ترانيم مرحلة الطفولة-موضوع شامل

[بنت معلم الاجيال]

مجهود جميل و ترانيم رائعة
ربنايعوضك

[nasser]

شكرا رونيا على المشاركة الغالية

[nasser]

أنا مسيحى

1-أنا مسيحى أنا مسيحى-------أنا مسيحى دا مفيش كلام
مهما ضربونى وجلدونى-----يسوع يشيل عنى الآلام

أنا مسيحى(5)ده مفيش كلام

2-أنا مسيحى زى أجدادى------اللى جاهدوا من زمان
اللى شهدوا ليسوعنا--------ورفضوا يعبدوا الأوثان
3-أنا مسيحى زى أجدادى------اللى شافوا م الأشرار
ألوان كثيرة من العذابات-----ضرب وجلد وكى النار
4-أنا مسيحى زى أجدادى-------اللى انجرحوا م العذابات
ودمهم سال سال ياما سال------سال أنهار ملت الساحات
5-أنا مسيحى زى أجدادى------اللى لبسوا الأكاليل
علشان ما سابوش المسيح------وقبلوا الموت بالتهليل

[nasser]

صليبى يا صليبى

1-صليبى يا صليبى مصنوع من الخشب
لكن دى قيمتك عندى(أغلى من الذهب)2
2-صليبى يا صليبى دوما أفتخر بك
قدام الناس كلها أرفعك وأعليك
3-صليبى يا صليبى معايا فى كل مكان
فى الصبح أرشم صليبى وفى الضلمة كمان
4-صليبى يا صليبى دوما فيك انتصار
وانت عرش حبيبى ابن الله الجبار

[nasser]

صليب الهنا

1-(فادينا ادانا أقوى سلاح-------سلاح خطير وسلاح جبار
يعيش متهنى يعيش مرتاح-----اللى يسمى ليل ويا نهار)2

باسم الصليب(4)

2-صليب الهنا دا نور ونار-------نور لينا ونار للشياطين
فلما نرشمه باستمرار--------نلقى الشياطين محروقين
3-لما يكون واحد غضبان-------ولا حزين أو فى عذاب
فالصليب ينهى الأحزان------لأنه صليب رب الأرباب
4-قبل ما نشرب قبل ما ناكل-----صليب الهنا يكون مرشوم
فيبقى يسوعنا بنفسه حالل------يخلى نعمته فينا تدوم
5-قبل الخروج قبل الدخول------ف الطلوع وف النزول
يبقى يسوع معاك على طول------لما نصلى ولما نقول
6-اوعى تنساه قبل ما تذاكر------قبل ما تجاوب أى سؤال
يكون قلبك للصليب فاكر------ولسانك بخشوع راح قال

[nasser]

يالا بينا نودع

1-يالا بينا بينا نودع-------سنه مرت مرت علينا
اسمها ايه-------سنة(.........)
ننسى كل كل همومها-------وأحزانها ومشاكلها
نفتكر أيامها الحلوة-----اللى مع يسوع عشناها
جوا كنيسته مع انجيله------مع ألحانه ومع تراتيله(2)
2-يلا بينا بينا نستقبل-------سنه جاية جديدة علينا
اسمها ايه-------سنة(........)
فيها نطلب من يسوعنا-------يحقق لينا كل الخير
ونعيش راضيين مبسوطين------ويّا الهنا القدير
ياربى خللى السنة دى------كلها فرحة مليانة خير

[nasser]

أبواب السنة الجديدة

1-واحنا على أبواب السنة الجديدة
يالا نفكر ونتعلم م اللى فات دروس مفيدة
2-ياللى كنت بتنسى الصلاة اوعى تنسى
دى الصلاة ها تخللى قلبك أكنه موجود فى السما
3-يا ترى فاكر لما يسوع جاله الشيطان
بالصوم غلبه وقاله مش بالخبز وحده يعيش انسان
4-وانت ياللى بتهمل فى قراية الانجيل
فين هاتلاقى نور لطريقك الا فى وصايا الانجيل
5-اجرى بسرعة واوعى تأخر التناول
دا التناول ها يخليك للفردوس انت ها تستاهل
6-وسط مشاغلك اوعى تنسى المسكين
دى العشور ها تخللى مالك القليل زى الملايين

[nasser]

ثانيا-الميلاد
فى مذود البقر

1-فى مذود البقر كان نايم مبسوط
النونو الصغير فى التبن محطوط
2-نجوم السماء من بعيد نظروه
وهو فى المذود محل ما حطوه
3- البقر بينعّر وصوته مسموع
وهو مش خايف ما بيبكيش يسوع
4-باحبك يا ربى يا ملك لطيف
خللينى مطاوع وقلبى نظيف
5-تعالى ياربى وبات عندنا
وخذنا فى الآخرة لفوق فى السماء

[nasser]

ربنا ربنا

1-ربنا ربنا.جه علشانا ربنا.....ولد فقير زينا.علشان هو أحبنا

بيحبنا بيعزنا....بيحبنا بيعزنا
ربنا ربنا....جه علشانا ربنا

2-أنا سعيد.أنا سعيد.بميلادك يا ربى..ميلادك المجيد.أنشودة تفرح قلبى
3-العدرا فرحت.ببشارة جبرائيل..وقلوبنا هللت.بميلادك عمانوئيل
4-نجم فى المشرق.قد أضاء للمجوس..وقلوبنا شموع.نوّرها الرب القدوس

[nasser]

بتحبنا بتحبنا

1-بتحبنا بتحبنا....بتحبنا يا ربنا
علشان كده جيت لنا....جيت لغاية عندنا

أهلا أهلا أهلا بك يايسوع(2)

2-كل الناس بتحبك....وأنا كمان ياربى
هدايا جميلة قدموا لك....وأنا بأقدم لك قلبى
3-أسعد يوم فى الوجود....يوم ميلادك السعيد
كل يوم بتكون معانا....فيه ياربى بيكون عيد