ترانيم مرحلة الطفولة-موضوع شامل

[nasser]

ترانيم مرحلة الطفولة
موضوع شامل
أولا: النيروز والصليب
لينا جدود شجعان
لينا جدود شجعان أبطال
هم أسود واحنا الأشبال

وقفوا قصاد أقوى الحكام......باستعداد فى أمان وسلام
عمر ما كان فيهم خواف.......م السجان أو م السياف
قابلوا وحوش جعانين هايجين...ما اتخضوش راحوا مبسوطين
دخلوا كمان جوا النيران....باطمئنان وبشوق وحنان
كانوا للدين أحسن حراس...مليانين غيرة وحماس

[nasser]

هيا يا أبرار

1-هيا يا أبرار هيا.....لأورشليم السمائية
فيها حياة أبدية......(ونعيش بسلام مع فادينا)2
2-فى النيروز ذكرى الشهداء....الأبرار الأوفياء
اللى وطنهم فى السماء....عايشين بسلام...
3-لوجه الشيطان فرّقنا....صوت الرب يجمعنا
وسلامه يكون معنا.....ونعيش بسلام...
4-أجدادنا كانوا أبرار....سهروا وجاهدوا ليل ونهار
ونالوا اكليل الأبرار....وعاشوا بسلام...
5-يا أبناء الرسولية....يا أنصار المسيحية
ها تنتهى الدنيا الفانية....ونعيش بسلام...
6-رب احفظنا من الشرور....يا ممجد طول الدهور
وارشدنا لطريق النور....انت ملكنا وفادينا

[nasser]

رتلوا فى عيد النيروز
رتلوا فى عيد النيروز
عيد الشهداء والمعترفين
دا عيد بطرس خاتم الشهداء
رتلوا فى عيد النيروز

1-تعالوا كلوا معانا.....من البلح والجوافة
علشان تفرحوا ويانا....رتلوا...
2-يا بلح أحمر زى دمائهم...قلبك أبيض زى قلوبهم
والبذرة الناشفة دى ايمانهم....رتلوا...
3-والجوافة البيضة دىّ....زى قلوبهم النورانية
دى قلوبهم أعظم هدية....رتلوا...
4-احنا فى أول كل عام....نفتكر الشهدا العظام
دول دافعوا عن سر الايمان....رتلوا...
5-كان يحكموهم وثنيين....طالبين منهم يسيبوا الدين
لكنهم فضلوا رافضين....رتلوا...
6-ياما شافوا من العذابات....لكن وقفوا بكل ثبات
ايماننا صخرة فى الضيقات....رتلوا...
7-يا فرحة.السما بيهم....همّ فوق عند فاديهم
واحنا كمان رايحين ليهم....رتلوا...

[nasser]

البلحة لونها أحمر

1-البلحة لونها أحمر دم سال زمان(2)
على أرضنا ديّه كان أعظم هدية(2)

للفادى الرحمن(2)

2-طعمها حلو مسكّر دى حلاوة الايمان
ده اسم ربنا أحلى ما عندنا

الفادى الرحمن

3-داخلها أبيض منور لون قلب الانسان
قلوبنا طاهرة نقية ما فيهاش الخطية

بعيد عن الشيطان

4-نقايتها ثابتة أكتر دا ثبات الايمان
قلوبنا ثابتة قوية بمحبة وتضحية

للفادى الرحمن

5-نيروزنا نور منوّر على مر السنين
واحنا فيه نتذكر أبائنا القديسين
أكاليل المجد خدوها من ايد ربنا لبسوها

وعاشوا مبسوطين

[nasser]

أهلا بيك يا عيد النيروز

1-(أهلا بيك وبأيامك يا عيد النيروز
بتفكرنا بالشهداء اللى دخلوا الفردوس)2
(باعوا العالم كل العالم واشتهوا يسوع
احتملوا كل الآلام صلوا بالدموع)2

