ياذراع الرب الابديه اتمدى لمصر
اعاديها جهل وقدريه فى صراع الدهر
اسحار وغوايه وضلال حطوا رجليها فى اغلال
مين يهدى خطاها للنور ويفك الشعب المأسور
ياذراع الرب الابديه اتمدى لمصر
3_ياسواقى الرب المليانه فيضى على مصر
اروى اراضيها العطشانه وازرعى فى القفر
حولى صحاريها لجنات بدلى لعناتها لبركات
اروى اراضيها انهار ويصير اهاليها ابرار
ياسواقى الرب المليانه فيضى على مصر
4_ياوعود الرب نطق بيها بالبركه لمصر
كونى نور يبدد لياليها كونى بسمه وفجر
حول ياألهنا الآهات لأغانى تعلى بهتافات
بدل احزانها لأفراح خليها تسعد ترتاح
ياعيون الرب السهرانه طلى على مصر