من أجل يسوع..من أجل يسوع
باعوا العالم كل العالم(واشتهوا يسوع)2

2-بالرجاء وحده وبالصلاة وبالايمان
قدموا أرواحهم ليسوع ملك السلام
ما فكّروش فى الحياة ولا حتى فى المال
ولا اهتموش بالظاهر والجاه والجمال
3-من حبهم فى المسيح اتمنّوا الاستشهاد
وأضافوا لتاريخ المسيحية أغلى الأمجاد
منهم قدم نفسه مات وضحى بالحياة
عشان فى قلبه قوة حب واخلاص للاله

[nasser]

احنا أولاد الشهدا

1-احنا أولاد الشهدا وأولاد الايمان
كنيستنا دايما غالبة دى كنيسة الشجعان
فى أورشليم شهداء أبرار لربنا
وفى موكب الأمناء نفديه بدمنا
فى كنيسة المسيح ابليس مالوهش مكان
ده ايماننا قوى وصريح معروف فى كل مكان
2-كنا خمس أطفال ورفقة أمنا
وأربعة أبطال دولاجى أمنا
بنحب بابا يسوع من كل قلبنا
دقنا العطش والجوع وسفكنا دمنا
أطفال لكن شجعان وجاهدنا فى كل مكان
فى عهد دقلديانوس وعهد فاليريان
3-يا كنيسة المسيح يا رايحة للملكوت
ما يهمناش أهوال ولا اضطهاد ولا موت
لو كل يوم ها يروح لالهنا ألف شهيد
نفديه كمان بالروح ما يهمناش تهديد
واحنا دى كل حياتنا فى جهادنا سهرانين
وها ننول فى يوم نصرتنا أكاليلنا فرحانين

[nasser]

لىّ مع الصليب

1-لىّ مع الصليب.لىّ مع الصليب حكاية جميلة.سرّها عجيب
2-فتّحت عينّى.بصيت حواليىّ لقيت الصليب.فى كل الدنيا
3-لقيته خشب.ولقيته ذهب ولقيته فى حياتى.منتهى العجب
4-ولقيته فى البيت.تحته قنديل زيت حبيته من قلبى.غيره ما حبّيت
5-أفتح ايدىّ.أشوف بعينىّ ألقى شكله يشبه.صليب فادىّ
6-والكنيسة حارسها.صليب ومونّسها مين يقدر عليها.والمسيح رئيسها
7-يا حلاوة القربانة.دى جسد اللى فدانا بالمزامير معجونة.بالصليب متزانة
8-وفوق الصينية.صليبك يا مسيا منوّر على المذبح.غافر للخطية
9-وفوق المنارة.علامة واشارة يبارك الناس.ويهدى الحيارى

[nasser]

أهلا أهلا أهلا بك

أهلا أهلا أهلا بك....يا عيد النيروز المجيد
دى ليلة ذكرى شهدائنا....ذكرى آبائنا وأجدادنا
حاتفضل دايما فى قلوبنا....علشان دى ذكرى حبايبنا
تعبوا كتير وقاسوا كتير....م الصغير للكبير
وقفوا وقفة الأبطال....يدافعوا عن الايمان
ضحوا بالدم الغالى....علشان يسوع الفادى
يا ما ملوك ويا ما حكام....وقفوا قدامهم شجعان
واعترفوا باسم المسيح....آمنوا به ايمان صريح
واتمسكوا بالانجيل....والكل نال الاكليل
ليه مانكونش احنا كمان....ندافع عن الايمان
دا احنا أولاد شهداء أبرار....دا احنا أولاد شهداء أبطال
سيرتهم يا ما أحلاها....كل الناس تتمناها
يسوع دايما ويانا....مش ممكن حا ينسانا
والبابا تواضروس معانا....كل يوم بيصلى لنا
احفظه لنا يارب....باركه وبارك كل الشعوب

[Mary Naeem]

ربنا يبارك حياتك

[nasser]

شكرا مارى على المرور الغالى